ವ್ಯಾಲೆಂಟೈನ್‌ ಡೇ ದಿನ ಬೆಳಗಾಗಿತ್ತು, ``ರೀ, ನೀವು ನನ್ನನ್ನು ಪ್ರೀತಿಸುವುದೇ ನಿಜವಾದರೆ ಇವತ್ತು ಇಡೀ ದಿನ ಅಡುಗೆಮನೆ ಕೆಲಸ ನೀವೇ ನಿರ್ವಹಿಸಬೇಕು,'' ಎಂದು ಹೇಳಿ ಹೆಂಡತಿ ಮತ್ತೆ ಮಲಗಿಬಿಟ್ಟಳು.
ಗಂಡ ಏನೂ ಮಾತನಾಡದೆ ಎದ್ದು ಸೀದಾ ಹೊರನಡೆದ.
ಪತ್ನಿ : ಎಲ್ಲಿಗೆ ಸವಾರಿ?
ಪತಿ : ನಾನೀಗಲೇ ಹೋಗಿ ಲಾಯರ್‌ನ ನೋಡ್ತೀನಿ. ನಿನ್ನಿಂದ ನನಗೆ ಡೈವೋರ್ಸ್‌ ಬೇಕು.
ಈ ಪತಿರಾಯ ವಕೀಲರ ಮನೆಗೆ ಹೋದವನೇ ಸ್ವಲ್ಪ ಹೊತ್ತಿನಲ್ಲೇ ಬಂದು ತಿಂಡಿ ತಯಾರಿಸತೊಡಗಿದ.
ಪತ್ನಿ : ಏನ್ರಿ ಆಯ್ತು.... ಇಷ್ಟು ಬೇಗ ವಾಪಸ್ಸು ಬಂದ್ರಿ?
ಪತಿ : ನೀನೇ ವಾಸಿ.... ಅಡುಗೆ ಮಾಡಲು ಹೇಳಿದೆ. ಅಲ್ಲಿ ಆತ ಹೆಂಡತಿಯ ಸೀರೆ ಒಗೆಯುತ್ತಿದ್ದ!
ಪತ್ನಿ : ಏನ್ರಿ, ಸದಾ ಆ ಹಾಳು ಮೊಬೈಲ್‌ನಲ್ಲೇ ಮುಳುಗಿರ್ತೀರಿ.... ಮನೆಯಲ್ಲಿ ಹೆಂಡತಿ, ಮಕ್ಕಳ ಜೊತೆ ಮಾತನಾಡುತ್ತಾ ತುಸು ಕಾಲ ಕಳೆಯಬಾರದೇ?
ಪತಿ : ಹಾಗೇ ಆಗಲಿ ಬಿಡು.
ಸ್ವಲ್ಪ ಹೊತ್ತಿಗೆ ಮನೆಯನ್ನು 2 ಸಲ ಸುತ್ತಿ ಬಂದ ಪತಿರಾಯ ಹೆಂಡತಿಗೆ ಹೇಳತೊಡಗಿದ.
ಪತಿ : ಅದ್ಸರಿ, ಇವತ್ತು ಏನು ಅಡುಗೆ ಮಾಡ್ತಿದ್ದಿ? ಈ ಕಡೆ ಬಾತ್‌ ರೂಮ್ ಟೈಲ್ಸ್ ಉಜ್ಜಿ ತುಂಬಾ ದಿನ ಆಯ್ತು ಅನ್ಸುತ್ತೆ, ಸ್ವಲ್ಪ ಅದನ್ನು ನೋಡು. ಬೇಗ ಒಂದು ಕಪ್‌ ಬಿಸಿ ಬಿಸಿ ಟೀ ಮಾಡು ಮಾರಾಯ್ತಿ. ಅದಿರಲಿ.... ನೀನು ಈ ತಿಂಗಳ ಖರ್ಚಿನ ಬಾಬತ್ತು ಹೇಳಲೇ ಇಲ್ಲವಲ್ಲ....? ನನ್ನ ಕೆಲವು ಶರ್ಟ್ಸ್ ಗುಂಡಿಗಳು ಹೋಗಿವೆ, ಸ್ವಲ್ಪ ಹೊಲಿದು ಕೊಡು. ಕೆಲವು ಹೊಲಿಗೆ ಬಿಟ್ಟಿವೆ. ಮಿಷನ್‌ನಲ್ಲಿ ಹೊಲಿದುಬಿಡು. ಆಮೇಲೆ......
ಪತ್ನಿ : ಇಗೊಳ್ಳಿ..... ನಿಮ್ಮ ಮೊಬೈಲ್ ಪೂರ್ತಿ ಚಾರ್ಜ್‌ ಆಯ್ತು. ಅದನ್ನು ನೋಡುತ್ತಾ ಆ ಸೋಫಾ ಮೇಲೆ ಕೂತಿರಿ, ಟೀ ಕೊಡ್ತೀನಿ.
ಪತಿರಾಯ ಕೈ ಕಟ್‌.... ಬಾಯ್ಮುಚ್‌!
ಪತಿ ಪತ್ನಿ ಇಬ್ಬರೂ ಒಂದೇ ಪ್ಲೇಟ್‌ನಿಂದ ಪಾನಿಪೂರಿ ಸವಿಯುತ್ತಿದ್ದರು. ಪರಸ್ಪರ ಕಣ್ಣಲ್ಲಿ ಕಣ್ಣಿಟ್ಟು ನೋಡಿಕೊಳ್ಳುತ್ತಿದ್ದಾಗ, ಪತ್ನಿ ರೊಮ್ಯಾಂಟಿಕ್‌ ಮೂಡ್‌ನಲ್ಲಿ ಕೇಳಿದಳು, ``ಮದುವೆ ಆಗಿ ಇಷ್ಟು ವರ್ಷ ಆಯ್ತು.... ಆದರೂ ನನ್ನ ಕಣ್ಣಿನಾಳದಲ್ಲಿ ಇನ್ನೂ ಏನೋ ಹುಡುಕುತ್ತಿದ್ದೀರಿ....'' ಎಂದು ನಾಚಿಕೊಂಡಳು.
``ಹುಡುಕೋದೇನು ಬಂತು ಕರ್ಮ..... ಸ್ವಲ್ಪ ಮೆಲ್ಲಗೆ ತಿನ್ನು.... ನನ್ನ ಸರದಿಯೇ ಬರುತ್ತಿಲ್ಲ!'' ಎಂದು ಪತಿ ಪೆಚ್ಚಾಗಿ ಹೇಳುವುದೇ?
ಗುಂಡ ಮಹಾ ಕರ್ರಗಿದ್ದ. ಅವನಿಗೆ ಬಿಳಿಯ ಉಡುಪುಗಳೆಂದರೆ ಬಲು ಇಷ್ಟ. ಹೊಸ ಅಚ್ಚ ಬಿಳಿಯ ಪೈಜಾಮಾ ಕುರ್ತಾ ಧರಿಸಿ ಹೆಂಡತಿಯ ಮುಂದೆ 3-4 ಸಲ ಸುಳಿದಾಡಿದ. ಅವಳು ಏನೂ ಹೇಳದೆ ತನ್ನ ಕೆಲಸ ಮಾಡುತ್ತಿದ್ದಳು.
ಗುಂಡ ತಡೆಯಲಾರದೆ ಕೇಳಿಯೇಬಿಟ್ಟ, ``ನಾನು ಈ ಹೊಸ ಡ್ರೆಸ್‌ನಲ್ಲಿ ಹೇಗೆ ಕಾಣ್ತಿದ್ದೀನಿ?''
``ಗೋಣಿಚೀಲ ರಹಿತ ಇಜ್ಜಲು ಮೂಟೆಗೆ ಸುಣ್ಣ ಬಳಿದ ಹಾಗೆ!'' ಎಂದಾಗ ಗುಂಡ ದೌಡು.
ಗುಂಡ ತನ್ನ ಹೆಂಡತಿಯನ್ನು ಆಸ್ಪತ್ರೆಗೆ ಸೇರಿಸಿದ್ದ. ಅವಳನ್ನು ಐಸಿಯು ವಾರ್ಡಿಗೆ ಶಿಫ್ಟ್ ಮಾಡಿದಾಗ ಗುಂಡ ಬಿಕ್ಕಿ ಬಿಕ್ಕಿ ಅತ್ತುಬಿಟ್ಟ. ಅವಳಿಗೆ ಪ್ರಜ್ಞೆ ಮರಳಲು 2 ಗಂಟೆ ಕಾಲ ಬೇಕು ಎಂದರು.
