ಇಂಡಿಗೋ ವಿಮಾನಗಳ ರದ್ದತಿಯ ಕಾರಣ ಡಿಸೆಂಬರ್ 3 ರಿಂದ 5 ರವರೆಗೆ ವಿಮಾನ ನಿಲ್ದಾಣಗಳಲ್ಲಿ, ಸಿಲುಕಿಕೊಂಡಿದ್ದ ನಮ್ಮ ಪ್ರಯಾಣಿಕರಿಗೆ 10,000 ರೂ.ಗಳ ಪ್ರಯಾಣ ವೋಚರ್ ನೀಡಲಾಗುವುದು ಎಂದು ಇಂಡಿಗೋ ವಿಮಾನಯಾನ ಸಂಸ್ಥೆ ತಿಳಿಸಿದೆ.
2025ರ ಡಿಸೆಂಬರ್ 3, 4 ಹಾಗೂ 5 ರಂದು ಪ್ರಯಾಣಿಸುತ್ತಿದ್ದ ನಮ್ಮ ಗ್ರಾಹಕರಲ್ಲಿ ಕೆಲವರು ವಿಮಾನ ನಿಲ್ದಾಣಗಳಲ್ಲಿ ಹಲವು ಗಂಟೆಗಳ ಕಾಲ ಸಿಲುಕಿಕೊಂಡಿದ್ದರು. ಅವರಲ್ಲಿ ಕೆಲವರು ದಟ್ಟಣೆಯಿಂದಾಗಿ ತೀವ್ರ ಪರಿಣಾಮ ಎದುರಿಸಿದ್ದಾರೆ ಎಂದು ಇಂಡಿಗೋ ವಿಷಾದದಿಂದ ಒಪ್ಪಿಕೊಳ್ಳುತ್ತದೆ. ಅಂತಹ ತೀವ್ರ ಪರಿಣಾಮಕ್ಕೊಳಗಾದ ಗ್ರಾಹಕರಿಗೆ ನಾವು 10,000 ರೂ.ಗಳ ಮೌಲ್ಯದ ಪ್ರಯಾಣ ವೋಚರ್ಗಳನ್ನು ನೀಡುತ್ತೇವೆ. ಮುಂದಿನ 12 ತಿಂಗಳುಗಳವರೆಗೆ ಯಾವುದೇ ಭವಿಷ್ಯದ ಇಂಡಿಗೋ ಪ್ರಯಾಣಕ್ಕೆ ಈ ವೋಚರ್ಗಳನ್ನು ಬಳಸಬಹುದು" ಎಂದು ವಿಮಾನಯಾನ ಸಂಸ್ಥೆ ತಿಳಿಸಿದೆ.
ಹಲವಾರು ದಿನಗಳವರೆಗೆ ನೂರಾರು ವಿಮಾನಗಳನ್ನು ರದ್ದುಗೊಳಿಸಿದ್ದಕ್ಕಾಗಿ ತೀವ್ರ ಆಕ್ರೋಶ ಮತ್ತು ಕ್ರಮವನ್ನು ಎದುರಿಸುತ್ತಿರುವ ವಿಮಾನಯಾನ ಸಂಸ್ಥೆ, ರದ್ದಾದ ವಿಮಾನಗಳಿಗೆ ಅಗತ್ಯ ಮರುಪಾವತಿಯನ್ನು ಈಗಾಗಲೇ ಖಚಿತಪಡಿಸಿಕೊಂಡಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಪರಿಹಾರ ವಿಮಾನ ಟಿಕೆಟ್ ಮರುಪಾವತಿಗೆ ಜೊತೆಗೆ ಸರ್ಕಾರ ಆದೇಶಿಸಿದ 5,000 ರೂ.ಗಳಿಂದ 10,000 ರೂ.ಗಳ ಪರಿಹಾರ ನೀಡಲಾಗುವುದು ಎಂದು ಸಂಸ್ಥೆ ಹೇಳಿದೆ.
