ಪಾಕ ಕಲೆಯಲ್ಲಿ ರುಚಿ, ಸುಗಂಧ, ಸಂಸ್ಕೃತಿಗೆ ಹೆಸರಾಗಿ ಇಂದಿನ ಮಾರುಕಟ್ಟೆಯನ್ನು ಆಳಲು ಬರುತ್ತಿದೆ `ಲಾಲ್ಜಿ ಗೋಧೂ ಅಂಡ್ ಕಂಪನಿ’ಯ ಇಂಗು. ಇದರ ಕಥೆ ಅತಿ ಪ್ರೇರಣಾದಾಯಕ.
ಅದು 1894ರ ಕಾಲ. ಲಾಲ್ಜಿ ಹಾಗೂ ಗೋಧೂ ಒಟ್ಟಾಗಿ ಬೆರೆತು ಇದನ್ನು ಸ್ಥಾಪಿಸಿದರು. ಅಲ್ಲಿಂದ ಶುರುವಾಯ್ತು ಸುಂದರ ಜರ್ನಿ. ಅದು ಪೀಳಿಗೆಯಿಂದ ಪೀಳಿಗೆಗೆ ಮುಂದುವರಿದಿದೆ. ಅದು ಯಶಸ್ವಿ ಮಾತ್ರವಲ್ಲ, ಅತಿ ರೋಚಕವಾಗಿದೆ. ಇದರ ಆರಂಭ `ಇಂಗಿ’ನ ಒಂದು ಉಂಡೆ ಆಗಿತ್ತು. ಇದಕ್ಕೆ ಸೂಕ್ತ ರುಚಿ, ಸುಗಂಧ ಒದಗಿಸುವ ಕೆಲಸವನ್ನು ಸಾವಿರಾರು ಜನರ ತಂಡ ವಹಿಸಿಕೊಂಡಿತು. ಮುಂಬೈನಲ್ಲಿ ಆರಂಭವಾದ ಈ ದಂಧೆ ನಮ್ಮ ದೇಶ ಮಾತ್ರವಲ್ಲದೆ, ಇಡೀ ವಿಶ್ವದಲ್ಲೆಲ್ಲ ಪ್ರಸಿದ್ಧಿ ಪಡೆದಿದೆ.
ಇಂದು LG ಇಂಗು ಪ್ರತಿ ಮನೆ ಮನೆಯನ್ನೂ ತಲುಪಿದೆ. ಯಾವ ವ್ಯಂಜನ ಇದರಿಂದ ಹೊರತಲ್ಲ. ಇದನ್ನು ವಿಶ್ವವಿಡೀ ತಲುಪಿಸಲು ಈ ಮರ್ಚೆಂಟ್ ಪರಿವಾರಕ್ಕೆ ಸುಲಭವಾಗಿತ್ತೇ? ಖಂಡಿತಾ ಅಲ್ಲ, ಆಗೆಲ್ಲ ಈಗಿನಂತೆ ಸೊಫೆಸ್ಟಿಕೇಟೆಡ್ ಯಂತ್ರಗಳೂ ಇರಲಿಲ್ಲ, ಟೆಕ್ನಿಕ್ಕೂ ಇರಲಿಲ್ಲ. ಪ್ರತಿ ಪ್ರಾಡಕ್ಟ್ ನ್ನೂ ಕೈಗಳಿಂದಲೇ ಕಲಸಿ, ನಾದಿ, ರುಚಿಕರ ಇಂಗಾಗಿ ರೂಪಿಸಲಾಯಿತು. ಬನ್ನಿ, ಈ ಮರ್ಚೆಂಟ್ ಪರಿವಾರವನ್ನು ಮುಂದೆ ಕೊಂಡೊಯ್ದ ತಾಯಿ ಹೀನಾ ಮರ್ಜೆಂಟ್ ಹಾಗೂ ಮಗಳು ರಿದ್ಧಿ ಮರ್ಚೆಂಟರ ಬಾಯಿಂದ ವಿವರವಾಗಿ ಕೇಳಿ ತಿಳಿಯೋಣ.
ಹೀನಾಜಿ, LG ಇಂಗಿನ ಸ್ಥಾಪನೆ ಹೇಗಾಯ್ತು? ಇದರ ಪ್ರೋಸೆಸ್ ಬಗ್ಗೆ ಹೇಳಿ.
ಈ ಬಿಸ್ ನೆಸ್ 6 ಪೀಳಿಗೆಯಿಂದ ಮುಂದುವರಿದಿದೆ. ಇದರ ಆರಂಭ ಬಲು ರೋಚಕ. ಇದರ ಸಂಸ್ಥಾಪಕರು ಗೋಧೂ ಮರ್ಚೆಂಟ್. ಏನಾದರೂ ಬಿಸ್ ನೆಸ್ ಆರಂಭಿಸಬೇಕು ಅನ್ನೋದು ಅವರ ಗುರಿ. ಒಂದು ದಿನ ಅವರಿಗೆ ಮುಂಬೈನ ಮಸ್ಜಿದ್ ಬಂದರ್ ನ ರಸ್ತೆಯಲ್ಲಿ ಹೋಗುತ್ತಿದ್ದ ಒಬ್ಬ ಪಠಾಣ್ ಸಿಕ್ಕರು. ಆತ ಬಗೆಬಗೆಯ ವಸ್ತು ಮಾರುತ್ತಿದ್ದ. ಇವರಿಗೆ ಅವನಿಂದ ಇಂಗು ಸಿಕ್ಕಿತು. ಆತನಿಂದ ಪಡೆದ ಇಂಗನ್ನು ಅಡುಗೆಗೆ ಬಳಸಿ, ಇದನ್ನು ಸ್ಥಳೀಯವಾಗಿ ಏಕೆ ಸಿದ್ಧಪಡಿಸಬಾರದು ಎಂದು ಯೋಚಿಸಿದರು. ಅವರು ಅದನ್ನು ಪ್ರೋಸೆಸ್ ಮಾಡಿದರು, ಸಣ್ಣ ಉಂಡೆಗಾಗಿಸಿ, ಪ್ಯಾಕೆಟ್ ಗಳನ್ನು ಮಂಕರಿಗಳಿಟ್ಟುಕೊಂಡು ಹೋಗಿ ಮಾರಾಟ ಮಾಡಿದರು. ಈ ರೀತಿ ಇಂಗಿನ ಜರ್ನಿ ಶುರುವಾಯ್ತು. ನಿಧಾನವಾಗಿ ಅದು ದಕ್ಷಿಣ ಭಾರತ ತಲುಪಿತು. ಏಕೆಂದರೆ ದಕ್ಷಿಣದವರು ಎಲ್ಲಾ ವ್ಯಂಜನಗಳಿಗೂ ಅನಾದಿ ಕಾಲದಿಂದ ಇಂಗು ಬಳಸುತ್ತಿದ್ದರು. ಇಲ್ಲಿ LG ಇಂಗು ಹೆಚ್ಚು ಜನಪ್ರಿಯವಾಯ್ತು. ಇದಾದ ನಂತರ ಫ್ಯಾಕ್ಟರಿ ಶುರುವಾಯ್ತು. ಗೋಧೂ ಇದಕ್ಕೆ ಆಧುನಿಕ ಪುಡಿಯ ರೂಪ ನೀಡಿದರು. ಇದಾದ ಮೇಲೆ ಲಾಲ್ಜಿ ಬಂದರು. ಹೀಗಾಗಿ ಈ ಕಂಪನಿ ಉದಯವಾಯಿತು. ಇದಾದ ಮೇಲೆ ಖಮ್ಜಿ ಮರ್ಚೆಂಟ್, ಅಜಿತ್ ಮರ್ಚೆಂಟ್, ನಂತರ ನನ್ನ ಪತಿ ವಿಮಲ್ ಮರ್ಚೆಂಟ್, ನಾನೂ ಸೇರಿದಂತೆ, ನನ್ನ ಮಗಳು ರಿದ್ಧಿ ಮರ್ಚೆಂಟ್ ಇದನ್ನು ನಡೆಸುತ್ತಿದ್ದೇವೆ. ತಮಿಳುನಾಡಿನ ಕುಂಭಕೋಣಂನಲ್ಲಿ ಒಂದು ಸಣ್ಣ ಫ್ಯಾಕ್ಟರಿ ಶುರು ಮಾಡಿ ಇಂದು ಈ ಮಟ್ಟ ತಲುಪಿದ್ದೇವೆ.
ಇಂದು ಈ ಇಂಗು ಲಕ್ಷಾಂತರ ಅಡುಗೆಮನೆಗಳನ್ನು ತಲುಪಿದೆ, ಇದಕ್ಕೆ ಸಂಬಂಧಿಸಿದ ರೋಚಕ ಕಥೆ ಏನು?
ಈ ವಿಚಾರ ನನಗೆ ಬಹಳ ಆಶ್ಚರ್ಯ ಮೂಡಿಸುತ್ತದೆ. ಇಡೀ ವಿಶ್ವದಲ್ಲಿ ಎಲ್ಲರೂ ಇಂಗು ಸೇವಿಸುತ್ತಿದ್ದಾರೆ, ಮಜ್ಜಿಗೆ, ಚಟ್ನಿ, ಔಷಧಿ ಎಲ್ಲಾ ರೂಪಗಳಲ್ಲೂ ಇದರ ಬಳಕೆ ಆಗುತ್ತಿದೆ. ಸಣ್ಣ ಮಕ್ಕಳಿಗೆ ಹೊಟ್ಟೆಯಲ್ಲಿ ಗ್ಯಾಸ್ ಆದ ತಕ್ಷಣ ಇದನ್ನು ಮಜ್ಜಿಗೆಯಲ್ಲಿ ಬೆರೆಸಿ ಕೊಡುತ್ತಾರೆ. ಹೀಗಾಗಿ ಇದು ಕೇವಲ ಅಡುಗೆಯ ರುಚಿಗಲ್ಲದೆ ಔಷಧಿಯಾಗಿಯೂ ಜನಪ್ರಿಯ. ಅನಾದಿ ಕಾಲದಿಂದ ಇದು ಎಲ್ಲರ ಮೆಚ್ಚುಗೆ ಗಳಿಸಿದೆ, `ಇಂಗು ತೆಂಗು ಇದ್ದರೆ ಮಂಗನೂ ಅಡುಗೆ ಮಾಡಬಲ್ಲದು,’ ಎಂಬ ಗಾದೆ ಪ್ರಸಿದ್ಧವಾಗಿದೆ.
ನೀವು ಈ ಬಿಸ್ ನೆಸ್ ಅಭಿವೃದ್ಧಿ ಪಡಿಸಲು ಏನೆಲ್ಲ ಸವಾಲು ಎದುರಾಯ್ತು? ಹೇಗೆ ಸರಿಪಡಿಸಿಕೊಂಡಿರಿ?
ಎಲ್ಲರಿಗೂ ಇಂಗನ್ನು ಅಡುಗೆಗೆ ಬಳಸಿ ಎಂದು ಒಪ್ಪಿಸುವುದು ಸುಲಭವಲ್ಲ. ಏಕೆಂದರೆ ಇಂಗಿನ ರುಚಿ ಬಲ್ಲವರು ಕೆಲವೇ ಮಂದಿ. ದಕ್ಷಿಣದ, ಮಹಾರಾಷ್ಟ್ರದ ಮಂದಿ ಇದನ್ನು ಧಾರಾಳ ಬಳಸುತ್ತಾರೆ. ಆದರೆ ಉ.ಭಾರತದಲ್ಲಿ ಇದರ ಬಳಕೆ ಇಲ್ಲಿನಷ್ಟಿಲ್ಲ. ಅವರಿಗೆ ಅದರ ಪ್ರಯೋಜನಗಳ ಬಗ್ಗೆ ವಿವರಿಸಬೇಕು. ಅಮೆರಿಕಾದಲ್ಲಿ ವಾಸಿಸುವ, ಭಾರತದಲ್ಲಿ ಬಳಸುತ್ತಿದ್ದ ಅದೇ ಮಂದಿ ಈಗ ಅಲ್ಲಿಯೂ ಅದನ್ನು ಬಳಸುತ್ತಿದ್ದಾರೆ. ಅವರು ಹೊರಗೆ ಹೋದಾಗ ಫಾರಿನ್ ಕಸ್ಟಮ್ಸ್ ನವರು ಇಂಗು ಡಬ್ಬಾ ಕೊಂಡೊಯ್ಯದಂತೆ ತಡೆಯುತ್ತಿದ್ದರು. ಇದರ ಸುಗಂಧ ಅವರಿಗೆ ಗೊತ್ತಿಲ್ಲ. ಇದು ಅಡುಗೆಗೆ, ಆರೋಗ್ಯಕ್ಕೆ ಬೇಕು ಎಂದು ಅವರಿಗೆ ವಿವರಿಸಬೇಕಾಗುತ್ತದೆ.
ನೀವು ಈ ಕಂಪನಿಗೆ ಹೇಗೆ ಸೇರಿದಿರಿ? ನಿಮಗೆ ಪ್ರೇರಣೆ ನೀಡಿದವರಾರು? ಒಬ್ಬ ಮಹಿಳೆಯಾಗಿ ನೀವು ಏನೆಲ್ಲ ಸಮಸ್ಯೆ ಎದುರಿಸಿದಿರಿ?
ನಾನು 1997ರಲ್ಲಿ ಈ ಕಂಪನಿಗೆ ಸೇರಿದೆ. ಈಗಾಗಲೇ 25 ವರ್ಷ ಕಳೆದಿದೆ. ಮೊದಲು ನಾನು ಸೇಲ್ಸ್ ನಲ್ಲಿದ್ದೆ. ಆ ಮೂಲಕ ನನಗೆ ಇದರ ಮಾಲು ಹೇಗೆ ತಯಾರಾಗುತ್ತದೆ, ಪ್ಯಾಕೇಜಿಂಗ್…. ಹೀಗೆ ಎಲ್ಲಾ ಫೀಲ್ಡ್ ನಲ್ಲೂ ಕೆಲಸ ಮಾಡಿದ್ದೇನೆ. ನಂತರ ನಿಧಾನವಾಗಿ ಎಕ್ಸ್ ಪೋರ್ಟ್ ನಲ್ಲಿ ಅಭಿರುಚಿ ಬೆಳೆಸಿಕೊಂಡೆ. ಅಲ್ಲಿಂದ ಫೈನಾನ್ಸ್ ಗಮನಿಸತೊಡಗಿದೆ. ನಮ್ಮದು ಸಾಂಪ್ರದಾಯಿಕ ರೀತಿಯ ತಯಾರಿ. ಇಂದಿಗೂ ನಾವು ಎಲ್ಲಾ ಕಾರ್ಪೊರೇಟ್ ನಲ್ಲೂ ಇಲ್ಲ. ಫ್ಯಾಕ್ಟರಿಗಳಲ್ಲೂ ಪೀಳಿಗೆಯಿಂದ ಪೀಳಿಗೆಗೆ ಮುಂದುವರಿಯುತ್ತಿದೆ.
ಶುರುವಿನಲ್ಲಿ ಬಹಳ ಚಾಲೆಂಜಸ್ ಇತ್ತು. ನನ್ನ ಮಾವ ಹಾಗೂ ಚಿಕ್ಕಪ್ಪ ಬಿಸ್ ನೆಸ್ ನೋಡಿಕೊಳ್ಳುತ್ತಿದ್ದರು. ಅವರ ನಂತರ ಇಂಥ ಭಾರಿ ಕಂಪನಿ ಸಂಭಾಳಿಸುವರಾರು ಎಂಬ ಚಿಂತೆ. ಅಷ್ಟು ಹೊತ್ತಿಗೆ ನನ್ನ ಪತಿ ಫ್ಯಾಕ್ಟರಿಯಲ್ಲಿದ್ದರು, ನಾನೂ ಅಲ್ಲಿಂದ ಕೆಲಸ ಆರಂಭಿಸಿದೆ.
ಸುಮಾರು 2010-11ರಲ್ಲಿ ಸಪ್ಲೈಯರ್ಸ್ ಪ್ರಾಡಕ್ಟ್ ಕೊಡುವುದನ್ನು ನಿಲ್ಲಿಸಿದರು, ನನಗೆ ತೊಂದರೆ ಆಯ್ತು. ಮಹಿಳೆಯಾದ್ದರಿಂದ ಬಿಸ್ ನೆಸ್ ಮಾಹಿತಿ ನನಗೆ ಗೊತ್ತಿಲ್ಲ ಎಂಬುದು ಅವರ ತರ್ಕ. ಅಷ್ಟು ಹೊತ್ತಿಗೆ ನಾನು ಸುಧಾರಿಸಿದ್ದೆ. ನನ್ನ ಪತಿ ಕಜಾಕಿಸ್ತಾನ್ ಗೆ ಹೋಗಿ ಅಲ್ಲಿ ಇಂಗಿನ ಕಚ್ಚಾ ಮಾಲನ್ನು ಕಡಿಮೆ ಬೆಲೆಗೇ ತಂದರು.
ನಿಮಗೆ ಕುಟುಂಬದವರ ಸಹಕಾರ ಸಿಕ್ಕಿತೇ?
ನನ್ನ ಕುಟುಂಬದಲ್ಲಿ ಎಲ್ಲರ ಸಹಕಾರವಿತ್ತು. ಆ ಕಾಲದಲ್ಲೇ ನನ್ನ ಅತ್ತೆಮಾವ ನಾನು ಬಿಸ್ ನೆಸ್ ಗೆ ಇಳಿಯಬೇಕೆಂದು ಒತ್ತಾಸೆ ನೀಡಿದರು. ಇದರ ಜೊತೆಗೇ ಮನೆಮಕ್ಕಳನ್ನೂ ಸಂಭಾಳಿಸುತ್ತಿದ್ದೆ. ಪ್ರತಿಯೊಬ್ಬ ಹೆಣ್ಣಿಗೂ ಈ ಕಲೆ ಕರಗತ. ಮಲ್ಟಿ ಟಾಸ್ಕಿಂಗ್ ಅವಳಿಗೆ ಕಷ್ಟವಲ್ಲ. ನನಗೆ ಇಬ್ಬರು ಹೆಣ್ಣುಮಕ್ಕಳು, ದೊಡ್ಡವಳು ರಿದ್ಧಿ ಫ್ಯಾಕ್ಟರಿ ಸಂಭಾಳಿಸುತ್ತಾಳೆ, ಚಿಕ್ಕವಳು ಜೂಹಿ ಸೇಲ್ಸ್ ನೋಡಿಕೊಳ್ಳುತ್ತಾಳೆ.
ನಿಮ್ಮ ಮಕ್ಕಳನ್ನು ಈ ಬಿಸ್ ನೆಸ್ ಗೆ ಹೇಗೆ ಜೋಡಿಸಿಕೊಂಡಿರಿ?
ನನ್ನ ಮಕ್ಕಳು ತಮ್ಮ ಇಚ್ಛೆಯಂತೆ ಓದು ಮುಗಿಸಿ, ಈ ಬಿಸ್ ನೆಸ್ ಗೆ ತಾವಾಗಿ ಇಷ್ಟಪಟ್ಟು ಬಂದರು. ನಾನೆಂದೂ ಇದನ್ನು ಅವರ ಮೇಲೆ ಹೇರಲಿಲ್ಲ. ದೊಡ್ಡವಳು ಸೈಕಾಲಜಿ ಓದಿದ್ದಾಳೆ, ಹೀಗಾಗಿ ಕಾರ್ಮಿಕರ ಮಾನಸಿಕತೆ ಅವಳಿಗೆ ಚೆನ್ನಾಗಿ ಗೊತ್ತು. ಚಿಕ್ಕವಳು ಗ್ರಾಫಿಕ್ಸ್ ಎಂಜಿನಿಯರಿಂಗ್ ಕಲಿತಿದ್ದಾಳೆ, ಹೀಗಾಗಿ ಕಂಪನಿಯ ಮಾರ್ಕೆಟಿಂಗ್ ಡಿಸೈನಿಂಗ್ ನೋಡಿಕೊಳ್ಳುತ್ತಾಳೆ.
ರಿದ್ಧಿ, ನೀವು ಹೊಸದಾಗಿ ಈ ಬಿಸ್ ನೆಸ್ ಗೆ ಬಂದಾಗ ಏನೆಲ್ಲ ಚಾಲೆಂಜ್ ಎದುರಿಸಬೇಕಾಯ್ತು? ಅದರಿಂದ ನೀವು ಹೇಗೆ ಹೊರಬಂದಿರಿ?
ನಮ್ಮ ಕಂಪನಿ ಟ್ರೆಡಿಷನಲ್ ಕೌಟುಂಬಿಕ. ಬಾಲ್ಯದಲ್ಲಿ ನಾನು ಅಮ್ಮನ ಜೊತೆ ಕಂಪನಿಯ ಹಲವು ಈವೆಂಟ್ಸ್ ಅಟೆಂಡ್ ಮಾಡಿದ್ದೇನೆ. ಇಂಗಿನ ತಯಾರಿ ಬಗ್ಗೆ ಗಮನಿಸಿದ್ದೇನೆ. ಹೀಗಾಗಿ ಇದರಲ್ಲಿ ನನ್ನ ಅಭಿರುಚಿ ಬೆಳೆಯಿತು.
ಅದೂ ಅಲ್ಲದೆ ಅಮ್ಮ ಇದರಲ್ಲಿ ಬಹಳ ದಿನಗಳಿಂದ ಇದ್ದಾರೆ. ಅವರ ವಿಷನ್ ಸದಾ ನಾಳೆಯ ಅಭಿವೃದ್ಧಿಯ ಕಡೆಗೆ! ತನ್ನ ಪರಿಶ್ರಮದಿಂದ ಆಕೆ ಕಂಪನಿಯ ಟರ್ನ್ ಓವರ್ ಕೋಟ್ಯಂತರ ಆಗಿಸಿದ್ದಾರೆ. ಹೀಗಾಗಿ ಇದರಲ್ಲಿ ನಾನು ಸಹಜವಾಗಿಯೇ ಸೇರಿದೆ. 50 ವರ್ಷಗಳ ಹಿಂದೆ ಕಂಪನಿಗೆ ಇಷ್ಟೆಲ್ಲ ಪೈಪೋಟಿ ಇರಲಿಲ್ಲ. ಆದರೆ ಈಗ ಪರಿಸ್ಥಿತಿ ಹಾಗಿಲ್ಲ. ಅಂಥದ್ದರಲ್ಲಿ ನಮ್ಮ ಕಂಪನಿಗೆ ರಾಷ್ಟ್ರೀಯ ಐಡೆಂಟಿಟಿ ತಂದುಕೊಡುವುದು ಖಂಡಿತಾ ಸುಲಭವಲ್ಲ. ಸತತ ಪರಿಶ್ರಮದಿಂದ ನಾವು ಮಾರುಕಟ್ಟೆಗೆ ಹೊಸ ಹೊಸ ಪ್ರಾಡಕ್ಟ್ಸ್ ಲಾಂಚ್ ಮಾಡಿದೆ. ಹೀಗಾಗಿಯೇ LG ಮಸಾಲೆ ಇಂದು ಈ ಮಟ್ಟಕ್ಕೆ ಬೆಳೆದು ನಿಂತಿದೆ. ಇಂಗು ಮೂಲತಃ ನಮಗೆ ಮಿಡ್ ಈಸ್ಟ್ ನಿಂದ ಬರುತ್ತದೆ. ಅಲ್ಲಿ ರಾಜಕೀಯ ಅಸ್ಥಿರತೆ ಅಧಿಕ. ಹೀಗಾಗಿ ಕಚ್ಚಾ ಮಾಲು ಅಗ್ಗಕ್ಕೆ ತರಿಸಿ, ಅದನ್ನು ಸ್ಟೋರ್ ಮಾಡುವುದೇ ಕಷ್ಟ.
ಮಾರ್ಕೆಟ್ ನಲ್ಲಿ ಇಷ್ಟೆಲ್ಲ ಪೈಪೋಟಿ ಇದ್ದಾಗಲೂ ಉತ್ಪನ್ನಗಳ ಗುಣಮಟ್ಟ ಕಾಪಾಡಿ, ಗ್ರಾಹಕರ ಭರವಸೆ ಹೇಗೆ ಉಳಿಸಿಕೊಂಡಿರಿ? ಇಂಗನ್ನು ಎಲ್ಲಿಂದ ಆಮದು ಮಾಡ್ತೀರಿ?
ನಮ್ಮದೇ ಸ್ವಂತ ತಯಾರಿಕೆಯಲ್ಲಿ ಉತ್ಪನ್ನದ ಕುರಿತು ಭರವಸೆ ಉಳಿಸಿಕೊಳ್ಳೋದು ಸುಲಭ. ಆದರೆ ನೀವು ಮುಂದಿನ ಪೀಳಿಗೆಯ ವಿಚಾರ ಗಮನಿಸಿ ಮುಂದುವರಿದರೆ, ಅವರಿಗೆ ಇಷ್ಟವಾಗುವಂತೆಯೇ ಮಾಡಬೇಕು. ಇದು ವೆರಿ ಚಾಲೆಂಜಿಂಗ್. ಗುಣಮಟ್ಟ ಕಾಯ್ದುಕೊಳ್ಳುವುದು ಎಲ್ಲಕ್ಕಿಂತ ಮುಖ್ಯ. ನಾವು ಬಳಸುವ ಎಲ್ಲಾ ಉತ್ಪನಗಳೂ ನ್ಯಾಚುರಲ್. ಇದರಲ್ಲಿ ಕೆಮಿಕಲ್ಸ್ ಬೆರೆಸುವುದಿಲ್ಲ. ಹವಾಮಾನದಲ್ಲಿ ಏನೇ ಏರುಪೇರಾದರೂ, ಇಂಗಿನ ಗುಣಮಟ್ಟದಲ್ಲಿ ವ್ಯತ್ಯಾಸವಾಗುತ್ತದೆ. ಹೀಗಾಗಿ ಬಂದ ಎಲ್ಲಾ ಇಂಗಿನ ಡ್ರಮ್ಸ್ ಕ್ವಾಲಿಟಿ ಪರೀಕ್ಷಿಸಬೇಕು. ಆಯ್ಕೆ, ನಿರಾಕರಣೆ ಇದ್ದದ್ದೇ. ಇದಕ್ಕಾಗಿಯೇ ಇವರು ವಿಶೇಷ ತಂಡ, ಇದರ ಜವಾಬ್ದಾರಿ ವಹಿಸುತ್ತದೆ.
ಇಂಗು ಮೂಲತಃ ಆಫ್ಘಾನಿಸ್ತಾನ, ಉಜ್ಬೇಕಿಸ್ತಾನ, ಕಜಾಕಿಸ್ತಾನ್ ಇತ್ಯಾದಿಗಳಿಂದ ಬರುತ್ತವೆ. ಇದಕ್ಕಾಗಿ ಬಳಸುವ `ಅಂಟು’ ಸೂಡಾನ್ ನಿಂದ ಬರುತ್ತದೆ. ಯಾವ ಸಮಸ್ಯೆ ಬಂದರೂ ನಾವು ಲೀಲಾಜಾಲವಾಗಿ ನಿಭಾಯಿಸುತ್ತೇವೆ. ಕೊರೋನಾ ಕಾಲದಲ್ಲೂ ನಾವು ಯಶಸ್ವಿ ಆದೆವು. 5-6 ತಿಂಗಳ ಸ್ಟಾಕ್ ನಮ್ಮ ಗೋದಾಮಿನಲ್ಲಿತ್ತು.
ನೀವು ಪ್ಯಾಕೇಜಿಂಗ್ ನಲ್ಲೂ ಉತ್ತಮ ಇನೋವೇಶನ್ ಮಾಡಿದ್ದೀರಿ, ಕೌಂಟರ್ ಫೀಟ್ಪ್ರಾಡಕ್ಟ್ ನ ಸಮಸ್ಯೆ ಇಲ್ಲ. ಇದೆಲ್ಲದರ ಹಿಂದಿನ ನಿಮ್ಮ ಸ್ಟಾಟರ್ಜಿ ಏನು?
ಇದು ನಮ್ಮದೇ ಕಂಪನಿ ಆದ್ದರಿಂದ, ಇದರ ಪ್ರತಿಯೊಂದು ವಸ್ತುವಿನ ಹಿಂದೆಯೂ ಗಮನ ಇಡಲೇಬೇಕಾಗುತ್ತದೆ. ಇಂಗಿನ ರುಚಿ, ಸುಗಂಧ ಕಾಪಾಡಿಕೊಂಡು ಅದನ್ನು ಗ್ರಾಹಕರ ಬಳಿ ತಲುಪಿಸುವುದು ನಮ್ಮ ಹೊಣೆ. ಪೈಪೋಟಿ ಮಾಡುವವರು ನಮ್ಮನ್ನು ಕಾಪಿ ಮಾಡುತ್ತಾರೆ. ಕೀಳು ಗುಣಮಟ್ಟದ ಅತಿ ಅಗ್ಗದ ಕಚ್ಚಾಮಾಲು ತಂದು ಪ್ರಾಡಕ್ಟ್ ನೀಡುತ್ತಾರೆ. ಅದರಿಂದ ಜನರ ಆರೋಗ್ಯ ಹಾಳಾಗುತ್ತದೆ. ಇದನ್ನು ಎದುರಿಸಲು ನಾವು ಲೀಗಲ್ ಹೆಲ್ಪ್, ಟೆಕ್ನಿಕ್ ಸಪೋರ್ಟ್ಸ್, LG ಆ್ಯಪ್…. ಇತ್ಯಾದಿಗಳ ನೆರವು ಪಡೆಯುತ್ತೇವೆ.
ಇಂಗಿನ ತಯಾರಿಕೆ ಬಗ್ಗೆ ಸ್ವಲ್ಪ ಹೇಳಿ?
ಇಂಗು ಅಂದ್ರೆ ಬೇರೆ ಬೇರೆ ಇರುತ್ತದೆ. ಒಂದು ನಿರ್ದಿಷ್ಟ ಅನುಪಾತದಲ್ಲಿ ಇನ್ನೆಲ್ಲ ಬೆರೆಸಿ ಫೈನಲ್ ಪ್ರಾಡಕ್ಟ್ ರೆಡಿ ಮಾಡುತ್ತೇವೆ. ಇದರಲ್ಲಿ ಅಂಟು, ಮೈದಾ ಸಹ ಇದ್ದು, ಹಿಟ್ಟಿನ ತರಹ ಚೆನ್ನಾಗಿ ನಾದಬೇಕಾಗುತ್ತದೆ. ನಂತರ ನೀರು ಬೆರೆಸಿ, ಮಿಶ್ರಣ ಒಣಗಿಸಿ, ಆಮೇಲೆ ಪೌಡರ್ ರೂಪದಲ್ಲಿ ಹೊರತರುತ್ತೇವೆ. ಒಣಗಿಸಲು ಇದಕ್ಕೆ ಹೀಟರ್ ಅತ್ಯಗತ್ಯ. ಇಂಗು ಪೌಡರ್ ಹಾಗೂ ಉಂಡೆ ಎರಡೂ ರೂಪದಲ್ಲಿ ಲಭ್ಯ. ಅಡುಗೆಯಲ್ಲಿ ಪಳಗಿದವರಿಗೆ ಉಂಡೆ (ಮುಖ್ಯವಾಗಿ ದಕ್ಷಿಣದವರಿಗೆ), ಹೊಸಬರಿಗೆ ಪೌಡರ್ ಹೆಲ್ಪ್ ಆಗುತ್ತದೆ. ಇಂದಿಗೆ 40 ವರ್ಷಗಳ ಮೊದಲೇ, ಪ್ರಥಮ ಬಾರಿಗೆ ಇಂಗನ್ನು ಪೌಡರ್ ರೂಪದಲ್ಲಿ ನನ್ನ ಮಾವ ಅಜಿತ್ ಮರ್ಚೆಂಟ್ ಪರಿಚಯಿಸಿದರು. ಇದಕ್ಕಾಗಿ ಅವರು ಮೈಸೂರಿಗೇ ಹೋಗಿ, ಅದರ ತಯಾರಿಗೆ ಬಗ್ಗೆ ತಿಳಿದುಕೊಂಡರು. ಅದನ್ನೇ ತಮ್ಮ ಫ್ಯಾಕ್ಟರಿಯಲ್ಲಿ ಅಳವಡಿಸಿಕೊಂಡರು. ಇಂಗಿನ ಫ್ಯಾಕ್ಟರಿಯನ್ನು ಮುಂಬೈ, ಚೆನ್ನೈಗಳಲ್ಲಿ ಸ್ಥಾಪಿಸಿ, ಕುಂಭಕೋಣಂನಲ್ಲಿ ಪ್ಯಾಕಿಂಗ್ ಮಾಡಿಸಿದರು. ಮಾರುಕಟ್ಟೆಯಲ್ಲಿ ಇಂಗಿನ ರುಚಿ ತುಸು ಸಿಹಿ, ತೀಕ್ಷ್ಣ ಅಥವಾ ಯಾವ ಸುವಾಸನೆ, ರುಚಿಯೂ ಇಲ್ಲದೆ ಸಿಗುತ್ತದೆ. ಇದರಲ್ಲಿ ಪರ್ಫೆಕ್ಟ್ ಇಂಗು ಯಾವುದು ಎಂದು ಆರಿಸಿಕೊಳ್ಳುವುದು ಗ್ರಾಹಕರಿಗೆ ತುಸು ಕಷ್ಟವೇ ಆಗುತ್ತದೆ. ಹೀಗಾಗಿ ನಾವು ಎಲ್ಲಾ ರುಚಿ, ಸುವಾಸನೆಯ ಮಿಶ್ರಣ ಬೆರೆಸಿ ಇಂಗು ತಯಾರಿಸುತ್ತೇವೆ.
ವಿದೇಶಗಳಲ್ಲಿ LG ಇಂಗು ಎಲ್ಲೆಲ್ಲಿ ಲಭ್ಯ?
US, UK, ಆಸ್ಟ್ರೇಲಿಯಾ, ಜಪಾನ್ ಗಳಲ್ಲಿ ಈಗ LG ಇಂಗು ಲಭ್ಯವಿದೆ.
ನಿಮ್ಮ ಪ್ರಾಡಕ್ಟ್ ನ GDP ಏನು?
ಇದರ ಗುಣಮಟ್ಟವೇ ಇದರ GDP ! ಯಾರೂ ಇದನ್ನು ಮೀರಿ ರುಚಿಯಾದ ಇಂಗು ಕೊಡಲಾರರು. ನಾವಂತೂ ಯಾವುದರಲ್ಲೂ ಕಾಂಪ್ರಮೈಸ್ ಆಗೋದಿಲ್ಲ.
ಕೆಲಸದ ಹೊರತಾಗಿ ನಿಮ್ಮನ್ನು ನೀವು ಹೇಗೆ ರಿಜುವಿನೇಟ್ ಮಾಡಿಕೊಳ್ತೀರಿ?
ನನಗೆ ಮಕ್ಕಳ ಜೊತೆ ಹೆಚ್ಚು ಕಾಲ ಕಳೆಯುವ, ಹೊರಗಿನ ಸುತ್ತಾಟಕ್ಕೆ ಹೋಗುವ, ಎಲ್ಲರೊಂದಿಗೆ ಬೆರೆತು ಮಾತನಾಡುವ ವಿಷಯಗಳು ಇಷ್ಟ. ಜೊತೆಗೆ ಡೇಲಿ ವ್ಯಾಯಾಮ, ಯೋಗ ಇದ್ದೇ ಇರುತ್ತದೆ.
ಇಂಗು ಖರೀದಿಸುವಾಗ ಗ್ರಾಹಕರು ಯಾವುದಕ್ಕೆ ಆದ್ಯತೆ ಕೊಡಬೇಕು?
ಮುಖ್ಯ ಇಂಗಿನ ರುಚಿ ನೋಡಬೇಕು, ಅದರ ಸುವಾಸನೆ ಗಮನಿಸಬೇಕು. ಪ್ಯಾಕೇಜಿಂಗ್, ಸ್ಟೋರೇಜ್ ಸರಿ ಇದೆಯೇ ಪರೀಕ್ಷಿಸಬೇಕು. ಇದರ ಶೆಲ್ಪ್ ಲೈಫ್ (ಉತ್ತಮ ಬಾಳಿಕೆ) 18 ತಿಂಗಳು. ಆದರೆ ಉತ್ತಮವಾಗಿ ಸಂಗ್ರಹಿಸಿಡುವುದರಿಂದ ಇನ್ನೂ ಹೆಚ್ಚಿನ ದಿನಗಳ ಬಾಳಿಕೆ ಬರುತ್ತದೆ.
ನಿಮ್ಮ ಬ್ರಾಂಡ್ನ ಮುಂದಿನ ಯೋಜನೆಗಳೇನು?
ಭವಿಷ್ಯದಲ್ಲಿ ನಾವು LG ಪ್ರಾಡಕ್ಟ್ಸ್ ರೇಂಜ್ ನ್ನು ಇನ್ನಷ್ಟು ವಿಸ್ತರಿಸಲು ಬಯಸುತ್ತೇವೆ. ನಾವು ಹೆಚ್ಚು ಹೆಚ್ಚಾಗಿ ಕರ್ನಾಟಕ, ಕೇರಳ, ಆಂಧ್ರ, ತಮಿಳುನಾಡುಗಳ ಟೇಸ್ಟ್ ಗಮನದಲ್ಲಿರಿಸಿಕೊಂಡು ಹಾಗೇ ತಯಾರಿಸುತ್ತೇವೆ.
ಮಹಿಳಾ ದಿನಾಚರಣೆಗೆ ನಿಮ್ಮ ಮೆಸೇಜ್ ಏನು?
ಇಂದಿನ ಮಹಿಳೆ ಕುಟುಂಬದ ಸಹಕಾರದಿಂದ ಹೊರಗಿನ ಎಲ್ಲಾ ಕೆಲಸಗಳನ್ನೂ ಅಚ್ಚುಕಟ್ಟಾಗಿ ನಿಭಾಯಿಸಬಲ್ಲಳು. ಆಕೆ ಪ್ರತಿಯೊಂದು ಕ್ಷೇತ್ರದಲ್ಲೂ ಉತ್ಕೃಷ್ಟ ಸೇವೆ ಒದಗಿಸಬಲ್ಲಳು. ಆಕೆ ಉತ್ತಮ ಡಿಸಿಶನ್ ಮೇಕರ್. ಹೀಗಾಗಿ ಮನೆಯ ಎಲ್ಲಾ ವಿಚಾರಗಳ ಅಂತಿಮ ನಿರ್ಣಯದಲ್ಲಿ ಅವಳ ಪಾತ್ರ ಹಿರಿದು. ಇದನ್ನು ಪ್ರತಿ ಕುಟುಂಬ ಹಾಗೂ ನಮ್ಮ ಸಮಾಜ ಗುರುತಿಸಬೇಕು.
– ಸೋಮಾ ಘೋಶ್
