ಮುಟ್ಟು ಎಂಬುದು ಎಲ್ಲಾ ಹೆಣ್ಣುಮಕ್ಕಳಲ್ಲೂ ಕಂಡುಬರುವ ಸಾಮಾನ್ಯ ದೈಹಿಕ ಪ್ರಕ್ರಿಯೆ. ಇದಕ್ಕಾಗಿ ಈಸ್ಟ್ರೋಜನ್‌, ಪ್ರೊಜೆಸ್ಟರಾನ್‌ ಹಾರ್ಮೋನಗಳೇ ಕಾರಣ. ಆದರೆ ಮುಟ್ಟಿನ ಕುರಿತಾಗಿ ಇಂದಿಗೂ ಹೆಂಗಸರಲ್ಲಿ ಜಾಗರೂಕತೆಯ ಅಭಾವವಿದೆ, ಹೀಗಾಗಿ ವಿಭಿನ್ನ ದೇಶಗಳಲ್ಲಿ ಈ ಕುರಿತಾಗಿ ವಿಭಿನ್ನ ಭ್ರಾಂತಿಗಳು ಹರಡಿವೆ. ಈ ಕಾರಣದಿಂದ ಈ ವೈಜ್ಞಾನಿಕ ಯುಗದಲ್ಲಿ ಇಂದಿಗೂ ಹೆಣ್ಣನ್ನು ಅಶುದ್ಧಳು, ಅಪವಿತ್ರಳೆಂದೇ ಭಾವಿಸಲಾಗುತ್ತದೆ. ಅದರಿಂದಾಗಿ ಅವರು ಅಡುಗೆಮನೆ ಅಥವಾ ಧಾರ್ಮಿಕ ಕೆಲಸಗಳಲ್ಲಿ ಪಾಲ್ಗೊಳ್ಳುವಂತಿಲ್ಲ. ಎಷ್ಟೋ ಕಡೆ ಬರೀ ನೆಲದಲ್ಲಿ ಮಲಗಬೇಕಾದ ಕಠಿಣ ಪದ್ಧತಿಗಳಿವೆ.
ಪ್ಯಾಡ್ಸ್ ಕುರಿತಾಗಿ ಜಾಗೃತಿಯ ಸಾಕಷ್ಟು ಅಭಾವವಿದೆ. ಇದಕ್ಕೆ ಕಾರಣ ಹೆಂಗಸರು ಈ ದಿನಗಳಲ್ಲಿ ಹಳೆ ಕಾಲದವರಂತೆ ಬಟ್ಟೆಗಳನ್ನೇ ಬಳಸುತ್ತಾ ತಮ್ಮ ಆರೋಗ್ಯದ ಕುರಿತು ನಿರ್ಲಕ್ಷ್ಯ ವಹಿಸುತ್ತಿದ್ದಾರೆ. ಆದರೆ ವೈಜ್ಞಾನಿಕ ದೃಷ್ಟಿಯಿಂದ ಹೆಣ್ಣುಮಕ್ಕಳ ಸುರಕ್ಷತೆ, ಹೈಜೀನ್‌ಗಾಗಿ ಸಾಕಷ್ಟು ಆಧುನಿಕ ಸೌಲಭ್ಯಗಳು ಲಭ್ಯವಿವೆ, ಚಿಂತನೆಯ ದೃಷ್ಟಿ ಬದಲಾಗಬೇಕಿದೆ.
ಈ ಕುರಿತಾಗಿ ನೈನ್‌ ಸ್ಯಾನಿಟರಿ ಪ್ಯಾಡ್ಸ್ ನ ಸಿಇಓ ರಿಚಾ ಸಿಂಗ್‌ರೊಂದಿಗೆ ನಡೆಸಿದ ಸಂದರ್ಶನದ ಆಯ್ದ ಭಾಗ :
ನಿಮ್ಮ ಕೌಟುಂಬಿಕ ಹಿನ್ನೆಲೆ ವಿವರಿಸಿ?
ನನ್ನ ತಂದೆ ಎಂಜಿನಿಯರ್‌, ತಾಯಿ ಟೀಚರ್‌. ನಮ್ಮ ಕುಟುಂಬದಲ್ಲಿ ಹೆಣ್ಣುಮಕ್ಕಳು ಉದ್ಯಮ ಸ್ಥಾಪಿಸಿ ತಮ್ಮ ಕೆರಿಯರ್‌ರೂಪಿಸಿಕೊಳ್ಳುವುದು ಎಂಬುದು ಹೊಸ ವಿಷಯ. ನಮ್ಮಮ್ಮ ಅಜ್ಜಿಯರೂ ಇದಕ್ಕೆ ಹೊರತಾಗಿರಲಿಲ್ಲ. ನಾನು ಡಾಕ್ಟರ್‌ ಅಥವಾ ಎಂಜಿನಿಯರ್‌ ಆಗಬೇಕೆಂದು ಅವರು ಬಯಸುತ್ತಿದ್ದರು. ಅದು ಆ ಕಾಲಕ್ಕೆ ಅತ್ಯುತ್ತಮ ಕೆರಿಯರ್‌ಎನಿಸಿತ್ತು. ಆದರೆ ನಾನು ಬಿ.ಕಾಂ, ಎಂ.ಬಿ.ಎ ಮುಗಿಸಿ ವಾಣಿಜ್ಯ ಕ್ಷೇತ್ರದತ್ತ ಬಿಸ್‌ನೆಸ್‌ನಲ್ಲಿ ಕೆರಿಯರ್‌ ರೂಪಿಸಿಕೊಳ್ಳಲು ನಿರ್ಧರಿಸಿಬಿಟ್ಟಿದ್ದೆ. ಇಲ್ಲಿಂದ ಕಾರ್ಪೊರೇಟ್ ಲೋಕಕ್ಕೆ ನನ್ನ ಎಂಟ್ರಿ ಆಯ್ತು.
ನಮ್ಮ ಸಮಾಜದಲ್ಲಿ ಇಂದಿಗೂ ಮುಟ್ಟಿನ ಕುರಿತು ಇಷ್ಟೊಂದು ಮೂಢನಂಬಿಕೆ, ಭ್ರಾಂತಿಗಳೇಕೆ? ಈ ಕುರಿತಾಗಿ ನೀವೇನು ಹೇಳುವಿರಿ?
ನಮ್ಮ ದೇಶದಲ್ಲಿ ಇಂದಿಗೂ ಮುಟ್ಟಿನ ಕುರಿತು ಅಖಂಡ ಮೂಢನಂಬಿಕೆಗಳು ತುಂಬಿಕೊಂಡಿವೆ. ಈ ಸಂದರ್ಭದಲ್ಲಿ ಹೆಣ್ಣನ್ನು ಅಸ್ಪೃಶ್ಯಳಂತೆ ದೂರ ಇರಿಸುತ್ತಾರೆ. ಅಷ್ಟು ಮಾತ್ರವಲ್ಲ ಅವಳಿಗೆ ಇನ್ನೂ ಹಲವಾರು ಪ್ರತಿಬಂಧಗಳನ್ನು ಹೇರಲಾಗುತ್ತದೆ. ಕೆಲವು ಪರಿವಾರಗಳಂತೂ ಮುಟ್ಟಿನ ಹೈಜೀನ್‌ಗಾಗಿ ಖರ್ಚು ಮಾಡುವುದು ಮಹಾಪಾಪ ಎಂದು ಭಾವಿಸುತ್ತವೆ. ಹಾಗಾಗಿ ಅಂಥ ಹೆಂಗಸರು ವಿಧಿಯಿಲ್ಲದೆ ಈಗಲೂ ಬಟ್ಟೆ ಬಳಸುತ್ತಿದ್ದಾರೆ. ಇವು ಸಾಮಾನ್ಯವಾಗಿ ಬೇಗ ಕೊಳಕಾಗುವುದರಿಂದ, ಅವರಿಗೆ ಅನಾರೋಗ್ಯ ತಪ್ಪಿದ್ದಲ್ಲ.
ಎಲ್ಲರಿಗೂ ನೆಗಡಿ, ಕೆಮ್ಮು ಬರುವಂತೆ ಮುಟ್ಟು ಎಂಬುದು ಹೆಣ್ಣಿನ ಒಂದು ಸಹಜ ದೈಹಿಕ ಕ್ರಿಯೆ. ಇದು ಹುಡುಗಿ ವಯಸ್ಸಿಗೆ ತಕ್ಕಂತೆ ಬೆಳವಣಿಗೆ ಹೊಂದಿದ್ದಾಳೆ ಎಂಬುದರ ಸೂಚನೆ. ಮುಂದೆ ಅವಳು ತಾಯಿಯಾಗಲು ಅರ್ಹಳು ಎಂಬುದರ ಸಂಕೇತ. ಈ ಮೂಲಕ ಆಗುವ ಸ್ರಾವ ಖಂಡಿತಾ ಕೊಳಕಲ್ಲ. ಇದು ಸ್ಟೆಮ್ ಕೋಶಗಳಿಂದ ಸಮೃದ್ಧ, ಅದು ಮುಂದೆ ಫಲವತ್ತಾದರೆ ಒಂದು ಜೀವ ರೂಪುಗೊಳ್ಳಲು ಮೂಲಾಧಾರ. ಈ ಪ್ರಕ್ರಿಯೆ ಗಂಡು ಹುಡುಗರಲ್ಲೂ ಇಷ್ಟೇ ಸಹಜ. ಯಾರು ತಿಂಗಳಾದರೂ ವೀರ್ಯ ಹೊರ ಚೆಲ್ಲುವುದಿಲ್ಲವೋ, ಅವರಿಗೆ ಸಹಜ ವೀರ್ಯಪತನ ಆಗಿ ಬಟ್ಟೆಗೆ ತಗುಲುತ್ತದೆ. ಹೆಣ್ಣಿಗೆ ಹೋಲಿಸಿದಾಗ ಇದರ ಸ್ರಾವ ಅತ್ಯಲ್ಪ. ಹೀಗಾಗಿ ಮುಟ್ಟಿನ ಸ್ರಾಂದತೆ ಇದು ಹಿಂಸಕಾರಕವಲ್ಲ. ಆದರೆ ಜೀವ ಉತ್ಪನ್ನಕ್ಕೆ ಎರಡರ ಮಿಲನ ಅನಿವಾರ್ಯ. ಪ್ರಕೃತಿಯ ಈ ವ್ಯತ್ಯಾಸ ಅರಿತರೆ ಜನ ಇಷ್ಟೆಲ್ಲ ಕಸಿವಿಸಿಗೆ ಒಳಗಾಗುವ ಅಗತ್ಯವೇ ಇಲ್ಲ!
