ನೀವು ಭಾರತೀಯ ಪಾಸ್‌ಪೋರ್ಟ್‌ ಆಧರಿಸಿ 60 ದೇಶಗಳ ಪ್ರವಾಸವನ್ನು ವೀಸಾ ರಹಿತವಾಗಿ ಇಲ್ಲವೇ ಇವೀಸಾ ಅಥವಾ ವೀಸಾ ಆನ್‌ ಅರೈವಲ್‌ ಮುಖಾಂತರ ಮಾಡಬಹುದಾಗಿದೆ. ವೀಸಾ ಇಲ್ಲದೆ ಯಾವ ದೇಶಗಳಿಗೆ ಪ್ರವಾಸ ಕೈಗೊಳ್ಳಬಹುದೆಂದರೆ, ಅಂತಹ ದೇಶಗಳ ಪಟ್ಟಿಯಲ್ಲಿ ಕೆಲವು ಏಷ್ಯಾ ಖಂಡದಲ್ಲಿ ಇನ್ನು ಕೆಲವು ಆಫ್ರಿಕಾದಲ್ಲಿ, ಮತ್ತೆ ಕೆಲವು ದ. ಅಮೆರಿಕದಲ್ಲಿವೆ.
ಅಂದಹಾಗೆ ನೀವು ದಕ್ಷಿಣ ಕೊರಿಯಾದ ಪ್ರವಾಸವನ್ನು ವೀಸಾ ಇಲ್ಲದೆ ಮಾಡಲು ಸಾಧ್ಯವಿಲ್ಲ. ಆದರೆ ದಕ್ಷಿಣ ಕೊರಿಯಾದ ಒಂದು ದ್ವೀಪ ಪ್ರದೇಶ `ಜೇಜು'ಗೆ ವೀಸಾ ಇಲ್ಲದೆ ಹೋಗಬಹುದಾಗಿದೆ. ಅದನ್ನು ದಕ್ಷಿಣ ಕೊರಿಯಾದ ಹವಾಯಿ ದ್ವೀಪ ಎಂದೂ ಕರೆಯಲಾಗುತ್ತದೆ. ಒಂದು ಸಂಗತಿ ನಿಮಗೆ ಗೊತ್ತಿರಲಿ, ವೀಸಾ ರಹಿತವಾಗಿ ದಕ್ಷಿಣ ಕೊರಿಯಾದ ಯಾವುದೇ ಒಂದು ವಿಮಾನ ನಿಲ್ದಾಣದ ಮೂಲಕ ಇಲ್ಲಿಗೆ ಪ್ರವೇಶಿಸುವುದಾಗಲಿ, ಇಲ್ಲಿಂದ ಹಾಯ್ದು ಹೋಗುವುದು ಸಾಧ್ಯವಿಲ್ಲ. ನೀವು ಮಲೇಷಿಯಾ, ಸಿಂಗಾಪುರ್‌ ಅಥವಾ ಬೇರೆ ಕೆಲವು ದೇಶಗಳ ಮುಖಾಂತರ ಇಲ್ಲಿಗೆ ಬಂದು ತಲುಪಬಹುದು. ಎಲ್ಲಿಂದ ನೀವು ಬರುತ್ತಿದ್ದೀರೊ ಅಲ್ಲವೋ, ಟ್ರಾನ್ಸಿಟ್‌ ವೀಸಾದ ಮಾಹಿತಿ ನಿಮಗೆ ಗೊತ್ತಿರಬೇಕು. ದೆಹಲಿ, ಮುಂಬೈ, ಬೆಂಗಳೂರಿನಿಂದ ನೀವು ಜೇಜು ದ್ವೀಪಕ್ಕೆ ನೇರವಾಗಿ ಪ್ರಯಾಣಿಸಬಹುದಾಗಿದೆ.
ಜೇಜು ದಕ್ಷಿಣ ಕೊರಿಯಾದ ಒಂದು ಸುಂದರ ದ್ವೀಪ. ಇಲ್ಲಿನ ವಾತಾವರಣ ಬೇರೆ ಪ್ರವಾಸಿ ಸ್ಥಳಗಳಿಗಿಂತ ಭಿನ್ನ ಹಾಗೂ ಶಾಂತವಾಗಿದೆ. ದಕ್ಷಿಣ ಕೊರಿಯಾದ ಎಷ್ಟೋ ಜನರು ತಮ್ಮ ದಣಿವು ನಿವಾರಿಸಿಕೊಳ್ಳಲು ಇಲ್ಲಿಗೆ ಆಗಮಿಸುತ್ತಾರೆ.
ಪ್ರೇಕ್ಷಣೀಯ ಸ್ಥಳಗಳು
ನೈಸರ್ಗಿಕ ಸೌಂದರ್ಯ : ಜೇಜು ನೈಸರ್ಗಿಕವಾಗಿ ಸಾಕಷ್ಟು ಆಕರ್ಷಕವಾಗಿದೆ. ಇಲ್ಲಿನ ಪ್ರಶಾಂತ ವಾತಾವರಣ ಹಾಗೂ ಮುಕ್ತ ವಾತಾವರಣದಲ್ಲಿ ಉಸಿರಾಟ ನಡೆಸುವುದು ಬಹಳ ಖುಷಿದಾಯಕ ಎನಿಸುತ್ತದೆ.
ಹಸ್ಲನ್ : ಜೇಜು ದ್ವೀಪದ ನಿರ್ಮಾಣ ಸಾವಿರಾರು ವರ್ಷಗಳ ಹಿಂದೆ ಜ್ವಾಲಾಮುಖಿಯ ಸ್ಛೋಟದಿಂದ ಆಗಿತ್ತು. ದ್ವೀಪದ ಮಧ್ಯ ಭಾಗದಲ್ಲಿ ಹಾಸನ ಜ್ವಾಲಾಮುಖಿ ಇದ್ದು, ಅದು ಈಗ ನಿಷ್ಕ್ರಿಯವಾಗಿದೆ. ದಕ್ಷಿಣ ಕೊರಿಯಾದ ಉನ್ನತ ಶಿಖರ ಮೌಂಟ್‌ ನ್ಯಾಷನಲ್ ಪಾರ್ಕ್‌ನಲ್ಲಿ ಪ್ರವಾಸ ಕೈಗೊಂಡು ಸಾಕಷ್ಟು ಆನಂದ ಅನುಭವಿಸಬಹುದಾಗಿದೆ. ಇಲ್ಲೊಂದು ಆಳವಾದ ಕೊರಕಲು ಇದ್ದು, ಅದೀಗ ಸುಂದರ ಸರೋವರವಾಗಿದೆ. ಅಲ್ಲಿ ನಾನಾ ಪ್ರಕಾರದ ಔಷಧಿ ಸಸ್ಯಗಳಿದ್ದು, ಅಪರೂಪದ ಪ್ರಾಣಿ ಸಂಕುಲ ಕೂಡ ಕಂಡುಬರುತ್ತದೆ.
ಹ್ಯೋಪಜೆ ಬೀಚ್‌ : ಜೇಜು ದ್ವೀಪದ ಉತ್ತರ ಭಾಗದಲ್ಲಿ ಈ ಬೀಚ್‌ ಇದೆ. ಇಲ್ಲಿನ ಮರಳು ಬೆಳ್ಳಗೆ ಇರುವುದು ವಿಶೇಷ. ಇಲ್ಲಿ ನೀವು ಅತ್ಯಂತ ಸ್ವಚ್ಛ ನೀರಿನಲ್ಲಿ ಈಜುವ ಆನಂದ ಪಡೆದುಕೊಳ್ಳಬಹುದು.
ಲಾವಾದ ಸುರಂಗ : ಜ್ವಾಲಾಮುಖಿಯ ಭಯಂಕರ ಸ್ಛೋಟದ ಬಳಿಕ ಈ ಸುರಂಗ ಮಾರ್ಗದಿಂದ ಲಾವಾರಸ ಹೊರಹೋಗುತ್ತಿತ್ತು. ಇದು ಒಂದು ಗುಹೆಯ ರೀತಿಯಲ್ಲಿ ಇದೆ. ಇದರ ಉದ್ದ 13 ಕಿ.ಮೀ ಇದ್ದು, ಇದರಲ್ಲಿ ಒಂದು ಕಿ.ಮೀ. ಮಾತ್ರ ಪ್ರವಾಸಿಗರಿಗೆ ಮುಕ್ತವಾಗಿದೆ.
ರಸ್ತೆ ಸಂಚಾರ : ಇಲ್ಲಿ ಜಿಪಿಎಸ್‌ನ ನೆರವಿನಿಂದ ದ್ವೀಪದ ಬೇರೆ ಬೇರೆ ಕಡೆ ಕಾರಿನಲ್ಲಿ ಸಂಚರಿಸಬಹುದು. ಬೇರೆ ಬೇರೆ ಪ್ರವಾಸಿಗರು ಜೊತೆಗಿದ್ದರೆ ಬಹಳ ಖುಷಿಯಿಂದ ಪ್ರವಾಸದ ಮಜ ಪಡೆಯಬಹುದು. ಕಾಲ್ನಡಿಗೆಯಲ್ಲಿ ಸಾಗಲು ಕೂಡ ಟ್ರ್ಯಾಕ್ಸ್ ನಿರ್ಮಾಣ ಮಾಡಲಾಗಿದೆ. ಇಲ್ಲಿನ ರಸ್ತೆಯಲ್ಲಿ ಒಂದು ಗ್ರ್ಯಾಂಡ್‌ ಮದರ್‌ ಸ್ಟ್ಯಾಚ್ಯೂ ಇದೆ. ದಂತಕತೆಯ ಪ್ರಕಾರ, ಒಬ್ಬ ಮೀನುಗಾರ ಸಮುದ್ರದಲ್ಲಿ ಮೀನು ಹಿಡಿಯಲು ಹೋಗಿದ್ದ. ಅವನ ಹೆಂಡತಿ ಅವನ ನಿರೀಕ್ಷೆಯಲ್ಲಿ ಶಿಲಾ ಪ್ರತಿಮೆಯಾದಳು ಎಂದು ಹೇಳಲಾಗುತ್ತದೆ. ಹಾಗೆಂದೇ ಕೊರಿಯನ್ನರು ಹೊರಗೆ ಹೋಗುವ ಮಕ್ಕಳಿಗೆ ಹೀಗೆ ಹೇಳುತ್ತಾರೆ, ``ಬಹಳ ತಡ ಮಾಡಬೇಡ. ಹಾಗೆ ಇಲ್ಲದಿದ್ದರೆ ನೀನು ಕೂಡ ಅಜ್ಜಿಯ ಮೂರ್ತಿ ಆಗಿಬಿಡ್ತಿಯಾ!''
