ಅಪಾಯದಲ್ಲಿ ವೈಯಕ್ತಿಕ ಸ್ವಾತಂತ್ರ್ಯ
ವಾಟ್ಸ್ಆ್ಯಪ್‌, ಟ್ವಿಟರ್‌, ಫೇಸ್‌ಬುಕ್‌ ಇವೆಲ್ಲ ಈಚೆಗೆ ಸರ್ಕಾರ ಹಾಗೂ ಸಮಾಜದ ಕೆಂಗಣ್ಣಿಗೆ ಗುರಿಯಾಗಿವೆ. ಫೇಸ್‌ಬುಕ್‌ ಯಾವಾಗ ತನ್ನಲ್ಲಿರುವ ಜನರ ವರ್ತನೆಯ ಕುರಿತಾದ ಮಾಹಿತಿಯನ್ನು ಕೇಂಬ್ರಿಜ್‌ ಅನಾಲಿಟಿಕ್ಸ್ಗೆ ಮಾರಿಕೊಂಡು ಹಣ ಗಳಿಸಲು ಮುಂದಾಯಿತೊ, ಆಗಿನಿಂದ ಡಿಜಿಟಲ್ ಮೀಡಿಯಾ, ಡಿಜಿಟಲ್ ಸಂವಾದದ ಬಗ್ಗೆ ಪ್ರಶ್ನೆ ಎದ್ದಿದೆ.
ಗೂಗಲ್‌ನ ಸುಂದರ್‌ ಪಿಚ್ಚಾಯಿ ಅವರು ಅಮೆರಿಕ ಸಂಸತ್ತಿಗೆ ಹೇಳಿರುವ ಪ್ರಕಾರ, ಉಚಿತವಾಗಿ ಕಳಿಸಲ್ಪಡುವ ಜೀಮೇಲ್‌ ಅಕೌಂಟ್‌ಗಳ ಮಾಹಿತಿಯನ್ನು ಕೂಡ ಓದಬಹುದಂತೆ.
ವಾಸ್ತವದಲ್ಲಿ ಡಿಜಿಟಲ್ ಕ್ರಾಂತಿ ಜಗತ್ತಿಗೆ ಅಪಾಯಕಾರಿಯಾಗಿ ಪರಿಣಮಿಸುತ್ತಿದೆ. ಸ್ವಲ್ಪ ಮಟ್ಟಿಗೆ ಪರಮಾಣು ಬಾಂಬ್‌ಗಳ ರೀತಿಯಲ್ಲಿ. ಪರಮಾಣು ಪರೀಕ್ಷೆಗಳ ಅಪಾಯಕಾರಿ ಉದಾಹರಣೆಗಳು ಆ ಬಳಿಕ ಗಮನಕ್ಕೆ ಬಂದವು. ಆದರೆ ಆ ಅವಧಿಯಲ್ಲಿ ನಡೆಸಿದ ಸಂಶೋಧನೆಗಳ ಲಾಭ ಬಹಳಷ್ಟು ಕ್ಷೇತ್ರಗಳಿಗೆ ಲಭಿಸಿತು. ಇತ್ತೀಚಿನ ದಿನಗಳಲ್ಲಿ ರೇಡಿಯೇಶನ್‌ನ ದುಷ್ಪರಿಣಾಮದ ಬಗ್ಗೆ ಹೇಳಲಾಗುತ್ತಿದೆ. ಅವೆಲ್ಲ ಪರಮಾಣು ಪರೀಕ್ಷೆಗಳಿಗೆ ಸಂಬಂಧಪಟ್ಟಿವೆ. ಡಿಜಿಟಲ್ ಕ್ರಾಂತಿಯಲ್ಲಿ ಇದು ತದ್ವಿರುದ್ಧವಾಗಿದೆ. ಮೊದಲು ಅದರಿಂದ ಲಾಭವಾಯಿತು. ಈಗ ಅದರ ದುಷ್ಪರಿಣಾಮಗಳು ಗೋಚರಿಸುತ್ತಿವೆ.
ಡಿಜಿಟಲ್ ಮೀಡಿಯಾ ಮುಖಾಂತರ ತಮ್ಮ ಸಂಬಂಧಿಕರು, ಸ್ನೇಹಿತರು ಹಾಗೂ ಗ್ರಾಹಕರ ತನಕ ಸಂದೇಶ ರವಾನಿಸಬಹುದು. ಸುಳ್ಳು ಸುದ್ದಿ ಹರಡುವವರು ಇದನ್ನು ಸಾಕಷ್ಟು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದಾರೆ. ಈಗ ಜಗತ್ತಿನಾದ್ಯಂತ ಸುಳ್ಳು ಸುದ್ದಿಗಳು ಧಾರಾಳವಾಗಿ ಹರಿದಾಡುತ್ತಿವೆ. ಪರದೆಯ ಹಿಂದೆ ಯಾರಿದ್ದಾರೆ ಎನ್ನುವುದು ಯಾರಿಗೂ ಗೊತ್ತಿಲ್ಲ. ಹೀಗಾಗಿ ಯಾರನ್ನು ಯಾರು ಬೇಕಾದರೂ ಮೂರ್ಖರನ್ನಾಗಿ ಮಾಡಬಹುದು.
ಕೆಲವರು ಈಗ ಫೇಸ್‌ಬುಕ್‌, ವಾಟ್ಸ್ಆ್ಯಪ್‌ ಮೂಲಕ ಪ್ರೀತಿ ಮಾಡುತ್ತಾರೆ. ಆದರೆ ಅದರ ವಾಸ್ತವ ಮಾತ್ರ ಅವರಿಗೆ ಗೊತ್ತಾಗುವುದೇ ಇಲ್ಲ. ಯಾವ ಸಂಗತಿ ಇಬ್ಬರ ನಡುವೆ ಗುಪ್ತವಾಗಿರಬೇಕೊ, ನೂರಾರು ಜನರ ಮಧ್ಯೆ ಯಾವಾಗ ಹಂಚಿ ಹೋಗುತ್ತೋ ಗೊತ್ತಾಗುವುದೇ ಇಲ್ಲ.
ಸರ್ಕಾರಗಳಿಗೆ ಈ ಪ್ಲ್ಯಾಟ್‌ಫಾರ್ಮ್ ಗಳು ಬಹಳ ಉಪಯುಕ್ತವಾಗಿ ಪರಿಣಮಿಸಿವೆ. ವಿರೋಧಿಗಳ ಮೇಲ್‌, ಮೆಸೇಜ್‌ ಹಾಗೂ ಇತರೆ ಸಂಗತಿಗಳನ್ನು ದಕ್ಕಿಸಿಕೊಳ್ಳುತ್ತಿವೆ.
ಈಗ ಮೊಬೈಲ್‌ನಲ್ಲಿ ಆಡಿದ ಮಾತುಗಳು ಕೂಡ ಸುರಕ್ಷಿತವಲ್ಲ. ಅನ್ನುವುದನ್ನು ಕೂಡ ರೆಕಾರ್ಡ್‌ ಮಾಡಿಕೊಳ್ಳಲಾಗುತ್ತಿದೆ. ವಿರೋಧ ಪಕ್ಷದವರ ಪ್ರತಿಯೊಂದು ಹೆಜ್ಜೆಯನ್ನು ಆಡಳಿತ ಪಕ್ಷಗಳು ತಿಳಿದುಕೊಳ್ಳಬಹುದಾಗಿದೆ. ಇವೆಲ್ಲ ವೈಯಕ್ತಿಕ ಸ್ವಾತಂತ್ರ್ಯಕ್ಕೆ ಕಡಿವಾಣ ಹಾಕುತ್ತಿವೆ.
ಈಗ ಕಾಗದದ ಮೇಲೆಯೇ ಬರೆಯಿರಿ ಎಂದು ಯಾರೂ ಹೇಳುತ್ತಿಲ್ಲ. ಆದರೆ ನೀವು ಗಮದಲ್ಲಿಟ್ಟುಕೊಳ್ಳಬಹುದಾದ ಒಂದು ಸಂಗತಿಯೆಂದರೆ, ಸರ್ಕಾರದ ಗುರಿ ನಿಮ್ಮ ಮೇಲೆಯೇ ಇದೆ. ನೀವು ವ್ಯಾಪಾರಿಗಳಿಗೂ ಟಾರ್ಗೆಟ್‌ ಆಗುತ್ತಿರುವಿರಿ. ಅವು ನಿಮ್ಮ ಯೋಚನೆ, ನಿಮ್ಮ ಖರೀದಿಯ ಸಾಮರ್ಥ್ಯವನ್ನು ನಿಯಂತ್ರಿಸುತ್ತಿವೆ.
ಸೆಕ್ಸ್ ಸಂಬಂಧದಲ್ಲಿ ನಿರಾಸಕ್ತಿ ಏಕೆ?
ಸೆಕ್ಸ್ ರಹಿತವಾಗಿ ಗಂಡು ಹೆಣ್ಣಿನ ಸಂಬಂಧ ಅಪೂರ್ಣ. ಸೆಕ್ಸ್ ಕೆಟ್ಟದ್ದು ಎಂದು ಯಾರು ಎಷ್ಟೇ ಜರಿದರೂ ಕೂಡ ಗಂಡು ಹೆಣ್ಣಿನಲ್ಲಿ ಪ್ರೀತಿ ಹಾಗೂ ಒಡನಾಟ ಹೆಚ್ಚುವುದು ಸೆಕ್ಸ್ ನಿಂದಲೇ. ಕೆಲವು ಪ್ರಕರಣಗಳಲ್ಲಿ ಈ ಪ್ರೀತಿ ಒಡನಾಟ ಕೆಲವು ನಿಮಿಷಗಳು ಮಾತ್ರ ಇರುತ್ತದೆ. ಪ್ರಕ್ರಿಯೆ ಮುಗಿಯುತ್ತಿದ್ದಂತೆ ಇಬ್ಬರೂ ತಮ್ಮ ತಮ್ಮ ಕೆಲಸಗಳಲ್ಲಿ ಮಗ್ನರಾಗಿಬಿಡುತ್ತಾರೆ. ಹೊಟ್ಟೆ ಹೊರೆಯುವುದು ಕೂಡ ಅಷ್ಟೇ ಮಹತ್ವದ್ದು.
