ಕಂಗಳ ಸುತ್ತಲೂ ಕಪ್ಪು ಗೆರೆ ಅಥವಾ ಉಂಗುರ ಕಾಣಿಸತೊಡಗಿದರೆ, ನಿಮ್ಮ ಸೌಂದರ್ಯ ಕುಂದತೊಡಗುತ್ತದೆ. ಆಗ ನೀವು ಸುಸ್ತಾದವರಂತೆ, ಆಗ ತಾನೇ ಮಲಗಿ ಎದ್ದವರಂತೆ ಡಲ್ ಆಗಿ ಕಾಣಿಸುತ್ತೀರಿ. ಧಾರಾಳ ನಿದ್ದೆ ಮಾಡದಿದ್ದರೆ, ಹಾರ್ಮೋನ್‌ಗಳ ಬದಲಾವಣೆ, ಟೆನ್ಶನ್‌, ಜಂಕ್‌ ಫುಡ್‌ನ ಅತಿ ಸೇವನೆ ಇತ್ಯಾದಿಗಳಿಂದಾಗಿ ಕಂಗಳ ಸುತ್ತಲೂ ಡಾರ್ಕ್ ಸರ್ಕಲ್ಸ್ ಮೂಡುತ್ತವೆ.
ಆರಂಭದಲ್ಲೇ ಗಮನಿಸಿಕೊಂಡು, ಇದನ್ನು ದೂರ ಮಾಡಲು ಯತ್ನಿಸದಿದ್ದರೆ, ಇದು ಶಾಶ್ವತ ಉಳಿದುಬಿಡುತ್ತದೆ. ಬನ್ನಿ, ಇದರಿಂದ ಮುಕ್ತಿ ಪಡೆಯುವುದು ಹೇಗೆಂದು ನೋಡೋಣ :
ಸದಾ ಹೈಡ್ರೇಟೆಡ್‌ ಆಗಿರಿ : ದೇಹದಿಂದ ವಿಷಯುಕ್ತ ಪದಾರ್ಥ ಹೊರಹಾಕುವುದು ಅತಿ ಅನಿವಾರ್ಯ. ನೀವು ಇಡೀ ದಿನ ನಿಯಮಿತವಾಗಿ ನೀರು ಕುಡಿಯುತ್ತಿದ್ದರೆ ಮಾತ್ರ ಹೀಗೆ ಮಾಡಲು ಸಾಧ್ಯ. ಆದ್ದರಿಂದ ಪ್ರತಿದಿನ ಕನಿಷ್ಠ 8-10 ಗ್ಲಾಸ್‌ ನೀರು ಕುಡಿಯಬೇಕು.
ಬ್ಯಾಲೆನ್ಸ್ಡ್ ಡಯೆಟ್‌ ಸೇವಿಸಿ : ಜಂಕ್‌ ಫುಡ್ ಸೇವಿಸಲೇಬೇಡಿ. ಇದರಲ್ಲಿ ಚರ್ಮದ ಆರೋಗ್ಯ ಹಾಳಾಗುವ ಅನೇಕ ಅಂಶಗಳಿವೆ. ಚರ್ಮ ಊದಲೂಬಹುದು. ಈ ಕಾರಣ ಡಾರ್ಕ್ ಸರ್ಕಲ್ಸ್ ಹೆಚ್ಚುತ್ತವೆ. ಆದ್ದರಿಂದ ಸೀಸನ್‌ ಫ್ರೂಟ್ಸ್ ಸೇವಿಸಿ, ಧಾರಾಳ ತರಕಾರಿ ಬಳಸಿರಿ. ಸಲಾಡ್‌, ಮೊಳಕೆ ಕಟ್ಟಿದ ಹಸಿ ಕಾಳು ಇತ್ಯಾದಿ ಜೊತೆ ನಿಂಬೆ ರಸ, ಪುದೀನಾ, ಕಿವೀ ಫ್ರೂಟ್‌ ಕೂಡ ಸೇವಿಸಿ. ಈ ಹುಳಿ ಪದಾರ್ಥಗಳಲ್ಲಿ ಧಾರಾಳ ವಿಟಮಿನ್‌ `ಸಿ’ ಅಡಗಿದೆ, ಇದರಿಂದಾಗಿ ಡಾರ್ಕ್ ಸರ್ಕಲ್ಸ್ ತಾನಾಗಿ ದೂರಾಗುತ್ತದೆ.
ನಿದ್ದೆ ಕಡಿಮೆ ಆಗಬಾರದು : ಕನಿಷ್ಠ 6-7 ತಾಸು ಆಳವಾದ ನಿದ್ದೆ ಅತ್ಯಗತ್ಯ.
ಆದಷ್ಟೂ ಟೆನ್ಶನ್‌ ಕಡಿಮೆ ಇರಲಿ : ಆಧುನಿಕ ಜೀವನ ಸದಾ ಟೆನ್ಶನ್‌ನಿಂದ ಕೂಡಿರುತ್ತದೆ. ವ್ಯಾಯಾಮದ ಮಾಧ್ಯಮದಿಂದ ನೀವು ಟೆನ್ಶನ್‌ ಕಡಿಮೆ ಮಾಡಬಹುದು. ನಿಮ್ಮ ನರಗಳಿಗೆ ಆರಾಮ ನೀಡಿ. ಎಂಡೋರ್ಫಿನ್‌ ಸಂಚಾರ ಕಡಿಮೆ ಇರಲಿ. ಹೀಗೆ ಮಾಡುವುದರಿಂದ ನಿಮ್ಮ ಚರ್ಮದಲ್ಲಿ ಹೊಳಪು ಮೂಡುತ್ತದೆ ಹಾಗೂ ಡಾರ್ಕ್ ಸರ್ಕಲ್ಸ್ ತಂತಾನೇ ಮರೆಯಾಗುತ್ತದೆ.
ಚರ್ಮದ ಆರೈಕೆ : ನೀವು ಡಾರ್ಕ್ ಸರ್ಕಲ್ಸ್ ನಿಂದ ಮುಕ್ತಿ ಬಯಸಿದರೆ, ನಿಮ್ಮ ಚರ್ಮದ ಪ್ರಕಾರಕ್ಕೆ ತಕ್ಕಂತೆ ಅದರ ಆರೈಕೆ ಮಾಡಿ. ಆಗ ಮಾತ್ರವೇ ನಿಮ್ಮ ಚರ್ಮ ಸ್ವಸ್ಥ, ಮೃದು ಆಗಿರುತ್ತದೆ. ಕಂಗಳ ಮೇಕಪ್‌ ತೆಗೆದ ನಂತರ ಅದರ ಸುತ್ತಲೂ ಬಾದಾಮಿ ಎಣ್ಣೆ ಅಥವಾ ವಿಟಮಿನ್‌ ‘ಈ’ಯುಕ್ತ ಕ್ರೀಂ, ಸೀರಮ್ ನಿಂದ ಮಸಾಜ್‌ ಮಾಡಿ. ಬಿಸಿಲಿಗೆ ಹೊರಡುವ ಮೊದಲು ಸನ್‌ಸ್ಕ್ರೀನ್ ಹಚ್ಚಲು ಮರೆಯದಿರಿ.
ಮದ್ಯ ಬೇಡವೇ ಬೇಡ : ಧೂಮಪಾನ, ಮದ್ಯಪಾನ ಹೆಣ್ಣಿನ ಸೌಂದರ್ಯದ ಪರಮ ಶತ್ರುಗಳು. ಇವು ಚರ್ಮದ ಅಂದ ಕೆಡಿಸುತ್ತವೆ. ಆದ್ದರಿಂದ ಇದರ ಸಹವಾಸ ಬೇಡ.
ಲೈಟ್‌ ಕ್ರೀಂ ಬಳಸಿರಿ : ಅಲರ್ಜಿ ಕಾರಣದಿಂದಲೂ ಡಾರ್ಕ್ ಸರ್ಕಲ್ಸ್ ಹೆಚ್ಚುತ್ತವೆ. ಆದ್ದರಿಂದ ಅಲರ್ಜಿ ಇದೆಯೇ ಪರೀಕ್ಷಿಸಿಕೊಳ್ಳಿ. ಆ್ಯಂಟಿ ಹಿಸ್ಟಮೈನ್‌ ಸೇವಿಸಿ. ಇದು ಡಾರ್ಕ್ ಸರ್ಕಲ್ಸ್ ಇಲ್ಲದಂತೆ ಮಾಡಬಲ್ಲದು. ಕೆಟಿನಾಲ್ ಕ್ರೀಮ್ ನ್ನು ನಿಯಮಿತವಾಗಿ ಬಳಸಿರಿ. ಅದರಿಂದಲೂ ಈ ಸಮಸ್ಯೆ ನಿವಾರಣೆ ಆಗುತ್ತದೆ.
ಕೋಲ್ಡ್ ಟೀ ಬ್ಯಾಗ್‌ ಬಳಸಿರಿ : ಮತ್ತೊಂದು ಸುಲಭ ಮನೆಮದ್ದು ಎಂದರೆ ಕೋಲ್ಡ್ ಟೀ ಬ್ಯಾಗ್ಸ್ ಬಳಕೆ. ಗ್ರೀನ್‌ ಟೀ ಬ್ಯಾಗ್‌ನ್ನು ಐಸ್ ವಾಟರ್‌ನಲ್ಲಿ ನೆನೆಹಾಕಿ. ಸ್ವಲ್ಪ ಹೊತ್ತಿನ ನಂತರ ಕಂಗಳ ಮೇಲಿರಿಸಿಕೊಂಡು ವಿಶ್ರಾಂತಿ ಪಡೆಯಿರಿ. ನಿಯಮಿತವಾಗಿ ಹೀಗೆ ಮಾಡುವುದರಿಂದ ಡಾರ್ಕ್ ಸರ್ಕಲ್ಸ್ ತಗ್ಗುತ್ತದೆ.
ಆಲೂ/ಸೌತೆ/ಟೊಮೇಟೊ ರಸ : ಕೆಲವು ಮನೆ ಮದ್ದುಗಳು ಈ ಸಮಸ್ಯೆ ತಗ್ಗಿಸಲು ಪೂರಕ. ಸೌತೆ, ಟೊಮೇಟೊ, ಆಲೂ ಈ ಸಮಸ್ಯೆ ತಗ್ಗಿಸಲು ಎಷ್ಟೋ ಸಹಕಾರಿ. ಏಕೆಂದರೆ ಇವುಗಳಿಗೆ ಚರ್ಮವನ್ನು ಹೊಳೆ ಹೊಳೆಯುವಂತೆ ಮಾಡಬಲ್ಲ ಅಂಶಗಳಿವೆ. ಇದರ 1-1 ಚಮಚ ರಸ ತೆಗೆದು ಮಿಕ್ಸ್ ಮಾಡಿ, ಕಂಗಳ ಸುತ್ತ ಡಾರ್ಕ್ ಸರ್ಕಲ್ಸ್ ಇರುವಲ್ಲಿ ಹಚ್ಚಬೇಕು. ಹೀಗೆ 10 ನಿಮಿಷ ಕಳೆದ ಮೇಲೆ, ತಣ್ಣೀರಿನಿಂದ ಮುಖ ತೊಳೆಯಿರಿ. ಹೀಗೆ ದಿನಕ್ಕೆ 2 ಸಲ ಮಾಡಿ. 1 ತಿಂಗಳಲ್ಲಿ ಈ ಸಮಸ್ಯೆ ಎಷ್ಟೋ ತಗ್ಗುತ್ತದೆ.
ಈ ಎಲ್ಲಾ ವಿಧಾನ ಅನುಸರಿಸಿಯೂ ನಿಮಗೆ ಏನೂ ಲಾಭ ಆಗದಿದ್ದರೆ, ಲೇಸರ್‌ ವಿಧಾನ ಒಂದೇ ಬ್ರಹ್ಮಾಸ್ತ್ರ! ಅದರ ಚಿಕಿತ್ಸೆಯಿಂದ ಡಾರ್ಕ್ ಸರ್ಕಲ್ಸ್ ದೂರವಾಗುತ್ತವೆ. ಚರ್ಮದಲ್ಲಿ ಬಿಗುವು ಹೆಚ್ಚುವುದರ ಜೊತೆ ಅದು ಎಷ್ಟೋ ಮೃದು ಆಗುತ್ತದೆ.
– ಡಾ. ಪ್ರಭಾವತಿ
