ನಾವು ಮನೆಯಲ್ಲಿಯೇ ಇರಬಹುದು, ಹೊರಗಡೆ ಹೋಗದಿರಬಹುದು, ಇಲ್ಲೆಲ್ಲ ಹಲವು ತೆರನಾದ ರೋಗಾಣು, ಬ್ಯಾಕ್ಟೀರಿಯಾ, ವೈರಸ್‌ ಗಳ ಸಂಪರ್ಕಕ್ಕೆ ಬಂದೇ ಬರುತ್ತೇವೆ. ಯಾವುದೊ ಒಂದು ಜಾಗವನ್ನು ಮುಟ್ಟುವುದರಿಂದ ಯಾರ ಕೈಯನ್ನಾದರೂ ಕುಲುಕುವುದರಿಂದ, ಯಾರಾದರೂ ಸೀನಿದಾಗ ಅಥವಾ ಗಾಳಿಯ ಮೂಲಕ ಗೋಡೆಗೆ ಆಸರೆಯಾಗಿ ನಿಂತಾಗ, ಯಾರನ್ನಾದರೂ ತಬ್ಬಿಕೊಂಡಾಗ ನಾವು ರೋಗಾಣುಗಳ ಸಂಪರ್ಕಕ್ಕೆ ಬರಬಹುದು. ಆ ರೋಗಾಣುಗಳು ನಮ್ಮ ಬಟ್ಟೆಗೆ ಅಂಟಿಕೊಳ್ಳುತ್ತವೆ. ಒಂದು ವೇಳೆ ಬಟ್ಟೆಗಳನ್ನು ಚೆನ್ನಾಗಿ ಸ್ವಚ್ಛಗೊಳಿಸದಿದ್ದರೆ, ನಾವು ಅನಾರೋಗ್ಯ ಪೀಡಿತರಾಗಬಹುದು. ನಮ್ಮನ್ನು ನಾವು ಸುರಕ್ಷಿತವಾಗಿಟ್ಟುಕೊಳ್ಳಲು ಬಟ್ಟೆಗಳನ್ನು ಹೇಗೆ ರೋಗಾಣುಮುಕ್ತವಾಗಿ ಇಡಬೇಕೆಂದು ತಿಳಿದುಕೊಳ್ಳಿ.
ಬಟ್ಟೆಗಳನ್ನು ಒಟ್ಟಿಗೆ ಇಡಬೇಡಿ
ಬಹಳಷ್ಟು ಮನೆಗಳಲ್ಲಿ ಎರಡು ಮೂರು ದಿನಗಳಿಗೊಮ್ಮೆ ಬಟ್ಟೆಗಳನ್ನು ಒಟ್ಟುಗೂಡಿಸಿ ಒಗೆಯಲಾಗುತ್ತದೆ. ಮಳೆಗಾಲದಲ್ಲಿ ಈ ಬಟ್ಟೆಗಳಲ್ಲಿ ತೇವಾಂಶ ಉಂಟಾಗಿ ಅದು ರೋಗಾಣುಗಳು ಉತ್ಪತ್ತಿಯಾಗಲು ಅವಕಾಶ ಕೊಡುತ್ತದೆ. ಕೊರೋನಾ ಸೋಂಕಿನ ದಿನಗಳಲ್ಲಂತೂ ಇದು ಇನ್ನಷ್ಟು ಅಪಾಯಕಾರಿಯಾಗಿ ಪರಿಣಮಿಸಬಹುದು.
ಕೆಲವು ಬ್ಯಾಕ್ಟೀರಿಯಾಗಳು ಅದೇ ದಿನ ಸತ್ತು ಹೋಗುತ್ತವೆ. ಆದರೆ ಇಕೋಲಿ ಮತ್ತು ಇನ್ನಿತರ ಬ್ಯಾಕ್ಟೀರಿಯಾಗಳು ಹಲವು ವಾರಗಳ ತನಕ ಜೀವಂತವಾಗಿರುತ್ತವೆ. ಅದರಲ್ಲೂ ಸ್ಟೆಪಿಯೋಕಾಕಸ್‌ ಬ್ಯಾಕ್ಟೀರಿಯಾ ಹಲವು ತಿಂಗಳುಗಳ ತನಕ ಉದ್ಭವಿಸುತ್ತಲೇ ಇರುತ್ತದೆ. ಹೀಗಾಗಿ ಬಟ್ಟೆಗಳುನ್ನ ಒಂದೇ ಕಡೆ ಒಟ್ಟುಗೂಡಿಸಿ ಇಡಬೇಡಿ.
ಮಕ್ಕಳ ಬಟ್ಟೆ ಪ್ರತ್ಯೇಕವಾಗಿರಲಿ
ಮಕ್ಕಳ ಬಟ್ಟೆಗಳ ಸ್ವಚ್ಛತೆಯ ಬಗ್ಗೆ ಹೆಚ್ಚಿನ ನಿಗಾ ವಹಿಸಬೇಕು. ಏಕೆಂದರೆ ಮಕ್ಕಳು ಹೆಚ್ಚಾಗಿ ನೆಲದ ಮೇಲೆಯೇ ಆಟ ಆಡುತ್ತಿರುತ್ತಾರೆ. ಆಟಿಕೆ ಸಾಮಾನುಗಳನ್ನು ತಮ್ಮ ಬಳಿಯೇ ಇಟ್ಟುಕೊಂಡಿರುತ್ತಾರೆ. ಒಂದು ವೇಳೆ ಅವರ ಬಟ್ಟೆಗಳನ್ನು ಇತರೆ ಬಟ್ಟೆಗಳೊಂದಿಗೆ ಸೇರಿಸಿ ಒಗೆದರೆ ಅದರಲ್ಲಿನ ರೋಗಾಣುಗಳು ಬೇರೆ ಬಟ್ಟೆಗಳಲ್ಲೂ ಪ್ರವೇಶಿಸುವ ಸಾಧ್ಯತೆ ಇರುತ್ತದೆ. ಹೀಗಾಗಿ ಅವರ ಬಟ್ಟೆಗಳನ್ನು ಪ್ರತ್ಯೇಕವಾಗಿಡಿ ಮತ್ತು ಅಂತಹ ಬಟ್ಟೆಗಳನ್ನು ಕಡಿಮೆ ಕೆಮಿಕಲ್ಸ್ ಬಳಸಿರುವ ಲಿಕ್ವಿಡ್ ಅಥವಾ ಪೌಡರ್‌ ನಿಂದ ಒಗೆಯಿರಿ. ಬಟ್ಟೆ ಒಗೆದ ಬಳಿಕ ಯಾವುದಾದರೂ ಡಿಸ್‌ ಇನ್ ಫೆಕ್ಟೆಂಟ್‌ ನಲ್ಲಿ ಅದ್ದಿರಿ.
ಹೊರಗಿನಿಂದ ಬಂದ ನಂತರ……
ನೀವು ಹೊರಗಿನಿಂದ ಬಂದ ಬಳಿಕ ತಕ್ಷಣವೇ ಬಟ್ಟೆ ಒಗೆಯಲು ಹಾಕಬೇಕು. ಒಂದು ಅಧ್ಯಯನದಿಂದ ತಿಳಿದು ಬಂದ ಸಂಗತಿಯೇನೆಂದರೆ, ಕೊರೋನಾ ವೈರಸ್‌ ಬಹಳ ಹೊತ್ತಿನ ತನಕ ಬಟ್ಟೆಯ ಮೇಲೆಯೇ ಅಂಟಿಕೊಂಡು ಕುಳಿತಿರುತ್ತವೆ. ಒಂದು ವೇಳೆ ಅಂತಹ ಬಟ್ಟೆಗಳನ್ನು ಒಗೆಯದ ಬೇರೆ ಬಟ್ಟೆಗಳ ಜೊತೆ ಮಿಶ್ರಣ ಮಾಡಿದರೆ, ತೇವಾಂಶದ ಲಾಭ ಪಡೆದುಕೊಂಡು ಆ ವೈರಸ್‌ ಮತ್ತೆ ಉದ್ಭವಿಸಬಹುದು. ಒಂದು ವೇಳೆ ಇದರ ಬಗ್ಗೆ ಗಮನ ಕೊಡದೇ ಹೋದರೆ ನಾವು ವೈರಸ್‌ ಸಂಪರ್ಕಕ್ಕೆ ಬಂದು ಅನಾರೋಗ್ಯಕ್ಕೆ ತುತ್ತಾಗಬಹುದು. ಹೀಗಾಗಿ ಹೊರಗಿನಿಂದ ಬಂದಾಕ್ಷಣ ಎಷ್ಟು ಸಾಧ್ಯವೋ ಅಷ್ಟು ಬೇಗ ಬಟ್ಟೆಗಳನ್ನು ಡಿಸ್‌ ಇನ್ ಫೆಕ್ಟೆಂಟ್‌ ಮಿಶ್ರಣ ಮಾಡಿದ ನೀರಿನಲ್ಲಿ ಮುಳುಗಿಸಿ ಹಾಗೆಯೇ ಸ್ವಲ್ಪ ಹೊತ್ತು ಬಿಡಿ.
ವಾಶ್‌ ಮಾಡುವ ಸೂಕ್ತ ವಿಧಾನ
ನೀವು ಬಟ್ಟೆಗಳನ್ನು ಕೈಯಿಂದ ಒಗೆಯುತ್ತಿದ್ದರೆ ಬಕೆಟ್ ನಲ್ಲಿ ನೀರು ಹಾಕಿ, ಡಿಟರ್ಜೆಂಟ್‌ ಮಿಶ್ರಣ ಮಾಡಿ ಬಟ್ಟೆಗಳನ್ನು ಅದರಲ್ಲಿ ಸ್ವಲ್ಪ ಹೊತ್ತು ಹಾಗೆಯೇ ಬಿಡಿ. ಹೀಗೆ ಮಾಡುವುದರಿಂದ ಬಟ್ಟೆಗಳಲ್ಲಿರುವ ಎಲ್ಲ ರೋಗಾಣುಗಳು ಸತ್ತು ಹೋಗುತ್ತವೆ. ಒಂದು ವೇಳೆ ನೀವು ವಾಶಿಂಗ್‌ ಮೆಶಿನ್‌ ನಲ್ಲಿ ಬಟ್ಟೆ ಸ್ವಚ್ಛಗೊಳಿಸುತ್ತಿದ್ದರೆ, ಮೊದಲು ಮೆಶಿನ್‌ ನ್ನು ನೀರು ಹಾಕಿ ಚೆನ್ನಾಗಿ ಸ್ವಚ್ಛಗೊಳಿಸಿ. ಬಳಿಕ 10-15 ನಿಮಿಷಗಳ ಕಾಲ ಡಿಟರ್ಜೆಂಟ್‌ ನೀರಿನಿಂದ ಸ್ವಚ್ಛಗೊಳಿಸಿ. ಆ ಬಳಿಕ ಸ್ವಚ್ಛ ನೀರಿನಿಂದ ಒಗೆದು ಒಣಗಿಸಿ. ಈ ರೀತಿ ಮಾಡುವುದರಿಂದ ಬಟ್ಟೆಗಳು ಒಳಗಿನ ತನಕ ಸ್ವಚ್ಛವಾಗುತ್ತವೆ.
ಬಿಸಿ ನೀರಿನಿಂದ ಬಟ್ಟೆ ಒಗೆಯಿರಿ `ಸೆಂಟರ್‌ ಫಾರ್‌ ಡಿಸೀಸ್‌ ಕಂಟ್ರೋಲ್‌’ ಪ್ರಕಾರ ಸಾಧಾರಣ ಬೆಚ್ಚಗಿನ ನೀರಿನಿಂದ ಬಟ್ಟೆಗಳನ್ನು ಸ್ವಚ್ಛಗೊಳಿಸಬೇಕು. ಏಕೆಂದರೆ ಬಟ್ಟೆಯಲ್ಲಿರುವ ಎಲ್ಲ ರೋಗಾಣುಗಳು ಸಂಪೂರ್ಣವಾಗಿ ನಿವಾರಣೆಯಾಗಬೇಕು. ಡಿಟರ್ಜೆಂಟ್‌ ನ ಗುಣಮಟ್ಟ ಚೆನ್ನಾಗಿರಬೇಕು. ಮತ್ತೊಂದು ಸಂಗತಿ ನಿಮಗೆ ಗೊತ್ತಿರಬೇಕು, ಅದೇನೆಂದರೆ ಯಾವ ಬಟ್ಟೆಗಳನ್ನು ಬಿಸಿನೀರಿನಲ್ಲಿ ಸ್ವಚ್ಛಗೊಳಿಸಬಾರದು ಎಂದು ಹೇಳಿರುತ್ತಾರೊ, ಅಂತಹ ಬಟ್ಟೆಗಳನ್ನು ಹೇಗೆ ಒಗೆಯಬೇಕು ಎಂಬುದು ನಿಮಗೆ ಚೆನ್ನಾಗಿ ತಿಳಿದಿರಬೇಕು.
ಟವೆಲ್ಸ್ ನ ವಿಶೇಷ ಸ್ವಚ್ಛತೆ
ನೀವು ಅಪ್ಪಿತಪ್ಪಿಯೂ ಕೂಡ ಟವೆಲ್ಸ್ ನ್ನು ಇತರೆ ಬಟ್ಟೆಗಳ ಜೊತೆ ಸೇರಿಸಿ ಒಗೆಯಲು ಪ್ರಯತ್ನಿಸಬೇಡಿ. ಏಕೆಂದರೆ ಟವೆಲ್ಸ್ ಬಹಳ ದಪ್ಪವಾಗಿ ಇರುವುದರಿಂದ ಅವುಗಳಲ್ಲಿ ಬ್ಯಾಕ್ಟೀರಿಯಾಗಳು ಬಹಳ ಹೊತ್ತಿನ ತನಕ ಹಾಗೆಯೇ ಜೀವಂತ ಇರುತ್ತವೆ. ಬಾಥ್ ರೂಮ್ ಟವೆಲ್ಸ್ ಹಾಗೂ ಕಿಚನ್‌ ಟವೆಲ್ಸ್ ಕೊಳಕಿನ ಸಂಪರ್ಕಕ್ಕೆ ಬರುತ್ತವೆ. ಅವುಗಳಲ್ಲಿ ಇಕೋಲಿ ಬ್ಯಾಕ್ಟೀರಿಯಾಗಳು ಉದ್ಭವಿಸುವ ಕಾರಣದಿಂದ ನಮ್ಮ ಆರೋಗ್ಯಕ್ಕೆ ಹಾನಿಯನ್ನುಂಟು ಮಾಡಬಹುದು. ಹೀಗಾಗಿ ಅವನ್ನು ಒಗೆಯುವ ಮುಂಚೆ ಬಿಸಿನೀರಿನಲ್ಲಿ ಅರ್ಧ ಗಂಟೆ ನೆನೆಸಿಟ್ಟು ನಂತರ ಒಗೆಯಿರಿ. ಹೀಗೆ ಮಾಡುವುದರಿಂದ ಅವುಗಳಲ್ಲಿರುವ ಎಲ್ಲ ಬ್ಯಾಕ್ಟೀರಿಯಾಗಳು ನಿವಾರಣೆಯಾಗುತ್ತವೆ.
ಬ್ಲೀಚ್‌ ಮಾಡಿ
ಬ್ಲೀಚ್‌ ನ್ನು ಗುಡ್‌ ಡಿಸ್‌ ಇನ್ ಫೆಕ್ಟಿಂಗ್‌ ಏಜೆಂಟ್‌ ರೂಪದಲ್ಲಿ ಪರಿಗಣಿಸಲಾಗುತ್ತದೆ. ಆದರೆ ಬ್ಲೀಚ್‌ ನ್ನು ಎಲ್ಲ ಬಗೆಯ ಬಟ್ಟೆಗಳ ಮೇಲೆ ಉಪಯೋಗಿಸಲು ಆಗದು. ಬಟ್ಟೆಗಳಿಗಾಗಿ ಒಂದು ವಿಶೇಷ ಬಗೆಯ ಬ್ಲೀಚ್‌ ಇದ್ದು, ಅದರಿಂದ ಬಟ್ಟೆಗಳಿಗೆ ಯಾವುದೇ ಹಾನಿಯಾಗದು. ಎಷ್ಟು ಬಟ್ಟೆಗಳಿಗೆ ಎಷ್ಟು ಬ್ಲೀಚ್‌ ಹಾಕಬೇಕು ಎನ್ನುವ ಪ್ರಮಾಣದ ಬಗ್ಗೆ ನಿಮಗೆ ಗೊತ್ತಿರಬೇಕು.
ಸ್ಟೀಮಿಂಗ್‌ ಕೂಡ ಪರಿಣಾಮಕಾರಿ
ಸ್ಟೀಮ್ ಕ್ಲೀನಿಂಗ್‌ ಬಟ್ಟೆಗಳಿಂದ ಬ್ಯಾಕ್ಟೀರಿಯಾಗಳನ್ನು ಹೊಡೆದೋಡಿಸಲು ನೆರವಾಗುತ್ತದೆ. ಅದರ ಜೊತೆಗೆ ಅದು ಬಟ್ಟೆಗಳಿಗೆ ಫಿನಿಶಿಂಗ್‌ ಕೊಡುವ ಕೆಲಸವನ್ನೂ ಮಾಡುತ್ತದೆ. ಇತ್ತೀಚೆಗೆ ಬಂದ ಕೆಲವು ವಾಶಿಂಗ್‌ ಮೆಶಿನ್‌ ಗಳಲ್ಲಿ ಸ್ಟೀಮ್ ಮೇಕರ್‌ ತಂತ್ರಜ್ಞಾನ ಅಳವಡಿಸಲಾಗಿರುತ್ತದೆ. ಅದು ಬ್ಯಾಕ್ಟೀರಿಯಾಗಳನ್ನು ಶೇ.90ರಷ್ಟು ನಿವಾರಿಸುವಲ್ಲಿ ನೆರವಾಗುತ್ತದೆ. ನೀವು ಇಚ್ಛಿಸಿದರೆ ಸ್ಟೀಮ್ ಕ್ಲೀನಿಂಗ್‌ ನ ಆ್ಯಪ್ಶನ್‌ ನ್ನೂ ಆಯ್ಕೆ ಮಾಡಿಕೊಳ್ಳಬಹುದು.
ವಾಶರ್‌ ಬಕೆಟ್ ನ ಸ್ವಚ್ಛತೆ
ನೀವು ಬಟ್ಟೆಗಳನ್ನು ರೋಗಾಣುಗಳಿಂದ ಮುಕ್ತಗೊಳಿಸಲು ಇಚ್ಛಿಸಿದರೆ ಎಲ್ಲಕ್ಕೂ ಮೊದಲು ಮೆಶಿನ್‌ ನ ವಾಶರ್‌ ಅಥವಾ ಬಕೆಟ್ ನ್ನು ಸ್ವಚ್ಛಗೊಳಿಸಲು ಮರೆಯಬೇಡಿ. ಏಕೆಂದರೆ ಅವುಗಳ ತಳಭಾಗದಲ್ಲಿ ಕೊಳೆ ಹಾಗೂ ಕಣ್ಣಿಗೆ ಕಾಣದಂತಹ ಬ್ಯಾಕ್ಟೀರಿಯಾ ಹಾಗೂ ರೋಗಾಣುಗಳು ಇರುತ್ತವೆ. ಅವನ್ನು ನೀರಿನಿಂದ ಚೆನ್ನಾಗಿ ಸ್ವಚ್ಛಗೊಳಿಸಿಯೇ ನಿವಾರಿಸಬಹುದು. ಈ ರೀತಿಯಾಗಿ ನೀವು ಹಾಗೂ ನಿಮ್ಮ ಕುಟುಂಬದವರನ್ನು ರೋಗಗಳಿಂದ ರಕ್ಷಿಸಬಹುದು.
– ಅಂಜನಾ
ಡಿಟರ್ಜೆಂಟ್‌ ಆಯ್ಕೆಗೂ ಮುನ್ನ
ಡಿಟರ್ಜೆಂಟ್‌ ಪೌಡರ್‌ ಅಥವಾ ಲಿಕ್ವಿಡ್ ಖರೀದಿಸುವ ಮುನ್ನ ನಿಮ್ಮ ಬಜೆಟ್‌ ನ ಜೊತೆಗೆ ಈ ಕೆಳಕಂಡ ಸಂಗತಿಗಳ ಬಗ್ಗೆ ಗಮನ ಕೊಡಿ:
ಪೌಡರ್‌ ಡಿಟರ್ಜೆಂಟ್‌ ಗೆ ಹೋಲಿಸಿದರೆ ಲಿಕ್ವಿಡ್ ಡಿಟರ್ಜೆಂಟ್‌ ಸಾಕಷ್ಟು ದುಬಾರಿಯಾಗಿರುತ್ತದೆ. ಸಾಮಾನ್ಯವಾಗಿ ಜನರು ಲಿಕ್ವಿಡ್ ನ ಪ್ರಮಾಣವನ್ನು ಸರಿಯಾಗಿ ಅರಿತುಕೊಳ್ಳುವುದಿಲ್ಲ. ಇಂತಹದರಲ್ಲಿ ಡಿಟರ್ಜೆಂಟ್‌ ಪೌಡರ್‌ ಖರೀದಿಸುವುದೇ ಸೂಕ್ತ.
ಮಾರುಕಟ್ಟೆಯಲ್ಲಿ ಕಾಂಬಿನೇಶನ್‌ ಡಿಟರ್ಜೆಂಟ್‌ ಕೂಡ ಲಭ್ಯ. ಅಂದರೆ ಪೌಡರ್‌ ಜೊತೆಗೆ ಅದರಲ್ಲಿ ಬ್ಲೀಚ್‌ ಅಥವಾ ಫ್ಯಾಬ್ರಿಕ್ ಸಾಫ್ಟ್ ನರ್‌ ಅಥವಾ ಇವೆರಡರಲ್ಲಿ ಯಾವುದಾದರೊಂದರ ಮಿಶ್ರಣ ಇರುತ್ತದೆ. ಅದರ ಅನುಸಾರವೇ ಬೆಲೆ ಕಡಿಮೆ ಅಥವಾ ಹೆಚ್ಚು ಇರುತ್ತದೆ. ಹೀಗಾಗಿ ಅಗತ್ಯಕ್ಕೆ ಅನುಗುಣವಾಗಿ ಅದನ್ನು ಆಯ್ಕೆ ಮಾಡಿ.
ಒಂದು ವೇಳೆ ಮಕ್ಕಳ ಬಟ್ಟೆಗಳಿಗಾಗಿ ಪ್ರತ್ಯೇಕ ಬಜೆಟ್‌ ತೆಗೆದುಕೊಳ್ಳುವುದು ನಿಮ್ಮ ಪರ್ಸ್‌ ಗೆ ಹೊರೆ ಎನಿಸಿದರೆ, ಎಂತಹ ಡಿಟರ್ಜೆಂಟ್‌ ನ್ನು ಆಯ್ಕೆ ಮಾಡಿಕೊಳ್ಳಬೇಕೆಂದರೆ ಅದರಲ್ಲಿ ಕೆಮಿಕಲ್ಸ್ ನ ಪ್ರಮಾಣ ಕಡಿಮೆ ಇರಬೇಕು.
ಫ್ಯಾಬ್ರಿಕ್ ಸಾಫ್ಟ್ ನರ್‌ ದುಬಾರಿ. ಹಾಗಾಗಿ ಅದರ ಬಳಕೆಯನ್ನು ಬಜೆಟ್‌ ನೊಳಗೆ ಮಾಡಬೇಕೆಂದಿದ್ದರೆ ಅದನ್ನು ಅತ್ಯಂತ ಸೂಕ್ಷ್ಮ ಬಟ್ಟೆಗಳಿಗಷ್ಟೇ ಬಳಸಿ.
