ಸಬ್ಬಸಿಗೆ ಸೊಪ್ಪಿನ ವಡೆ

ಸಬ್ಬಸಿಗೆ ಸೊಪ್ಪಿನ  ಮಸಾಲ ವಡೆ  

ಬೇಕಾದ ಸಾಮಗ್ರಿ

ನೆನೆಸಿದ ಕಡಲೆಬೇಳೆ ೨ ಕಪ್, ಹೆಸರುಬೇಳೆ ೨ ಚಮಚ, ಸಣ್ಣಗೆ ಕತ್ತರಿಸಿದ ಎಳೆ ಸಬ್ಬಸ್ಸಿಗೆ ಸೊಪ್ಪು ೧ ಕಪ್,  ಸಣ್ಣಗೆ ಹೆಚ್ಚಿದ ಈರುಳ್ಳಿ ಅರ್ಧ ಕಪ್, ಒಣಮೆಣಸಿನಕಾಯಿ ೫-೬, ಹಸಿಶುಂಠಿ ಸಣ್ಣ ತುಂಡು, ಸೋಂಪು ೧/೪ ಚಮಚ, ಗರಂ ಮಸಾಲಾ ಪುಡಿ  ೧ ಚಮಚ,  ರುಚಿಗೆ ತಕ್ಕಷ್ಟು ಉಪ್ಪು.

ಮಾಡುವ ವಿಧಾನ

ಕಡಲೇಬೇಳೆ, ಹೆಸರುಬೇಳೆ, ಒಣಮೆಣಸಿನಕಾಯಿ,ಶುಂಠಿ, ಸೋಂಪು, ಉಪ್ಪು ಸೇರಿಸಿ ತರಿತರಿಯಾಗಿ  ರುಬ್ಬಿಕೊಂಡು, ಗರಂ ಮಸಾಲಾ, ಈರುಳ್ಳಿ , ಎಳೆ ಸಬ್ಬಸ್ಸಿಗೆ ಸೊಪ್ಪಿನೊಂದಿಗೆ ಚೆನ್ನಾಗಿ ಕಲೆಸಿ.  ನಂತರ  ವಡೆಯಾಕಾರದಲ್ಲಿ ತಟ್ಟಿ ಎಣ್ಣೆಯಲ್ಲಿ ಮಧ್ಯಮ ಉರಿಯಲ್ಲಿ ಕರಿಯಿರಿ.

–ಕಾವ್ಯಾ ಭಾರದ್ವಾಜ್