ಮದುವೆಗೆ ಮುಂಚೆ ವಧುವಿನ ರೂಪ ಸಂಪೂರ್ಣವಾಗಿ ಹೊಳೆಯಲು, ಅವಳ ಮುಖ ಕಲೆಗಳಿಲ್ಲದೆ ಸುಂದರವಾಗಿ ಕಾಣಲು ಭಾರತೀಯ ಪರಂಪರೆಯಲ್ಲಿ ಆರಂಭದಿಂದಲೇ ತೈಲ ಲೇಪನ ಮಾಡುವ ಪದ್ಧತಿ ಇತ್ತು. ತ್ವಚೆಯ ಡೆಡ್‌ ಸ್ಕಿನ್‌ ತೆಗೆದುಹಾಕಿ ತ್ವಚೆಗೆ ಕಾಂತಿ ಹಾಗೂ ಹೊಸ ರೂಪ ಕೊಡುವ ಕೆಲಸವನ್ನು ಲೇಪನ ಮಾಡುತ್ತಿತ್ತು. ಇದು ಅದರ ಜಾಗವನ್ನು ಆಧುನಿಕ ಟೆಕ್ನಿಕ್ ಡರ್ಮಾಪೀಲ್ ತೆಗೆದುಕೊಂಡಿದೆ.
ಡರ್ಮಾಪೀಲ್ ಟೆಕ್ನಿಕ್ ಹೇಗೆ?
ಡ್ಯಾಮೇಜ್ಡ್ ಸ್ಕಿನ್‌ ನ್ನು ದೂರ ಮಾಡಿ ಸ್ಕಿನ್‌ ನ್ನು ರೀಜನರೇಟ್‌ ಮಾಡುತ್ತದೆ ಎಂಬ ಬಗ್ಗೆ ವಿವರ ಮಾಹಿತಿ ಕೊಡುತ್ತಾ ಪ್ರಸಿದ್ಧ ಕಾಸ್ಮೆಟಾಲಜಿಸ್ಟ್ ಸಂಗೀತಾ, ಹೇಗೆ ಮನೆಯ ಗೋಡೆಗಳಿಗೆ ಹೊಸ ಬಣ್ಣ ಬಳಿಯುವ ಮೊದಲು ಅದರ ಕೊಳೆಯನ್ನು ತೆಗೆದು ಸ್ಮೂಥ್‌ ಮಾಡಲಾಗುತ್ತದೆಯೋ ಹಾಗೆಯೇ ಡರ್ಮಾಪೀಲ್ ಚರ್ಮದ ಹಳೆಯ ಸೆಲ್ಸ್ ಗಳನ್ನು ದೂರ ಮಾಡಿ ಹೊಸ ಸೆಲ್ಸ್ ಬೆಳೆಯುವ ಪ್ರಕ್ರಿಯೆಯನ್ನು ತೀವ್ರಗೊಳಿಸುತ್ತದೆ ಎನ್ನುತ್ತಾರೆ.
ಡರ್ಮಾಪೀಲಿಂಗ್‌ 2 ರೀತಿ ಇರುತ್ತದೆ. ಒಂದು ಕೆಮಿಕಲ್ ಪೀಲಿಂಗ್ ಮತ್ತು ಎರಡನೇಯದು ಹರ್ಬಲ್ ಪೀಲಿಂಗ್. ಕೆಮಿಕಲ್ ಪೀಲಿಂಗ್‌ನಿಂದ ಬರೀ ಮೇಲಿನ ತ್ವಚೆ ಸ್ವಚ್ಛವಾಗುತ್ತದೆ. ಒಮ್ಮೊಮ್ಮೆ ಇದು ಹಿಲ್ದಿ ಸ್ಕಿನ್‌ನ್ನೂ ತೆಗೆದುಬಿಡುತ್ತದೆ. ಹರ್ಬಲ್ ಪೀಲಿಂಗ್ ಸಂಪೂರ್ಣವಾಗಿ ಆರ್ಗ್ಯಾನಿಕ್‌ ಆಗಿದ್ದರಿಂದ ತ್ವಚೆಗೆ ಯಾವುದೇ ರೀತಿಯ ಹಾನಿ ಮಾಡುವುದಿಲ್ಲ.
ಡರ್ಮಾಪೀಲಿಂಗ್‌ನ ಪ್ರಕ್ರಿಯೆ : ಎಲ್ಲಕ್ಕೂ ಮೊದಲು ಕತ್ತು ಹಾಗೂ ಮುಖವನ್ನು ಸ್ಕಿನ್‌ ಟಾನಿಕ್‌ನಿಂದ ಕ್ಲೀನ್‌ ಮಾಡಿ. ಸ್ಕಿನ್‌ ಟಾನಿಕ್‌ ತ್ವಚೆಯ ಪಿಎಚ್‌ನ್ನು ಬ್ಯಾಲೆನ್ಸ್ ಮಾಡುವ ಕೆಲಸ ಮಾಡುತ್ತದೆ. ಇದರ ನಂತರ ತ್ವಚೆಯ ಮೇಲೆ ಸ್ಕ್ರಬ್‌ ಹಚ್ಚಿ ಮತ್ತು 45 ನಿಮಿಷಗಳವರೆಗೆ ಸರ್ಕ್ಯುಲರ್‌ ಮೋಷನ್‌ನಲ್ಲಿ ಅಪ್‌ವರ್ಡ್‌ ಮಸಾಜ್ ಮಾಡಿ. ಸ್ಕ್ಕಬಿಂಗ್‌ನಿಂದ ಡೆಡ್‌ ಸೆಲ್ಸ್ ದೂರಾಗುತ್ತವೆ ಮತ್ತು ಮುಚ್ಚಿದ ರೋಮ ರಂಧ್ರಗಳು ತೆರೆಯುತ್ತವೆ. ಸ್ವಲ್ಪ ಸಮಯದ ನಂತರ ನಮಗೆ ಕಾರಿನ ಸರ್ವೀಸಿಂಗ್‌ ಅಗತ್ಯವಿರುವಂತೆ ಅದೇ ರೀತಿ ತ್ವಚೆಯ ಮೇಂಟೆನೆನ್ಸ್ ಗಾಗಿ ಸರ್ವೀಸಿಂಗ್‌ ಅಗತ್ಯವಿದೆ. ಡರ್ಮಾಪೀಲ್ ಪ್ರಕ್ರಿಯೆ ಇದೇ ಕೆಲಸ ಮಾಡುತ್ತದೆ.
ಪರಂಗಿ ಹಣ್ಣು ಮತ್ತು ಗ್ರೇಪ್‌ ಸೀಡ್‌ನ ಎಕ್ಸ್ ಟ್ರಾಕ್ಟ್ ನಿಂದ ತಯಾರಾದ ಸ್ಕ್ಕಬ್‌ ತ್ವಚೆಯನ್ನು ರಿಜುವೇನೇಟ್‌ ಮಾಡುತ್ತದೆ.
ಸ್ಕ್ರಬಿಂಗ್‌ ನಂತರ ತ್ವಚೆಯನ್ನು ಸ್ಕಿನ್‌ ಟಾನಿಕ್‌ನಿಂದ ಸ್ವಚ್ಛಗೊಳಿಸಿ. ಪೀಲಿಂಗ್‌ಗೆ ಕ್ರೀಂನಲ್ಲಿ ಆ್ಯಂಪ್ಯೂವ್ ಬೆರೆಸಿ ಮುಖ ಮತ್ತು ಕುತ್ತಿಗೆಗೆ ಹಚ್ಚಿ. ಇದು ಚರ್ಮದಲ್ಲಿ ಚೆನ್ನಾಗಿ ಹೊಂದಿಕೊಳ್ಳುವವರೆಗೆ ಹಚ್ಚುತ್ತಿರಿ. ನಂತರ ಹಗುರಾಗಿ ಮಸಾಜ್ ಮಾಡಿ. ಆಮೇಲೆ ಮುಖದ ಮೇಲೆ ಸ್ಕಿನ್‌ ಟಾನಿಕ್‌ ಸ್ಪ್ರೇ ಮಾಡಿ.ಈಗ ಕೋರ್‌ ಪೌಡರ್‌ನಿಂದ ತಯಾರಿಸಿದ ಹರ್ಬಲ್ ಮಾಸ್ಕ್ ನ್ನು ಮುಖಕ್ಕೆ ಹಚ್ಚಿ. ಕೂದಲಿಗೆ ಹಚ್ಚಬೇಡಿ. ಅದರಲ್ಲಿ ಆ್ಯಂಪ್ಯೂವ್ ಬೆರೆಸಲು ಮರೆಯಬೇಡಿ.
10 ನಿಮಿಷಗಳವರೆಗೆ ಮುಖಕ್ಕೆ ಹಚ್ಚುತ್ತಿರಿ. ಸಿಕ್ಕ ಆ್ಯಂಫ್ಯೂವ್ ತ್ವಚೆಗೆ ನರಿಶ್‌ಮೆಂಟ್‌ ಕೊಡುತ್ತದೆ. 10 ನಿಮಿಷಗಳ ನಂತರ ಮಾಸ್ಕ್ ನ್ನು ನಿಧಾನವಾಗಿ ತೆಗೆಯಿರಿ. ಕೊನೆಯಲ್ಲಿ ತ್ವಚೆಗೆ ನ್ಯೂಟ್ರೈಸರ್‌ ಹಚ್ಚಿ ಮತ್ತು ಸ್ಕಿನ್‌ ಟಾನಿಕ್‌ನಿಂದ ಟ್ಯಾಪ್‌ಮಾಡಿ.
ಎಚ್ಚರಿಕೆಗಳು
ಡರ್ಮಾಪೀಲಿಂಗ್‌ಗೆ 45 ದಿನ ಮೊದಲು ವ್ಯಾಕ್ಸಿಂಗ್‌, ಬ್ಲೀಚಿಂಗ್‌ನಂತಹ ಯಾವುದೇ ಹೇರ್‌ ರಿಮೂವ್ ಅಥವಾ ಹೇರ್‌ ಲೈಟ್ನಿಂಗ್‌ನ ಟ್ರೀಟ್‌ಮೆಂಟ್‌ ಕೊಡಬೇಡಿ. ಡರ್ಮಾಪೀಲಿಂಗ್‌ ನಂತರ ಎಕ್ಸ್ ಪೋಷರ್‌ ಮತ್ತು ಹಾಟ್‌ ಶವರ್‌ ತೆಗೆದುಕೊಳ್ಳಬೇಡಿ. ಜೊತೆಗೆ ತ್ವಚೆಯಲ್ಲಿ ಎಳೆತ ಉಂಟು ಮಾಡುವ ವ್ಯಾಯಾಮದಿಂದ ದೂರವಿರಿ. ಚಿಕ್ಕ ಕೂದಲಿಗೆ ಒಂದು ವಿಶೇಷ ಹೇರ್‌ಸ್ಟೈಲ್ ಹಾಗೂ ಹೊಳೆಯುವ ತ್ವಚೆ ಪಡೆಯುವ ಬಗ್ಗೆ ಸಂಗೀತ್‌ ಹೀಗೆ ಹೇಳಿದರು.
ಚಿಕ್ಕ ಕೂದಲಿನ ಜಡೆ
ಚಿಕ್ಕ ಕೂದಲಿನವರಿಗೆ ಮದುವೆಯ ಸಂದರ್ಭದಲ್ಲಿ ಹೇರ್‌ ಸ್ಟೈಲಿಂಗ್‌ನ ಯಾವುದೇ ಆಯ್ಕೆ ಇರುವುದಿಲ್ಲ ಎಂದು ಯೋಚಿಸುವುದು ತಪ್ಪು. ಸಣ್ಣ ಕೂದಲಿನಿಂದ ಜಡೆ ಹೆಣೆಯಲು ಎಲ್ಲಕ್ಕೂ ಮೊದಲು ಇಯರ್‌ ಟು ಇಯರ್‌ ಪಾರ್ಟಿಂಗ್‌ ಮಾಡಿ. ನಂತರ ಹಿಂದಿರುವ ಕೂದಲನ್ನು 2 ಭಾಗಗಳಲ್ಲಿ ಎತ್ತಿಕೊಂಡು 2 ಬೇರೆ ಬೇರೆ ಮೇಲೆ ಕೆಳಗೆ ರಬ್ಬರ್‌ ಬ್ಯಾಂಡ್‌ನಿಂದ ಪೋನಿ ಟೇಲ್ ಮಾಡಿ. ಹತ್ತಿರ ಬಿಟ್ಟಿರುವ ಕೂದಲನ್ನು ಪಿನ್‌ ಅಪ್‌ ಮಾಡಿ. ನಂತರ ಕೆಳಗಿನ ಪೋನಿ ಟೇಲ್‌ನ್ನು ಮೇಲೆ ಮಾಡಿ ಪಿನ್‌ನಿಂದ ಕೂದಲಿನ ಜೊತೆಗೆ ಸೇರಿಸಿ. ಅದನ್ನು ಬನ್‌ನಿಂದ ಮುಚ್ಚಿ. ಬನ್‌ ಮೇಲೆ ಎಡಗಡೆ ಪಿನ್‌ಗಳಿಂದ ಕವರ್‌ ಮಾಡಿ ಕಲರ್ಡ್‌ ಹೇರ್‌ ಫ್ರಿಲ್ ಮಾಡಿ, ಮುಂದೆ ಉಳಿದಿರುವ ಸಣ್ಣ ಕೂದಲನ್ನು ಹಿಂದುಗಡೆ ಬ್ಯಾಕ್‌ ಕೂಂಬಿಂಗ್‌ ಮಾಡಿ. ನಿಮ್ಮ ಸುಂದರ ಜಡೆ ಸಿದ್ಧವಾಗಿರುತ್ತದೆ. ಅದರ ಒಂದು ಕಡೆಗೆ ಫ್ಲವರ್‌ ಆ್ಯಕ್ಸೆಸರೀಸ್‌ನಿಂದ ಅಲಂಕರಿಸಬಹುದು.
ಗ್ಲೋ ಫೇಶಿಯಲ್ ಫಾರ್‌ ಲೈಟ್‌ನಿಂಗ್‌ ಎಫೆಕ್ಟ್ ಎಲ್ಲಕ್ಕೂ ಮೊದಲು ಮುಖವನ್ನು ಕ್ಲೆನ್ಸಿಂಗ್‌ ಮಿಲ್ಕ್ ನಿಂದ ಸ್ವಚ್ಛಗೊಳಿಸಿ. ನಂತರ ತ್ವಚೆಗೆ ಸ್ಕಿನ್‌ ಟಾನಿಕ್‌ ಹಚ್ಚಿ. ಬೇಕಾದರೆ ಆ್ಯಲೋವೇರಾ ಮತ್ತು ಸೌತೆಕಾಯಿಯುಕ್ತ ಟೋನರ್‌ ಕೂಡ ಹಚ್ಚಬಹುದು. ನಂತರ ತ್ವಚೆಯ ಮೇಲೆ ಜೇನುತುಪ್ಪ ಮತ್ತು ಬಾದಾಮಿಯುಕ್ತ ಸ್ಕ್ರಬ್‌ ಹಚ್ಚಿ.
ಸ್ಕ್ರಬಿಂಗ್‌ ನಂತರ ಮುಖದ ತ್ವಚೆಯನ್ನು ಟೋನರ್‌ನಿಂದ ಚೆನ್ನಾಗಿ ಸ್ವಚ್ಛಗೊಳಿಸಿ. ಓಪನ್‌ ಪೋರ್ಸ್‌ ಕ್ಲೋಸ್‌ ಮಾಡಲು ಹನಿ ಮತ್ತು ಟರ್ಮರಿಕ್‌ ಬೇಸ್ಡ್ ಪ್ಯಾಕ್‌ ಹಚ್ಚಿ. ಒಂದುವೇಳೆ ತ್ವಚೆ ಡ್ರೈ ಆಗಿದ್ದರೆ ಪ್ಯಾಕ್‌ ತೆಗೆದ ನಂತರ ಕ್ರೀಂನಿಂದ ಮಸಾಜ್ ಮಾಡಬಹುದು. ಶುಷ್ಕ ತ್ವಚೆ ಎಲ್ಲಾ ಕ್ರೀಮನ್ನು ತನ್ನೊಳಗೆ ಹೀರಿಕೊಳ್ಳುವುದು. ಆ್ಯಲೋವೇರಾ ತ್ವಚೆಗೆ ಹೀಲಿಂಗ್‌ ಮತ್ತು ಹೈಡ್ರೇಟಿಂಗ್‌ ಎಫೆಕ್ಟ್ ಕೊಡುತ್ತದೆ. ತುಳಸಿ ಮತ್ತು ಚಂದನ ಕೂಲಿಂಗ್‌ ಎಪೆಕ್ಟ್ ಕೊಡುತ್ತದೆ. ಈ ಫೇಶಿಯಲ್ ವಧುವಿಗೆ ಆ ವಿಶೇಷ ದಿನದಂದು ಹೊಳೆಯುವ ತ್ವಚೆ ಕೊಡುತ್ತದೆ. ಜೊತೆಗೆ ಅವಳನ್ನು ಸ್ಟ್ರೆಸ್ ಫ್ರಿ ಆಗಿಡುತ್ತದೆ.
– ಕೆ. ಕೋಮಲಾ
