ವೆಜಿಟೆಬಲ್ ವಿತ್‌ ಸ್ಪೈಸಿ ರೈಸ್‌
ಸಾಮಗ್ರಿ : 2 ಕಪ್ ಬಾಸಮತಿ ಅಕ್ಕಿಯ ಉದುರುದುರಾದ ಅನ್ನ, 1 ಕಪ್‌ನಷ್ಟು ಸಣ್ಣಗೆ ಹೆಚ್ಚಿದ 3 ಬಗೆಯ ಕ್ಯಾಪ್ಸಿಕಂ, ಅರ್ಧ ಕಪ್ ಹೆಚ್ಚಿದ ಬೀನ್ಸ್, 4 ಚಮಚ ಹೆಚ್ಚಿದ ಕ್ಯಾರೆಟ್‌, 1-1 ಸಣ್ಣ ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಸಣ್ಣಗೆ ಹೆಚ್ಚಿದ 2 ಈರುಳ್ಳಿ, ರುಚಿಗೆ ತಕ್ಕಷ್ಟು ಉಪ್ಪು, ಖಾರ, ಟೊಮೇಟೊ ಪ್ಯೂರಿ, ಸಕ್ಕರೆ, ಓರಿಗೆನೊ, ಮೊಸರು, 1 ತುಂಡು ಚೀಸ್‌, ಅರ್ಧ ಸೌಟು ರೀಫೈಂಡ್‌ ಎಣ್ಣೆ, ಒಂದಿಷ್ಟು ಹೆಚ್ಚಿದ ಕೊ.ಸೊಪ್ಪು, ಅಲಂಕರಿಸಲು ಸಲಾಡ್‌.
ವಿಧಾನ : ಒಂದು ಬಾಣಲೆಯಲ್ಲಿ 2 ಚಮಚ ಎಣ್ಣೆ ಬಿಸಿ ಮಾಡಿ, ಹೆಚ್ಚಿದ ಎಲ್ಲಾ ತರಕಾರಿ ಹಾಕಿ 4 ನಿಮಿಷ ಸಾಟೆ ಮಾಡಿ, ಬೇರೆಯಾಗಿ ಇರಿಸಿ. ಆಮೇಲೆ ಇದಕ್ಕೆ ಉಳಿದ ಎಣ್ಣೆ ಬೆರೆಸಿ, ಒಗ್ಗರಣೆ ಕೊಡಿ. ಹೆಚ್ಚಿದ ಈರುಳ್ಳಿ ಬಾಡಿಸಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಕೆದಕಬೇಕು. ನಂತರ ಮೊಸರು ಬೆರೆಸಿ ಕೈಯಾಡಿಸಿ. ಆಮೇಲೆ ಟೊಮೇಟೊ ಪ್ಯೂರಿ, ಉಪ್ಪು, ಖಾರ ಹಾಕಿ ಕೆದಕಬೇಕು. ನಂತರ ಮೊಸರು ಬೆರೆಸಿ ಕೈಯಾಡಿಸಿ. ಆಮೇಲೆ ಟೊಮೇಟೊ ಪ್ಯೂರಿ, ಉಪ್ಪು, ಖಾರ ಹಾಕಿ 2 ನಿಮಿಷ ಮತ್ತೆ ಕೆದಕಿರಿ. ಆಮೇಲೆ ಎಲ್ಲಾ ತರಕಾರಿ ಹಾಕಿ ಬಾಡಿಸಬೇಕು. ನಂತರ ಓರಿಗೆನೊ, ಅನ್ನ ಹರಡಿ ಚೆನ್ನಾಗಿ ಬೆರೆತುಕೊಳ್ಳುವಂತೆ ಮಾಡಿ. ಇದನ್ನು ಒಂದು ಮೈಕ್ರೋವೇವ್ ಡಿಶ್‌ಗೆ ಹರಡಿ, ಮೇಲೆ ಚೀಸ್‌ ತುರಿಯಿರಿ. ಇದನ್ನು 2000 ಸೆಂ.ಶಾಖದಲ್ಲಿ ಚೀಸ್‌ ಕರಗುವವರೆಗೂ ಬಿಸಿ ಮಾಡಿ, ತಕ್ಷಣ ಸವಿಯಲು ಕೊಡಿ.
ರೈಸ್‌ ಢೋಕ್ಲಾ
ಸಾಮಗ್ರಿ : 1 ಕಪ್ ಅಕ್ಕಿ, 4 ಚಮಚ ಉದ್ದಿನಬೇಳೆ, 2-3 ಚಮಚ ರವೆ, ಅರ್ಧ ಕಪ್ ಮೊಸರು, ರುಚಿಗೆ ತಕ್ಕಷ್ಟು ಉಪ್ಪು, ಸಕ್ಕರೆ, ಶುಂಠಿ-ಮೆಣಸಿನಕಾಯಿ ಪೇಸ್ಟ್, ಇಂಗು, ಸೋಡ, ನಿಂಬೆರಸ, ಈನೋ ಫ್ರೂಟ್‌ ಸಾಲ್ಟ್, 4 ಚಮಚ ರೀಫೈಂಡ್‌ ಎಣ್ಣೆ, ಒಗ್ಗರಣೆಗಾಗಿ ಎಣ್ಣೆ, ಸಾಸುವೆ, ಜೀರಿಗೆ, ಸೋಂಪು, ಕರಿಬೇವು.
ವಿಧಾನ : ಅಕ್ಕಿ ಉದ್ದನ್ನು ಒಟ್ಟಿಗೆ 4 ತಾಸು ನೆನೆಹಾಕಿ, ನಂತರ ಮೊಸರು ಬೆರೆಸಿ ರುಬ್ಬಿಕೊಳ್ಳಿ. ಈನೋ ಸಾಲ್ಟ್ ಬಿಟ್ಟು ಉಳಿದೆಲ್ಲ ಸಾಮಗ್ರಿ ಇದಕ್ಕೆ ಬೆರೆಸಿ (ಇಡ್ಲಿಹಿಟ್ಟಿನ ಹದಕ್ಕೆ) ಇಡೀ ರಾತ್ರಿ ನೆನೆಯಲು ಬಿಡಿ. ಮಾರನೇ ಬೆಳಗ್ಗೆ ಈನೋ ಸಾಲ್ಟ್ ಬೆರೆಸಿ, ಇಡ್ಲಿ ಸ್ಟ್ಯಾಂಡಿನಲ್ಲಿ ಇಡ್ಲಿ ತರಹ ರೆಡಿ ಮಾಡಿ. ಹಬೆಯಾಡುತ್ತಿರುವ ಇದನ್ನು ವಜ್ರಾಕಾರವಾಗಿ ಕತ್ತರಿಸಿ, ಮೇಲೆ ಒಗ್ಗರಣೆ ಹರಡಿರಿ. ಪುದೀನಾ ಚಟ್ನಿ ಜೊತೆ ಸವಿಯಲು ಕೊಡಿ.
ಸ್ಪೈಸಿ ರೈಸ್‌ ಕಾಯಿನ್ಸ್
ಸಾಮಗ್ರಿ : 1 ಕಪ್ ಅನ್ನ, ಅರ್ಧ ಕಪ್ ಕಡಲೆಹಿಟ್ಟು, 1-1 ಸಣ್ಣ ಚಮಚ ಹೆಚ್ಚಿದ ಶುಂಠಿ, ಹಸಿಮೆಣಸು, ಕರಿಬೇವು, ಕೊ.ಸೊಪ್ಪು, ಪುದೀನಾ, ಅರ್ಧ ಕಪ್ ಹುರಿದು ತರಿ ಮಾಡಿದ ಕಡಲೆಕಾಯಿಬೀಜ, ರುಚಿಗೆ ತಕ್ಕಷ್ಟು ಉಪ್ಪು, ಖಾರ, ಅಮ್ಚೂರ್‌ಪುಡಿ, ಧನಿಯಾಪುಡಿ, ಜೀರಿಗೆಪುಡಿ, ಚಾಟ್‌ ಮಸಾಲ, ಗರಂಮಸಾಲ, ಕರಿಯಲು ಎಣ್ಣೆ.
