ಸಣ್ಣ ವಯಸ್ಸಿನಲ್ಲೇ ದೊರಕಿದ ಹಣ, ಹೆಸರು, ಕೀರ್ತಿಗಳಿಂದ ಎಂದೂ ಸರಳತೆಯ ಮೇರೆ ಮೀರದ ಅವಿಕಾ, ಯಶಸ್ಸು ಗಳಿಸಲು ಏನೇನು ಮಾಡಿದಳು? ಬನ್ನಿ, ಅವಳಿಂದಲೇ ತಿಳಿಯೋಣ........
ಕಿರುತೆರೆಯ ಜನಪ್ರಿಯ `ಬಾಲಿಕಾ ವಧು' ಧಾರಾವಾಹಿಯಲ್ಲಿ ಬಾಲಕಿ ಆನಂದಿಯಾಗಿ ಕಾಣಿಸಿಕೊಂಡು, ಇಡೀ ಧಾರಾವಾಹಿಯ ಬಾಲ್ಯ ವಿವಾಹದ ಕೇಂದ್ರಬಿಂದು ಆಗುವ ಅವಿಕಾ ಗೌರವ್ ಬಗ್ಗೆ ಯಾರಿಗೆ ತಾನೇ ಗೊತ್ತಿಲ್ಲ? ಆಗೆಲ್ಲ ಬಹಳಷ್ಟು ತಾಯಿ ತಂದೆಯರು ಹುಟ್ಟಿದ ತಮ್ಮ ಮಗುವಿಗೆ ಆನಂದಿ ಎಂದೇ ಹೆಸರಿಟ್ಟು ಸಂಭ್ರಮಿಸಿದರು, ಈ ಬಾಲಕಿಯ ಪಾತ್ರ ಅಷ್ಟು ಅಚ್ಚಳಿಯದೆ ಉಳಿದು ಹೋಯಿತು. ಬಾಲ್ಯ ವಿವಾಹ ನಮ್ಮ ಸಾಮಾಜಿಕ ಪಿಡುಗಾಗಿ ಎಷ್ಟು ಆಳವಾಗಿ ಬೇರೂರಿದೆ ಎಂದು ಜನಜಾಗೃತಿ ಉಂಟು ಮಾಡುವುದೇ ಈ ಧಾರಾವಾಹಿಯ ಉದ್ದೇಶವಾಗಿತ್ತು. ಈ ಪಾತ್ರವನ್ನು ಆಗ 11 ವರ್ಷದ ಬಾಲಕಿಯಾಗಿದ್ದ ಅವಿಕಾ ಗೌರವ್ ಬಹಳ ಚೆನ್ನಾಗಿ ನಿಭಾಯಿಸಿದ್ದಳು.
ನಾಯಕಿಯಾಗಿ ಇದೀಗ ಧಾರಾವಾಹಿ, ಸಿನಿಮಾಗಳಲ್ಲಿ ನಟಿಸುತ್ತಿದ್ದರೂ ಇವಳ ಈ ಪಾತ್ರ ಇನ್ನೂ ಗಾಢವಾಗಿ ಎಲ್ಲರ ಮನದಲ್ಲಿ ಉಳಿದಿದೆ. ಇದಾದ ಮೇಲೆ ಇವಳಿಗೆ `ಸಸುರಾಲ್ ಸಿಮರ್‌ ಕಾ' ಧಾರಾವಾಹಿಯಲ್ಲಿ ರೋಲಿಯ ಉತ್ತಮ ಪಾತ್ರ ಸಿಕ್ಕಿತು. ತನ್ನ ಕುಟುಂಬದ ಒಬ್ಬಳೇ ಮಗಳಾದ ಅವಿಕಾಳ ಹೆತ್ತವರು ವ್ಯಾಪಾರಸ್ಥರು. ಮೊದಲಿನಿಂದಲೂ ತನ್ನಿಷ್ಟದಂತೆ ಅವಿ ಕೆಲಸ ಮಾಡಬೇಕೆಂದೇ ಅವರು ಬಯಸುತ್ತಿದ್ದರು. ಈ ಕಾರಣದಿಂದಲೇ ನಟನೆಯಲ್ಲಿ ತನ್ನದೇ ವಿಭಿನ್ನತೆ ಗುರುತಿಸಿಕೊಂಡಳು ಅವಿ. ಧಾರಾವಾಹಿಗಳಲ್ಲಿ ಬಾಲನಟಿಯಾಗಿ ನಟಿಸುತ್ತಲೇ ಅವಿ ದೊಡ್ಡವಳಾಗಿ ನಾಯಕಿಯಾಗಿ ಗುರುತಿಸಿಕೊಂಡಳು. ಗ್ಲಾಮರಸ್‌ ನಟಿಯಾಗಿ ತೆಲುಗು, ಹಿಂದಿ ಚಿತ್ರಗಳಲ್ಲಿ ತನ್ನದೇ ಐಡೆಂಟಿಟಿ ಪಡೆದಿದ್ದಾಳೆ. ಈಗಾಗೀ ಅವಿ ಈ ಇಂಡಸ್ಟ್ರಿಗೆ ಬಂದು 15 ವರ್ಷ ಕಳೆದಿದೆ. ಮಿಲಿಂದ್‌ ಜಾಂದ್ವಾನಿ ಈಕೆಯ ಬಾಯ್‌ ಫ್ರೆಂಡ್‌ ಆಗಿ ನಡೆಸುತ್ತಿದ್ದಾನೆ. ಹೈದರಾಬಾದ್‌ ನ ಒಂದು ವರ್ಕ್‌ ಶಾಪ್‌ ನಲ್ಲಿ ಭೇಟಿಯಾಗಿ ಗೆಳೆತನ ಬೆಳೆಸಿ, ಪ್ರೇಮಿಗಳಾದರು.
ಇತ್ತೀಚೆಗೆ ನೀನು ಯಾವ ಪ್ರಾಜೆಕ್ಟ್ ಕೈಗೊಂಡಿದ್ದಿ?
ಇದೀಗ ನಾನು ಒಂದು ಹಿಂದಿ ಚಿತ್ರದ ಶೂಟಿಂಗ್‌ ನಲ್ಲಿ ಬಿಝಿ. ಹೀಗಾಗಿ ಮುಂಬೈಗೆ ಹೋಗಿ ಬರುತ್ತಿರುತ್ತೀನಿ. ಕೊರೋನಾ ಕಾಲದಲ್ಲಿ ಪೂರ್ತಿ ಮನೆಯಲ್ಲೇ ಕುಳಿತು ಜಡ್ಡುಗಟ್ಟಿದಂತಾಗಿತ್ತು. ಜೊತೆಗೆ ತೆಲುಗು ಚಿತ್ರದಲ್ಲೂ ನಟಿಸುತ್ತಿದ್ದೇನೆ. ಈಗಾಗಲೇ 3 ತೆಲುಗು ಚಿತ್ರಗಳು ರಿಲೀಸ್‌ ಆದವು. ನನ್ನದೇ ಹೌಸ್‌ ಪ್ರೊಡಕ್ಷನ್‌ ನಲ್ಲಿ 2 ತೆಲುಗು ಚಿತ್ರಗಳು ಬಿಡುಗಡೆಯಾಗಿವೆ. `ಉಯ್ಯಾಲ ಜಂಪಾಲ' ಚಿತ್ರದಿಂದ ದಕ್ಷಿಣದ, ಮುಖ್ಯ ತೆಲುಗು ಪ್ರೇಕ್ಷಕರಿಗೆ ಹೊಂದಿಕೊಂಡ ನಾನು ಕ್ರಮೇಣ `ಲಕ್ಷ್ಮಿ.... ರಾವೆ ಮಾ ಇಂಟಿಕಿ, ಥ್ಯಾಂಕ್ಯೂ, ರಾಜುಗಾರಿ ಗಾದಿ-3, ಎಕ್ಕಡಿಕಿ ಪೊತಾ ಚಿನ್ನಾಡಾ....' ಮುಂತಾದವುಗಳಲ್ಲಿ ನಟಿಸಿದೆ.
`ಲಾಡೋ ವೀರ್‌ ಪುರ್‌ ಕೀ ಮರ್ದಾನಿ' ಹಿಂದಿ ಧಾರಾವಾಹಿ ಹಾಗೂ `ಫಿಯರ್‌ ಫ್ಯಾಕ್ಟರ್‌: ಖತ್ರೋಂಕಿ ಖಿಲಾಡಿ-9' ಶೋಗಳಲ್ಲೂ ಯಶಸ್ವಿ ಎನಿಸಿದೆ. ನನ್ನ ಹೋಮ್‌ ಪ್ರೊಡಕ್ಷನ್‌ ಹೌಸ್‌ ಜವಾಬ್ದಾರಿ ಪೂರ್ತಿ ನನ್ನದೇ, ನಡುನಡುವೆ ಪಪ್ಪಾ ಹೆಲ್ಪ್ ಮಾಡ್ತಿರ್ತಾರೆ. ಮುಂಬೈನಲ್ಲೇ ನನ್ನ ವಾಸ, ತೆಲುಗು ಪ್ರೇಕ್ಷಕರಿಗಾಗಿಯೇ ಹೈದರಾಬಾದಿನಲ್ಲಿ ಪ್ರೊಡಕ್ಷನ್‌ ಹೌಸ್‌ ಮಾಡಿಕೊಂಡೆ.
