ಕೇವಲ 500  ರೂ.ಗಳಲ್ಲಿ ಮಯಾನಗರದಲ್ಲಿ ವಾಸಿಸಿದ್ದೆವು

ಟೈಗರ್‌ ಶ್ರಾಫ್‌ನ `ರಿಯಲ್ ವೈಫ್‌, ಗರ್ಲ್ ಫ್ರೆಂಡ್‌, ಬಾಗಿ-2′ ಚಿತ್ರಗಳ ಸಹನಟಿ ದಿಶಾ, ಇತ್ತೀಚೆಗೆ 100 ಕೋಟಿ ಕ್ಲಬ್‌ ಸೇರಿದ `ಬಾಗಿ’ ಚಿತ್ರದ ಯಶಸ್ಸಿನಿಂದ ಹೆಮ್ಮೆಯಿಂದ ಬೀಗುತ್ತಿದ್ದಾಳೆ. ಇದಕ್ಕೆ ಮೊದಲು ಇವಳು `ಬೇಫಿಕ್ರೆ, ಧೋನಿ’ ಚಿತ್ರಗಳಲ್ಲೂ ಹೆಸರು ಗಳಿಸಿದ್ದಳು. ಆದರೆ ನಾಯಕಿ ಎನಿಸಿದ್ದು `ಬಾಗಿ’ ಚಿತ್ರದಲ್ಲಿ. “ನಾನು ಮೊದಲು ಮುಂಬೈಗೆ ಬಂದಾಗ ಪರ್ಸ್‌ನಲ್ಲಿ ಕೇವಲ 500/ ರೂ. ಇತ್ತು. ಇಂಥ ನಗರಿಯಲ್ಲಿ ಬಾಳುವುದಾದರೂ ಹೇಗೆ? ಒಬ್ಬಂಟಿಯಾಗಿ ಇದ್ದುಕೊಂಡು ಹೇಗೋ ನಿಭಾಯಿಸಿದೆ. ಆಡಿಷನ್‌ನಲ್ಲಿ ಸೆಲೆಕ್ಟ್ ಆಗದ್ದಿದರೆ ಊರಿನ ರೈಲಿಗೆ ವಾಪಸ್ಸು ಹೊರಡುವುದೇ ಎಂದುಕೊಂಡಿದ್ದೆ,” ಎನ್ನುತ್ತಾಳೆ ದಿಶಾ.

ಐಶ್‌ಬೇಬಿಯ ಹೊಸ ಚಿತ್ರ

ತನ್ನ ಅದ್ಭುತ ಸೌಂದರ್ಯದಿಂದ ವಿಶ್ವಸುಂದರಿ ಎನಿಸಿದ್ದ ಐಶ್ವರ್ಯಾ, ತಾಯಿಯಾದ ಮೇಲೆ ಈಗಲೂ ಬಾಲಿವುಡ್‌ನಲ್ಲಿ ಅಷ್ಟೇ ಬೇಡಿಕೆ ಹೊಂದಿದ್ದಾಳೆ. 60ರ ದಶಕದ `ರಾತ್‌ ಔರ್‌ ದಿನ್‌, ವೋ ಕೌನ್‌ ಥಿ?’ ಚಿತ್ರಗಳನ್ನು ಇದೀಗ ಹೊಸದಾಗಿ ರೀಮೇಕ್‌ ಮಾಡಲು ಹೊರಟಿರುವ ಸಂಜಯ್‌ದತ್ತ್, ಇದಕ್ಕಾಗಿ ಐಶ್‌ ಬೇಬಿಯೇ ನಾಯಕಿ ಎಂದಿದ್ದಾನೆ. ಇಷ್ಟರಲ್ಲಿ ಈ ಚಿತ್ರಗಳು ಸೆಟ್ಟೇರಲಿವೆ. “ಈ 2 ಚಿತ್ರಗಳ ಕಥೆ ಅದ್ಭುತ! ನರ್ಗಿಸ್‌, ಸಾಧನಾರಂಥ ಕ್ಲಾಸಿಕ್‌ ನಟಿಯರ ಪಾತ್ರಗಳನ್ನು ನಿಭಾಯಿಸುವ ಸೌಭಾಗ್ಯ ನನ್ನದು,” ಎನ್ನುತ್ತಾಳೆ ಐಶ್‌.

ಶಾಹಿದ್‌ ಆಡಲಿದ್ದಾನೆ ಕಬಡ್ಡಿ

`ಪದ್ಮಾವತ್‌’ ಚಿತ್ರದಲ್ಲಿ ಶಾಹಿದ್‌ ಕಪೂರ್‌ನ ಪಾತ್ರ ಚಿಕ್ಕದೇ ಆದರೂ, ಈ ಚಿತ್ರದ ನಂತರ ಈತನ ಫಿಲ್ಮಿ ಕೆರಿಯರ್‌ ಗ್ರಾಫ್ ಮೇಲಕ್ಕೇರಿದೆ. ಇದೀಗ ರಾಕೇಶ್‌ ಓಂಪ್ರಕಾಶ್‌ರ `ಕಬಡ್ಡಿ’ ಚಿತ್ರದಲ್ಲಿ ಶಾಹಿದ್‌ ನಟಿಸಲಿದ್ದಾನೆ ಎಂಬುದು ಖಚಿತವಾಗಿದೆ. ಮೊದಲು ಇದಕ್ಕೆ ಹೃತಿಕ್‌ ಆಯ್ಕೆಯಾಗಿದ್ದ, ಇದೀಗ ಶಾಹಿದ್‌. ಈಗಷ್ಟೇ ಈತ `ಬತ್ತೀ ಗುಲ್ ‌ಮೀಟರ್‌ ಚಾಲೂ’ ಚಿತ್ರದ ಶೂಟಿಂಗ್‌ ಮುಗಿಸಿದ್ದಾನೆ. ಅಷ್ಟೇ ಅಲ್ಲ, 60ರ ದಶಕದ `ವೋ ಕೌನ್‌ ಥೀ’ ರೀಮೇಕ್‌ ಚಿತ್ರದಲ್ಲಿ ಐಶ್ವರ್ಯಾ ಜೊತೆ ನಟಿಸಲಿದ್ದಾನೆ! ಹಿಂದೆ ಮನೋಜ್‌ ಕುಮಾರ್‌ ಸಾಧನಾ ಆ ಪಾತ್ರಗಳನ್ನು ನಿಭಾಯಿಸಿದ್ದರು.

ಶೆಟ್ಟಿ-ಕುಮಾರ್‌ ಮತ್ತೊಮ್ಮೆ ಒಟ್ಟಿಗೆ

ಬಾಲಿವುಡ್‌ನಲ್ಲಿ ಹಲವು ಜೋಡಿಗಳು ಮುಂದುವರಿದಿವೆ, ಮುರಿದೂ ಬಿದ್ದಿವೆ. ಆದರೆ 1993ರಲ್ಲಿ ಆ್ಯಕ್ಷನ್‌ ಕಿಂಗ್‌ ಅಕ್ಷಯ್‌ ಕುಮಾರ್‌ಹಾಗೂ ಸುನೀಲ್‌ ಶೆಟ್ಟಿಯ ಜೋಡಿ ದಶಕಗಳ ಕಾಲ ಸತತ ಹಿಟ್‌ ಚಿತ್ರಗಳನ್ನು ನೀಡಿದೆ. ಇದೀಗ ಈ ಜೋಡಿ `ಹೌಸ್‌ಫುಲ್-4′ ಚಿತ್ರದಲ್ಲಿ ಕಾಣಿಸಲಿದೆ.

ನಮ್ಮ ಮಧ್ಯೆ ಅಂಥದ್ದೇನೂ ಇಲ್ಲ

`ಸೋನು ಕೇ ಟೀಟೂ ಕೀ ಸ್ವೀಟಿ’ ಚಿತ್ರದಲ್ಲಿ ನಟಿಸಿದ್ದ ನುಸ್ರತ್‌ ಭರೂಚಾ ತನ್ನ ಪ್ರತಿಭೆಯಿಂದ ಎಲ್ಲೆಡೆ ಪ್ರಶಂಸೆ ಪಡೆಯುತ್ತಿದ್ದಾಳೆ. ಅದೇ ತರಹ `ಪ್ಯಾರ್‌ ಕಾ ಪಂಚನಾಮಾ’ ಚಿತ್ರದಲ್ಲೂ ಒಳ್ಳೆಯ ಹೆಸರು ಬಂತು. ಈ ಎರಡೂ ಚಿತ್ರಗಳಲ್ಲಿ ಇವಳ ಕೋಸ್ಟಾರ್‌ ಕಾರ್ತೀಕ್‌ ಆರ್ಯನ್‌ ಜೊತೆ ಇದೀಗ ರೊಮಾನ್ಸ್ ಜೋರಾಗಿದೆಯಂತೆ. ಆದರೆ ಇಬ್ಬರೂ ಈ ಸುದ್ದಿಯನ್ನು ಬರೀ ಗಾಸಿಪ್‌ ಎಂದು ತಳ್ಳಿಹಾಕಿದ್ದಾರೆ. ಇಬ್ಬರೂ ಒಂದು ಪತ್ರಿಕಾ ಗೋಷ್ಠಿಯಲ್ಲಿ, “ನಾವಿಬ್ಬರೂ ಒಟ್ಟೊಟ್ಟಿಗೆ ಹಲವು ಚಿತ್ರಗಳಲ್ಲಿ ನಟಿಸಿದ್ದೇವೆ. ಹಾಗೆಂದ ಮಾತ್ರಕ್ಕೆ ಲವ್ ಅಫೇರ್‌ ಅಂದುಬಿಡುವುದೇ? ಕೇವಲ ಫ್ರೆಂಡ್‌ಶಿಪ್‌ ಅಷ್ಟೆ,” ಎಂದು ತಿಪ್ಪೆ ಸಾರಿಸಿದ್ದಾರೆ. ಮುಂದೆ ನೋಡೋಣ!

ಸಿಲ್ವರ್‌ ಡ್ರೆಸ್‌ನಲ್ಲಿ ಚಿನ್ನದಂಥ ಸೋನಾ

ಕಳೆದ 2 ವರ್ಷಗಳಿಂದ ದಬಂಗ್‌ ಗರ್ಲ್ ಎನಿಸಿದ ಸೋನಾಕ್ಷಿಯ ಚಿತ್ರಗಳು ಸಂಪೂರ್ಣ ತೋಪಾಗಿದ್ದರೂ ಅವಳ ಗ್ಲಾಮರ್‌ಗೇನೂ ಕುಂದು ಬಂದಿಲ್ಲ. ಇತ್ತೀಚೆಗೆ ಬಾಂಬೆ ಟೈಂಸ್‌ ಫ್ಯಾಷನ್‌ ವೀಕ್‌ ಏರ್ಪಡಿಸಿದ ಫ್ಯಾಷನ್‌ಶೋನಲ್ಲಿ ಡಿಸೈನರ್‌ ನಂದಿತಾರ ಸಿಲ್ವರ್ ಗೋಲ್ಡನ್‌ ಗೆಟಪ್‌ನ ಡ್ರೆಸ್‌ ಧರಿಸಿ ಹೇಗೆ ಮಿಂಚುತ್ತಿದ್ದಾಳೆ ನೋಡಿ!

ಅಂದಿನ ಕಾಲದಲ್ಲಿ ಹೀಗಿತ್ತು ಬಾಲಿವುಡ್

ಮದುವೆ ನಂತರ ಕೆರಿಯರ್‌ ಆರಂಭಿಸಿದ ನಟಿ ಮಹಿಳೆಯರು ಅಂದಿನ ಕಾಲದಲ್ಲಿ ಬಾಲಿವುಡ್‌ಗೆ ಎಂಟ್ರಿ ಪಡೆಯಲು ಕಾರಣಕರ್ತೆ ದುರ್ಗಾ ಕೋಟೆ. 1930ರ ಅಂದಿನ ಕಾಲದಲ್ಲಿ ಗಂಡಸರೇ ನಾಯಕಿಯ ಪಾತ್ರ ವಹಿಸುತ್ತಿದ್ದರು. ಗೋವಾದ ಸಂಪ್ರದಾಯಸ್ಥ ಕೊಂಕಣಿ ಪರಿವಾರಕ್ಕೆ ಸೇರಿದ ದುರ್ಗಾ, ಮುಂಬೈನಲ್ಲೇ ಬೆಳೆದರು. ಕೋಟೆ ಕುಟುಂಬದಲ್ಲಿ ಮದುವೆ ಆದ ನಂತರ, ಕೇವಲ 26ರ ಹರೆಯಕ್ಕೆ ವಿಧವೆಯಾದ ಈಕೆ ಇಬ್ಬರು ಮಕ್ಕಳ ಜವಾಬ್ದಾರಿ ಹೊರಬೇಕಾಯಿತು. ಸಂಪಾದನೆಗಾಗಿ ಬಾಲಿವುಡ್‌ಗೆ ಕಾಲಿಟ್ಟ ಈಕೆಯ ಮೊದಲ ಚಿತ್ರ `ಫರೇಬಿ’  1931ರಲ್ಲಿ ಬಿಡುಗಡೆ ಆಯ್ತು. ಅದಾದ ಮೇಲೆ ಅನೇಕ ಹಿಂದಿ, ಮರಾಠಿ ಚಿತ್ರಗಳಲ್ಲಿ ನಟಿಸಿದ ಈಕೆ ಮುಂದೆ ಮೊಹಮ್ಮದ್‌ ರಶೀದ್‌ರನ್ನು ಮದುವೆಯಾದರೂ ಅದು ಹೆಚ್ಚು ದಿನ ನಡೆಯಲಿಲ್ಲ. ಹಲವಾರು ಚಿತ್ರಗಳಲ್ಲಿ ಸತತ ತಾಯಿಯ ಪಾತ್ರ ವಹಿಸಿದ ಈಕೆ, ಮುಂದೆ `ಮುಘಲ್ ಎ ಆಝಂ’ ಚಿತ್ರದಲ್ಲಿ ನಿರ್ವಹಿಸಿದ್ದ ಜೋಧಾ ಬಾಯಿಯ ಪಾತ್ರವನ್ನು ಜನ ಈಗಲೂ ಸ್ಮರಿಸುತ್ತಾರೆ. ಸಿನಿಮಾ ಜೊತೆ ಮರಾಠಿ ನಾಟಕರಂಗದಲ್ಲೂ ಹೆಸರು ಗಳಿಸಿದ್ದ ಈಕೆಯ `ಬಿದಾಯಿ’ ಚಿತ್ರದ ನಾಯಕಿಗೆ ತಾಯಿಯ ಪಾತ್ರ ಇಂದಿಗೂ ಜನರ ಕಣ್ಣಲ್ಲಿ ನೀರು ಹರಿಸುತ್ತದೆ. ಸುಮಾರು 50 ವರ್ಷ ಹಿಂದಿ, ಮರಾಠಿ ಚಿತ್ರಗಳ ಅನಿವಾರ್ಯ ನಟಿ ಎನಿಸಿದ್ದ ಈಕೆ ಸುಮಾರು 200ಕ್ಕೂ ಹೆಚ್ಚಿನ ಚಿತ್ರಗಳಲ್ಲಿ ನಟಿಸಿದ್ದಾರೆ. ಮುಂದೆ ತಮ್ಮದೇ ಆದ ಪ್ರೊಡಕ್ಷನ್‌ ಹೌಸ್‌ ಸ್ಥಾಪಿಸಿ ಆ ಮೂಲಕ ಅನೇಕ ಟಿ.ವಿ. ಜಾಹೀರಾತು, ಧಾರಾವಾಹಿಗಳನ್ನು ನಿರ್ಮಿಸಿದರು. ದಾದಾ ಸಾಹೇಬ್‌ ಫಾಲ್ಕೆ, ಪದ್ಮಶ್ರೀ ಪ್ರಶಸ್ತಿಗಳಿಂದ ಪುರಸ್ಕೃತ ಈಕೆ 1991ರಲ್ಲಿ ವಿಧಿವಶರಾದರು.

ಅವರಲ್ಲ, ನಾನು ಜನರನ್ನು ದೂರವಿರಿಸಿದ್ದೇನೆ!

ಇತ್ತೀಚೆಗಷ್ಟೆ ಕೃಷ್ಣಮೃಗದ ಬೇಟೆಯ ಪ್ರಕರಣದಿಂದ ಜೋಧ್‌ಪುರ್‌ ಕೋರ್ಟ್‌ನಿಂದ ಹೊರಬಂದಿರುವ ತಬು, 17 ವರ್ಷಗಳ ನಂತರ ಮನೋಜ್‌ ಬಾಜ್‌ಪೇಯಿ ಜೊತೆ `ಮಿಸ್ಸಿಂಗ್‌’ ಚಿತ್ರದಲ್ಲಿ ನಟಿಸುತ್ತಿದ್ದಾಳೆ. 46ರ ಗಡಿ ದಾಟಿದರೂ ಕುಮಾರಿಯಾಗಿಯೇ ಉಳಿದಿರುವ ತಬು, ಅದಕ್ಕೆ ತನ್ನ ವೈಯಕ್ತಿಕ ಕಾರಣಗಳನ್ನು ಹೀಗೆ ಹೇಳುತ್ತಾಳೆ, “ಲವ್ ಅಫೇರ್‌ನಲ್ಲಿ ಯಾರೂ ನನಗೆ ಮೋಸ ಮಾಡಿಲ್ಲ ಅಥವಾ ನನ್ನ ಮನಸ್ಸು ನೋಯಿಸಿಲ್ಲ. ಬದಲಿಗೆ ಆ ಪಾಪದವರನ್ನು ನಾನೇ ಏಮಾರಿಸಿದ್ದೇನೆ! ಇದುವರೆಗೂ ನನಗೆ ನನ್ನ ಕನಸಿನ ರಾಜಕುಮಾರ ಸಿಕ್ಕೇ ಇಲ್ಲ! ಸಿಕ್ಕಿದ ತಕ್ಷಣ ಮದುವೆ ಆಗಿ ಮೀಡಿಯಾಗೆ ಮೊದಲು ತಿಳಿಸುತ್ತೇನೆ.”

ಲೂಲೂ ನಂತರ ಟೂಟು ಮೂಳೆ ಮುರಿಯಿತು

ರಣವೀರ್‌ ಸಿಂಗ್‌ ಜೊತೆ ಮೊದಲ ಸಲ `ಗಲ್ಲೀ ಬಾಯ್‌’ ಚಿತ್ರದಲ್ಲಿ ಜೋಡಿಯಾದ ಆಲಿಯಾ ಭಟ್‌ಳ ಟೂಟೂ ಅಂದ್ರೆ ರಣವೀರ್‌ಗೆ ಸಿನಿಮಾದಲ್ಲಿ ಫುಟ್‌ಬಾಲ್‌ ಆಡುವಾಗ ಕೆಳಗೆ ಬಿದ್ದು ಸೊಂಟದ ಮೂಳೆ ಮುರಿಯಿತು. ಇದಕ್ಕೆ ಮೊದಲು ಆಲಿಯಾ ಅಂದ್ರೆ ಲೂಲೂಳ ಗತಿಯೂ ಇದೇ ಆಗಿತ್ತು. `ಬ್ರಹ್ಮಾಸ್ತ್ರ’ ಚಿತ್ರದ ಶೂಟಿಂಗ್‌ನಲ್ಲಿ ಇವಳ ಕಾಲು ಮುರಿದಿತ್ತು. ಆಲಿಯಾ ರಣವೀರನಿಗೆ ಟೂಟೂ ಎಂದು ಟ್ವೀಟ್‌ ಮಾಡಿದಾಗ, ತನ್ನ ಯೋಗಕ್ಷೇಮದ ಬಗ್ಗೆ ತಿಳಿಸುತ್ತಾ ಅವನೂ ಇವಳನ್ನು ಲೂಲೂ ಎಂದನಂತೆ. `ಗಲ್ಲೀ ಬಾಯ್‌’ ಚಿತ್ರದ ನಾಯಕ ನಾಯಕಿಯರ ಹೆಸರೂ ಇದೇ ಆಗಿದೆ.

ಇದೀಗ ಫುಟ್‌ಬಾಲ್‌ ಕಲಿಯುತ್ತಿರುವ ನೋರಾ

2013ರಲ್ಲಿ `ರೋರ್‌ ದಿ ಸುಂದರ್‌ನ್‌ ಟೈಗರ್‌’ ಚಿತ್ರದಿಂದ ಬಾಲಿವುಡ್‌ ಪ್ರವೇಶಿಸಿದ ನೋರಾ, ಇತ್ತೀಚೆಗೆ ರಣವೀರನ ಕೋಚ್ ಜೊತೆ ಹೆಚ್ಚು ಸಮಯ ಕಳೆಯುತ್ತಿದ್ದಾಳಂತೆ. ಅಯ್ಯಯ್ಯೋ…. ಅಂಥದ್ದೇನಲ್ಲ, ಈಕೆ ಇದೀಗ ಸಿನಿಮಾಗಾಗಿ ಫುಟ್‌ಬಾಲ್‌ ಪ್ರಾಕ್ಟೀಸ್‌ ಕಲಿಯುತ್ತಿದ್ದಾಳೆ, ಅಷ್ಟೆ. ಕೋಚ್‌ ಗೋವಿಂದ್‌ ತಾವೇ ಸ್ವತಃ ರಣವೀರ್‌, ಅಭಿಷೇಕ್‌ರನ್ನು ಹೀಗೆ ತರಬೇತುಗೊಳಿಸಿದ್ದರು. “ನಾನು ಬಾಲ್ಯದಿಂದಲೇ ಫುಟ್‌ಬಾಲ್ ಪ್ರೇಮಿ. ಅವಕಾಶ ಸಿಕ್ಕಿರಲಿಲ್ಲ ಅಷ್ಟೆ. ಆಗ ಸಮಯಾವಕಾಶ ಇರಲಿಲ್ಲ. ಮುಂದೆ ನೋಡೋಣ ಎಂದು ಕಾದಿದ್ದವಳಿಗೆ, ಈಗ ರಣವೀರ್‌ ಜೊತೆ ಚಿತ್ರದಲ್ಲಿ ಫುಟ್‌ಬಾಲ್‌ ಆಡಬೇಕಾದ್ದರಿಂದ ಅಭ್ಯಾಸಕ್ಕಾಗಿ ಕಲಿಯುತ್ತಿದ್ದೇನೆ,” ಎನ್ನುತ್ತಾಳೆ ನೋರಾ.

ಸುರ್ವೀನ್‌ಳ ಹಾಟ್‌ ಬೋಲ್ಡ್ ಗೆಟಪ್‌

ದಕ್ಷಿಣದ ಚಿತ್ರಗಳಲ್ಲಿ ಮಾತ್ರವಲ್ಲದೆ ಪಂಜಾಬಿ, ಹಿಂದಿ ಸಿನಿಮಾ, ಟಿವಿ ಧಾರಾವಾಹಿ, ವೆಬ್‌ ಸೀರೀಸ್‌ನಲ್ಲೂ ತನ್ನ ಗ್ಲಾಮರ್ ಪ್ರದರ್ಶಿಸಿರುವ ಸುರ್ವೀನ್‌ ಚಾವ್ಲಾ ನಟನೆಯ ಜೊತೆ ತನ್ನ ಗ್ಲಾಮರಸ್‌ ಸಿಝಲರ್‌ ಸ್ಟಿಲ್‌ಗೆ ಅಷ್ಟೇ (ಕು)ಖ್ಯಾತಳು! ಇತ್ತೀಚೆಗೆ ಫೇಸ್‌ಬುಕ್‌ನಲ್ಲಿ ಇವಳ ಬೋಲ್ಡ್ ಬ್ಲ್ಯಾಕ್‌ ಡ್ರೆಸ್‌ ಬಗ್ಗೆ ಎಲ್ಲೆಲ್ಲೂ ಚರ್ಚೆ ನಡೆಯಿತು. ಕಾಸ್ಟ್ಯೂಮ್ ಡಿಸೈನರ್‌ ಲೇಪಾಕ್ಷಿಯ ಕ್ರಿಯೇಟಿವ್‌ ಡ್ರೆಸ್‌ ಧರಿಸಿದ ಈಕೆ ವೇದಿಕೆಗೆ ಬಂದಾಗ ಹಾಟ್‌ ಸೆಕ್ಸೀ ಎನಿಸಿದಳು. `ಹೇಟ್‌ ಸ್ಟೋರಿ-2, ಪಾರ್ಚ್ಡ್’ ಚಿತ್ರಗಳಲ್ಲಿ ಬಿಚ್ಚಮ್ಮಳೆಂದೇ ಖ್ಯಾತಗೊಂಡಿರುವ ಸುರ್ವೀನ್‌, ತನ್ನ ಮದುವೆಯ ಬಗ್ಗೆಯೂ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದಾಳೆ.

ಬ್ರೇಕ್‌ ತಗೊಂಡಿದ್ದೇ ಮುಳುವಾಯ್ತು!

ಯಾರು ಸದಾ ಬೆಳ್ಳಿ ತೆರೆಯಲ್ಲಿ ಕಾಣಿಸುತ್ತಿರುತ್ತಾರೋ ಅವರನ್ನು ಮಾತ್ರ ಬಾಲಿವುಡ್‌ ಸ್ಮರಿಸುತ್ತದೆ. ಯಾರೇ ಬಿಗ್‌ ಬ್ರೇಕ್ ತೆಗೆದುಕೊಂಡಿರಲಿ, ಅವರ ಕೆರಿಯರ್‌ ಮುಗಿಯಿತೆಂದೇ ಅರ್ಥ. ಐಶ್‌, ಮಾಧುರಿ, ಕರೀನಾ…. ಯಾರೂ ಇದಕ್ಕೆ ಹೊರತಲ್ಲ. `ಹಜಾರೋ ಖ್ವಾಯಿಶೇ ಐಸಿ’ ಚಿತ್ರದಿಂದ ಎಂಟ್ರಿ ಪಡೆದ ಚಿತ್ರಾಂಗದಾಳ ಗತಿಯೂ ಈಗ ಇದೇ ಆಗಿದೆ. ಆಕೆ ಹೇಳುತ್ತಾಳೆ, “ಮತ್ತೆ ಮತ್ತೆ ನಾನು ಬ್ರೇಕ್‌ ತೆಗೆದುಕೊಳ್ಳುತ್ತಿದ್ದುದೇ ತನ್ನ ಕೆರಿಯರ್‌ಗೆ ಮುಳುವಾಯ್ತು. ಚಿತ್ರರಂಗದಲ್ಲಿ ಅವಕಾಶ ಸಿಕ್ಕಿದಾಗ ಬಾಚಿಕೊಳ್ಳಬೇಕು, ನಮ್ಮ ವೈಯಕ್ತಿಕ ಕಾರಣಗಳಿಗಾಗಿ ನಾವು ಆಬ್ಸೆಂಟ್‌ ಆದರೆ, ಅದರ ನೇರ ಪರಿಣಾಮ ನಮ್ಮ ಕೆರಿಯರ್ ಮೇಲಾಗುತ್ತದೆ. ನನ್ನೊಂದಿಗೆ ಆಗಿದ್ದೂ ಇದೇ! ಇಲ್ಲಿನ ದೊಡ್ಡ ಸ್ಟಾರ್‌ ಆಗಲು ಬಹುಶಃ ನನ್ನ ಪ್ರಯತ್ನ ಸಾಲದು ಅನ್ಸುತ್ತೆ.”

ಮೊದಲಿನಿಂದಲೂ ಆದರ್ಶ ಸೊಸೆ ಆಗಬೇಕೂಂತಿದ್ದೆ

ಹೊಸ ಕಲಾವಿದರೊಂದಿಗೆ 90ರ ದಶಕದ ಫೇಮಸ್‌ ಟಿವಿ ಶೋ `ಶ್ರೀಮಾನ್‌ ಶ್ರೀಮತಿ ಜೀ’ ತನ್ನ ಹೊಸ ಸ್ಟಾರ್‌ ಟೀಮಿನಿಂದಾಗಿ ಸೋನಿ ಸಬ್‌ ಚ್ಯಾನೆಲ್‌ನಲ್ಲಿ ಮಿಂಚುತ್ತಿದೆ. ಬರ್ಖಾ ಈ ಧಾರಾವಾಹಿಯಲ್ಲಿ `ಡಾಲ್‌’ ಪಾತ್ರ ನಿರ್ವಹಿಸುತ್ತಿದ್ದಾಳೆ. ಹಿಂದೆ ಅರ್ಚನಾ ಪೂರಣ್‌ ಸಿಂಗ್‌ ಮಾಡುತ್ತಿದ್ದಳು. ಬಾಲಿವುಡ್‌ ಸಿನಿಮಾಗಳಲ್ಲಿ ಕೇವಲ 12 ಐಟಂ ಅಷ್ಟೇ ಮಾಡಿರುವ ಬರ್ಖಾ ಕಿರುತೆರೆಯಲ್ಲಿ ಮಿಂಚಿದ್ದೇ ಹೆಚ್ಚು. ಚಿತ್ರಗಳಲ್ಲೇಕೆ ಶೈನ್‌ ಆಗಲಿಲ್ಲ ಎಂದರೆ ಬರ್ಖಾ, “ನಾನು ಆರಂಭದಿಂದಲೂ ಟಿವಿಯ ಆದರ್ಶ ಸೊಸೆ  ಆಗಬೇಕೆಂದಷ್ಟೇ ಅಂದುಕೊಂಡವಳು. ಇದೇನು ಕಡಿಮೆ ಸವಾಲಿನ ಪ್ರಶ್ನೆ ಅಂದುಕೊಂಡಿರಾ? ಹೀಗಾಗಿ ಚಿತ್ರಗಳ ಕಡೆ ಹೆಚ್ಚು ಗಮನ ಕೊಡಲಿಲ್ಲ,” ಅಂತಾಳೆ. ನರಿ ಮತ್ತು ಹುಳಿ ದ್ರಾಕ್ಷಿ ಕಥೆ ನೆನಪಾಗುತ್ತಿದೆಯೇ?

ಇದೀಗ ಅಣ್ಣತಂಗಿ ಒಟ್ಟಿಗೇ ನಟಿಸಲಿದ್ದಾರೆ

ಸ್ಟಾರ್‌ ಪ್ಲಸ್‌ನ `ಕುಲ್ಛೀ ಕುಮಾರ್‌ ಬಾಜೇ’ ಧಾರಾವಾಹಿಯಲ್ಲಿ ಪುಟ್ಟ ಆಕೃತಿ ಜೊತೆ ಅವಳ ಅಣ್ಣ ಹಾರ್ದಿಕ್‌ ಸಹ ನಟಿಸುತ್ತಿದ್ದಾನೆ. ಹಾರ್ದಿಕ್‌ಇಲ್ಲಿ ಇವಳ ಫ್ರೆಂಡ್‌ ಆಗಿರ್ತಾನೆ. ಅವನಿಗೆ ಇದು ಮೊದಲ ಶೋ. ಈ ಧಾರಾವಾಹಿಗೆಂದೇ ಮನೆಯವರಿಂದ ದೂರವಾಗಿ ಮುಂಬೈಗೆ ಬಂದು ಆಕೃತಿ ನಟಿಸುತ್ತಿದ್ದಳು. ಅಣ್ಣನೂ ತನ್ನ ಜೊತೆಗಿರುತ್ತಾನೆ ಎಂದು ತಿಳಿದಾಗ ಅವಳ ಖುಷಿ ಮುಗಿಲು ಮುಟ್ಟಿತು.

ಈ ಸಲದ ಖಿಚಡಿ ರುಚಿ ವಿಭಿನ್ನ

“ಕಿರುತೆರೆಯ ಫೇವರಿಟ್‌ ಶೋ `ಖಿಚಡಿ’ ಧಾರಾವಾಹಿ ಮತ್ತೊಮ್ಮೆ ಶುರುವಾಗಿದೆ. ನಿಮ್ಮ  ಕುಟುಂಬದವರ ಜೊತೆ ಕುಳಿತು ಒಟ್ಟಾಗಿ ಆನಂದಿಸಬಹುದಾದ ಬೊಂಬಾಟ್‌ ಶೋ ಇದು,” ಎನ್ನುತ್ತಾರೆ ಇದರ ನಿರ್ಮಾಪಕ ಮಜೀಠಿಯಾ ಹಾಗೂ ನಿರ್ದೇಶಕ ಆತಿಶ್‌ ಕಪಾಡಿಯಾ.  2002ರಲ್ಲಿ `ಖಿಚಡಿ’ ಶೋ ಶುರುವಾಗಿ ಹಲವು ವರ್ಷ ಮುಂದುವರಿಯಿತು. ಇದರ ಹಂಸಾ ಬೆಹನ್‌ ಮತ್ತು ಪ್ರಫುಲ್ ಚಂದ್ರ ಪಾತ್ರಗಳನ್ನು ಮರೆತವರುಂಟೇ? ಸೀಸನ್‌ನಲ್ಲಿ ಈ ಶೋ ಪ್ರೇಕ್ಷಕರನ್ನು ಸೆಳೆದೀತೇ? “ನಾವಂತೂ ವೀಕ್ಷಕರ ಡಿಮ್ಯಾಂಡ್‌ ಗಮನಿಸಿಕೊಂಡೇ ಇದನ್ನು ಹೊಸದಾಗಿ ಮತ್ತೆ ಆರಂಭಿಸಿದ್ದೇವೆ. ಹಾಗಿರುವಾಗ ಕ್ರಿಕೆಟ್‌ಗೆ ಹೆದರಬೇಕೇಕೆ? ದಿನ ಕ್ರಿಕೆಟ್‌ ಮಜಾ ಪಡೆಯಿರಿ, ವೀಕೆಂಡ್ಸ್ ನಲ್ಲಿ ಮನೆ ಮಂದಿಯೆಲ್ಲಾ ಕುಳಿತು `ಖಿಚಡಿ’ ಸವಿಯಿರಿ,” ಎನ್ನುತ್ತಾರೆ ನಿರ್ದೇಶಕರು.

Tags:
COMMENT