ಕನ್ನಡ ಸಿನಿರಸಿಕರಿಗೆ ರುಕ್ಕು ಅಂದ್ರೆ ಬಹಳ ಪ್ರೀತಿ. ಸಪ್ತಸಾಗರದಾಚೆ ಎಲ್ಲೋ ಸಿನಿಮಾ ನೋಡಿದ್ಮೇಲಂತೂ ರುಕ್ಮಿಣಿ ಮೇಲೆ ಲವ್ವೋ ಲವ್ವಾಗಿದೆ. ರುಕ್ಕು ಏನೇ ಮಾತಾಡ್ಲಿ.. ಏನೇ ಪೋಸ್ಟ್ ಹಾಕ್ಲಿ ಅದಕ್ಕೆ ಕಮೆಂಟ್ ಹಾಗ್ದೇನೆ ಬಿಡೋದಿಲ್ಲ. ಇದ್ರಲ್ಲಿ ನೆಗೆಟಿವ್ ಕಮೆಂಟ್ಗಳಿದ್ರೂ ಕೂಡ ಪಾಸಿಟಿವ್ ಮಾತುಗಳೇ ಜಾಸ್ತಿ. ಇನ್ನು ಸ್ಟಾರ್ಗಳಿಗಂತೂ ರುಕ್ಕುನೇ ಫೇವರಿಟ್. ಕನ್ನಡವಷ್ಟೇ ಅಲ್ಲ ತೆಲುಗು, ತಮಿಳು ಇಂಡಸ್ಟ್ರಿಯ ದೊಡ್ಡ ದೊಡ್ಡ ಸ್ಟಾರ್ಗಳಿಗೆ ರುಕ್ಮಿಣಿ ಕಂಡ್ರೆ ಅದೇನೋ ಒಂಥರಾ ಬಾಂಧವ್ಯ. ಅಷ್ಟರಮಟ್ಟಿಗೆ ಗುಡ್ ರಿಲೇಷನ್ಶಿಪ್ ಹೊಂದಿರೋ ನಟಿ ರುಕ್ಮಿಣಿ ವಸಂತ್ ಈಗ ಬಿಗ್ ಪ್ರಾಜೆಕ್ಟ್ವೊಂದಕ್ಕೆ ಜಾಯಿನ್ ಆಗಿದ್ದಾರೆ.
ಎಆರ್ ಮುರುಗದಾಸ್ ನಿರ್ದೇಶನದ ‘ಮದರಾಸಿ’ ಅನ್ನೋ ಶಿವಕಾರ್ತಿಕೇಯನ್ ಚಿತ್ರದಲ್ಲಿ ನಟಿಸ್ತಿರೋ ರುಕ್ಮಿಣಿ ವಸಂತ್, ಮೋಸ್ಟ್ ವರ್ಸಟೈಲ್ ಆ್ಯಕ್ಟರ್ ವಿಜಯ್ ಸೇತುಪತಿ ನಟನೆಯ ‘ಏಸ್’ ಚಿತ್ರದಲ್ಲಿ ಎಲ್ಲರ ಗಮನ ಸೆಳೆದಿದ್ದಾರೆ. ಸದ್ಯ ‘ಏಸ್’ ಚಿತ್ರದ ಒಂದು ಸಾಂಗ್ ರಿಲೀಸ್ ಆಗಿದ್ದು, ಆ ಲವ್ ಡುಯೆಟ್ ಸಾಂಗ್ ನೋಡಿ ಇಡೀ ಕಾಲಿವುಡ್ ಫಿದಾ ಆಗಿದೆ. ರೊಮ್ಯಾಂಟಿಕ್ ಕ್ರೈಮ್ ಜಾನರ್ ಸಿನಿಮಾ ಇದಾಗಿದ್ದು, ಸೇತುಪತಿ- ರುಕ್ಮಿಣಿ ಕೆಮಿಸ್ಟ್ರಿ ಮಸ್ತ್ ಮ್ಯಾಚ್ ಆಗಿದೆ. ಆರ್ಮುಗ ಕುಮಾರ್ ನಿರ್ದೇಶನದ ಏಸ್ ಮೂವಿ ಸದ್ಯದಲ್ಲೇ ರಿಲೀಸ್ ಡೇಟ್ ಅನೌನ್ಸ್ ಮಾಡಲಿದೆ.
ಇನ್ನು ಪ್ರಶಾಂತ್ ನೀಲ್ ನಿರ್ದೇಶನದ ಜೂನಿಯರ್ ಎನ್ ಟಿ ಆರ್ ನಟನೆಯ ‘31ನೇ ಸಿನಿಮಾ’ಗೂ ನಮ್ಮ ಕನ್ನಡದ ರುಕ್ಕಮ್ಮನೇ ಹೀರೋಯಿನ್. ‘ಅಪ್ ಸ್ಟಾರ್ಟ್ಸ್’ ಅನ್ನೋ ಹಿಂದಿ ಚಿತ್ರದಲ್ಲಿ ನಟಿಸಿದ ರುಕ್ಮಿಣಿಗೆ ಪಕ್ಕದ ಟಾಲಿವುಡ್ ಕೂಡ ಕರೆದು ಅವಕಾಶ ನೀಡಿತು. ಆಗ ಆಗಿದ್ದೇ ‘ಅಪ್ಪುಡೋ ಇಪ್ಪುಡೋ ಎಪ್ಪುಡೋ’ ಸಿನಿಮಾ. ಸದ್ಯ ಎರಡು ತಮಿಳು ಸಿನಿಮಾ ಹಾಗೂ ಮತ್ತೊಂದು ತೆಲುಗು ಚಿತ್ರದಲ್ಲಿ ಬ್ಯುಸಿಯಾಗಿರೋ ಈ ಚೆಲುವೆ ಕನ್ನಡದ ‘ಕಾಂತಾರ-1’ನಲ್ಲೂ ನಾಯಕನಟಿಯಾಗಿ ಅಭಿನಯಿಸುತ್ತಿದ್ದಾರೆ.
ಆರ್ಮಿ ಸ್ಕೂಲ್ ನಲ್ಲಿ ವ್ಯಾಸಂಗ ಮಾಡಿ, ಲಂಡನ್ ನಲ್ಲಿ ಆ್ಯಕ್ಟಿಂಗ್ ಕಲಿತು ಬಂದ ರುಕ್ಮಿಣಿ ವಸಂತ್, 2019ರಲ್ಲಿ ಬೀರಬಲ್ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟಿದ್ದರು. ಅದಾದ ಬಳಿಕ ಸಪ್ತ ಸಾಗರದಾಚೆ ಎಲ್ಲೋ ಭಾಗ-1, ಭಾಗ-2, ಬಾನದಾರಿಯಲ್ಲಿ, ಬಘೀರ, ಭೈರತಿ ರಣಗಲ್ ಹೀಗೆ ದೊಡ್ಡ ದೊಡ್ಡ ಸ್ಟಾರ್ ಗಳ ಜೊತೆಗೇ ಒಳ್ಳೊಳ್ಳೆಯ ಸಿನಿಮಾಗಳನ್ನ ಮಾಡಿದ್ರು. ಒಟ್ಟಿನಲ್ಲಿ ನಮ್ಮ ಬೆಂಗಳೂರಿನ ಹುಡುಗಿ ಹೀಗೆ ಕನ್ನಡದ ಜೊತೆ ತೆಲುಗು, ತಮಿಳು ಹಾಗೂ ಹಿಂದಿಯಲ್ಲಿ ಡಿಮ್ಯಾಂಡ್ ಹೆಚ್ಚಿಸಿಕೊಂಡಿರೋದು ಖುಷಿಯ ವಿಚಾರ.
