ಸನೀ ಲಿಯೋನ್‌
“ಸೌಂದರ್ಯ ಎಂಬುದು ಪರ್ಫೆಕ್ಟ್ ಫಿಗರ್‌ನಲ್ಲಿ ಅಲ್ಲ… ಫಿಟ್‌ ಫಿಗರ್‌ನಲ್ಲಿ ಅಡಗಿದೆ!” ಎನ್ನುತ್ತಾಳೆ ಸದಾ ಪಡ್ಡೆ ಹುಡುಗರ ನಿದ್ದೆಗೆಡಿಸುವ ಸೆಕ್ಸೀ ಐಟಂ ಗರ್ಲ್ ಸನೀ ಲಿಯೋನ್‌. ನಿಮ್ಮ ಆರೋಗ್ಯ ಚೆನ್ನಾಗಿದ್ದರೆ ಆಟೊಮೆಟಿಕಲಿ ನಿಮ್ಮ ಚರ್ಮದಲ್ಲಿ ಹೊಳಪು ಹಾಗೂ ವ್ಯಕ್ತಿತ್ವದಲ್ಲಿ ಫಿಟ್‌ನೆಸ್‌ ತಾನಾಗಿ ಉಕ್ಕುತ್ತದೆ ಎನ್ನುತ್ತಾಳೆ ಸನೀ. ಹೀಗಾಗಿ ಎಲ್ಲಕ್ಕೂ ಮಿಗಿಲಾಗಿ ನಿಮ್ಮ ಫಿಟ್‌ನೆಸ್‌ಗೆ ಮಹತ್ವ ಕೊಡಿ ಎಂದು ಇಂದಿನ ಕಾಲೇಜು ಕಿಶೋರಿಯರಿಗೆ ಕಿವಿಮಾತು ಹೇಳುತ್ತಾಳೆ. ಈಕೆಯ ಗ್ಲಾಮರಸ್‌ ಎವರ್‌ಗ್ರೀನ್‌ ಫ್ಯಾಷನೆಬಲ್ ವ್ಯಕ್ತಿತ್ವಕ್ಕೆ ಮಾರುಹೋಗದವರೇ ಇಲ್ಲ.
ಬಾಲಿವುಡ್‌ನ ಚಿತ್ರಗಳಲ್ಲಿ ರಾರಾಜಿಸಿ ಈಗ ದಕ್ಷಿಣಕ್ಕೆ ಲಗ್ಗೆ ಇಟ್ಟಿದ್ದಾಳೆ ಈಕೆ. ಸನೀ ಇನ್ನೂ ಮಿಸ್‌ ಆಗಿರಬಹುದಲ್ಲವೇ ಅಂದಿರಾ? ಖಂಡಿತಾ ಅಲ್ಲ, ಈಕೆ ಕೆನಡಾದ ಡೇನಿಯಲ್ ಲೇಬರ್‌ನ ಪತ್ನಿ. ಪೋರ್ನ್‌ ಚಿತ್ರಗಳ ಆರ್ಟಿಸ್ಟ್ ಬಾಲಿವುಡ್‌ಗೆ ತಕ್ಕವಳೇ ಎಂದೆಲ್ಲ ಸಡ್ಡು ಹೊಡೆದ ರಾಖಿ ಸಾವಂತ್‌ಗೆ ತಲೆಯ ಮೇಲೆ ಹೊಡೆದಂತೆ ಸಾಲು ಸಾಲಾಗಿ ಹಿಂದಿ ಚಿತ್ರಗಳಲ್ಲಿ ಅವಕಾಶ ಗಿಟ್ಟಿಸಿದ ಸನೀ, ಇದೀಗ ಶಾರೂಖ್‌ ಖಾನ್‌ನ `ರಯೀಸ್‌’ ಚಿತ್ರದಲ್ಲಿ ಐಟಂ ಗರ್ಲ್ ಆಗಿ `ಖುರ್ಬಾನಿ’ಯ `ಲೈಲಾ ಓ ಲೈಲಾ….’ ಹಾಡಿನ ರೀಶೂಟ್‌ನಲ್ಲಿ ಮಿಂಚಲಿದ್ದಾಳೆ ಎಂದರೆ ಅವಳ ಲೆವೆಲ್‌ ಯಾವ ಮಟ್ಟ ಮುಟ್ಟಿದೆ ಎಂದ ಊಹಿಸಬಹುದು. ದಕ್ಷಿಣಕ್ಕೆ ದಾಂಗುಡಿ ಇಟ್ಟ ಸನೀ, ತೆಲುಗು ಚಿತ್ರಗಳಲ್ಲಿ ಐಟಂ ಸಾಂಗ್ಸ್ ನಲ್ಲಿ ರಾರಾಜಿಸಿ ಇದೀಗ ಪ್ರೇಮ್ ನಿರ್ದೇಶಿಸಿ ನಟಿಸಿರುವ ಕನ್ನಡ ಚಿತ್ರದಲ್ಲೂ ಮಿಂಚುತ್ತಿದ್ದಾಳೆ ಎಂದ ಮೇಲೆ ಕೇಳಬೇಕೇ? ಸನೀ ಜೊತೆ ನಡೆಸಿದ ಸಂಭಾಷಣೆಯ ಮುಖ್ಯಾಂಶಗಳು :
ಸನೀಗೆ ಪರ್ಫೆಕ್ಟ್ ಬಾಡಿಗಿಂತ ಫಿಟ್‌ ಬಾಡಿ ಬಗ್ಗೆ ಹೆಚ್ಚಿನ ಒಲವಂತೆ….
ನಾನು ಪರ್ಫೆಕ್ಟ್ ಗಿಂತ ಫಿಟ್‌ ಬಾಡಿ ಕುರಿತಾಗಿ ಹೆಚ್ಚಿನ ವಿಶ್ವಾಸ ಹೊಂದಿದ್ದೇನೆ. ನಾನು ನೋಡಿದಂತೆ ಹೆಚ್ಚು ಹುಡುಗಿಯರು ಸೆಕ್ಸೀ ಫಿಗರ್‌, ಝೀರೊ ಫಿಗರ್‌ ಅಂತೆಲ್ಲ ಹಪಹಪಿಸುತ್ತಾ ಸದಾ ಡಯೆಟಿಂಗ್‌ ಮಾಡುತ್ತಾರೆ. ಇದರಿಂದ ಅವರು ತೆಳು ಟ್ಯೂಬ್‌ಲೈಟ್ಸ್ ಆಗಿ ರೋಗಿಷ್ಟರಂತೆ ಕಾಣುತ್ತಾರೆ. ನನ್ನ ಸಲಹೆ ಎಂದರೆ ಡಯೆಟಿಂಗ್‌ ಬದಲಿಗೆ ಹೆಲ್ದಿ ಆಹಾರ ಸೇವಿಸಿ. ಉತ್ತಮ ಆರೋಗ್ಯದ ರಹಸ್ಯ, ಸಮಯಕ್ಕೆ ಸರಿಯಾಗಿ ಪೌಷ್ಟಿಕ ಆಹಾರ ಸೇವನೆ ಅಂದರೆ ನೀವು ನಂಬುತ್ತೀರಾ…?
ಏನನ್ನು ಸೇವಿಸಬೇಕು ಅಥವಾ ಬಾರದು ಅಂತೀರಾ?
ಜೀವನದಲ್ಲಿ ನಾವು ರುಚಿರುಚಿಯಾದ ಆಹಾರ ತ್ಯಜಿಸಲು ಕಲಿತೆವು ಅಂದ್ರೆ, ಸ್ವಸ್ಥ ಜೀವನಕ್ಕೆ ಬುಕ್‌ ಆಗಿದ್ದೇವೆ ಅಂತಲೇ ಅರ್ಥ. ನಾಲಿಗೆಗೆ ಹೆಚ್ಚು ಟೇಸ್ಟಿ ಅನಿಸುವ ಡಿಶೆಸ್‌ ಆರೋಗ್ಯಕ್ಕೆ ಖಂಡಿತಾ ಹಾನಿಕರ ಆಗಿರುತ್ತವೆ. ಅಂದ್ರೆ ಜಂಕ್‌ ಫುಡ್ಸ್, ಸ್ವೀಟ್ಸ್, ಚಾಕಲೇಟ್‌, ಐಸ್‌ಕ್ರೀಂ, ಪೇಸ್ಟ್ರಿ…. ಇತ್ಯಾದಿ. ನಾನಂತೂ ಇವನ್ನೆಲ್ಲ ಮುಟ್ಟೋದೂ ಇಲ್ಲ! ನನ್ನ ಡಯೆಟ್‌ ಪ್ಲಾನ್‌ ನಿಮಗೆ ಬೋರಿಂಗ್‌ ಅನಿಸಬಹುದು, ಆದರೆ ಹೆಲ್ದಿ ಅನ್ನೋದು ನಿಜ. ಬೆಳಗ್ಗೆ ಮೊದಲು ಒಂದು ಎಳನೀರು ಕುಡೀತೀನಿ, ಟೀ ಬದಲು ಬ್ಲ್ಯಾಕ್‌ ಕಾಫಿ ತೆಗೆದುಕೊಳ್ಳುವೆ. ತಿಂಡಿಗೆ ಎಗ್‌ ವೈಟ್‌ ವಿತ್‌ ಟೋಸ್ಟ್, ಎಣ್ಣೆರಹಿತ ದೋಸೆ, ಇಡ್ಲಿ ಇತ್ಯಾದಿ.
ಬ್ಯೂಟಿ ಗ್ಲಾಮರಸ್‌ ಎನಿಸಲು ನಿಮ್ಮ ಟಿಪ್ಸ್…..
ಸದಾ ಬ್ಯೂಟಿ ಗ್ಲಾಮರಸ್‌ ಆಗಿರಲು 2 ವಿಷಯ ಬಲು ಮುಖ್ಯ. ಎಲ್ಲಕ್ಕೂ ಮೊದಲು ನಿಮ್ಮ ಪಾಸಿಟಿವ್‌ ಥಿಂಕಿಂಗ್‌ ಹಾಗೂ ಎರಡನೆಯದು ನಿಮ್ಮ ಬಗ್ಗೆ ನಿಮಗೆ ಆತ್ಮವಿಶ್ವಾಸ. ನನ್ನ ವಿಷಯವೇ ತೆಗೆದುಕೊಳ್ಳಿ, ಯಾವುದೇ ವಿಚಾರಕ್ಕೂ ನಾನೆಂದೂ ಪಶ್ಚಾತ್ತಾಪ ಪಟ್ಟವಳೇ ಅಲ್ಲ. ನಾನು ಪೋರ್ನ್‌ ಆರ್ಟಿಸ್ಟ್ ಅಂತ ಬಾಲಿವುಡ್‌ಗೆ ಬಂದ ಹೊಸತರದಲ್ಲಿ ಕಂಡಕಂಡವರು ಬಾಯಿಗೆ ಬಂದಂತೆ ಮಾತನಾಡಿಕೊಂಡರು. ಅದರ ಕುರಿತಾಗಿ ನಾನೆಂದೂ ಓವರ್‌ ರಿಯಾಕ್ಟ್ ಆಗಲಿಲ್ಲ. ಅದಕ್ಕಾಗಿ ನೆಗೆಟಿವ್‌ ಥಿಂಕಿಂಗ್‌ಗೂ ಹೋಗಲಿಲ್ಲ. ಅದರ ಪರಿಣಾಮವಾಗಿ ಬಾಲಿವುಡ್‌ ಇಂದು ತೆರೆದ ಹೃದಯದಿಂದ ನನ್ನನ್ನು ಸ್ವೀಕರಿಸಿದೆ. ದಕ್ಷಿಣದವರೂ ನನಗೆ ರೆಡ್‌ ಕಾರ್ಪೆಟ್‌ ಹಾಸಿದ್ದಾರೆ! ಈ ಪಾಸಿಟಿವ್‌ ಥಿಂಕಿಂಗ್‌ ನನ್ನನ್ನು ಸ್ಟ್ರಾಂಗ್‌ ಆಗಿಸಿದೆ. ನೀವು ಆತ್ಮವಿಶ್ವಾಸ ಕಳೆದುಕೊಂಡಷ್ಟೂ ಇತರರು ನಿಮ್ಮನ್ನು ತುಳಿಯುತ್ತಾರೆ. ಆಗದು ನಿಮ್ಮ ಬಾಡಿ ಲ್ಯಾಂಗ್ವೇಜ್‌ನಲ್ಲೂ ಕಾಣಿಸಿಕೊಳ್ಳುತ್ತದೆ. ಹೀಗಾಗಿ ಗ್ಲಾಮರಸ್‌ ಆಗಿ ಕಂಗೊಳಿಸಲು ಪಾಸಿಟಿವ್‌ ಥಿಂಕಿಂಗ್‌ ಸೆಲ್ಫ್ ಕಾನ್ಛಿಡೆನ್ಸ್ ಬಲು ಮುಖ್ಯ!
ವ್ಯಾಯಾಮದ ಬಗ್ಗೆ ವಿಶೇಷ ಟಿಪ್ಸ್….?
ನಾನು ವಾರದಲ್ಲಿ 3-4 ದಿನ ಮರೆಯದೆ ವ್ಯಾಯಾಮ ಮಾಡ್ತೀನಿ, ಜಿಮ್ಗೆ ಹೋಗ್ತೀನಿ. ಶೂಟಿಂಗ್‌ ಇದ್ದಾಗ 30 ನಿಮಿಷ ಮಾತ್ರ ವ್ಯಾಯಾಮ ಮಾಡ್ತೀನಿ. ಫ್ರೀ ಇದ್ದಾಗ ಮಾತ್ರ ಪೂರ್ತಿ 2 ಗಂಟೆ ಬೇಕು. ನನಗೆ ನನ್ನ ಪತಿ ಜೊತೆ ವ್ಯಾಯಾಮ ಮಾಡೋದರಲ್ಲಿ ಭಾರೀ ಮಜಾ ಅನ್ಸುತ್ತೆ. ಜಿಮ್ನಲ್ಲಿ ಅವರೇ ನನ್ನ ಪಾರ್ಟ್‌ನರ್‌. ನಾನು ಹೆಚ್ಚಾಗಿ ಕಾರ್ಡಿಯೋ ಮಾಡ್ತೀನಿ, ಇದರ ಮೂಲಕ ಹೆಚ್ಚಿನ ಕ್ಯಾಲೋರಿ ಕಳೆದುಕೊಳ್ಳಬಹುದು. ಭುಜಗಳ ವ್ಯಾಯಾಮಕ್ಕಾಗಿ ಬಾಕ್ಸಿಂಗ್‌ ಮಾಡ್ತೀನಿ, ಸೊಂಟ, ನಿತಂಬ, ತೊಡೆಗಳಲ್ಲಿ ಕೊಬ್ಬು ಶೇಖರಗೊಳ್ಳಬಾರದೆಂದು ಹೆಚ್ಚಾಗಿ ಸೈಕ್ಲಿಂಗ್‌ ಮಾಡ್ತೀನಿ. ಪ್ರತಿ ಸೆಶನ್‌ನಲ್ಲೂ 500-600 ಕ್ಯಾಲೋರಿ ಕರಗಿಸುತ್ತೇನೆ.
ನಮ್ಮ ಓದುಗರಿಗಾಗಿ ಒಂದಿಷ್ಟು ಮೇಕಪ್‌ ಟಿಪ್ಸ್…..?
ಅಸಲಿಗೆ ನನಗೆ ಮೇಕಪ್‌ ಅಂದ್ರೆ ಅಲರ್ಜಿ. ಮುಖ್ಯವಾಗಿ ಪೌಡರ್‌ ಹಾಕಿಸಿಕೊಳ್ಳುವುದು ಎಂದರೆ ಹಿಡಿಸದು. ಹೀಗಾಗಿ ನಾನು ಸದಾ ಕ್ರೀಂ ಬೇಸ್ಡ್ ಮೇಕಪ್‌ ಮಾಡ್ತೀನಿ. ಮೇಕಪ್‌ ರಿಮೂವ್ ಮಾಡಲು ಜ್ಯಾಪ್ನೀಸ್‌ ಮಾಯಿಶ್ಚರೈಸರ್‌ ಬಳಸುತ್ತೀನಿ. ನಂತರ…. ಬ್ಲಶ್‌ ಸಹ ಕ್ರೀಂ ಬೇಸ್ಡ್ ಮಾತ್ರ. ಸಾಮಾನ್ಯವಾಗಿ ನನ್ನ ಮೇಕಪ್‌ ಸಾಮಗ್ರಿ ವಾಟರ್‌ ಬೇಸ್ಡ್ ಆಗಿರುತ್ತದೆ. ಮಸ್ಕರಾ ಸಹ ನಾನು ಲೈಟ್‌ ವೆಯ್ಟ್ ಚೂಸ್‌ ಮಾಡ್ತೀನಿ. ಆಮೇಲೆ…. ಲಿಪ್‌ಸ್ಟಿಕ್‌ಗಾಗಿ ಎಲ್ಲಾ ಬಣ್ಣದಲ್ಲೂ ಲಭ್ಯವಿರುವ `ಕಿಸ್‌ ಫಾರ್‌ ಗ್ಲಾಸಿ’ ಬಳಸುತ್ತೇನೆ. ಶೂಟಿಂಗ್‌ ಇಲ್ಲದಿದ್ದಾಗ ನಾನು ಬಲು ಲೈಟ್‌ ಮೇಕಪ್‌ ಮಾಡ್ತೀನಿ, ಆಗ ನನ್ನ ಸ್ಕಿನ್‌ಗೆ ಆರಾಮ ಸಿಗುತ್ತದೆ.
ಕೂದಲಿನ ನಿರ್ವಹಣೆ ಹೇಗೆ ಮಾಡ್ತೀರಿ?
ನಾನಂತೂ ನನ್ನ ಕೂದಲನ್ನು ವಿಶೇಷವಾಗಿ ಗಮನಿಸಿಕೊಳ್ತೀನಿ. ಏಕೆಂದರೆ ಪ್ರೊಫೆಶನಲಿ ನನ್ನ ಕೂದಲಿಗೆ ಹೆಚ್ಚು ಕೆಮಿಕಲ್ಸ್ ಯುಕ್ತ ಪ್ರಾಡಕ್ಟ್ಸ್ ಹಾಗೂ ಬ್ಲೋ ಡ್ರೈನ ಬಳಕೆ ಆಗುತ್ತಿರುತ್ತದೆ. ಹೀಗಾಗಿ ನಿಯಮಿತವಾಗಿ ನಾನು ಕೂದಲಿಗೆ ಕೊಬ್ಬರಿ ಎಣ್ಣೆ ಹಚ್ಚುತ್ತೇನೆ. ಕೂದಲನ್ನು ಸಶಕ್ತಗೊಳಿಸಲು ಪ್ರೋಟೀನ್‌ಯುಕ್ತ ಹೇರ್‌ ಆಯಿಲ್ ನಿಂದ ಮಸಾಜ್‌ ಮಾಡುತ್ತೇನೆ.
ಡ್ರೆಸಿಂಗ್‌ ಸ್ಟೈಲ್ ಬಗ್ಗೆ ಹೇಳ್ತೀರಾ?
ನನಗೆ ಭಾರತೀಯ ಉಡುಗೆಗಳು, ಅದರಲ್ಲೂ ಸೀರೆ ಅಂದರೆ ಬಲು ಇಷ್ಟ. ಸೀರೆ ಹೆಚ್ಚು ಇಷ್ಟವಾಗಲು ಕಾರಣ ಹಿಂದೆ ನನಗೆ ಅದನ್ನು ಪ್ರೊಫೆಶ್‌ನಲಿ ಉಡಲು ಹೆಚ್ಚು ಅವಕಾಶ ಸಿಗುತ್ತಿರಲಿಲ್ಲ. ಕೆನಡಾದಿಂದ ಭಾರತಕ್ಕೆ ಬಂದ ಮೇಲೆ ನಾನು ಎಲ್ಲಾ ಪ್ರೆಸ್‌ ಕಾನ್ಫರೆನಿನ್ಸ್ ಗಳಿಗೂ ಸೀರೆ ಉಟ್ಟುಕೊಂಡೇ ಹೋಗ್ತೀನಿ. ಇಷ್ಟು ಮಾತ್ರವಲ್ಲದೆ ಈವ್ನಿಂಗ್‌ ಗೌನ್‌, ಜೀನ್ಸ್ ಟೀ ಶರ್ಟ್‌ ಧರಿಸಲು ಇಷ್ಟಪಡ್ತೀನಿ.
ನಿಮ್ಮ ಮೆಚ್ಚುಗೆಯ ಜ್ಯೂವೆಲರಿ?
ದಿನೇದಿನೇ ಶೂಟಿಂಗ್‌ ಮತ್ತಿತರ ಬಿಝಿ ಕೆಲಸಗಳಿಗೆ ನನಗೆ ಲೈಟ್‌ ವೆಯ್ಟ್ ಜ್ಯೂವೆಲರಿಯೇ ಇಷ್ಟ. ಅದರಲ್ಲೂ ಡೈಮಂಡ್‌, ಪ್ಲಾಟಿನಂ, ಮುತ್ತಿನ ಒಡವೆಗಳೇ ಇಷ್ಟ. ಮುಖ್ಯವಾಗಿ ನನಗೆ ಫಂಕ್ಷನ್‌ಗಳಿಗೆ ಡೈಮಂಡ್‌ ಸ್ಟಡೆಡ್‌ ಚಿನ್ನದ ಒಡವೆಗಳು ಇಷ್ಟ. ಇಂಥ ಬ್ಯೂಟಿಫುಲ್ ಜ್ಯೂವೆಲರಿಯ ಬೇಕಾದಷ್ಟು ಕಲೆಕ್ಷನ್‌ ನನ್ನ ಬಳಿ ಇದೆ.
ಮತ್ತೆ ಲೈಫ್‌ಸ್ಟೈಲ್‌….?
ನನ್ನ ಅಭಿಪ್ರಾಯದಲ್ಲಿ, ಉತ್ತಮ ಜೀವನ ನಡೆಸಬೇಕೆಂದರೆ ಪರ್ಸನಲ್ ಲೈಫ್‌ನಲ್ಲಿ ಸಿಂಪಲ್ ಲಿವಿಂಗ್‌ ಹೈ ಥಿಂಕಿಂಗ್‌ ಇರಬೇಕು. ನೀವು ಶೋ ಆಫ್‌ ಮಾಡಿದಷ್ಟೂ, ನೀವು ಜೀವನದಲ್ಲಿ ಸಹಜವಾಗಿ ತೊಡಗಿಕೊಳ್ಳಲು ಕಷ್ಟವಾಗುತ್ತದೆ. ಹೀಗಾಗಿ ನಿಮ್ಮ ಪರ್ಸನಲ್ ಲೈಫ್‌ ಮೇಲೆ ಪ್ರೊಫೆಶನಲ್ ಲೈಫ್‌ನ ಛವಿ ಆವರಿಸದಂತೆ ಎಚ್ಚರವಹಿಸಿ!
ಗೃಹಶೋಭಾ ಅಭಿಮಾನಿಗಳೆಲ್ಲರಿಗೂ `ಹ್ಯಾಪಿ ವ್ಯಾಲೆಂಟೈನ್‌ ಡೇ!’
– ಎಸ್‌. ಆರತಿ
