- ರಾಘವೇಂದ್ರ ಅಡಿಗ ಎಚ್ಚೆನ್.
ರಾಕಿಂಗ್ ಸ್ಟಾರ್ ಯಶ್ ಕ್ರೇಜ್ ಎಲ್ಲೆಡೆ ಇದೆ. ಲೇಡಿ ಫ್ಯಾನ್ಸ್ ಕೂಡ ಇದ್ದಾರೆ. ಆದರೆ, ನಿಮ್ಮನ್ನೆ ಮದ್ವೆ ಆಗ್ತೀನಿ ಅಂತ ಯಾವ ಹುಡುಗಿನೂ ಇಲ್ಲಿವರೆಗೂ ದುಂಬಾಲು ಬಿದ್ದಿರಲಿಲ್ಲ. ಹಾಗಿರೋವಾಗ ಇಲ್ಲೊಬ್ಬ ಹುಡಿಗಿ ಇದ್ದಾಳೆ. ಈ ಬೆಡಗಿಯ ಕನಸು ಒಂದೇನೆ ಇದೆ. ಶಾಲಾ ದಿನಗಳಿಂದಲೂ ಈಕೆಯದ್ದು ಒಂದೇ ಆಸೆ. ಅದು ಜೀವನದ ಪರಮ ಗುರಿ ಕೂಡ ಆಗಿದೆ. ನಿಜ, ಈ ಹುಡುಗಿಯ ಹೆಸರು ಲಲಿತಾ ಅಂತಲೇ ಇದೆ. ಆದರೆ, ಇದು ಸೀರಿಯಲ್ ಕಥೆ ನೋಡಿ. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಬರ್ತಿರೋ ಹೊಸ ಸೀರಿಯಲ್ ಇದಾಗಿದೆ. ಇದರ ಕಂಪ್ಲೀಟ್ ಹೆಸರು ಜೈಲಲಿತಾ ಅಂತಲೇ ಇದೆ. ಇದರ ಪ್ರೋಮೋ ಸಖತ್ ಆಗಿದೆ..
ಜೈಲಲಿತಾ ಸೀರಿಯಲ್ ಕಾನ್ಸೆಪ್ಟ್ ವಿಶೇಷವಾಗಿದೆ. ರಾಕಿಂಗ್ ಸ್ಟಾರ್ ಯಶ್ ಮದ್ವೆ ಆಗ್ಬೇಕು ಅನ್ನುವ ಹುಡ್ಗಿಯ ಕಥೆ ಇದಾಗಿದೆ. ಬಾಲ್ಯದಲ್ಲಿ ನೀನು ಏನ್ ಆಗ್ಬೇಕು ಅಂತ ಕೇಳುವ ಟೀಚರ್‌ಗೆ ಆ ಹುಡುಗಿ ಏನ್ ಹೇಳ್ತಾರೆ ಗೊತ್ತೇ? ಹೌದು, ನಾನು ದೊಡ್ಡವಳಾದ್ಮೇಲೆ ರಾಕಿಂಗ್ ಸ್ಟಾರ್ ಯಶ್ ಮದ್ವೆ ಆಗ್ತೀನಿ ಅಂತಲೇ ಹೇಳುವ ಅಪ್ಪಟ್ಟ ಫ್ಯಾನ್ ಈ ಹುಡುಗಿ.
ಈ ಹುಡುಗಿಯ ಹೆಸರು ಲಲಿತಾ ಅಂತಲೇ ಇದೆ. ಜೈಲಲಿತಾ ಯಾವಾಗ ಆಗ್ತಾಳೆ ಅನ್ನೋದು ಮುಂದಿನ ದಿನಗಳಲ್ಲಿಯೇ ತಿಳಿಯುತ್ತದೆ. ಸ್ಟಾರ್ ಸ್ಟುವರ್ಣ ವಾಹಿನಿ ಈ ಒಂದು ಜೈಲಲಿತಾ ಸೀರಿಯಲ್‌ನ ಪ್ರೋಮೋವನ್ನ ಅಧಿಕೃತವಾಗಿಯೇ ಈಗ ರಿಲೀಸ್ ಮಾಡಿದೆ. ಈ ಮೂಲಕ ನಮ್ಮ ಮುಂದಿನ ಹೊಚ್ಚ ಹೊಸ ಸೀರಿಯಲ್ ಇದೇ ನೋಡಿ ಅಂತಲೂ ಹೇಳಿದೆ.
ಜೈಲಲಿತಾ ಸೀರಿಯಲ್ ಅಲ್ಲಿರೋ ಲಲಿತಾ ಪಾತ್ರವನ್ನ ಮನಸ್ವಿ ಮಾಡಿದ್ದಾರೆ. ಮನಸ್ವಿ ಈ ಹಿಂದೆ ಉದಯ ಟಿವಿಯಲ್ಲಿ ಬರ್ತಿದ್ದ ನಾತಿಚರಾಮಿ ಸೀರಿಯಲ್ ನಾಯಕಿ ಆಗಿದ್ದರು.
ಈಗ ಜೈಲಲಿತ ಮಾಡುತ್ತಿದ್ದಾರೆ. ಈ ಒಂದು ಸೀರಿಯಲ್ ಅಲ್ಲಿ ಇವರ ಪಾತ್ರ ವಿಭಿನ್ನವಾಗಿಯೇ ಇದೆ. ತರ್ಲೆ, ತಮಾಷೆ, ಕಾಮಿಡಿ, ಬೋಲ್ಡ್‌ ಹೀಗೆ ಎಲ್ಲವೂ ಆಗಿರೋ ಪಾತ್ರದ ಈ ಸೀರಿಯಲ್, ಸ್ಟಾರ್ ಸುವರ್ಣದ ವಸುದೇವ ಕುಟುಂಬ ಲಾಂಚ್ ಆದ್ಮೇಲೆ ಶುರು ಆಗುತ್ತಿದೆ.
ಜೈಲಲಿತಾ ಸೀರಿಯಲ್ ಅನ್ನ ದರ್ಷಿತ್ ಭಟ್ ಡೈರೆಕ್ಷನ್ ಮಾಡುತ್ತಿದ್ದಾರೆ. ಶ್ರೀನಿಧಿ ಡಿ.ಎಸ್. ಈ ಸೀರಿಯಲ್ ಅನ್ನ ನಿರ್ಮಿಸುತ್ತಿದ್ದಾರೆ. ಹಾಗೇನೆ ಈ ಸೀರಿಯಲ್ ವಿಶೇಷವಾಗಿಯೇ ಇದೆ ಅನಿಸುತ್ತಿದೆ. ಸೀರಿಯಲ್‌ನ ಈ ಹಿಂದಿನ ಆ ಎಲ್ಲ ಫಾರ್ಮ್ಯಾಟ್ ಅನ್ನ ಬಿಟ್ಟು ಬರ್ತಿರೋ ಸೀರಿಯಲ್ ಇದಾಗಿದೆ.
ಇದನ್ನ ವಿಭಿನ್ನವಾಗಿಯೇ ಹೇಳುವ ಕೆಲಸ ಇಲ್ಲಾಗುತ್ತಿದೆ. ಸೀರಿಯಲ್ ಪ್ರೋಮೋ ನೋಡಿದ್ರೇನೆ ಅದು ಅರ್ಥ ಆಗುತ್ತದೆ. ಅದು ಬಿಟ್ಟರೆ ಈ ಸೀರಿಯಲ್ ತನ್ನ ಪ್ರೋಮೋದಿಂದಲೇ ಈಗಲೇ ಗಮನ ಸೆಳೆಯುತ್ತಿದೆ ಅಂತಲೇ ಹೇಳಬಹುದು.
