ಕೋಲ್ಕತಾ, ಚಂಡೀಘಡ ಮತ್ತು ದೆಹಲಿಯ ನಂತರ, ಸ್ಪರ್ಧೆಯ ನಾಲ್ಕನೆ ಹಂತ ಬೆಂಗಳೂರಿನಲ್ಲಿ ಪ್ರಾದೇಶಿಕ ಸುತ್ತಿನೊಂದಿಗೆ ಆರಂಭವಾಯ್ತು. ಈ ಹಿನ್ನೆಲೆಯಲ್ಲಿ ಭಾರತದ ಮುಂದಿನ ಸೂಪರ್‌ ಮಾಡೆಲ್ ಆಗುವ, ಜೀವನದಲ್ಲಿ ಒಮ್ಮೆ ಬರುವ ಅವಕಾಶದಲ್ಲಿ ಭಾಗವಹಿಸಲು ನಗರದ ಯುವಕ ಯುವತಿಯರ ದಂಡು ಇತ್ತೀಚೆಗೆ ಫೀನಿಕ್ಸ್ ಮಾರ್ಕೆಟ್‌ ಸಿಟಿಯಲ್ಲಿ ನೆರೆದಿತ್ತು. `ಫ್ಯಾಷನ್‌ ಹಬ್‌' ಈ ಉತ್ಸಾಹಿ ಯುವ ಸಮುದಾಯದರಿಂದ ತುಂಬಿತ್ತು.
ಮ್ಯಾಕ್ಸ್ ನ ಸಹಯೋಗದೊಂದಿಗೆ ಎಲಿಟ್‌ 18 ರಿಂದ 23 ವರ್ಷ ವಯಸ್ಸಿನ ಸಾವಿರಾರು ಹುಡುಗ ಹಡುಗಿಯರಿಗೆ, ತಮ್ಮ ಕನಸನ್ನು ಸಾಕಾರಗೊಳಿಸಿಕೊಳ್ಳುವ ಅವಕಾಶವನ್ನು ಒದಗಿಸುತ್ತದೆ ಮತ್ತು ಈ ಮೂಲಕ ತಮ್ಮ ನೆಚ್ಚಿನ ವಿಶ್ವಮಟ್ಟದ ರೂಪದರ್ಶಿಗಳಾದ ಸಿಂಡಿ ಕ್ರಾರ್ಪ್‌, ಸ್ಟೆಫಾನಿ ಸೆಯ್‌ ಮೌರ್‌, ಗಿಸೆಲ್ ಬಂಡ್ಚೆನ್‌, ಸಿಗ್ರಿಡ್‌ ಆಗ್ರೆನ್‌ ಮತ್ತು ಕಾನ್ಸ್ಟೆನ್ಸ್ ಜಂಬ್ಲೊಂಸ್ಕಿಯಂಥವರನ್ನು ಅನುಸರಿಸುವ ಅವಕಾಶ ಒದಗಿಸಿತ್ತು. ಫ್ಯಾಷನ್‌ ಲೋಕದ ದಿಗ್ಗಜರಾದ ಮಾರ್ಕ್‌ ರಾಬಿನ್‌ ಸನ್‌, ಸ್ಯಾಂಡಿನ್‌ಪಿಂಟೊ ಮತ್ತು ಮ್ಯಾಕ್ಸ್ ನ ಕಾರ್ಯನಿರ್ನಾಹಕ ನಿರ್ದೇಶಕ ವಸಂತ್‌ ಕುಮಾರ್‌ ಅವರನ್ನೊಳಗೊಂಡ ಹೆಸರಾಂತ ವ್ಯಕ್ತಿಗಳು ತೀರ್ಪುಗಾರರಾಗಿದ್ದರು. ಸ್ಪರ್ಧಿಗಳ ರಾಂಪ್ ನಡಿಗೆ, ಮೊದಲ ಬಾರಿಯ ಪ್ರಭಾ ಮತ್ತು ಫೋಟೋಜೆನಿಕ್‌ ನೋಟಗಳಂತಹ ಅಂಶಗಳನ್ನು ಆಧರಿಸಿ ಆಯ್ಕೆ ಮಾಡಲಾಯಿತು.
ಚಂಡೀಘಡ, ದೆಹಲಿ, ಕೋಲ್ಕತಾ ಹಾಗೂ ಬೆಂಗಳೂರಿನ ನಂತರ, ಈ ಪ್ರಾದೇಶಿಕ ಆಯ್ಕೆಯ ಅಂತಿಮ ಸುತ್ತು ಮುಂಬೈನಲ್ಲಿ ಜರುಗಲಿದೆ. ಈ ಪೈಕಿ ಆಯ್ಕೆಯಾಗುವ 20 ಸ್ಪಧಿಗಳು (10 ಹುಡುಗರು ಮತ್ತು ಹುಡುಗಿಯರು) ಮುಂಬೈನಲ್ಲಿ ನಡೆಯುವ ರಾಷ್ಟ್ರೀಯ ಆಯ್ಕೆಯಲ್ಲಿ ಭಾಗವಹಿಸುವರು. ನಂತರ ಅಂತಿಮ ಸುತ್ತಿಗೆ ಆಯ್ಕೆಯಾದವರು ಫ್ಯಾಷನ್‌ ಲೋಕದ ಗುರುಗಳಾದ ಮಾರ್ಕ್‌ ರಾಬಿನ್‌ ಸನ್‌ ರಂತಹ ಖ್ಯಾತ ರೂಪದರ್ಶಿಗಳೊಂದಿಗೆ `ರಾಷ್ಟ್ರೀಯ ಪೂರ್ವ ತಯಾರಿ ಸಪ್ತಾಹ'ದಲ್ಲಿ ಭಾಗಹಿವಸುತ್ತಾರೆ. ಈ ಸುತ್ತಿನಲ್ಲಿ ಸ್ಪರ್ಧಿಗಳಿಗೆ ಅಂತಿಮ ಸ್ಪರ್ಧೆಯಲ್ಲಿ ಭಾಗವಹಿಸಲು ತರಬೇತಿ ಹಾಗೂ ಮಾರ್ಗದರ್ಶನ ನೀಡಲಾಗುತ್ತದೆ. ವಿಜೇತರು ಚೀನಾದಲ್ಲಿ ನಡೆಯುವ ಅಂತಾರಾಷ್ಟ್ರೀಯ ಮಟ್ಟದ ಅಂತಿಮ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸುತ್ತಾರೆ ಮತ್ತು ಎಲಿಟ್‌ ಏಜೆನ್ಸಿಯಿಂದ 3 ವರ್ಷಗಳ ಕೆಲಸದ ಒಪ್ಪಂದ ಪಡೆಯಲಿದ್ದಾರೆ. ಈ ಉಪಕ್ರಮದ ಬಗ್ಗೆ ತಮ್ಮ ಅಭಿಪ್ರಾಯ ಹಂಚಿಕೊಂಡ ಮ್ಯಾಕ್ಸ್ ನ ಕಾರ್ಯ ನಿರ್ವಾಹಕ ನಿರ್ದೇಶಕ ವಸಂತ್‌ ಕುಮಾರ್‌, ``ಎಲಿಟ್‌ ಮಾಡೆಲ್ ಲುಕ್‌ ಇಂಡಿಯಾ 2014ರ ಚಾಲನೆಯೊಂದಿಗೆ, `ಮ್ಯಾಕ್ಸ್' ಭಾರತದ ಮಹತ್ವಾಕಾಂಕ್ಷಿ ರೂಪದರ್ಶಿಗಳಿಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಳ್ಳುವ ಅವಕಾಶವನ್ನು ಒದಗಿಸುತ್ತದೆ. ಬೆಂಗಳೂರಿನಲ್ಲಿ ಅದ್ಭುತ ಪ್ರತಿಕ್ರಿಯೆಯನ್ನು ಗಮನಿಸಿದ್ದೇವೆ ಮತ್ತು ಭಾರತದ ಮುಂದಿನ ಸೂಪರ್‌ ಮಾಡೆಲ್‌ಗಾಗಿ ನಡೆಸುತ್ತಿರುವ ಈ ಆಯ್ಕೆಗಳು, ಫ್ಯಾಷನ್‌ ಲೋಕದಲ್ಲಿ ಏಳ್ಗೆಯನ್ನು ನಿರೀಕ್ಷಿಸುತ್ತಿರುವ ಮಹತ್ವಾಕಾಂಕ್ಷಿ ರೂಪದರ್ಶಿಗಳಿಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಳ್ಳಲು ನೆರವಾಗುತ್ತದೆ ಎಂದು ನಂಬಿದ್ದೇವೆ,'' ಎಂದರು.
ಈ ಸಂದರ್ಭದಲ್ಲಿ ಮಾತನಾಡಿದ ಮ್ಯಾಕ್ಸ್ ಇಎಂಎಲ್ ಇಂಡಿಯಾ 2014ರ ಯೋಜನಾ ಮುಖ್ಯಸ್ಥ ಮಾರ್ಕ್‌ ರಾಬಿನ್‌ ಸನ್‌, ``ಫ್ಯಾಷನ್‌ ಕ್ಷೇತ್ರದಲ್ಲಿ 1990ರಲ್ಲಿ ಭಾರತದಲ್ಲಿದ್ದ ಮಹತ್ತರ ಗುರುತು ಇಂದು ಇಲ್ಲ. ಭಾರತ ಸೂಪರ್‌ ಮಾಡೆಲ್‌ಗಳ ಕೊರತೆಯನ್ನು ಎದುರಿಸುತ್ತಿದೆ. ಮ್ಯಾಕ್ಸ್ ಮತ್ತು ಎಲಿಟ್‌ ಮಾಡೆಲ್‌ಗಳಾಗಲು ಬಯಸುತ್ತಿರುವ ಯುವ ಸಮುದಾಯಕ್ಕೆ ಅತ್ಯುತ್ತಮ ಅವಕಾಶ ಒದಗಿಸುತ್ತದೆ,'' ಎಂದರು.
