ಬೇಸಿಗೆಯ ಸೀಸನ್‌ ಶುರು ಆಗುತ್ತಿದ್ದಂತೆಯೇ ಆಧುನಿಕ ಯುವತಿಯರಿಗೆ ಈ ಸಲ ಧರಿಸಲು ಎಂಥ ಮಾಡಲ್ ಡ್ರೆಸೆಸ್‌ ಸಿಗಲಿವೆ ಎಂಬುದೇ ಚಿಂತೆ. ಅದರಲ್ಲೂ ಫ್ಯಾಷನ್‌ ವಿಷಯವಾಗಿ ಚರ್ಚೆ ನಡೆಯುವಾಗ ಹೇಳುವುದೇ ಬೇಡ! ಪ್ರತಿ ವರ್ಷದಂತೆಯೇ ಈ ವರ್ಷ ಫ್ಯಾಷನ್ನಿನ ವಿವಿಧ ರೂಪ ನಿಮ್ಮೆದುರು ತೆರೆದುಕೊಳ್ಳಲಿದೆ.
ಬನ್ನಿ, ಈ ವರ್ಷದ ಬೇಸಿಗೆಯಲ್ಲಿ ಯಾವ ಯಾವ ಡ್ರೆಸೆಸ್‌ ಹಾಗೂ ಫುಟ್‌ವೇರ್‌ ನಿಮಗೆ ಗಾರ್ಜಿಯಸ್‌ ಲುಕ್‌ ನೀಡಲಿವೆ ಎಂದು ತಿಳಿಯೋಣ :
ಸೀಕ್ವೆನ್ಸ್ ವರ್ಕ್‌ನಿಂದ ಡೆಕ್ಡ್ ಡ್ರೆಸ್‌ : ಬೇಸಿಗೆಯಲ್ಲಿ ನಕ್ಷತ್ರಗಳ (ಸೀಕ್ವೆನ್ಸ್) ಹೊಳೆ ಹೊಳೆಯುವ ಡ್ರೆಸೆಸ್‌ ಜನಪ್ರಿಯ ಆಗಲಿದೆ. ಒಂದು ಉತ್ತಮ ದಿನದ ಆರಂಭಕ್ಕಾಗಿ ಸೀಕ್ವೆನ್ಸ್ ವರ್ಕ್‌ನ ಟಾಪ್‌ ಲೆಗ್ಗಿಂಗ್‌ ಯಾ ಲೈನ್‌ ಸ್ಕರ್ಟ್‌ ಧರಿಸಿ. ಈ ಎರಡೂ ಡ್ರೆಸ್‌ಗಳೂ ನಿಮಗೆ ಸ್ಟೈಲಿಶ್‌ ಲುಕ್ಸ್ ನೀಡಲಿವೆ. ಗೋಲ್ಡನ್‌, ಸಿಲ್ವರ್‌ನಂಥ ಶೈನಿಂಗ್‌ ಬಣ್ಣಗಳ ಜೊತೆ ನೀಲಿ, ಕಪ್ಪು, ಕೆಂಪು, ಕಿತ್ತಳೆ, ಮೆಜೆಂತಾ ಇತ್ಯಾದಿ ಬಣ್ಣಗಳನ್ನು ಬಳಸಿ ನೋಡಿ. ಇವುಗಳ ಜೊತೆ ತೆಳು ಬಣ್ಣದ ಸ್ಕಾರ್ಫ್‌ ಯಾ ಜ್ಯಾಕೆಟ್‌ ಧರಿಸಿರಿ.
ವಿಂಟೇಜ್‌ ಫ್ಲೇರ್ಸ್‌ : ಈ ತರಹದ ಉಡುಗೆಗಳು 40-50ರ ದಶಕದಲ್ಲಿದ್ದವು. ಇದೀಗ ಮತ್ತೆ ಇವುಗಳಿಗೆ ಬೇಡಿಕೆ ಬಂದಿದೆ. ಫ್ಲೇರ್‌ ಡಿಸೈನ್‌ಳ್ಳ ಮ್ಯಾಕ್ಸಿ/ ಮಿಡಿ ಡ್ರೆಸ್‌ ಧರಿಸಿರಿ ಯಾ ಫ್ಲೇರ್‌ ಟಾಪ್‌ ಜೊತೆ ಡೆನಿಮ್ ಜ್ಯಾಕೆಟ್‌ ಧರಿಸಿರಿ. ಇಷ್ಟು ಮಾತ್ರವಲ್ಲದೆ ಫ್ಲೇರ್‌ ಪ್ರಿಂಟ್‌ನ ಸ್ಕಾರ್ಫ್‌, ಮೊಬೈಲ್‌ ಕವರ್‌, ಬ್ಯಾಗ್‌ ಯಾ ಸಾಕ್ಸ್ ಸಹ ಬಳಸಬಹುದು.
ಫ್ರಿಂಜಿ (ನೆಟೆಡ್‌) ಡ್ರೆಸ್‌ : ಸಂಜೆಯ ಗ್ರಾಂಡ್‌ ಫಂಕ್ಷನ್‌ ಅಥವಾ ಡಿನ್ನರ್‌ಗೆ ಹೊರಡುವುದಿದ್ದರೆ ಫ್ರಿಂಜಿ ಸ್ಕರ್ಟ್‌ ಧರಿಸಿರಿ. ಇದಕ್ಕೆ ಜೊತೆಯಾಗಿ ಎತ್ತರದ ಅಥವಾ ದಪ್ಪಗಿನ ಸ್ಯಾಂಡಲ್ಸ್ ಧರಿಸಿರಿ. ಕಾಕ್‌ಟೇಲ್ ರಿಂಗ್‌ ಯಾ ಬ್ಯೂಟಿಫುಲ್ ರೌಂಡ್‌ ಇಯರ್‌ ರಿಂಗ್ಸ್ ಧರಿಸಿ ಸ್ಟೈಲಿಶ್‌ ಆಗಿ ಹೊರಡಿರಿ.
ಪೇಸ್ಟಲ್ ಕಲರ್‌ ಡ್ರೆಸೆಸ್‌ : ಈ ಸೀಸನ್‌ನಲ್ಲಿ ಪೇಸ್ಟಲ್ ಅಂದ್ರೆ ಲೈಟ್‌ ಕಲರ್‌ ಡ್ರೆಸೆಸ್‌ ನಿಮ್ಮ ವಾರ್ಡ್‌ರೋಬ್‌ನ ಅತ್ಯುತ್ತಮ ಚಾಯ್ಸ್ ಆಗಿರುತ್ತದೆ. ಹಳದಿ, ಬದನೆ, ಹಸಿರು, ಗುಲಾಬಿ, ಆರೆಂಜ್‌ ಇತ್ಯಾದಿ ಬಣ್ಣಗಳ ಉಡುಗೆ ಆರಿಸಿ. ಇವು ಲೈಟ್‌ ಆಗಿದ್ದರೂ ಅಷ್ಟೇ ಆಕರ್ಷಕ ಬಣ್ಣಗಳಾಗಿವೆ.
ಲೈಲಾಕ್‌ ಕಲರ್‌ (ಲೈಟ್‌ ಪರ್ಪಲ್) : ಲೈಲಾಕ್‌ ಬಣ್ಣ ಬೇಸಿಗೆಯಲ್ಲಿ ಹೆಚ್ಚು ಒಪ್ಪುತ್ತದೆ. ಲ್ಯಾವೆಂಡರ್‌ ಶೇಡ್‌ ಹಲವು ಬಗೆಯಲ್ಲಿ ಧರಿಸಬಹುದು. ಲೈಲಾಕ್‌ ಟಾಪ್‌ ಬ್ಲೌಸ್‌ನಿಂದ ಹಿಡಿದು ಟ್ರೌಸರ್‌ ಸ್ಕರ್ಟ್‌ವರೆಗೂ ನೀವು ಟ್ರೈ ಮಾಡಬಹುದು. ಈ ಬಣ್ಣವನ್ನು ಲೈಟ್‌ ಡಾರ್ಕ್‌ ಎರಡೂ ಬಗೆಯಲ್ಲಿ ಪೇರ್‌ ಮಾಡಿ ಧರಿಸಬಹುದು.
ಸ್ಟೈಲಿಶ್‌ ಕೋಲ್ಡ್ ಶೋಲ್ಡರ್ಸ್‌ : ಇವು ಹಲವು ಬಗೆಯ ಸ್ಟೈಲಿಂಗ್‌ ಆಪ್ಶನ್ಸ್ ನೀಡುತ್ತವೆ ಹಾಗೂ ಇವನ್ನು ಎಲ್ಲಾ ಬಗೆಯ ಡ್ರೆಸೆಸ್‌ ಜೊತೆಗೂ ಧರಿಸಬಹುದು. ಆಫೀಸ್‌ನಲ್ಲಿ ಶರ್ಟ್‌ ತರಹ, ಪಾರ್ಟಿಯಲ್ಲಿ ಟಾಪ್‌ ಆಗಿ, ಈವ್ನಿಂಗ್‌ ಪಾರ್ಟಿಯಲ್ಲಿ ಗೌನ್‌ ಆಗಿ.... ಇತ್ಯಾದಿ.
