ಗೋಡಂಬಿ ಬರ್ಫಿ

ಬೇಕಾಗುವ ಸಾಮಗ್ರಿ

ಗೋಡಂಬಿ ೧ ಕಪ್, ಸಕ್ಕರೆ ೧ ಕಪ್, ಕಂಡೆನ್ಸ್ಡ್ ಮಿಲ್ಕ್ ೧ ಚಮಚ , ತುಪ್ಪ ೧/೨ ಕಪ್ .

ಮಾಡುವ ವಿಧಾನ

ಗೋಡಂಬಿಯನ್ನು ನುಣ್ಣಗೆ ಪುಡಿಮಾಡಿಕೊಳ್ಳಿ. ದಪ್ಪತಳದ ಪಾತ್ರೆಗೆ ಒಂದು ಚಮಚ ತುಪ್ಪ ಹಾಕಿ , ಸ್ವಲ್ಪ ಬಿಸಿಯಾಗುತ್ತಲೇ ಸಕ್ಕರೆ ಹಾಗು ಅದು ಕರಗುವಷ್ಟು ನೀರು ಸೇರಿಸಿ ಸಣ್ಣ ಉರಿಯಲ್ಲಿ ಇಡಿ. ಸಕ್ಕರೆ ಕರಗಿ ಕುದಿ ಬರುವಾಗ ಕಂಡೆನ್ಸ್ಡ್ ಮಿಲ್ಕ್ , ಅರೆದ ಗೋಡಂಬಿಪುಡಿಯನ್ನು ಸೇರಿಸಿ ಕೈಯಾಡಿಸುತ್ತಿರಿ ಅವಶ್ಯಕತೆಗೆ ತಕ್ಕಂತೆ ತುಪ್ಪ ಹಾಕಿ ಚೆನ್ನಾಗಿ ಮಗುಚಿ. ಮಿಶ್ರಣ ಪಾತ್ರೆಯನ್ನು ಬಿಟ್ಟು ಬರುತ್ತಿದ್ದಂತೆ, ತುಪ್ಪದ ಜಿಡ್ಡು ಕಾಣಿಸಿದ ತಟ್ಟೆಯ ಮೇಲೆ ಮಿಶ್ರಣವನ್ನು ಸಮವಾಗಿ ಹರಡಿ. ಸ್ವಲ್ಪ ತಣಿದ ನಂತರ ಸಣ್ಣ ಬಿಲ್ಲೆಗಳನ್ನಾಗಿ ಕತ್ತರಿಸಿ ತೆಗೆಯಿರಿ .

-ಕಾವ್ಯಾ ಭಾರದ್ವಾಜ್

Kavyaa Bharadwaj (4)