ಚಳಿಗಾಲದಲ್ಲಿ ಶಿಶುವಿನ ರಕ್ಷಣೆಗೆ ಈ ಸಲಹೆಗಳು ನಿಮಗೆ ಬಹಳ ಉಪಕಾರಿ........!
ಹೊಸದಾಗಿ ತಾಯಿಯಾದ ಹೆಣ್ಣಿಗೆ ಜನ ಮಗುವಿನ ಆರೈಕೆ ಸಲುವಾಗಿ ನಾನಾ ತರಹದ ಸಲಹೆ ಕೊಡುತ್ತಿರುತ್ತಾರೆ. ಚಳಿಗಾಲದಲ್ಲಿ ಮಗುವಿಗೆ ಇಂಥ ಉಡುಗೆ ತೊಡಿಸು, ಈ ಆಯಿಲ್ ಹಚ್ಚು, ಆ ಆಯಿಲ್ ಬೇಡ, ಇದರಿಂದ ಮಸಾಜ್‌ಮಾಡು, ಈ ಬೇಬಿ ಪ್ರಾಡಕ್ಟ್ ತಗೋ, ಅಂಥದ್ದು ಬೇಡ.... ಇತ್ಯಾದಿ ಇತ್ಯಾದಿ. ವಿಭಕ್ತ, ಕುಟುಂಬದ ಈ ಆಧುನಿಕ ಸೊಸೆಗೆ ಏನೂ ತೋಚುವುದಿಲ್ಲವಾದ್ದರಿಂದ, ಜನ ಹೇಳಿದ್ದನ್ನೆಲ್ಲ ಮಾಡುತ್ತಿರುತ್ತಾಳೆ. ಇದರಿಂದ ಮಗು ಪ್ರಯೋಗಕ್ಕೆ ಗುರಿಯಾದಂತೆ ಆಗುತ್ತದೆ, ಹಲವು ತೊಂದರೆಗಳೂ ಎದುರಾಗುತ್ತವೆ. ಒಂದಂತೂ ನಿಜ, ನೀವೇ ಮಗುವಿನ ಹೆತ್ತ ತಾಯಿಯಾದುದರಿಂದ ನಿಮಗಿಂತ ಬೇರೆಯವರಿಗೆ ಮಗುವಿನ ಬೆಳವಣಿಗೆ ಬಗ್ಗೆ ಹೇಗೆ ತಿಳಿದಿರಲು ಸಾಧ್ಯ?
ಅದರಲ್ಲೂ ಈ ಚಳಿಗಾಲದ ಚುಮು ಚುಮು ಚಳಿಗೆ ಮಗು ನಡುಗುತ್ತದೆ. ಆಗ ಶಿಶುವಿನ ಆರೈಕೆ ಮಾಡುವುದು ಹೇಗೆ? ಈ ಸಲಹೆಗಳನ್ನು ಅಗತ್ಯ ಅನುಸರಿಸಿ :
ಲೈಟ್‌ ಬ್ಲಾಂಕೆಟ್‌ ಬಳಸಿರಿ
ಮಗುವಿಗೆ ಇದು ಮೊದಲ ಚಳಿಗಾಲ, ಹೀಗಾಗಿ ಎಚ್ಚರಿಕೆಯಿಂದ ಮಗುವನ್ನು ಸದಾ ಬೆಚ್ಚಗೆ ಇಡಬೇಕು. ಮಗು ಜಾಸ್ತಿ ಹೊತ್ತು ನಿದ್ದೆ ಮಾಡಲಿ, ಇದನ್ನು ಚಳಿ ಕಾಡದಿರಲಿ ಎಂದು ಒರಟಾದ ಕಂಬಳಿಯಲ್ಲಿ ಸುತ್ತಿ ಮಲಗಿಸಿ ಬಿಡುತ್ತಾರೆ. ಆದರೆ ಅತಿ ರಕ್ಷಣೆ ಮಾಡುವ ಧಾವಂತದಲ್ಲಿ ಈ ಆಧುನಿಕ ತಾಯಿ ತಂದೆ ಮಗುವಿನ ಅಗತ್ಯ ಮರೆಯುತ್ತಾರೆ. ಮಗುವಿಗೆ ಆ ಕಂಬಳಿ ಎಷ್ಟು ಭಾರವಾಗಬಹುದು ಎಂದೂ ಯೋಚಿಸುವುದಿಲ್ಲ. ಅದು ಮಗು ಆರಾಮಾಗಿ ಮಲಗಲು ಅವಕಾಶ ನೀಡದು ಹಾಗೂ ಸುರಕ್ಷತೆಯ ದೃಷ್ಟಿಯಿಂದಲೂ ಒಳ್ಳೆಯದೇನಲ್ಲ, ಏಕೆಂದರೆ ಸಣ್ಣ ಕೂಸು ಹೆಚ್ಚು ಹೊತ್ತು ಕೈಕಾಲು ಆಡಿಸಲಾಗದೆ ಒದ್ದಾಡುತ್ತದೆ, ಅಕಸ್ಮಾತ್‌ ಆ ಭಾರದ ಕಂಬಳಿ ಅದರ ಮುಖವನ್ನು ಸಂಪೂರ್ಣ ಮುಸುಕಿದರೆ, ಗಾಳಿಯಾಡದೆ ಅದರ ಉಸಿರಾಟಕ್ಕೆ ತೊಂದರೆ ಆದೀತು!
ಹೀಗಾಗಿ ನೀವು ಮಗುವಿಗೆ ಹೆವಿ ಬ್ಲಾಂಕೆಟ್‌ ಬದಲಾಗಿ ಲೈಟ್‌ ವಾರ್ಮ್ ಬ್ಲಾಂಕೆಟ್‌ ನಿಂದ ಕವರ್‌ ಮಾಡಿ. ಇದು ಮಗುವನ್ನು ಬೆಚ್ಚಗಿಟ್ಟು, ಚೆನ್ನಾಗಿ ಗಾಢ ನಿದ್ದೆ ಆರಿಸುವಂತೆ ಮಾಡುತ್ತದೆ. ಮಗುವಿನ ತೂಕದ 10% ಗೆ ಹತ್ತಿರವಾಗಿ ಅದರ ಬ್ಲಾಂಕೆಟ್‌ ಭಾರ ಇರಬೇಕೆಂದು ನೆನಪಿಡಿ.
ಆರಾಮದಾಯಕ ಉಡುಗೆ ಇರಲಿ
ಮನೆಯಲ್ಲಿ ಮಗುವಿನ ಕಿಲಕಿಲ ನಗು ಕೇಳಿ ಬರುವಾಗ, ಮನೆಯಲ್ಲಿ ಎಲ್ಲರ ಮುಖದಲ್ಲೂ ಖುಷಿ ತಂತಾನೇ ಹೆಚ್ಚುತ್ತದೆ. ಈ ಮನೆಯ ನಂದಾ ದೀಪಕ್ಕಾಗಿ ಏನು ಮಾಡಲಿಕ್ಕೂ ಅವರು ತಯಾರಾಗುತ್ತಾರೆ. ಅವರು ಮಗುವನ್ನು ಸುಂದರವಾಗಿ ತೋರ್ಪಡಿಸಲು, ಚಳಿಯಿಂದ ರಕ್ಷಿಸಲು, ಚಳಿಗಾಲಕ್ಕೆ ಸೂಕ್ತವಾಗುವ ಎಲ್ಲಾ ದುಬಾರಿ ಉಡುಗೆಗಳನ್ನೂ ಖರೀದಿಸಿಬಿಡುತ್ತಾರೆ. ಈ ಶಾಪಿಂಗ್‌ ಭರಾಟೆಯಲ್ಲಿ ನೀವು ಮಗುವನ್ನು ಬೆಚ್ಚಗಿಡುವ ಉಡುಗೆ ಮಾತ್ರವಲ್ಲ, ಅದರ ಕಂಫರ್ಟ್‌ ಕಡೆಯೂ ಗಮನ ನೀಡಬೇಕೆಂಬುದನ್ನು ನಿರ್ಲಕ್ಷಿಸಬೇಡಿ. ಈ ಬಟ್ಟೆಗಳ ಕಿರಿಕಿರಿಯಿಂದ ಮಗು ಅತ್ತ ನೆಮ್ಮದಿಯಾಗಿ ನಿದ್ರಿಸುವುದೂ ಇಲ್ಲ, ಸದಾ ಅಳುತ್ತಾ ಕೊಸರಾಡುತ್ತಿರುತ್ತದೆ.
ಹೀಗಾಗಿ ಮಗುವಿಗೆ ಇಂಥ ವಿಂಟರ್‌ ವೇರ್‌ ಖರೀದಿಸುವಾಗಿಲ್ಲ ಥಿಕ್‌ ವುಲ್ಲನ್‌ ವಸ್ತ್ರಗಳನ್ನು ಎಂದೂ ಖರೀದಿಸಬೇಡಿ. ಬದಲಿಗೆ ಸಾಫ್ಟ್ ಫ್ಯಾಬ್ರಿಕ್‌ ನ ವಸ್ತ್ರಗಳನ್ನೇ ಕೊಳ್ಳಿರಿ. ಕೈ ಕಾಲುಗಳನ್ನು ಥಿಕ್‌ ಗ್ಲೌವ್ಸ್ ಸಾಕ್ಸ್ ನಿಂದ ಕವರ್‌ ಮಾಡುವ ಬದಲು ನೀವು ಲೈಟ್‌ಸಾಫ್ಟ್ ಫ್ಯಾಬ್ರಿಕ್ಸ್ ಮಾತ್ರ ಆರಿಸಿ. ಏಕೆಂದರೆ ಇದರಿಂದ ಮಗುವಿಗೆ ಅನಾನುಕೂಲವೇ ಹೆಚ್ಚು. ಅದರ ಚಲನವಲನಗಳಿಗೂ ಅಡ್ಡಿ ಆಗುತ್ತದೆ. ಮಗುವಿಗೆ ಮನೆಯಲ್ಲಿ ವೇಸಿಯೆಸ್‌ ಹಾಕಿಸಬೇಡಿ, ಏಕೆಂದರೆ ಇದು ಮಗುವಿನ ಓಡಾಟಕ್ಕೆ ಬಹಳ ಹಿಂಸಕಾರಕ.
