ಮಗುವಿನ ಚರ್ಮ ಬಲು ನಾಜೂಕು, ಅತಿ ಕೋಮಲ. ಹೀಗಾಗಿ ಅದರ ಸೆನ್ಸಿಟಿವ್ ಸ್ಕಿನ್‌ ಗೆ ಹಾನಿಯಾಗುವಂಥ ಯಾವುದೋ ಪ್ರಾಡಕ್ಟ್ ನ್ನು ಹಿಂದೆಮುಂದೆ ಯೋಚಿಸದೆ ಬಳಸಲೇಬಾರದು. ಅದರಲ್ಲೂ ಮುಖ್ಯವಾಗಿ ಚರ್ಮ ಕೇಂದ್ರಿತ ಪ್ರಾಡಕ್ಟ್ಸ್. ಏಕೆಂದರೆ ಮಗುವಿನ ಕೋಮಲ ಚರ್ಮಕ್ಕೆ ಸಾಫ್ಟ್, ಕೆಮಿಕಲ್ ಫ್ರೀ, ಜೆಂಟಲ್ ಪ್ರಾಡಕ್ಟ್ಸ್ ನ್ನು ಮಾತ್ರವೇ ಬಳಸಬೇಕು. ಈ ಕುರಿತಾಗಿ ನುರಿತ ಮಕ್ಕಳ ವೈದ್ಯರು ನೀಡುವ ಸಲಹೆಗಳು ಹೀಗಿವೆ :
ಶವರ್‌ ನಲ್ಲಿ ನೋ ಮಿಸ್ಟೇಕ್‌
ಮಗುವಿಗೆ ನೀವು ಸ್ನಾನ ಮಾಡಿಸುವಾಗೆಲ್ಲ, ಅದು ಬೆಚ್ಚಗಿನ ನೀರಾಗಿರಬೇಕೇ ಹೊರತು, ಕುದಿಯುವ ನೀರಾಗಿರಬಾರದು. ಇದರಿಂದ ನಿಮ್ಮ ಮಗು ಸೇಫ್‌ ಆಗಿರುವುದರ ಜೊತೆಯಲ್ಲೇ, ಅದರ ಚರ್ಮಕ್ಕೂ ಯಾವುದೇ ಹಾನಿ ಆಗುವುದಿಲ್ಲ. ಏಕೆಂದರೆ ಮಗುವಿನ ಸ್ಕಿನ್‌ಸಿಸ್ಟಂ ಎರಡೂ ಬಲು ಸೆನ್ಸಿಟಿವ್. ಇನ್ನೊಂದು ವಿಷಯ ನೆನಪಿಡಿ, ಮಗುವಿಗೆ 5-6 ನಿಮಿಷಗಳ ಸ್ನಾನ ಸಾಕು, ಅರ್ಧ ಗಂಟೆ ಅದನ್ನು ಉಜ್ಜಾಡಬೇಡಿ! ಇಲ್ಲದಿದ್ದರೆ ಬಹಳ ಹೊತ್ತಿನ ಬಿಸಿ ನೀರ ಸಂಪರ್ಕದಿಂದ ಅದರ ಚರ್ಮದ ಮೇಲೆ ರಾಶೆಸ್‌, ಡ್ರೈನೆಸ್‌ ಮೂಡಿ ಅತಿ ಸೆನ್ಸಿಟಿವಿಟಿ ಕಾರಣ, ಚರ್ಮ ಪೀಲ್ ಆಗುವ ಸಾಧ್ಯತೆಗಳಿವೆ.
ಮಗುವಿಗೆ ಸ್ನಾನ ಮಾಡಿಸುವಾಗ ಈ ವಿಷಯಗಳನ್ನು ನೆನಪಿನಲ್ಲಿ ಇಟ್ಟುಕೊಂಡರೆ, ನಿಮ್ಮ ಮಗುವಿನ ಸ್ಕಿನ್‌ ಸದಾ ಸಾಫ್ಟ್ ಆಗಿರುವುದಲ್ಲದೆ ಹೆಲ್ದಿಯಾಗಿಯೂ ಉಳಿಯುತ್ತದೆ.
ಆಫ್ಟರ್‌ ಬಾತ್‌ ಮಾಯಿಶ್ಚರೈಸರ್‌
ನಮ್ಮ ಮುಂದಿನ ಪ್ರಶ್ನೆ, ಬೇಬಿ ಮಾಯಿಶ್ಟರೈಸರ್‌ ಹೇಗಿರಬೇಕು?
ಇದಕ್ಕಾಗಿ ನೀವು ಕೇವಲ ಉತ್ತಮ ಸುಗಂಧಕ್ಕೆ ಮಾರುಹೋಗಬೇಡಿ. ಯಾರೋ ಹೇಳಿದರೆಂದು, ಅವರ ಮಗುವಿಗೆ ಬಳಸುತ್ತಿದ್ದಾರೆಂದು, ನೀವು ಹಾಗೆ ಮಾಡಬೇಡಿ. ನಮ್ಮ ದೊಡ್ಡ ಮಗುವಿಗೆ ಇದೇ ಬ್ರಾಂಡ್‌ ಬಳಸಿದ್ದೆ, ಎರಡನೇ ಮಗುವಿಗೂ ಅದೇ ಇರಲಿ ಎಂಬ ತರ್ಕ ಸಲ್ಲದು. ಪ್ರತಿ ಮಗುವಿನ ಚರ್ಮದ ಆರೈಕೆ ಬೇರೆ ತರಹವೇ ಮಾಡಬೇಕು, ಏಕೆಂದರೆ ಪ್ರತಿ ಮಗು ವಿಭಿನ್ನ! ಪ್ರತಿ ಮಗು ಇಂಥ ಪ್ರಾಡಕ್ಟ್ಸ್ ಗೆ ವಿಭಿನ್ನವಾಗಿಯೇ ಪ್ರತಿಕ್ರಿಯಿಸುತ್ತದೆ.
ಹೀಗಾಗಿ ನೀವು ನಿಮ್ಮ ಮಗುವಿಗೆ ಯಾವಾಗ ಬೇಬಿ ಮಾಯಿಶ್ಚರೈಸರ್‌ ಕೊಂಡರೂ ಅದು ಕೆಮಿಕಲ್ಸ್, ಪ್ಯಾರಾಬಿನ್‌, ಫ್ರಾಗ್ರೆನ್ಸ್ ಫ್ರೀ ಆಗಿರಬೇಕು ಎಂಬುದನ್ನು ಗಮನಿಸಿ. ಆದಷ್ಟೂ ಇಂಥಗಳಲ್ಲಿ ಝಿಂಕ್‌ ಆಕ್ಸೈಡ್‌ ಇರುವಂಥದ್ದನ್ನೇ ಬಳಸಿರಿ. ಜೊತೆಗೆ ಜೆಂಟಲ್ ಮಾಯಿಶ್ಚರೈಸರನ್ನು ಮಾತ್ರ ಬಳಸಬೇಕು. ಏಕೆಂದರೆ ಇದು ಬೇಬಿಯ ಸ್ಕಿನ್‌ ಮೇಲೆ ಬ್ಯಾರಿಯರ್‌ ನ ಕೆಲಸ ಮಾಡುತ್ತದೆ, ಆಗ ಸಹಜವಾಗಿಯೇ ಮಗುವಿನ ಚರ್ಮಕ್ಕೆ ಎಕ್ಸ್ ಟ್ರಾ ಕೇರ್ ನ ಜೊತೆ ಜೊತೆಗೆ ಎಕ್ಸ್ ಟ್ರಾ ಪ್ರೊಟೆಕ್ಷನ್‌ ಸಹ ಸಿಗುತ್ತದೆ.
ಎಂಥ ಬೇಬಿ ಪೌಡರ್‌ ಆರಿಸಬೇಕು?
ನಿಮ್ಮ ಮಗುವಿಗಾಗಿ ಎಂಥದ್ದೋ ಒಂದು ಬೇಬಿ ಪೌಡರ್‌ ಆರಿಸಿಕೊಂಡು ಬಳಿದರಾಯಿತು ಎಂದು ಭಾವಿಸಬೇಡಿ. ಮಾರ್ಕೆಟ್‌ ನಲ್ಲಿ ನಿಮಗೆ ಹಲವು ಬಗೆಯ ಬ್ರಾಂಡ್‌ ಗಳು ಲಭ್ಯವಿವೆ. ಆದರೆ ನೀವು ಈ ಬಗ್ಗೆ ಖುದ್ದಾಗಿ ಒಂದಿಷ್ಟು ರಿಸರ್ಚ್‌ ನಡೆಸಿ, ನಂತರ ಚರ್ಮತಜ್ಞರ ಸಲಹೆಯ ಮೇರೆಗೆ, ನಿಮ್ಮ ಮಗುವಿಗೆ ಒಪ್ಪುವಂಥ ಬೇಬಿ ಪೌಡರ್‌ ಆರಿಸಬೇಕು.
