ಅನೇಕ ಮಹಿಳೆಯರು ಈ ಗೈನೋ ಪೇನ್‌ನ್ನು ಗಂಭೀರವಾಗಿ ತೆಗೆದುಕೊಳ್ಳುವುದಿಲ್ಲ. ನೋವು ಉಂಟಾದಾಗ ಸಾಮಾನ್ಯ ನೋವು ನಿವಾರಕ ಔಷಧಿ ಸೇವಿಸುತ್ತಾರೆ. ಬಳಿಕ ಅನೇಕ ತೊಂದರೆಗಳನ್ನು ಎದುರಿಸಬೇಕಾಗಿ ಬರುತ್ತದೆ. ತಜ್ಞರ ಪ್ರಕಾರ, ಗೈನೋ ಪೇನ್‌ನ್ನು ನಿರ್ಲಕ್ಷ್ಯ ಮಾಡುವುದು ಒಂದು ದೊಡ್ಡ ಸಮಸ್ಯೆಗೆ ಆಹ್ವಾನ ಕೊಟ್ಟಂತೆ. ಕ್ಯಾಲಿಫೋನಿರ್ಯಾ ಯೂನಿವರ್ಸಿಟಿಯ ಗೈನಕಾಲಜಿಕಲ್ ನೋವಿನ ಬಗ್ಗೆ ಸಂಶೋಧನೆ ಕೈಗೊಂಡ ಡೇವಿಡ್‌ ಪೋಸ್ಟರ್‌ ಹೇಳುವುದು ಏನೆಂದರೆ, ಈ ಗೈನೋ ಪೇನ್‌ ಅತ್ಯಂತ ರಹಸ್ಯಮಯವಾಗಿರುತ್ತದೆ. ಎಷ್ಟೋ ಸಲ ಸಾಧಾರಣ ನೋವು ಕೂಡ ಗಂಭೀರ ರೋಗದ ಲಕ್ಷಣವನ್ನು ಸೂಚಿಸುತ್ತದೆ. ಅದೇ ರೀತಿ ಗಂಭೀರ ನೋವು ಒಮ್ಮೊಮ್ಮೆ ಸಾಧಾರಣ ಸಮಸ್ಯೆಯಾಗಿ ಇರಬಹುದು. ಹೀಗಾದಾಗ ತಕ್ಷಣವೇ ವೈದ್ಯರ ಸಲಹೆ ಪಡೆಯಿರಿ. ಹೆಚ್ಚಿನ ಮಹಿಳೆಯರು ಇದನ್ನು ಗಂಭೀರವಾಗಿ ತೆಗೆದುಕೊಳ್ಳುವುದಿಲ್ಲ. ಸಂಕೋಚ ಹಾಗೂ ನಾಚಿಕೆಯಿಂದ ಮುಚ್ಚಿಡುತ್ತಾರೆ ಇಲ್ಲಿ ಮಹಿಳೆಯ ಕುಟುಂಬದವರು ಅದನ್ನು ಗಂಭೀರವಾಗಿ ತೆಗೆದುಕೊಳ್ಳುವುದಿಲ್ಲ. ಸಮಸ್ಯೆ ಗಂಭೀರ ರೂಪ ತಳೆದಾಗಲೇ ಅವರು ವೈದ್ಯರ ಬಳಿ ಧಾವಿಸುತ್ತಾರೆ. ಇಂತಹ ಸ್ಥಿತಿಯಲ್ಲಿ ಎಷ್ಟೋ ಅಂಗಗಳು ರೋಗದ ಕಪಿಮುಷ್ಟಿಗೆ ಸಿಲುಕಿರುತ್ತವೆ.
ಗೈನೋ ಪೇನ್‌ಗೆ ಹಲವು ಕಾರಣಗಳು ಇರಬಹುದು. ಮಹಿಳೆಯ ದೇಹದಲ್ಲಿ ಗರ್ಭಕೋಶ, ಅಂಡಕೋಶ ಹಾಗೂ ಅಂಡನಾಳ, ಮೂತ್ರಕೋಶ ಅತ್ಯಂತ ಕಡಿಮೆ ಜಾಗದಲ್ಲಿ ಅಸ್ತಿತ್ವ ಹೊಂದಿವೆ. ಪರಿಪೂರ್ಣವಾಗಿ ಕಂಡುಕೊಳ್ಳದೆ ಗೈನೋ ಪೇನ್‌ಗೆ ಮುಖ್ಯ ಕಾರಣ ಏನು ಎಂದು ಅರಿಯುವುದು ಕಷ್ಟ. ಮಹಿಳೆಯರ ದೇಹ ರಚನೆ ಹೇಗಿದೆ ಎಂದರೆ, ಪುರುಷರಿಗಿಂತ ಅವರ ದೇಹದ ರೋಗಗಳ ಬಾಬತ್ತಿನಲ್ಲಿ ಹೆಚ್ಚು ಸಂವೇದನಾಶೀಲವಾಗಿರುತ್ತದೆ. ಹೆಚ್ಚಿನ ಮಹಿಳೆಯರಿಗೆ ಪಿಎಂಎಸ್‌, ಆ್ಯಂಡೊಮೆಟ್ರೂಯೋಸಿಸ್‌, ಟ್ಯೂಮರ್ಸ್, ಓವೇರಿಯನ್‌ ಸಿಸ್ಟ್, ಜಿನೈಟಿಸ್‌ ಮುಂತಾದವುಗಳ ಅಪಾಯ ಯಾವಾಗಲೂ ಇದ್ದೇ ಇರುತ್ತವೆ.
ತೀವ್ರ ನೋವು ಫ್ರಾನ್ಸ್ ನ ನೈಸ್‌ನಲ್ಲಿರುವ ಹಾಸ್ಪಿಟಲ್ ಪ್ಯಾಸ್ಟುರಾದಲ್ಲಿ ನಡೆಸಿದ ಅಧ್ಯಯನದ ಪ್ರಕಾರ, ಗೈನೋ ಭಾಗದಲ್ಲಿ ತೀವ್ರ ನೋವುಂಟಾದಾಗ, ಅಪೆಂಡಿಸೈಟಿಸ್‌, ಪ್ಯಾಂಕ್ರಿಯಾಸೈಟಿಸ್‌ ಅಥವಾ ಗಾಲ್ಬ್ಲ್ಯಾಡರ್ನ ಸ್ಟೋನ್‌ ಸಮಸ್ಯೆ ಉಂಟಾಗಬಹುದು. ಅಪೆಂಡಿಸೈಟಿಸ್‌ನಲ್ಲಿ ಅಪೆಂಡಿಕ್ಸ್ ಒಡೆದಾಗ ದೇಹದಲ್ಲಿ ವಿಷ ಹರಡಬಹುದು. ಪ್ಯಾಂಕ್ರಿಯಾಸೈಟಿಸ್‌ನ ಕಾರಣದಿಂದ ಬೇರೆ ಅಂಗಗಳು ಉದಾಹರಣೆಗೆ ಶ್ವಾಸಕೋಶ ಹಾನಿಗೊಳಗಾಗಬಹುದು. ಗಾಲ್ಬ್ಲ್ಯಾಡರ್ನ ಸಮಸ್ಯೆಯಿಂದ ಗ್ಯಾಂಗ್ರಿನ್‌ನ ಸಮಸ್ಯೆ ಕೂಡ ಉಂಟಾಗಬಹುದು. ಹೊಟ್ಟೆಯ ಬಲಭಾಗದಲ್ಲಿ ತೀವ್ರ ನೋವುಂಟಾದರೆ ಹಾಗೂ ಅಲ್ಲಿನ ತ್ವಚೆ ಮೆತ್ತಗಾಗಿದ್ದರೆ ಆ ನೋವು ಅಪೆಂಡಿಸೈಟಿಸ್‌ನದ್ದು ಆಗಿರಬಹುದು. ಹೊಟ್ಟೆಯ ಮೇಲ್ಭಾಗದಲ್ಲಿ ನೋವು ಉಂಟಾದಾಗ ರಕ್ತದಲ್ಲಿ ಬಿಳಿ ರಕ್ತಕಣಗಳು ಹೆಚ್ಚಾಗುವುದು ಗಾಲ್ಬ್ಲ್ಯಾಡರ್ನ ಸಮಸ್ಯೆ ಇರಬಹುದು.
ಕಿಬ್ಬೊಟ್ಟೆ ಬೆನ್ನಿನಲ್ಲಿ ನೋವು
ಹೊಟ್ಟೆ ಕೆಳಭಾಗ ಮತ್ತು ಬೆನ್ನಿನ ಭಾಗದಲ್ಲಿ ನೋವು ಉಂಟಾಗುವುದಕ್ಕೆ ದೈಹಿಕ ಕಸರತ್ತು ಅಥವಾ ಅಧಿಕ ಶ್ರಮ ಕಾರಣವಾಗಿರಬಹುದು. ನರಗಳು ಉಬ್ಬು ಲಕ್ಷಣ ಅಥವಾ ಕಿಡ್ನಿ ಹರಳಿನ ಸಮಸ್ಯೆ ಕೂಡ ಉಂಟಾಗಬಹುದು. ಇದರ ಬಗ್ಗೆ ಸಿ.ಟಿ. ಸ್ಕ್ಯಾನ್‌ನಿಂದ ಪತ್ತೆ ಹಚ್ಚಬಹುದು.
ಮುಟ್ಟಿನ ಸಮಯದಲ್ಲಿ ನೋವು
ಪ್ರತಿಯೊಬ್ಬ ಮಹಿಳೆ ಮುಟ್ಟನ್ನು ಎದುರಿಸಲೇಬೇಕಾಗುತ್ತದೆ. 13-14ನೇ ವಯಸ್ಸಿನಲ್ಲಿ ಆರಂಭವಾಗುವ ಇದು, 45-50ನೇ ವಯಸ್ಸಿನ ತನಕ ಹಾಗೆಯೇ ಮುಂದುವರಿಯುತ್ತದೆ. ಇದರಲ್ಲಿನ ಶೇ. 35-40 ರಷ್ಟು ಮಹಿಳೆಯರಲ್ಲಿ 5-11 ದಿನ ಮೊದಲು ಹೊಟ್ಟೆಯಲ್ಲಿ ಕಿವುಚಿದಂತಾಗುವುದರ ಜೊತೆಗೆ ನೋವು ಉಂಟಾಗುತ್ತದೆ. ಇದು ಪ್ರೊಸ್ಟೇಟ್‌ ಗ್ಲ್ಯಾಂಡ್ಸ್ ಎಂಬ ಫ್ಯಾಟಿ ಆ್ಯಸಿಡ್‌ನ ಕಾರಣದಿಂದ ಆಗುತ್ತದೆ. ಅದು ಗರ್ಭಕೋಶದ ಸ್ನಾಯುಗಳನ್ನು ಸಂಕುಚಿತಗೊಳಿಸುತ್ತದೆ.
