ಮನೆ ಎಂದರೆ ನಾವು ನಮ್ಮವರೊಂದಿಗೆ ಕಷ್ಟ ಸುಖ ಹಂಚಿಕೊಳ್ಳುತ್ತಾ ಬೆಚ್ಚಗಿರುವ ತಾಣ. ದೀಪಾವಳಿಯಂಥ ದೊಡ್ಡ ಹಬ್ಬಗಳು ಬಂದಾಗ ಇಂಥ ನಮ್ಮ ಮನೆಯನ್ನು ಎಷ್ಟು ಅಲಂಕರಿಸಿದರೂ ಸಾಲದು ಎಂದೇ ಅನಿಸುತ್ತದೆ……!
ಮನೆ ನಿಮ್ಮ ಸ್ವಂತದ್ದಿರಲಿ ಅಥವಾ ಬಾಡಿಗೆಯದ್ದಾಗಿರಲಿ, ನೀವು ಒಬ್ಬಿಬ್ಬರೇ ಇರಲಿ ಅಥವಾ ಕೂಡು ಕುಟುಂಬವಾಗಿ ಜನರಿಂದ ತುಂಬಿರಲಿ, ಮನೆ ಆಕರ್ಷಕ ಹಾಗೂ ಸೌಲಭ್ಯಗಳಿಂದ ಕೂಡಿದ್ದಾಗಿರಬೇಕು. ಹಾಗಾದಾಗ ಮಾತ್ರ ಮನಸ್ಸಿಗೆ ನೆಮ್ಮದಿ, ಖುಷಿ ಮೂಡಲು ಸಾಧ್ಯ. ಹೀಗಾಗಿ ನಿಮ್ಮ ಮನೆಯ ಸಂರಕ್ಷಣೆ ಹಾಗೂ ಅಲಂಕಾರ ನಿಮ್ಮದೇ ಹೊಣೆ. ಸಮಯಾವಕಾಶ ಆದಂತೆ ಮನೆಯ ಇಂಟೀರಿಯರ್ಸ್ ಆಗಾಗ ಬದಲಾಯಿಸುತ್ತಿರಿ. ವಿಶೇಷವಾಗಿ ಇಂಥ ಹಬ್ಬಗಳ ಸಂದರ್ಭದಲ್ಲಿ ಮನೆಯನ್ನು ಎಷ್ಟು ಅತ್ಯಾಕರ್ಷಕ ಗೊಳಿಸಿದರೂ ಕಡಿಮೆ ಎಂದೇ ಅನಿಸುತ್ತದೆ. ಹಬ್ಬಗಳಲ್ಲಿ ಗೃಹಾಲಂಕಾರ ಹೇಗೆ ಮಾಡಿದರೆ ಚೆನ್ನ ಎಂದು ತಿಳಿಯೋಣವೇ?
ಹೊಸದಾಗಿ ಪೇಂಟ್ ಮಾಡಿಸಿ
ಅತಿ ಶ್ರಮದಾಯಕವಾದ ಈ ಕೆಲಸವನ್ನು ನೀಟಾಗಿ ನೀವು ಮುಗಿಸಿದರೆ ಅದಕ್ಕಿಂತ ಮಿಗಿಲಾದುದಿಲ್ಲ. ನಿಮ್ಮ ಮನೆಯ ಹೊಸ ಪೇಂಟ್ ನಿಮ್ಮ ಕಲಾಭಿರುಚಿಯ ಪ್ರತೀಕ ಆಗಿರುತ್ತದೆ. ಹೆಚ್ಚಿನ ಆಕರ್ಷಣೆಗಾಗಿ ಹೊಳೆ ಹೊಳೆಯುವ ಬಂಗಾರದ ಬಣ್ಣ, ಹಳದಿ, ನೀಲಿ, ದಟ್ಟ ಹಸಿರು ಮುಂತಾದವನ್ನು ಆರಿಸಿ. ಸೋಬರ್ ಲುಕ್ ಬಯಸಿದರೆ ಗ್ರೇ ಯಾ ಸ್ಕೈ ಬ್ಲೂ ಆರಿಸಿ.
ಬೇರೆ ಬೇರೆ ಕೋಣೆಗಳಿಗೆ ಬೇರೆ ಬೇರೆ ಬಣ್ಣ ಇಂದಿನ ಆಧುನಿಕ ಪದ್ಧತಿಯಾಗಿದೆ. ಇಡೀ ಮನೆಗೆ ಒಂದೇ ಬಣ್ಣ ತುಸು ಹಳೆಯ ವಿಚಾರವಾಯಿತು. ಬೇರೆ ಬೇರೆ ಬಣ್ಣಗಳು ಇಡೀ ಮನೆಗೆ ಒಂದು ಹೊಚ್ಚ ಹೊಸ ಕಳೆ ತಂದುಕೊಡುತ್ತದೆ.
ಪ್ರತಿ ಕೋಣೆಗೂ ಹೀಗೆ ಮಾಡಲು ಬಯಸದಿದ್ದರೆ, ನಿಮ್ಮ ಮೆಯ್ನ್ ಡ್ರಾಯಿಂಗ್ ರೂಂ ಮಾತ್ರ ವಿಭಿನ್ನ ಬಣ್ಣವಾಗಿದ್ದು, ಬೇರೆಲ್ಲ ಕೋಣೆಗಳೂ ಒಂದೇ ರೀತಿ ಇರಲಿ. ಮುಖ್ಯವಾಗಿ ಡ್ರಾಯಿಂಗ್ ರೂಮಿನಲ್ಲಿ ಧಾರಾಳ ಗಾಳಿ ಬೆಳಕಿನ ವ್ಯವಸ್ಥೆ ಚೆನ್ನಾಗಿರುವಂತೆ ಗಮನಿಸಿಕೊಳ್ಳಿ.
ಡ್ರಾಯಿಂಗ್ ರೂಮಿಗೆಂದೇ ವಿಶೇಷ ಡಿಸೈನ್ ಮಾಡಿಸಬಹುದು. ಇದು ಹೆಚ್ಚಿನ ಕ್ರಿಯೇಟಿವ್ ಲುಕ್ಸ್ ಕೊಡುತ್ತದೆ. ಬದಲಿಗೆ ಅತ್ಯಾಕರ್ಷಕ ವಾಲ್ ಪೇಪರ್ ಸಹ ಬಳಸಿಕೊಳ್ಳಬಹುದು. ವಾಲ್ ಪೇಪರ್ ನಿಮ್ಮ ಮನೆಯ ಹೊಸ ಇಂಟೀರಿಯರ್ಸ್ ಗೆ ತನ್ನದೇ ಆದ ವಿಭಿನ್ನ ವಿಶಿಷ್ಟ ಟಚ್ ನೀಡುತ್ತದೆ. ಇದು ಹೆಚ್ಚು ದುಬಾರಿಯೂ ಅಲ್ಲ. ಗೋಡೆಗಳಿಗೆ ಒಂದು ಬೆಟರ್ ಲುಕ್ ಸಿಗುತ್ತದೆ. ಮಾರುಕಟ್ಟೆಯಲ್ಲಿ ಇದರ ಎಲ್ಲಾ ಬಗೆಯ ಡಿಸೈನುಗಳೂ ಲಭ್ಯ.
ಮಿರರ್ ನಿಂದ ಮಿಂಚುವ ಅಂದ
ನಿಮ್ಮ ಮನೆಗೆ ಎಲಿಗೆಂಟ್ ಮಾಡರ್ನ್ ಲುಕ್ ನೀಡಲು ಹೆಚ್ಚು ಕನ್ನಡಿಗಳನ್ನು ಬಳಸಿಕೊಳ್ಳಿ. ಮನೆಯ ಗೋಡೆಗಳನ್ನು ಕನ್ನಡಿಗಳಿಂದ ಹೆಚ್ಚಾಗಿ ಅಲಂಕರಿಸಿ. ಇದರಿಂದ ಮನೆಯಲ್ಲಿ ಹೆಚ್ಚು ಬೆಳಕು ತುಂಬಿಕೊಂಡಂತೆ ಅನಿಸುತ್ತದೆ, ಕೋಣೆಯೂ ತುಸು ದೊಡ್ಡದಾಗಿರುವಂತೆ ಅನಿಸುತ್ತದೆ. ಎಲ್ಲಕ್ಕೂ ಮುಖ್ಯ ಒಂದು ಸ್ಟೈಲಿಶ್ ಮಿರರ್ ಆರಿಸಿಕೊಂಡು, ಅದನ್ನು ಸೂಕ್ತ ಸ್ಥಳದಲ್ಲಿ ಅಳವಡಿಸುವುದು. ನೀವು ಬೇರೆ ಬೇರೆ ಸ್ಟೈಲ್ ಪ್ಯಾಟರ್ನಿನ ಫ್ರೇಂಗಳ ಕಲೆಕ್ಷನ್ ಮಾಡಿ, ಅದನ್ನು ಡ್ರಾಯಿಂಗ್ ರೂಮಿನಲ್ಲಿ ಆರ್ಟ್ ವರ್ಕ್ ತರಹ ಅಳವಡಿಸಬಹುದು.
ನಿಮ್ಮ ಡ್ರಾಯಿಂಗ್ ರೂಂ ಬಣ್ಣ ಬ್ರೈಟ್ ಯಾ ಆಫ್ ಬ್ರೈಟ್ ಆಗಿದ್ದರೆ, ಕ್ಲಾಸಿ ಮಿರರ್ ಅಳವಡಿಸಿ ಕೋಣೆಗೆ ವೈಬ್ರೆಂಟ್ ಲುಕ್ ಕೊಡಿ. ಈ ಕೋಣೆಯನ್ನು ಮತ್ತಷ್ಟು ಸುಂದರವಾಗಿಸಲು, ಅದರ ಸೆಂಟರ್ ಪಾಯಿಂಟ್ ನಲ್ಲಿ ಮಿರರ್ ಬರಲಿ. ಹೀಗೆ ಮಾಡುವುದರಿಂದ ಬೆಳಕಿನ ಪ್ರತಿಬಿಂಬ ಕನ್ನಡಿ ಮೇಲೆ ಬಿದ್ದು, ಕೋಣೆ ಮತ್ತಷ್ಟು ಹೊಳೆಯತೊಡಗುತ್ತದೆ.
ಇದೇ ತರಹ ಬೆಡ್ ರೂಮಿನಲ್ಲಿ ಕನ್ನಡಿ ಅಳವಡಿಸುವುದರಿಂದ, ಅದು ಮತ್ತಷ್ಟು ಗ್ಲಾಮರಸ್ ಎನಿಸುತ್ತದೆ. ಮಂಚದ ಎರಡೂ ಬದಿ ಇರಿಸಲಾದ ಲ್ಯಾಂಪ್ ಶೇಡಿನ ಆಸುಪಾಸು, ನೀವು ಸ್ಮಾಲ್ ಸೈಜ್ ಮಲ್ಟಿಪಲ್ ಮಿರರ್ ಅಳವಡಿಸಿ ರೂಮಿನ ಬೆಡಗು ಹೆಚ್ಚಿಸಿ. ಕಿಚನ್ ನಲ್ಲಿ ಸಣ್ಣ ಸಣ್ಣ ಆ್ಯಂಟಿಕ್ ಮಿರರ್ ಸಂಗ್ರಹಿಸಿ, ಸ್ಮಾರ್ಟ್ ಆರ್ಟ್ ವರ್ಕ್ ಅಳವಡಿಸಬಹುದು. ಇದು ಬಹಳ ಅಪೀಲಿಂಗ್ಅಟ್ರಾಕ್ಟಿವ್ ಆಗಿರುತ್ತದೆ.
ಕಿಚನ್ ದೊಡ್ಡದಾಗಿದ್ದರೆ ಅದರ ಪ್ರಕಾರ ಮಿರರ್ ಫ್ರೇಂ, ಡಿಸೈನ್ ಸೈಜ್ ಆರಿಸಿ. ಬಾಥ್ ರೂಮಿಗೆ ಸ್ಮಾರ್ಟ್ ಲುಕ್ ನೀಡಲು, ಅಲ್ಲಿ ಹೆವಿ ವೆಯ್ಟ್ ಯಾ ಫ್ರೇಮಿನ ಬದಲು, ಲೀನ್ ಮಿರರ್ ಬಳಸಿಕೊಳ್ಳಿ. ಇದರ ಕ್ಲಾಸಿಕ್ ಟಚ್ ಗಾಗಿ ಟ್ರೆಡಿಶನ್ ಫ್ರೇಂ ಮೆಟ್ಯಾಲಿಕ್ ಫಿನಿಶ್ ನ ಮಿರರ್ ಅಳವಡಿಸಿ.
ಮನೆಗಾಗಿ ಹೊಸ ಫರ್ನೀಚರ್
ಯಾವುದೇ ಮನೆಯ ಗೃಹಾಲಂಕಾರದಲ್ಲಿ ಆಯಾ ಫರ್ನೀಚರ್ ನ ಪಾತ್ರ ಹಿರಿದು. ನಿಮ್ಮ ಆಯ್ಕೆಯ ಪ್ರಕಾರ, ಆರಾಮದಾಯಕ ಫರ್ನೀಚರ್ ಸೆಲೆಕ್ಟ್ ಮಾಡಿ. ಇದಕ್ಕಾಗಿ ನೀವು ಆರಿಸಿಕೊಳ್ಳುವ ಸ್ಟೋರೇಜ್ ನಲ್ಲಿ ಸಾಮಾನುಗಳನ್ನಿಡಲು ಖಾಲಿ ಬಾಕ್ಸ್ ಇರಬೇಕು.
ಅದರಲ್ಲಿ ಒಂದು ದೊಡ್ಡ ಬುಕ್ ಶೆಲ್ಫ್ ಇದ್ದು, ಜೊತೆಗೆ ಕೆಳಭಾಗದಲ್ಲಿ ನಿಮ್ಮ ಸಣ್ಣಪುಟ್ಟ ವಸ್ತುಗಳನ್ನು ಇಡಲಿಕ್ಕೂ ಅರೆ ಇರಬೇಕು. ಈ ತರಹದ ಸ್ಟೋರೇಜ್ ವುಳ್ಳ ಫರ್ನೀಚರ್ ಆಕರ್ಷಕ ಮಾತ್ರವಲ್ಲದೆ, ಬಹೂಪಯೋಗಿ ಸಹ! ಹೊಸ ಸ್ಟೈಲ್, ಆಕರ್ಷಕ ಲುಕ್ ವುಳ್ಳ ಫರ್ನೀಚರ್ ನ್ನೇ ಕೊಳ್ಳಿರಿ, ಇದರಿಂದ ಇಡೀ ಮನೆಯ ಗೃಹಾಲಂಕಾರಕ್ಕೆ ಹೆಚ್ಚಿನ ಕಳೆ ಬರುತ್ತದೆ.
ಹಾಗೆಯೇ ಒಂದು ಶೋಕೇಸ್ ಅಥಾ ಅಲ್ಮೆರಾ ಹೇಗಿರಬೇಕೆಂದರೆ, ಅದರಲ್ಲಿನ ಖಾಲಿ ಭಾಗದಲ್ಲಿ, ನಿಮ್ಮ ಅಗತ್ಯದ ಸಾಮಗ್ರಿಗಳನ್ನು ಇಡುವಂತಿರಬೇಕು. ನಡುಭಾಗಕ್ಕೆ ಬಾಗಿಲಿರಿಸಿ, ಅದರಲ್ಲೂ ಸಾಮಾನು ಜಮೆ ಮಾಡಿಕೊಳ್ಳಬಹುದು. ಇದರಲ್ಲಿ ಪುಸ್ತಕಗಳಿಗೆಂದೇ ಒಂದು ಪ್ರತ್ಯೇಕ ಭಾಗವಿರುತ್ತದೆ. ಇದರ ಹೊರತಾಗಿ ನಿಮ್ಮ ಕೃತಕ ಒಡವೆ ಹಾಗೂ ಇನ್ನಿತರ ಸಣ್ಣಪುಟ್ಟ ವಸ್ತು ಇಡಲು, ಕೆಳಭಾಗದಲ್ಲಿ ಒಂದು ಬಾಕ್ಸ್ ಇದ್ದರೆ ಲೇಸು.
ಶಿಮರೀ ಟಚ್
ಇತ್ತೀಚೆಗೆ ಶಿಮರೀ ಫರ್ನೀಚರ್ ಗೆ ಹೆಚ್ಚಿನ ಬೇಡಿಕೆ ಇದೆ. ನೀವು ನಿಮ್ಮ ಕಾಫಿ ಟೇಬಲ್ ಹಾಗೂ ಎಂಡ್ ಟೇಬಲ್ ನಲ್ಲಿ ಬ್ರಾಸ್ ಶಿಮರ್ ಬಳಸಬಹುದು. ಇನ್ ಡೋರ್ ಪ್ಲಾಂಟ್ಸ್ ಗೂ ಬ್ರಾಸ್ ಸ್ಟಾಂಡ್ ಒಪ್ಪುತ್ತದೆ. ಜೊತೆಗೆ ವಿಂಟೇಜ್ ಕ್ರಿಸ್ಟಲ್ ಝೂಮರ್ ಸಹ ಒಂದು ಉತ್ತಮ ಅಡಿಶನ್ ಆಯ್ಕೆ ಆಗಿರುತ್ತದೆ. ನೀವು ಕ್ರಿಸ್ಟಲ್ ಪೆಂಡೆಂಟ್ ಲೈಟ್ ಟೇಬಲ್ ಲ್ಯಾಂಪ್ ನ ಬಳಕೆ ಮಾಡಬಹುದು. ನಿಮ್ಮ ಕುಶನ್ ರಗ್ಗುಗಳಿಗೂ ಟ್ಯಾಸ್ಸ್ ಶಾಮೀಲು ಮಾಡಿಕೊಳ್ಳಿ. ಸೀಕ್ವೆನ್ಸ್ ಕುಶನ್ ಕವರ್ ನಿಂದ ನಿಮ್ಮ ಡ್ರಾಯಿಂಗ್ ರೂಮಿಗೆ ಹೊಸ ಟಚ್ ನೀಡಿ. ಗೋಲ್ಡನ್ ಅಂಚಿರುವ ಡಿನ್ನರ್ ಪೀಸ್ ನ್ನು ನಿಮ್ಮ ಡೈನಿಂಗ್ ಟೇಬಲ್ ನಲ್ಲಿ ಜೋಡಿಸಿ. ಇತ್ತೀಚೆಗೆ ಇಂಥ ಕಟ್ಲರಿ ಬಹಳ ಟ್ರೆಂಡಿ ಆಗಿದೆ.
ಎಲ್ಲೆಡೆ ಕಲಾತ್ಮಕತೆ ಇರಲಿ
ನಿಮ್ಮ ಗೋಡೆಗಳನ್ನು ಕಲಾಕೃತಿಗಳ ಸೆಟ್, ತೈಲ ಚಿತ್ರಗಳು, ಪೇಂಟಿಂಗ್ಸ್, ನಿಮ್ಮ ಖಾಸಗಿ ಸಮಾರಂಭದ ಪೋಸ್ಟರ್ಸ್, ಮನ ಮೆಚ್ಚಿದ ಫೋಟೋ ಹಾಗೂ ಇನ್ನಿತರ ವಸ್ತುಗಳಿಂದ ಸಿಂಗರಿಸಿ, ಅದರ ಸೊಬಗು ಹೆಚ್ಚಿಸಿ. ಗೋಡೆಗಳನ್ನು ಸಿಂಗರಿಸಲು ಅಗತ್ಯ ನಿಮ್ಮ ಫರ್ನೀಚರ್ ಗೆ ಹೊಂದುವಂಥ ಬಣ್ಣ, ಥೀಮ್ಸ್ ಆರಿಸಿ.
ನಿಮ್ಮ ಬದುಕಿನ ಅತಿ ಮಹತ್ವದ ಘಟನೆ ನೆನಪಿಸುವಂಥ ಫೋಟೋಗೆ ಫ್ರೇಂ ಹಾಕಿಸಿ. ಅದನ್ನು ಡ್ರಾಯಿಂಗ್ ರೂಮಿನ ಮುಖ್ಯ ಗೋಡೆಗೆ ಅಳವಡಿಸಿ. ಅತಿಥಿಗಳು ನಿಮ್ಮ ಮನೆಗೆ ಬಂದಾಗ ಇದನ್ನು ಗಮನಿಸಿ ಸಂತೋಷ ಪಡುತ್ತಾರೆ, ನಿಮಗೆ ಹೆಮ್ಮೆ ಎನಿಸುತ್ತದೆ.
ಮನೆಯಲ್ಲಿ ಬೆಳಕಿನ ವ್ಯವಸ್ಥೆ
ನಿಮ್ಮ ಮನೆಯ ಲೈಟ್ಸ್ ಶೇಡ್ಸ್ ನಲ್ಲಿ ಆಗಾಗ ಬದಲಾವಣೆ ಮಾಡಿಕೊಳ್ಳಿ. ನಿಮ್ಮ ಮನೆಯಲ್ಲಿ ಅಲ್ಲಲ್ಲಿ, ಸಣ್ಣಪುಟ್ಟ ಆಕರ್ಷಕ ಲೈಟ್ಸ್ ಯಾ ಲ್ಯಾಂಪ್ ತೂಗುಬಿಡಬಹುದು. ಇದರ ಬೆಳಕಿನಿಂದ ಮನೆ ಹೆಚ್ಚು ಕಳೆಗಟ್ಟುತ್ತದೆ. ನೀವು ಒಂದೇ ಕೋಣೆಯಲ್ಲಿ ಬಹಳಷ್ಟು ಲೈಟ್ಸ್ ಅಳವಡಿಸುತ್ತಿದ್ದರೆ ಅದರ ಲ್ಯಾಂಪ್ ಸೈಜ್, ಶೇಪ್, ಕಲರ್ ಬೇರೆ ಬೇರೆಯೇ ಇರಲಿ.
ಹೊಸ ಪರದೆಗಳಿರಲಿ
ಈ ಹಬ್ಬಗಳ ಸಂದರ್ಭದಲ್ಲಿ ಮನೆಗೆ ಬ್ಯೂಟಿಫುಲ್ ಪರದೆಗಳನ್ನು ಬದಲಾಯಿಸಿ ಇಳಿಬಿಡಿ. ಇದಕ್ಕಾಗಿ ಅಗತ್ಯವೆನಿಸಿದರೆ ಕಾರ್ಪೆಂಟರ್ ನೆರವು ಸಹ ಪಡೆಯಬಹುದು. ಮನೆಯಲ್ಲಿನ ಫರ್ನೀಚರ್ ಗೆ ಹೊಂದುವಂತೆ ಪರದೆಗಳಿರಲಿ. ಹಲವು ಬಣ್ಣ, ಪ್ಯಾಟರ್ನ್ಸ್ ಇರುವಂಥ ಪರದೆ ಆರಿಸಿ, ಇದರಿಂದ ನಿಮ್ಮ ಕೋಣೆ ಶೋಭಾಯಮಾನ ಎನಿಸುತ್ತದೆ. ಇಂಥ ಆಕರ್ಷಕ ಪರದೆಗಳು ಮನೆಯ ಗೃಹಾಲಂಕಾರದಲ್ಲಿ ಪ್ರಧಾನ ಪಾತ್ರ ವಹಿಸುತ್ತವೆ. ಕೇವಲ ಪರದೆ ಬದಲಾಯಿಸಿ, ಅದಕ್ಕೆ ತಕ್ಕಂತೆ ದೀವಾನ್ ಸೆಟ್ ಅಳವಡಿಸಿಯೂ ಮನೆಯನ್ನು ಬ್ಯೂಟಿಫುಲ್ ಮಾಡಬಹುದು.
ಇತ್ತೀಚೆಗೆ ಕಾಟನ್ ಗೆ ಬದಲಾಗಿ ನೆಟ್, ಸಿಲ್ಕ್, ಟಿಶ್ಯು, ಬ್ರಾಸೋ, ಕ್ರಶ್ ಇತ್ಯಾದಿ ಪರದೆಗಳೂ ಹೆಚ್ಚು ಜನಪ್ರಿಯ ಆಗುತ್ತಿವೆ. ನೆಟ್ ಕರ್ಟನ್ ಎಲ್ಲಕ್ಕಿಂತ ಲೇಟೆಸ್ಟ್. ಇವೆಲ್ಲ 300-600 ರೂ.ಗಳಲ್ಲಿ ಲಭ್ಯ. ಯಾವ ಕೋಣೆಗೆ ಕಡಿಮೆ ಬೆಳಕು ಬೇಕೋ, ಅಲ್ಲಿ ಗಾಢ ಬಣ್ಣದ ಕರ್ಟನ್ ಇರಲಿ. ಕೋಣೆ ದೊಡ್ಡದಾಗಿ ಕಾಣಬೇಕೆಂದರೆ ಲೈಟ್ ಕಲರ್ ಕರ್ಟನ್ ಬಳಸಿರಿ.
ಇನ್ ಡೋರ್ ಪ್ಲಾಂಟ್ಸ್
ಹೊರಗಿನ ಪ್ರಕೃತಿ ನಮಗೆ ಎಂದೆಂದೂ ಅನನ್ಯವೇ! ಇದರ ಒಂದು ಭಾಗ ಸದಾ ನಿಮ್ಮ ಮನೆಯಲ್ಲಿದ್ದರೆ ಎಷ್ಟು ಚೆನ್ನ ಅಲ್ಲವೇ? ಇದಕ್ಕಾಗಿ ನೀವು ಮನೆಯ ಟೆರೇಸ್ ಯಾ ಹಜಾರದಲ್ಲಿ ಪಾಟ್ ಗಾರ್ಡನ್ ಮಾಡಬೇಕಾದೀತು. ಮನೆಯ ಹೊರ ಭಾಗದ ಕಿಟಕಿ, ಬಾಲ್ಕನಿಗಳಲ್ಲೂ ತೂಗುವ ಕುಂಡಗಳಲ್ಲಿ ಗಿಡ ಬೆಳೆಸಬಹುದು. ಮನೆಯ ಒಳಗೆ ಅಗತ್ಯವಾಗಿ ಇನ್ ಡೋರ್ ಪ್ಲಾಂಟ್ಸ್ ಬೆಳೆಸಿರಿ. ಇದರಿಂದ ಮನೆಯ ಸೊಗಸು ಹೆಚ್ಚುತ್ತದೆ. ಟೇಬಲ್ ಮೇಲೆ ಬಣ್ಣ ಬಣ್ಣದ ಪ್ಲಾಸ್ಟಿಕ್ ಹೂ ಇಡಬಹುದು. ಹೂದಾನಿ ಬಳಕೆ ಉತ್ತಮ ಆಯ್ಕೆ. ಕೋಣೆಯ ಒಂದು ಮೂಲೆಯಲ್ಲಿ ಗಾಜಿನ ಹೂಜಿಗಳಲ್ಲಿ ಮರಳು ತುಂಬಿಸಿಡಿ, ನ್ಯಾಚುರಲ್ ಮಿಕ್ಸ್ ಬರುತ್ತದೆ.
ಮನೆಯ ಉತ್ತಮ ಇಂಟೀರಿಯರ್ಸ್ ಗಾಗಿ, ಇಡೀ ಮನೆಯನ್ನು ಅತಿ ವ್ಯವಸ್ಥಿತವಾಗಿ ಅಚ್ಚುಕಟ್ಟಾಗಿ ಅಲಂಕರಿಸುವುದು ಬಲು ಮುಖ್ಯ!
– ಪ್ರತಿನಿಧಿ
