ಹಬ್ಬಗಳು ಸಮೀಪಿಸುತ್ತಿದ್ದಂತೆ ಅಡುಗೆ ಮನೆಯಲ್ಲಿ ನಾನಾ ಭಕ್ಷ್ಯಗಳ ತಯಾರಿ ಶುರು. ಹಬ್ಬ ಬಂದೊಡನೆ ಎಲ್ಲರ ಅಡುಗೆಮನೆ ಅತಿ ಚುರುಕಾಗಿ ಬಿಡುತ್ತದೆ. ಹೀಗಾಗಿ ಹಬ್ಬಗಳ ಸಂದರ್ಭಕ್ಕೆ ಅಲ್ಲಿ ಹೆಚ್ಚಿನ ಆಧುನಿಕ ಸೌಲಭ್ಯಗಳು ಸಿಗುವಂತಾದರೆ ಎಷ್ಟು ಚೆನ್ನ ಅಲ್ಲವೇ? ಹೀಗಾಗಿಯೇ ಈಗೀಗ ಮಾಡರ್ನ್‌ ಕಿಚನ್‌ ಎಲ್ಲೆಲ್ಲೂ ಹೆಚ್ಚು ಜನಪ್ರಿಯವಾಗುತ್ತಿದೆ. ಹೀಗಾಗಿ ದೊಡ್ಡ ಹಬ್ಬಗಳು ಸಮೀಸುತ್ತಿದ್ದಂತೆ ನಿಮ್ಮ ಮನೆಯ ಇಂಟೀರಿಯರ್ಸ್‌ ಮಾಡಿಸುವಾಗ, ಅಗತ್ಯವಾಗಿ ನಿಮ್ಮ ಕಿಚನ್‌ ಗೆ ಹೊಸ ಟಚ್‌ ಕೊಡಿ. ಇದರಿಂದ ಮನೆಯ ಗೃಹಾಲಂಕಾರದ ಲುಕ್ಸ್ ಹೆಚ್ಚುವುದು ಮಾತ್ರವಲ್ಲದೆ, ಮಾಡರ್ನ್‌ ಕಿಚನ್‌ ಗೃಹಿಣಿಯ ಎಷ್ಟೋ ಕಷ್ಟದ ಕೆಲಸಗಳನ್ನು ಹಗುರಗೊಳಿಸುತ್ತದೆ, ಸಮಯದ ಉಳಿತಾಯವಾಗುತ್ತದೆ. ಹೊಸ ಮಾಡ್ಯುಲರ್‌ ಕಿಚನ್‌ ರೂಪಿಸುವಾಗ ಈ ಕೆಳಗಿನ ಸಲಹೆಗಳನ್ನು ಅಗತ್ಯ ಅನುಸರಿಸಿ :
ವುಡನ್‌ ಸಾಮಗ್ರಿ ಹೇಗಿರಬೇಕು?
ಎಲ್ಲರಿಗೂ ತಮ್ಮದೇ ಆದ ಸ್ವಂತ ಮನೆ ಹೊಂದುವ ಕನಸು! ಅದರಲ್ಲಿನ ಕಿಚನ್‌ ಮಾಡ್ಯುಲರ್‌ ಆಗಿರುವುದರ ಜೊತೆ ಎಲ್ಲ ಸೌಲಭ್ಯ ಇರಲಿ ಎಂದು ಬಯಸುವುದು ಸಹಜ. ಆದರೆ ಎಷ್ಟೋ ಸಲ ಉಳಿತಾಯದ ನೆಪದಲ್ಲಿ ಕಿಚನ್‌ ಗೆ ಅಗ್ಗದ ವುಡನ್‌ ಸಾಮಗ್ರಿ ಬಳಸುತ್ತೇವೆ. ಇದು ಬೇಗ ಕೆಡುವುದಲ್ಲದೆ, ನಿಮ್ಮ ಇಡೀ ಬಜೆಟ್‌ ನ್ನು ಬಿಗಡಾಯಿಸುತ್ತದೆ.
ಹೀಗಾಗಿ ವುಡನ್‌ ಕೆಲಸ ಮಾಡಿಸುವಾಗ, ಅದು ವಾಟರ್‌ ಪ್ರೂಫ್‌ ಆಗಿರುವಂತೆ ಎಚ್ಚರವಹಿಸಿ. ಆಗ ತೇವಾಂಶದ ಕುಪ್ರಭಾ ಅದರ ಮೇಲಾಗದು. ನಿಮ್ಮ ಬಜೆಟ್‌ ಗೆ ಹೊಂದುವಂತಿದ್ದರೆ, ಟರ್ಮೈಟ್‌ ಪ್ರೂಫ್‌ ವುಡ್‌ ಬಳಸಿದರೆ ಲೇಸು. ಆಗ ಗೆದ್ದಲು ಹುಳು ನಿಮ್ಮ ಕಟ್ಟಿಗೆಯನ್ನು ಆಕ್ರಮಿಸದು. ಸದಾ ಉತ್ತಮ ಗುಣಮಟ್ಟದ ಪ್ಲೈವುಡ್‌ ಬಳಸಿದರೆ, ದೀರ್ಘ ಕಾಲ ಬಾಳಿಕೆ ಬರುತ್ತದೆ.
ಡಬಲ್ ಪ್ರೊಟೆಕ್ಷನ್‌
ನಿಮ್ಮ ಕಿಚನ್‌ ಗೆ ಡಬಲ್ ಪ್ರೊಟೆಕ್ಷನ್‌ ನೀಡಲು ಲ್ಯಾಮಿನೇಟ್‌ ಆಯ್ಕೆ ಮಾಡುತ್ತೀರಾದರೆ, ಕೌಂಟರ್‌ ಕೆಳಗಿನ ಸ್ಟೋರೇಜ್‌ ಗಾಗಿ ಎಂದೂ ಟೆಕ್ಸ್ ಚರ್‌ ಲ್ಯಾಮಿನೇಟ್‌ ಆರಿಸಬಾರದು ಎಂದು ನೆನಪಿಡಿ. ಇದರಲ್ಲಿ ಹೆಚ್ಚಿನ ಅಂಶ ಕೊಳೆ ತುಂಬಿಕೊಳ್ಳುತ್ತದೆ, ಹಾಗಾಗಿ ಬೇಗನೇ ಕೆಡುವ ಸಾಧ್ಯತೆ ಹೆಚ್ಚು.
ಇದರ ಬದಲಿಗೆ ಪ್ಲೇನ್‌ ಲ್ಯಾಮಿನೇಟ್‌ ಆರಿಸಿ. ಲ್ಯಾಮಿನೇಟ್‌ ಮೆಟೀರಿಯಲ್ ನ್ನು ಕ್ಲೀನ್‌ ಮಾಡಿಸುವುದು ಸುಲಭ, ಜೊತೆಗೆ ದೀರ್ಘ ಬಾಳಿಕೆ ಸಹ ಬರುತ್ತದೆ. ನೀವು ಕಿಚನ್ನಿನ ಮೇಲು ಭಾಗದ ಸ್ಟೋರೇಜಿನಲ್ಲಿ ಲ್ಯಾಮಿನೇಟ್‌ ಮಾಡಿಸ ಬಯಸಿದರೆ, ಆಗ ಲೈಟ್‌ಟೆಕ್ಸ್ ಚರ್‌ ನ, ಹೆವಿ ಟೆಕ್ಸ್ ಚರ್‌ ನ ಲ್ಯಾಮಿನೇಟ್‌ ಅಳವಡಿಸಿ, ನಿಮ್ಮ ಕಿಚನ್‌ ನ್ನು ಸುರಕ್ಷಿತಗೊಳಿಸಿ.
ಮತ್ತೊಂದು ಗಮನಿಸಬೇಕಾದ ಅಂಶವೆಂದರೆ, ನಿಮ್ಮ ಕಿಚನ್‌ ನಲ್ಲಿ ಸಾಧ್ಯವಾದಷ್ಟೂ ಕನಿಷ್ಠ ಬಣ್ಣಗಳ ಲ್ಯಾಮಿನೇಟ್‌ ಮಾತ್ರ ಬಳಸಿರಿ. ಇದರಿಂದ ನೀವು ಟ್ರೆಂಡ್‌ ಫಾಲೋ ಮಾಡುವುದೇ ಅಲ್ಲದೆ, ಕಿಚನ್‌ ಸಹ ಬ್ಯೂಟಿಫುಲ್ ಆಗುತ್ತದೆ. ನಿಮ್ಮದು ತುಸು ಚಿಕ್ಕ ಕಿಚನ್‌ ಆಗಿದ್ದರೆ, ಮೇಲೆ ಕೆಳಗೆ ಎರಡೂ ಭಾಗದಲ್ಲೂ ಒಂದೇ ಬಣ್ಣ ಬಳಸಿರಿ. ಇದರಿಂದ ಕಿಚನ್‌ ಬ್ಯೂಟಿಫುಲ್ ಆಗಿ, ಇರುವುದಕ್ಕಿಂತ ತುಸು ದೊಡ್ಡದಾಗಿ ಕಾಣಿಸುತ್ತದೆ.
