ಎಲ್ಲರಿಗೂ ದೀಪಾವಳಿಯ ಹಾರ್ದಿಕ ಶುಭಾಶಯಗಳು!
ದೀಪಾವಳಿ ಒಂದು ತರಹ ಕತ್ತಲಿನಿಂದ ಬೆಳಕಿನೆಡೆಗೆ, ಅಜ್ಞಾನದಿಂದ ಸುಜ್ಞಾನದೆಡೆಗೆ ಹೊರಳುವ ಹಬ್ಬ. ಬೆಳಕಿನ ಈ ಹಬ್ಬ ಚಂದ್ರಮ ಚೆಲ್ಲುವ ಬೆಳಂದಿಗಳಿಂದಲ್ಲ, ಬದಲಿಗೆ ಎಲ್ಲೆಡೆ ಪಸರಿಸಿದ ಅಮಾವಾಸ್ಯೆಯ ಕತ್ತಲನ್ನು ಸೀಳಿಕೊಂಡು ಶುಕ್ಲಪಕ್ಷದ ಚಂದ್ರನ ಕಾಂತಿ ಚೆಲ್ಲಬೇಕೆಂದು, ನಮ್ಮ ಬದುಕೂ ಸಹ ದಿನೇ ದಿನೇ ಅಭಿವೃದ್ಧಿಗೊಳ್ಳಬೇಕು ಎಂಬುದರ ಸಂಕೇತ. ಈ ರೀತಿ ಬೇಸರ, ದುಃಖದ ಜೀವನದಲ್ಲಿ ಸಂತೋಷದ ಅಲೆ ಉಕ್ಕಿ ಬರಲೆಂದು ಹಾರೈಸುತ್ತದೆ. ಖುಷಿ, ಸಂತಸ ಎಂಬುದು ನಮ್ಮ ಅಕ್ಕಪಕ್ಕವೇ ಇದೆ, ಅದು ಸಣ್ಣಪುಟ್ಟ ವಿಷಯಗಳಲ್ಲಿ ತುಂಬಿದೆ. ಇದನ್ನು ನಾವು ಗುರುತಿಸಬೇಕಷ್ಟೆ. ದೀಪಾವಳಿ ಹಬ್ಬ ಹಳೆಯ, ಮರೆತುಹೋದ ಸಂಬಂಧಗಳನ್ನು ನೆನಪಿಸುವ, ಜಾಗೃತಗೊಳಿಸುವ, ಸದಾ ನಂಟು ಮುಂದುರಿಸುವ ಹಬ್ಬಾಗಿಲಾಗಿದೆ.
ಇಂದಿನ ಈ ಟೆಕ್ನಿಕ್‌ ಸೇವೆಯ ಪ್ರಪಂಚದಲ್ಲಿ, ಮಾನವ ಸದಾ ಸರ್ವದಾ ಒಬ್ಬಂಟಿ ಎನಿಸುತ್ತಾನೆ. ಇಂಥ ಕಡೆ ನಾವು ದಿನದಿನ ಹೊಸ ಹೊಸ ಸಂಬಂಧದ ಸಸಿ ನೆಟ್ಟು ಪೋಷಿಸಬೇಕಾದುದು ಅತ್ಯಗತ್ಯ. ದೀಪಾವಳಿಯ ನೆಪದಲ್ಲಿ ನಾವು ಕುಟುಂಬದ ಸದಸ್ಯರು, ನೆಂಟರಿಷ್ಟರ ಜೊತೆ ಒಂದಿಷ್ಟು ಕ್ವಾಲಿಟಿ ಟೈಂ ಕಳೆದು, ಜಿಡ್ಡುಗಟ್ಟಿದ ಮನಸ್ಸಿಗೆ ಬೆಳಕು ತುಂಬು ಕೆಲಸ ಮಾಡಬೇಕು. ಹಬ್ಬ ಇರುವುದೇ ಖುಷಿ ಹಂಚಲು! ದೀಪಾವಳಿಯ ಹಬ್ಬವಂತೂ ಖುಷಿ ಮತ್ತು ಕಾಂತಿ ತುಂಬಿ ತರುತ್ತದೆ. ಈ ಹಬ್ಬವನ್ನು ನಿಮ್ಮ ಕುಟುಂಬದ ಜೊತೆ, ಸಣ್ಣಪುಟ್ಟ ಸಂತಸದ ಕ್ಷಣಗಳು ಹೆಚ್ಚುವಂತೆ ಸಡಗರ, ಸಂಭ್ರಮದಿಂದ ಆಚರಿಸಿ.
ಮನೆಗೆ ವಿನೂತನ ಗೃಹಾಲಂಕಾರ
ದೀಪಾವಳಿಯಂದು ನಿಮ್ಮ ಮನೆಯ ಗೃಹಾಲಂಕಾರದಲ್ಲಿ ಈ ಸಲ ತುಸು ಬದಲಾವಣೆ ಮಾಡಿಕೊಳ್ಳಿ. ನಿಮ್ಮ ಪತಿ, ಮಕ್ಕಳು, ಇತರ ಸದಸ್ಯರ ಜೊತೆ 2 ದಿನಗಳ ಮೊದಲಿನಿಂದಲೇ ಮನೆಯ ಸ್ವಚ್ಛತೆ, ಶುಭ್ರತೆ ಆರಂಭಿಸಿ. ಇದರಿಂದ ಅವರ ಜೊತೆ ಸಮಯ ಕಳೆಯುವ ಅವಕಾಶ ಸಿಗುತ್ತದೆ, ಪತಿ ಜೊತೆ ಸಣ್ಣಪುಟ್ಟ ಹಾಸ್ಯಚಟಾಕಿ, ಜೋಕ್ಸ್ ಹಂಚಿಕೊಳ್ಳುತ್ತಾ ಸರಸಮಯವಾಗಿ ಕಾಲ ಕಳೆಯಿರಿ. ಮಕ್ಕಳು ಸಹ ನಿಮ್ಮ ಈ ಹೊಸ ಉತ್ಸಾಹ ಕಂಡು, ಆನಂದದಿಂದ ನಿಮ್ಮೊಂದಿಗೆ ಸಂತಸದ ಕ್ಷಣ ಹಂಚಿಕೊಳ್ಳುತ್ತಾರೆ.
ಮನೆಯಲ್ಲಿನ ಹಳೆಯ ಸಾಮಗ್ರಿ ಎಸೆಯುವ ಬದಲು ಅವನ್ನು ರೀಯೂಸ್‌ ಮಾಡಲು ಯತ್ನಿಸಿ. ಇವನ್ನು ರಿಪೇರಿ ಮಾಡಿಸಿ, ಹೊಸ ಲುಕ್‌ ಕೊಡಿ. ತೀರಾ ಅಗತ್ಯ ಇವರು ಬಡವರಿಗೆ ಅವನ್ನು ಹಂಚಿರಿ. ನೀವು ಹಳೆಯ ಬಾಟಲಿಯಿಂದ ಹೊಸ ವ್ಯಾಂಪ್‌ ಮಾಡಬಹುದು. ಹಳೆಯ ಡಬ್ಬಾ ಅಲಂಕರಿಸಿ ಗಿಡಕ್ಕೆ ಹೊಸ ಪಾಟ್‌ ಮಾಡಿ. ಈ ರೀತಿ ನಿಮ್ಮ ಹಳೆಯ ಸಾಮಗ್ರಿಗಳಿಂದ ಮನೆಗೆ ಹೊಸ ಲುಕ್‌ ನೀಡಿ. ಇದರಿಂದ ನಿಮ್ಮ ಮನೆ ಕ್ರಿಯೇಟಿವಿಟಿಯಿಂದ ನವೀನ ಅಲಂಕಾರ ಕಾಣುವಂತಾಗುತ್ತದೆ, ಎಲ್ಲರಿಗೂ ಇಷ್ಟವಾಗುತ್ತದೆ. ಇದಕ್ಕೂ ಸಹ ಮಕ್ಕಳ ಸಹಾಯ ಪಡೆಯಿರಿ.
ಸದ್ಯದ ಸಮಯದಲ್ಲಿ ಬಹುತೇಕ ಎಲ್ಲರ ಮನೆಗಳಲ್ಲೂ ಸಣ್ಣ ಮಕ್ಕಳ ನಡುವೆ ಕ್ಲೇ ಗೇಮ್ ಹೆಚ್ಚು ಜನಪ್ರಿಯ. ಇದು ಒಂದು ತರಹದ ರಬ್ಬರ್‌ ನಂಥ ಲೈಟ್‌ ಪದಾರ್ಥ ಆಗಿದ್ದು, ಸಣ್ಣ ಮಕ್ಕಳ ಕಲ್ಪನೆ ಮತ್ತು ಕ್ರಿಯಾಶೀಲತೆ ಗಮನಿಸಿಕೊಂಡೇ ತಯಾರಿಸಲಾಗಿದೆ. ಕ್ಲೇ ನಿಜಕ್ಕೂ ಒಂದು ಬಗೆಯ ಫ್ಲೆಕ್ಸಿಬಲ್ ಪದಾರ್ಥ ಆಗಿದ್ದು, ಮಕ್ಕಳು ತಾವೇ ಇದಕ್ಕೆ ಬಯಸಿದ ಆಕಾರ ನೀಡಬಹುದು. ಶಾಲೆಯಲ್ಲೂ ಸಹ ಮಕ್ಕಳಿಗೆ ಕ್ಲೇ ನೀಡಿ ಹೊಸ ಹೊಸ ವಿಷಯ ಕಲಿಸಲಾಗುತ್ತದೆ. ನೀವೇಕೆ ಮಕ್ಕಳಿಗೆ ಹೇಳಿ ದೀಪಾವಳಿಯ ಈ ಸಂದರ್ಭದಲ್ಲಿ ಗೃಹಾಲಂಕಾರಕ್ಕೆ ಬೇಕಾಗುವಂಥ ಸಣ್ಣಪುಟ್ಟ ಹಣತೆ, ಕ್ಯಾಂಡಲ್ ಇತ್ಯಾದಿ ಆಕೃತಿಗಳನ್ನು ಅವರಿಂದ ಮಾಡಿಸಬಾರದು? ಈ ರೀತಿ ಹೊಸ ಪ್ರೇರಣೆ ಪಡೆದು ಅವರು ಹೆಚ್ಚು ಉತ್ಸಾಹಿತರಾಗುತ್ತಾರೆ. ಇದರಲ್ಲಿ ಅವರಿಗೆ ಹೆಚ್ಚಿನ ಆಸಕ್ತಿ ಮೂಡುತ್ತದೆ, ಅವರಿಗೆ ಒಂದಿಷ್ಟು ಹೊಸತನ್ನು ಕಲಿಯುವ ಅವಕಾಶ ಸಿಗುತ್ತದೆ. ಅವರ ಜೊತೆ ನಿಮ್ಮ ಟ್ಯೂನಿಂಗ್‌ ಇನ್ನಷ್ಟು ಸ್ಟ್ರಾಂಗ್‌ ಆಗುತ್ತದೆ.
