ಧರ್ಮದ ಕೊಡುಗೆ ಭಯೋತ್ಪಾದನೆ
ಕೇವಲ 6 ತಿಂಗಳ ಹೆಣ್ಣುಮಗುವಿನ ಯುವ ತಾಯಿತಂದೆ ನಿರಾಯುಧ ನಿರ್ದೋಷಿಗಳನ್ನು ಸುಖಾಸುಮ್ಮನೆ ಸಂಹರಿಸಲು ಮುಂದಾಗುವುದು ಏನೇನೂ ಒಪ್ಪತಕ್ಕ ವಿಷಯವಲ್ಲ. ಆದರೆ ಹೀಗಾದದ್ದು ನಿಜ. ಪಾಕಿಸ್ತಾನಿ ಮೂಲದ ಇಬ್ಬರು ಯುವ ಮುಸ್ಲಿಮರು, ಅಮೆರಿಕಾದ ಕ್ಯಾಲಿಫೋರ್ನಿಯಾ ರಾಜ್ಯದ ಸಣ್ಣ ನಗರ ಸ್ಯಾನ್‌ ಬರ್ನಾರ್‌ ಡಿನೋದ ಒಂದ ಕ್ರಿಸ್‌ಮಸ್‌ ಪಾರ್ಟಿಯಲ್ಲಿ ಆಕ್ರಮಣ ನಡೆಸಿ, 14 ಜನರನ್ನು ಒಮ್ಮೆಲೇ ಕೊಂದುಹಾಕಿ, 17 ಮಂದಿ ತೀವ್ರ ಗಾಯಾಳುಗಳಾಗುವಂತೆ ಮಾಡಿದರು. ಅತಿ ಸಾಮಾನ್ಯ ದಂಪತಿಗಳಂತೆ ವಾಸಿಸುತ್ತಿದ್ದ ಈ ಜೋಡಿ ಎಷ್ಟೋ ರೈಫಲ್ಸ್, ಪೈಪ್‌ ಬಾಂಬ್‌, ಸಾಮಾನ್ಯ ಬಾಂಬ್‌ಗಳನ್ನು ಸಂಗ್ರಹಿಸಿದ್ದರು. ಅದೂ ತಾವು ಪಾಕಿಸ್ತಾನದ ಸ್ವಾತ್‌ ಜಿಲ್ಲೆಯಲ್ಲಿದ್ದೇವೆ, ಅಮೆರಿಕಾದಲ್ಲಲ್ಲ ಎಂಬಂತಿದ್ದರು.
ಇತ್ತೀಚೆಗಂತೂ ಅಮೆರಿಕಾದಲ್ಲಿ ಇಂಥ ಘಟನೆಗಳು ದಿನೇದಿನೇ ನಡೆಯುತ್ತಿವೆ. ಏಕೆಂದರೆ ಅಲ್ಲಂತೂ ಪ್ರತಿಯೊಬ್ಬರ ಬಳಿಯೂ ಬಂದೂಕಿನ ಹಕ್ಕಿದೆ ಹಾಗೂ ಪ್ರತಿಯೊಬ್ಬರೂ ಬಹಳ ಟೆನ್ಶನ್‌ನಲ್ಲೇ ಬದುಕುತ್ತಿದ್ದಾರೆ. ಅಮೆರಿಕಾದ ಆರ್ಥಿಕ ಪ್ರಗತಿ ಹಲವರಲ್ಲಿ ಎಂಥ ಅತೃಪ್ತಿ ಹೆಚ್ಚಿಸಿದೆ ಎಂದರೆ, ಯಾರಿಗೆ ಯಾವಾಗ ಮನಸ್ಸು ಬಂದರೆ, ಅವರು 4-5 ಬಂದೂಕು ಖರೀದಿಸಿ, ಒಮ್ಮೆ ಶಾಲಾ ಮಕ್ಕಳು, ಒಮ್ಮೆ ಮಾರುಕಟ್ಟೆಯ ಗ್ರಾಹಕರು, ಮಾನಸಿಕ ಅಸ್ವಸ್ಥರು ಕ್ರಿಸ್‌ಮಸ್‌ ಪಾರ್ಟಿ ನಡೆಸುತ್ತಿದ್ದ ಕಡೆ ನುಗ್ಗಿ ತಮ್ಮ ಕೋಪ ಪ್ರದರ್ಶಿಸಲು ಅವರನ್ನೆಲ್ಲ ಸಂಹರಿಸುತ್ತಾರೆ.
ಈ ದಂಪತಿಗಳೇನೋ ಮುಸ್ಲಿಮರು, ಆದರೆ ಅಮೆರಿಕಾದಲ್ಲಿ ಹೆಚ್ಚಿನ ಹತ್ಯಾಕಾಂಡಗಳನ್ನು ಬಿಳಿಯರೇ ಮಾಡುತ್ತಿದ್ದಾರೆ. ಅವರು ಹಾಗೆ ಮಾಡಲು ಕಾರಣ ತಾವು ಅತಿ ಹೆಚ್ಚಿನ ಟೆನ್ಶನ್‌, ಡಿಪ್ರೆಶನ್‌ನಲ್ಲಿ ಇರುವುದಾಗಿದೆ. ಜೊತೆಗೆ ಮಾರಕಾಸ್ತ್ರಗಳೂ ಸುಲಭ ಲಭ್ಯ.
ಕಳೆದ 20 ವರ್ಷಗಳಲ್ಲಿ ಈ ಹತ್ಯೆಗಳಲ್ಲಿ ಅಮೆರಿಕಾದ ಎಷ್ಟು ಅಮಾಯಕರು ಸತ್ತಿದ್ದಾರೆಂದರೆ, ಅಮೆರಿಕಾದ ಸೈನಿಕರೂ ಯುದ್ಧಗಳಲ್ಲಿ ಅಷ್ಟು ಸತ್ತಿಲ್ಲ. ಈ ಮಾರಾಮಾರಿಯ ಪ್ರಮುಖ ಕಾರಣ ಮಾರಕಾಸ್ತ್ರಗಳು ಸುಲಭವಾಗಿ ಸಿಗುವುದೇ! ಅಮೆರಿಕಾದ ಸಂವಿಧಾನ ರಚಿಸಿದರು, ಮಾರಕಾಸ್ತ್ರಗಳನ್ನು ಹೊಂದಿರುವುದು ಮೌಲಿಕ ಹಕ್ಕು ಎಂದು ಸಾರಿದ್ದರು, ಆಗ ಯೂರೋಪ್‌ ತರಹ ಆಡಳಿತಗಾರರ ಸರ್ವಾಧಿಕಾರ ಇಲ್ಲೂ ನಡೆಯಬಾರದೆಂಬ ಉದ್ದೇಶದಿಂದ. ಇದರಿಂದ ಅಮೆರಿಕಾದಲ್ಲಿ ಪ್ರಜಾಪ್ರಭುತ್ವವೇನೋ ಖಾಯುಂ ಆಯ್ತು, ಆದರೆ ಆಂತರಿಕ ಆತಂಕ ಇಮ್ಮಡಿಸಿತು. ಅಮೆರಿಕಾದ ಕುಟುಂಬಗಳಲ್ಲಿ ಶಿಸ್ತು ಲೇಶ ಮಾತ್ರ ಇಲ್ಲ. ಅಲ್ಲಿನ ಮಕ್ಕಳು, ಯುವಜನತೆಗೆ ಸಿಕ್ಕಿರುವ ಸ್ವಾತಂತ್ರ್ಯದಿಂದ ಅವರ ಹೊಸ ಆಲೋಚನೆ, ಹೊಸ ಸಂಶೋಧನೆ, ಹೊಸ ಟೆಕ್ನಿಕ್ಸ್, ಕಠಿಣ ಪರಿಶ್ರಮಕ್ಕೆ ಕಾರಣವಾಯ್ತು. ಆದರೆ ಈ ಪೈಪೋಟಿಯಲ್ಲಿ ಹಿಂದುಳಿದವರಲ್ಲಿ, ಈ ಸ್ವಾತಂತ್ರ್ಯ ಸ್ವೈರತೆಗೆ ತಿರುಗಿ ಕಬಂಧ ಬಾಹುಗಳಾಗಿ ಸಮಾಜ ಆಕ್ರಮಿಸಿದೆ. ಜೊತೆಗೆ ಕೈಯಲ್ಲಿ ಮಾರಕಾಸ್ತ್ರ ಇದ್ದರಂತೂ ತಿಳಿದ, ತಿಳಿಯದ ಎಲ್ಲರನ್ನೂ ಸಂಹರಿಸುವ ದೈತ್ಯಶಕ್ತಿ ತುಂಬುತ್ತದೆ.
ಇದರಿಂದ ಪಾರಾಗಲು ಅಮೆರಿಕಾ ಬೃಹತ್‌ ಜೇಲುಗಳನ್ನೇನೋ ಮಾಡಿದೆ. ಅದರಲ್ಲಿ ಈ ಉದ್ಧಂಡ ಯುವಜನತೆಯನ್ನು ಬಂಧಿಸಿಡಲು, ಆದರೆ ಈ ಮಂದಿ ಅಲ್ಲಿಗೆ ಬಂದು ಇನ್ನಷ್ಟು ಹೆಚ್ಚಿನ ಅಪರಾಧಗಳನ್ನು ಕಲಿಯುತ್ತಿದ್ದಾರೆ. ಇಸ್ಲಾಮಿ ಭಯೋತ್ಪಾದನೆ ಇನ್ನಷ್ಟು ಪಾಠಗಳನ್ನು ಕಲಿಸಿದೆ, ಆಡಳಿತಗಾರರನ್ನು ಸುಲಭವಾಗಿ ಬೆದರಿಸಲು ನಿರಾಯುಧ ನಿರ್ದೋಷಿಗಳನ್ನು ಕಂಡಲ್ಲಿ ಸಂಹರಿಸಿ ಎಂದು. ಯುದ್ಧಕಲೆಯಲ್ಲಿ ಇಸ್ಲಾಮಿ ದೇಶ ಬಹಳ ದುರ್ಬಲ. ಹೀಗಾಗಿ ಭಯೋತ್ಪಾದನೆಯ ನೆರವಿನಿಂದ ಎಲ್ಲೆಲ್ಲೂ ಆತಂಕ ಹರಡುತ್ತಾರೆ. ಇದೇ ರೀತಿ ಉದ್ರಿಕ್ತ ಅಮೆರಿಕನ್‌ ಯುವಜನತೆ, ನಶೆ ಹಾಗೂ ಸ್ವೈರತೆಯ ಮಿಶ್ರಭಾವದಿಂದ ಸಾಮಾನ್ಯ ಜನರಿಗೆ ನಿತ್ಯನರಕ ಸೃಷ್ಟಿಸಿದ್ದಾರೆ. ಇಸ್ಲಾಮಿ ಭಯೋತ್ಪಾದನೆಯು ಇವರ ಮನದಲ್ಲಿ ತಮ್ಮ ಸೋಲು, ಅಪಮಾನ, ಫೇಲ್ಯೂರ್‌ಗಳಿಗೆ ನೆರೆಮನೆಗೆ ಬೆಂಕಿ ಹಚ್ಚುವುದೇ ಧಾರ್ಮಿಕ ಹಕ್ಕು ಎಂಬ ಬೀಜ ಬಿತ್ತಿದೆ. ಅಲ್ಲಿನ ಮೌಲ್ವಿಗಳು ಇದೇ ಸರಿ ಎಂದು ಸಮರ್ಥಿಸುತ್ತಿದ್ದರೆ, ಇದು ಮೇಲಿನವನ ಮರ್ಜಿ ಎಂದೇ ತಿಳಿಯಬೇಕಿದೆ.
