ಭಾರತದಲ್ಲಿ ಒಂದೆಡೆ ಹಿಂದೂ ಮತಾಂಧರ ದುಷ್ಪ್ರಚಾರದ ಕಾರಣ ಜನಸಂಖ್ಯೆ ನಿಯಂತ್ರಣ ಕಾನೂನನ್ನು ತವರು ಬಗ್ಗೆ ಪ್ರಸ್ತಾಪ ಮಾಡುತ್ತಿದ್ದಾರೆ. ಅದರಿಂದ ಮುಸ್ಲಿಮರ ಜನಸಂಖ್ಯೆ ಹೆಚ್ಚುವುದು ನಿಲ್ಲುತ್ತದೆ ಎಂಬುದು ಅವರ ವಿಚಾರ. ಇನ್ನೊಂದೆಡೆ ಜಗತ್ತಿನ ಬಲಾಢ್ಯ ರಾಷ್ಟ್ರಗಳು ಜನಸಂಖ್ಯೆಯಲ್ಲಿನ ಭಾರಿ ಇಳಿಕೆಯಿಂದ ಕಂಗಾಲಾಗಿವೆ.
ಜಪಾನಿನಲ್ಲಿ 2020ರಲ್ಲಿ 8,40,232 ಮಕ್ಕಳು ಹುಟ್ಟಿದವು. 2019ರಲ್ಲಿ 8,65,259 ಮಕ್ಕಳು ಜನಿಸಿದ್ದವು. 1899ರ ಬಳಿಕ ಜನಗಣತಿ ಆರಂಭವಾದಾಗಿನಿಂದ ಜಪಾನಿನಲ್ಲಿ 1 ವರ್ಷದಲ್ಲಿ ಹುಟ್ಟಿದ ಮಕ್ಕಳ ಸಂಖ್ಯೆಯಲ್ಲಿ ಇದೇ ಅತ್ಯಂತ ಕಡಿಮೆ.ಅಷ್ಟೇ ಅಲ್ಲ, 2019ರಲ್ಲಿ 5,99,007 ಮದುವೆ ನಡೆದಿದ್ದವು. ಕಡಿಮೆ ಮದುವೆ, ಕಡಿಮೆ ಮಕ್ಕಳು. 2021ರಲ್ಲಿ ಮಕ್ಕಳ ಜನನ ಪ್ರಮಾಣ 10% ಕಡಿಮೆಯಾಗುವ ಸಾಧ್ಯತೆ ಇದೆ. ಪ್ರತಿ ವರ್ಷ 7 ಲಕ್ಷ ಮಕ್ಕಳು ಹುಟ್ಟಬಹುದು. ಇದು 2031ರತನಕ ಹೀಗೆಯೇ ಮುಂದುವರಿಯಬಹುದೇ ಎನ್ನುವುದು ಸರ್ಕಾರದ ಅಂದಾಜಾಗಿತ್ತು. ಆದರೆ ಅದು 10 ವರ್ಷಗಳ ಮುಂಚೆಯೇ ಆಗಿದೆ.
ಈಗ ವಿಚ್ಛೇದನಗಳ ಪ್ರಮಾಣ ಕುಗ್ಗಿದೆ. ಆದರೂ 1,93,251 ವಿಚ್ಛೇದನ ಆಗಿವೆ. ಜಪಾನಿನ ಈ ಅಂಕಿಅಂಶಗಳು ವಾಸ್ತವದಲ್ಲಿ ಯೂರೋಪ್‌, ಚೀನಾ, ಅಮೆರಿಕಾದ ಹಾಗೆಯೇ ಇವೆ. ಇದು ಕೊರೋನಾದಿಂದಲ್ಲ, ಜಾಗತಿಕ ತಾಪಮಾನದಿಂದಲ್ಲ, ಮಹಿಳೆಯರ ತಮ್ಮಿಚ್ಛೆಯ ಕಾರಣದಿಂದ ಮಕ್ಕಳ ಸಂಖ್ಯೆಯಲ್ಲಿ ಇಳಿಮುಖವಾಗುತ್ತಿದೆ.
ವರ್ಕ್‌ ಫ್ರಂ ಹೋಂ, ಮೆಟರ್ನಿಟಿ, ಪಿಟರ್ನಿಟಿ ಲೀವ್ ಎಷ್ಟೇ ಸೌಲಭ್ಯಗಳಿದ್ದರೂ, ಪ್ರತಿಯೊಂದು ಮಗು ತನ್ನ ತಾಯಿಗೆ ಹೊರೆಯೇ ಆಗಿರುತ್ತದೆ. ಆಕೆ ಅನಗತ್ಯ ಹೊರೆ ಹೊರಲು ಸಿದ್ಧಳಿರುವುದಿಲ್ಲ.
ಶತಶತಮಾನಗಳಿಂದ ಪುರುಷ ಮಕ್ಕಳನ್ನು ಹೆರಲು ಮಹಿಳೆಯರನ್ನು ಮದುವೆಯಾಗಿ ಅವರನ್ನು ಗುಲಾಮರಂತೆ ನಡೆಸಿಕೊಳ್ಳುತ್ತಿದ್ದಾವೆ. ಸಮಾಜದ ವ್ಯವಸ್ಥೆ ಕೂಡ ಹಾಗೆಯೇ ಆಗಿಬಿಟ್ಟಿತು. ಮಹಿಳೆಯರು ತಮ್ಮ ಅಸ್ತಿತ್ವವನ್ನು ಮಕ್ಕಳಲ್ಲಿಯೇ ಕಂಡುಕೊಳ್ಳತೊಡಗಿದರು.
ಭಾರತದಲ್ಲಷ್ಟೇ ಅಲ್ಲ, ಪಾಶ್ಚಿಮಾತ್ಯ ದೇಶಗಳಲ್ಲೂ ಕೂಡ ಧರ್ಮ ಮಕ್ಕಳ ಬಗ್ಗೆ ಒತ್ತುಕೊಟ್ಟಿತು. ಆ ಬಳಿಕ ಆ ಮಕ್ಕಳನ್ನು ಧರ್ಮದ ರಕ್ಷಣೆಗಾಗಿ, ಇಲ್ಲಿ ಸಾಯಲು ಬಳಸುವುದಾಗಿರಬಹುದು, ಧರ್ಮ ಎಂದೂ ಮಹಿಳೆಯರಿಗೆ ಮಕ್ಕಳ ಪ್ರಯುಕ್ತ ಒಂದಿಷ್ಟೂ ರಿಯಾಯಿತಿ ತೆಗೆದುಕೊಳ್ಳಲು ಅವಕಾಶ ಕೊಡಲಿಲ್ಲ. ಆದರೆ ಮಕ್ಕಳಾಗದಿದ್ದಾಗ ನೂರಾರು ಬಗೆಯ ಆರೋಪ ಹೊರೆಸುತ್ತದೆ.
ಇಂದಿನ ಸಾಕ್ಷರ ಮಹಿಳೆ ಈ ಸಂಚನ್ನು ತೊಡೆದು ಹಾಕಿ, ಮಗುವನ್ನು ಹೆರುವ ಹೊರೆಯನ್ನು ತಂದುಕೊಳ್ಳದೆ ದತ್ತು ತೆಗೆದುಕೊಳ್ಳುತ್ತಿದ್ದಾಳೆ. ಕೆಲವು ನೌಕರಿಗಳಲ್ಲಿ ಮಹಿಳೆಯರಿಗೆ ಎಷ್ಟೊಂದು ವೇತನ ಹಾಗೂ ಸೌಲಭ್ಯಗಳು ದೊರಕುತ್ತವೆಯೆಂದರೆ, ಯಾರಾದರೂ ಹೆಲ್ಪರ್‌ ಗಳನ್ನು ಇಟ್ಟುಕೊಳ್ಳಲು ಅನುಕೂಲವಾಗುತ್ತದೆ. ಬಹಳಷ್ಟು ಮಹಿಳೆಯರು ಮಕ್ಕಳ ಕಾರಣದಿಂದ ಎರಡನೇ ದರ್ಜೆಯ ನೌಕರಿಗಳಲ್ಲಿಯೇ ಸಿಲುಕಬೇಕಾಗಿ ಬರುತ್ತದೆ.
ಫ್ಯಾಕ್ಟರಿ ಹಾಗೂ ಆಫೀಸ್‌ಗಳು ಎಷ್ಟು ದೂರ ಇವೆಯೆಂದರೆ, ಅಲ್ಲಿ ತಲುಪಲು 2 ಗಂಟೆ ತಗಲುತ್ತದೆ. 12-14 ಗಂಟೆ ದೂರ ಇದ್ದು ಮಹಿಳೆಯರು ಮಕ್ಕಳನ್ನು ಪೋಷಿಸುವುದು ಹಾಗೂ ಪುರುಷರಿಗೆ ಸರಿಸಮಾನವಾಗಿ ಕೆಲಸ ಮಾಡುವುದು ಸಾಧ್ಯವಾಗುವುದಿಲ್ಲ. ಹೀಗಾಗಿ ಅವರಿಗೆ ಮದುವೆಯೂ ಬೇಡ, ಮಕ್ಕಳ ಹೊರೆಯೂ ಬೇಡವಾಗಿದೆ.
ಮಕ್ಕಳಿಲ್ಲದೆ ಮದುವೆಯಾದರೆ ಅದೊಂದು ರೀತಿಯ ಸ್ವಾತಂತ್ರ್ಯ ಇರುತ್ತೆ. ಯಾವಾಗಬೇಕಾದರೂ ಸಂಗಾತಿಯನ್ನು ಬದಲಿಸಬಹುದು. ಸಂಗಾತಿಯನ್ನು ಬದಲಿಸದಿದ್ದರೂ, ಯಾರ ಜೊತೆಗೆ ಸರಿ ಎನಿಸುತ್ತೋ ಅವರ ಜೊತೆಗೆ ಖುಷಿ ಪಡಬಹುದು. ಪುರುಷರು ಅನಾದಿಕಾಲದಿಂದ ಅದನ್ನೇ ಮಾಡಿಕೊಂಡು ಬರುತ್ತಿದ್ದಾರೆ. ಹಾಗೆಂದೇ ಜಗತ್ತಿನಲ್ಲಿ ಮಹಿಳೆಯರೇ ವೇಶ್ಯೆಯಾಗಿದ್ದಾರೆ, ಪುರುಷರಲ್ಲ. ಮನೆಯಲ್ಲಿ ಹೆಂಡತಿಯೇ ಮಕ್ಕಳನ್ನು ಸಂಭಾಳಿಸಬೇಕು.
