ನೇಲ್ ಆರ್ಟ್‌ ಮೂಲಕ ನೀವು ನಿಮ್ಮ ಉಗುರುಗಳ ಬಣ್ಣ, ಥೀಂ, ಋತು, ಮೂಡ್‌ ಯಾವುದೇ ಬಗೆಯ ದೃಶ್ಯಗಳಿಂದ ಅಲಂಕರಿಸಬಹುದು. ನೀವು ಬಯಸಿದರೆ ಉಗುರುಗಳ ಮೇಲೆ ಡಾರ್ಕ್‌ ಲೈಟ್‌ ಬಣ್ಣಗಳನ್ನೂ ಪ್ರಯೋಗಿಸಬಹುದು. ನೇಲ್ ಆರ್ಟ್‌ಗೆ ಮೊದಲು ನಿಮ್ಮ ಉಗುರಿನ ಸ್ವಚ್ಛತೆ ಮತ್ತು ಅದರ ಆಕಾರ ಹಾಗೂ ಕಂಡೀಶನಿಂಗ್‌ ಕಡೆಯೂ ಗಮನಹರಿಸಬೇಕು. ಇದಕ್ಕಾಗಿ ಉಗುರನ್ನು ಸ್ವಲ್ಪ ಹೊತ್ತು ನಿಂಬೆ, ಸ್ವೀಟ್‌ ಸೋಡಾ ಬೆರೆತ ತುಸು ಬಿಸಿ ನೀರಿನಲ್ಲಿ ಸ್ವಲ್ಪ ಹೊತ್ತು ಅದ್ದಿರಬೇಕು. ನಂತರ ಅದನ್ನು ಒಣ ಟವೆಲ್‌‌ನಿಂದ ಒರೆಸಿಡಿ. ಇದಾದ ಮೇಲೆ ಉಗುರನ್ನು ಫೈಲರ್‌ ನೆರವಿನಿಂದ ಬಯಸಿದ ಆಕಾರ ಕೊಟ್ಟು, ಅವು ಅತ್ಯುತ್ತಮವಾಗಿ ಕಾಣುವಂತೆ ಮಾಡಬೇಕು. ಬಯಸಿದರೆ ಉಗುರಿಗೆ ನೀವು ಗೋಲ, ಅಂಡ, ಚೌಕ ಇತ್ಯಾದಿ ಶೇಪ್‌ ನೀಡಬಹುದು.
ಈಗ ಉಗುರನ್ನು ಸುರಕ್ಷಿತವಾಗಿಡಲು ಅದರ ಮೇಲೆ ನೇಲ್ ಪ್ರೈಮರ್‌ ಹಚ್ಚಿದ ನಂತರ ಬೇಸ್‌ ಕೋಟ್‌ ಹಚ್ಚಿರಿ. ಹೀಗೆ ಮಾಡುವುದರಿಂದ ನಿಮ್ಮ ಉಗುರಿಗೆ ಹಳದಿ ಬಣ್ಣ ಬರುವುದಿಲ್ಲ. ಬೇಸ್‌ ಕೋಟ್‌ನ ಮೊದಲ ಪದರ ಆರಿದ ನಂತರ 2ನೇ ಕೋಟ್‌ ಅಪ್ಲೈ ಮಾಡಿ. ಇದು ಒಣಗಿದ ನಂತರ ಬೇರೆ ಯಾವುದೇ ಮ್ಯಾಚಿಂಗ್‌ ನೇಲ್ ಕಲರ್‌ನಿಂದ ನಿಮ್ಮಿಷ್ಟದ ಡಿಸೈನ್‌ ಮಾಡಿಕೊಳ್ಳಿ. ಮನೆಯಲ್ಲಿ ತುಸು ಚಿಕ್ಕದಾದ ಬ್ರಶ್ಶಿನ ಸಹಾಯದಿಂದ ನೀವು ಡಿಸೈನ್‌ ಮಾಡಬಹುದು ಅಥವಾ ಮಾರ್ಕೆಟ್‌ನಲ್ಲಿ ನೇಲ್ ಆರ್ಟ್‌ಗಾಗಿಯೇ ಇರುವ ಸಾಕಷ್ಟು ಟೂಲ್ಸ್‌ ಕೊಂಡು ತಂದು ಮನೆಯಲ್ಲೇ ಬಳಸಿಕೊಳ್ಳುವುದು ಎಷ್ಟೋ ಸುಲಭ ಮತ್ತು ಉತ್ತಮ.
ಕೆಲವು ಟ್ರೆಂಡಿ ನೇಲ್ ಆರ್ಟ್‌ ವಿಧಾನಗಳನ್ನು ತಿಳಿಯೋಣ :
ಬಂಜಾರಾ ನೇಲ್ ಆರ್ಟ್‌ : ಕಪ್ಪು ನೇಲ್ ಪಾಲಿಶ್‌ ಜೊತೆ ಸ್ಟಡ್ಸ್ ವುಳ್ಳ ಈ ಟ್ರೆಂಡ್‌ನ್ನು ನಿಮ್ಮ ಇಷ್ಟದ ಪ್ರಕಾರ, ಸ್ಟಡ್‌ ಸೈಜ್‌ ಬದಲಾಯಿಸುತ್ತಾ ಹಚ್ಚಬಹುದು. ಇದಕ್ಕಾಗಿ ಕಪ್ಪು ಬಣ್ಣದ ಮ್ಯಾಟ್‌ ನೇಲ್ ಪಾಲಿಶ್‌ನ ಒಂದು ಕೋಟ್‌ ಹಚ್ಚಿರಿ. ಅದು ಒಣಗಲಿ. ನಂತರ ಇದರ ಮೇಲೆ ಗಾಢ ಬಣ್ಣದ ಪದರ ಹಚ್ಚಿರಿ. ಇದು ಇನ್ನೂ ಹಸಿ ಇರುವಾಗಲೇ ಚಿಮಟಾದ ನೆರವಿನಿಂದ ಸ್ಟಡ್ಸ್ ತೆಗೆದು ಒಂದು ನಿಶ್ಚಿತ ಪ್ಯಾಟರ್ನ್‌ನಲ್ಲಿ ಹಚ್ಚಿರಿ. ಇದು ಪೂರ್ತಿ ಸೆಟಲ್ ಆದ ನಂತರ, ಇದನ್ನು ದೀರ್ಘಕಾಲದ ಬಳಕೆಗಾಗಿ, ಟ್ರಾನ್ಸ್ ಲೂಸೆಂಟ್‌ ಟಾಪ್ ಕೋಟ್‌ ಹಚ್ಚಿರಿ. ಮಿಡ್‌ ನೈಟ್‌ ಬ್ಲೂ ಮತ್ತು ಗ್ರೇ ನೇಲ್ ಎನಾಮಲ್‌ನಲ್ಲೂ ಸಹ ಇದೇ ತರಹದ ಪ್ಯಾಟರ್ನ್‌ ಮಾಡಿಕೊಳ್ಳಬಹುದು.
ಸ್ಮೈಲಿ ನೇಲ್ ಆರ್ಟ್‌ : ಲೇಟೆಸ್ಟ್ ಟ್ರೆಂಡ್‌ನಲ್ಲಿ ಇದು ಇನ್‌ ಆಗಿದೆ. ನಮ್ಮೆಲ್ಲರಿಗೂ ಈಗ ಮೊಬೈಲ್ ಮೆಸೇಜುಗಳಲ್ಲಿ ಸ್ಮೈಲಿ ಬಳಸುವುದು ಕಾಮನ್‌ ಆಗಿದೆ. ನಿಮ್ಮ ಉಗುರುಗಳ ಮೇಲೂ ಇಂಥ ಸಾಧಾರಣ, ಬೆಟರ್‌ ಎನಿಸುವ ಸ್ಮೈಲಿ ಮಾಡಿಕೊಂಡರೆ ಆಗ ಎಲ್ಲರ ಗಮನ ನಿಮ್ಮತ್ತಲೇ ಇರುತ್ತದೆ. ಕಪ್ಪು, ಹಳದಿ ಬಣ್ಣ ಬಿಟ್ಟು ಇದರಲ್ಲಿ ಬಿಳಿ, ಕೆಂಪು, ಗುಲಾಬಿ ಬಣ್ಣ ಬಳಸಬಹುದು. ಇದರಿಂದ ಈ ಡಿಸೈನ್‌ ಆಕರ್ಷಕ ಎನಿಸುತ್ತದೆ.
ಚೆಕ್‌ ಬೋರ್ಡ್‌ ಫ್ರೆಂಚ್‌ ನೇಲ್ಸ್ : ನೀವು ಆಕರ್ಷಕ ಮತ್ತು ಕ್ಯೂಟ್‌ ನೇಲ್ ಆರ್ಟ್‌ ಮಾಡಬಯಸಿದರೆ, ಇದನ್ನು ಅಳವಡಿಸಿಕೊಳ್ಳಿ. ಇದು ಉತ್ತಮ ಆಯ್ಕೆ, ಹಾಗಾಗಿ ಎಲ್ಲಾ ಸೈಜ್‌ನ ಉಗುರಿಗೂ ಹೊಂದುತ್ತದೆ.
ಪರ್ಲ್ ನೇಲ್ ಆರ್ಟ್‌ : ಕೆವಿಯರ್‌ ಅಂದ್ರೆ ಮೀನಿನ ಮೊಟ್ಟೆ ಗಾತ್ರದ ನೇಲ್ ಆರ್ಟ್‌ ಅಂದ್ರೆ ಭಾರತೀಯರಲ್ಲಿ ಹೆಚ್ಚು ಜನಪ್ರಿಯ. ಈ ಟ್ರೆಂಡ್‌ಗೆ 3ಡಿ ಎಫೆಕ್ಟ್ ನೀಡಲು ಪರ್ಲ್ ಸೆಂಟ್‌ ಬೀಡ್ಸ್ ಬಳಕೆಯಾಗುತ್ತದೆ. ಇದಕ್ಕಾಗಿ ಮೊದಲು ಗ್ಲಾಸಿ ಬ್ಲ್ಯಾಕ್‌ ನೇಲ್ ಪಾಲಿಶ್‌ ಮೇಲೆ ಪರ್ಲ್ಸ್ ಒತ್ತಿಬಿಡಿ, ಅದು ಸೆಟ್‌ ಆದನಂತರ ಗ್ಲಾಸಿ ಟಾಪ್‌ಕೋಟ್‌ ಹಚ್ಚಿರಿ.
ಮಾರ್ಬಲ್ ನೇಲ್ಸ್ : ಮಾರ್ಬಲ್ ನೇಲ್ಸ್ ಸ್ಟೈಲ್‌ ಇತ್ತೀಚೆಗೆ ಬಹಳ ಟ್ರೆಂಡಿ ಎನಿಸಿದೆ. ಇದು ಅತಿ ಬ್ಯೂಟಿಫುಲ್ ಮಾತ್ರವಲ್ಲ, ಉಗುರಿಗೆ ಒಂದು ಪರಿಪೂರ್ಣ ಲುಕ್‌ ಸಹ ತಂದುಕೊಡುತ್ತದೆ.
ನ್ಯೂಸ್‌ಪೇಪರ್‌ ನೇಲ್ಸ್ : ಈ ನೇಲ್ ಡಿಸೈನ್‌ ಎಲ್ಲಕ್ಕಿಂತ ಬೆಸ್ಟ್ ಮತ್ತು ಬ್ಯೂಟಿಫುಲ್, ಇದು ಎಲ್ಲ ಸಂದರ್ಭಕ್ಕೂ ಹೊಂದುತ್ತದೆ. ಲೈಟ್‌ ಬ್ರೈಟ್‌ ಯಾ ಲೈಟ್‌ ಕಲರ್‌ನ ನೇಲ್ ಪಾಲಿಶ್‌ ಹಚ್ಚಿ ಒಣಗಿಸಿ. ಈಗ ಉಗುರನ್ನು ಆಲ್ಕೋಹಾಲ್‌‌ನಲ್ಲಿ 2 ನಿಮಿಷ ಅದ್ದಿಡಿ. ಆಮೇಲೆ ಅದರ ಮೇಲೆ ನ್ಯೂಸ್‌ಪೇಪರ್ಸ್‌ ಒತ್ತಿಡಿ. ನಂತರ ಸ್ವಲ್ಪ ಹೊತ್ತಾದ ಮೇಲೆ ನ್ಯೂಸ್‌ ಪೇಪರ್‌ ತೆಗೆದುಬಿಡಿ. ಇದೀಗ ನಿಮ್ಮ ಉಗುರಿನ ಅಂದ ಗಮನಿಸಿ!
ಹಾಫ್‌ ಮೂನ್‌ : ಉಗುರಿಗೆ ಎಕ್ಸ್ ಟ್ರೀಮ್ಲಿ ಕ್ಲಾಸಿಕ್‌ ರಾಯಲ್ ಲುಕ್‌ ನೀಡಬಯಸಿದರೆ, ಹಾಫ್‌ ಮೂನ್‌ ನೇಲ್ ಆರ್ಟ್‌ಗಿಂತ ಉತ್ತಮ ಆಯ್ಕೆ ಮತ್ತೊಂದಿಲ್ಲ. ಇದರಲ್ಲಿ ಉಗುರಿನ ಬಾಟಮ್ ನಲ್ಲಿ ಲೈಟ್‌ ಕಲರ್‌ನ ಮೂನ್‌ ಮಾಡಿ. ಬಾಕಿ ಭಾಗಕ್ಕೆ ಡಾರ್ಕ್‌ ಕಲರ್‌ ಸೆಟ್‌ ಮಾಡಿ.
ಪೆಟಲ್ಸ್ ನೇಲ್ಸ್ : ಹೂಗಳ ಸುಂದರ ದಳಗಳನ್ನು ಉಗುರ ಮೇಲೆ ಬಿಂಬಿಸಿ, ನೇಲ್ಸ್ ಬ್ಯೂಟಿ ಹೆಚ್ಚಿಸಿ. ಇತ್ತೀಚೆಗೆ ಪೆಟಲ್ಸ್ ನೇಲ್ ಆರ್ಟ್‌ ಹೆಚ್ಚು ಜನಪ್ರಿಯ ಆಗುತ್ತಿದೆ, ಏಕೆಂದರೆ ಉಗುರಿಗೆ ಇದು ನೈಸರ್ಗಿಕ ಟಚ್‌ ನೀಡುತ್ತದೆ.
ಲೇಸೀ ನೇಲ್ಸ್ : ಲೇಸ್‌ ಅಳವಡಿಸುವುದರಿಂದ ವಸ್ತ್ರದ ಅಂದ ಹೆಚ್ಚುವಂತೆ, ಅದೇ ತರಹ ಉಗುರಿನ ಮೇಲೆ ಲೇಸ್‌ ನೇಲ್ ಆರ್ಟ್‌ ಮಾಡುವುದರಿಂದ, ಉಗುರಿನ ಸೊಗಸು ಹೆಚ್ಚುತ್ತದೆ. ಲೇಸ್‌ ನೇಲ್ ಆರ್ಟ್‌ ರೂಪಿಸಲು ಫಿನಿಶಿಂಗ್‌ ಬಲು ಮುಖ್ಯ.
ಬ್ರೇಸ್ಲೆಟ್‌ ನೇಲ್ ಆರ್ಟ್‌ : ಇದಕ್ಕಾಗಿ ಎಲ್ಲಕ್ಕೂ ಮುಂಚೆ ಜ್ಯೂವೆಲರಿ ಸೆಟ್‌ ಮಾಡಿ, ನೇಲ್ ಮೇಲೆ ಫೈನ್‌ ಕೋಟಿಂಗ್‌ ಮಾಡಬೇಕಾಗುತ್ತದೆ. ಇದರಿಂದ ನೇಲ್ಸ್ ಗೆ ಫಿನಿಶಿಂಗ್‌ ಟಚ್‌ ಸಿಗಲಿದೆ. ಅದೇ ತರಹ ಇದರಿಂದ ಎಲ್ಲಾ ಆ್ಯಕ್ಸೆಸರೀಸ್ ಸರಿಯಾದ ರೀತಿಯಲ್ಲಿ ಸೆಟ್‌ ಆಗುತ್ತದೆ. ಬ್ರೇಸ್ಲೆಟ್‌ ಲುಕ್‌ಗಾಗಿ ಬೇರೆ ಬಣ್ಣದ ದಾರ ತೆಗೆದುಕೊಂಡು, ಅದು ಸುಲಭವಾಗಿ ನೇಲ್ಸ್ ಮೇಲೆ ಫಿಟ್‌ ಆಗುವಂತೆ ಸೂಕ್ಷ್ಮವಾಗಿ ತುಂಡರಿಸಿ. ಆ್ಯಕ್ಸೆಸರೀಸ್ ನೇಲ್ಸ್ ಮೇಲೆಯೇ ಉಳಿದಿರಬೇಕೆಂದು ಗಮನಿಸಿ.
ವರ್ಡ್‌ ಪ್ಲೇ : ನಿಮ್ಮ ಮನದಾಳದ ಭಾವನೆ ಪದಗಳಲ್ಲಿ ವ್ಯಕ್ತಪಡಿಸಬಯಸಿದರೆ, ಆಗ ನೀವು ಇದನ್ನು ಅನುಸರಿಸಿ. ಇದು ಬಹಳ ಕ್ರಿಯೇಟಿವ್ ಆಗಿದ್ದು, ರೂಪಿಸುವುದು ಸಹ ಸುಲಭ.
ಹೋಲೋಗ್ರಾಫಿಕ್‌ ಕಲರ್‌ : ಕಾಂತಿ, ಬಣ್ಣ, ಸ್ಟೈಲಿಶ್‌ ಆಗಿರುವುದರ ಕಾರಣ ಇದನ್ನು ಬಹಳ ಜನ ಇಷ್ಟಪಡುತ್ತಾರೆ. ಇದನ್ನು ಪಡೆಯುವುದಕ್ಕಾಗಿ ಮಾರ್ಕೆಟ್‌ನಲ್ಲಿ ಹಲವು ಬಗೆಯ ಉಪಕರಣ ಲಭ್ಯವಿವೆ. ಉದಾ : ಹೋಲೋಗ್ರಾಫಿಕ್‌ ಸೆಲೋಫೇನ್‌ ಫಾಯಿಲ್‌.
ಗ್ಯಾಲೆಕ್ಸಿ ನೇಲ್ ಆರ್ಟ್‌ : ಭವಿಷ್ಯವಾಣಿ ಪ್ರಿಯರಿಗಾಗಿ ಇದೊಂದು ಉತ್ತಮ ಉಪಾಯ. ನೀವು ಬಯಸಿದರೆ ಇಲ್ಲಿ ಸಿಂಗಲ್ ಕಲರ್‌ ಯಾ ಕಲರ್‌ಫುಲ್ ಮೆಟ್ಯಾಲಿಕ್‌ ನೇಲ್ ಕಲರ್‌ ಬಳಸಿಕೊಳ್ಳಿ. ನಂತರ ಇದರ ಮೇಲೆ ಹೊಳೆ ಹೊಳೆಯುವ ನಕ್ಷತ್ರ ಬರುವಂತೆ ಸ್ಟಿಕ್‌ ಮಾಡಿ.
ಆ್ಯಕ್ವೇರಿಯಂ ನೇಲ್ ಆರ್ಟ್‌ : ನೀವು ಉಗುರು ಬಣ್ಣದಲ್ಲೇ ಆ್ಯಕ್ವೇರಿಯಂ ಕಾಣಬಯಸಿದರೆ, ಈ ನೇಲ್ ಆರ್ಟ್‌ ಡಿಸೈನ್‌ ಬಹಳ ಸೊಗಸಾಗಿರುತ್ತದೆ. ಈ ಡಿಸೈನ್‌ನಲ್ಲಿ ಬ್ಲೂ ಕ್ರಿಸ್ಟಲ್ ಬಹಳ ಸುಂದರ ಎನಿಸುತ್ತದೆ. ನೀರಿನ ಆಭಾಸಕ್ಕಾಗಿ ನ್ಯೂಡ್‌ ಕಲರ್‌ ಬೆಸ್ಟ್. ಇದರ ಮೇಲೆ ಹತ್ತಿಯ ನೆರವಿನಿಂದ ನೀವು ಗ್ಲಿಟರ್‌ ಟಚ್‌ ನೀಡಿ.
ನೆಗೆಟಿವ್ ಸ್ಪೇಸ್‌ : ಕಡಿಮೆ ನೇಲ್ ಆರ್ಟ್‌ ಹಾಗೂ ಹೆಚ್ಚು ಬ್ಲ್ಯಾಕ್‌ ಸ್ಪೇಸ್‌ ಜೊತೆ ನೀವು ಬೊಂಬಾಟ್‌ ನೇಲ್ ಆರ್ಟ್‌ ಮಾಡಬಹುದು. ಇದನ್ನೇ ನೆಗೆಟಿವ್ ಸ್ಪೇಸ್‌ ನೇಲ್ ಆರ್ಟ್‌ ಎನ್ನುತ್ತಾರೆ, ಇದರಲ್ಲಿ ಮೆಟಾಲಿಕ್‌ ನೇಲ್ ಕಲರ್‌ ಬಳಸುವುದು ಲೇಸು.
– ಗಿರಿಜಾ ಗೌಡ
ಟ್ರೆಂಡಿ ನೇಲ್ ಆರ್ಟ್‌ಗಾಗಿ ಸಲಹೆ
ನೇಲ್ ಆರ್ಟ್‌ಗಾಗಿ ನಿಮ್ಮ ಬಳಿ ನ್ಯಾಚುರಲ್ ಬ್ರೈಟ್‌ ಕಲರ್‌ನ ನೇಲ್ ಪಾಲಿಶ್‌ ಅತ್ಯಗತ್ಯ ಇರಬೇಕು. ನ್ಯಾಚುರಲ್ ಕಲರ್‌ನ ನೇಲ್‌ಪಾಲಿಶ್‌ ಹಚ್ಚಿದ ಮೇಲೆ, ಅದರ ಮೇಲೆ ಬ್ರೈಟ್‌ ಕಲರ್‌ನಿಂದ ತ್ರಿಕೋನ ರಚಿಸಬಹುದು.
ಒಂದೇ ಕೈಗೆ ಬಗೆಬಗೆಯ ನೇಲ್ ಆರ್ಟ್‌ ಮಾಡಬೇಕಿದ್ದರೆ ಸ್ಕಾಚ್‌ ಟೇಪ್‌ ಬಳಸಿಕೊಳ್ಳಿ. ಇದರ ನೆರವಿನಿಂದ ನೀವು ನಿಮ್ಮ ಉಗುರಿನ ಮೇಲೆ ಗಝೆಲಿಯನ್‌ ಡಿಸೈನ್‌ ರೆಡಿ ಮಾಡಿಸಬಹುದು.
ನ್ಯಾಚುರಲ್ ಅಥವಾ ನಿಮ್ಮ ಆಯ್ಕೆಯ ಕಲರ್‌ನ ನೇಲ್‌ಪಾಲಿಶ್‌ ಹಚ್ಚಿ, ಅದರಲ್ಲಿ ಸೆಲೋಫೇನ್‌ ಪೇಪರ್‌ನ ಸಣ್ಣ ತುಂಡುಗಳನ್ನು ಅಂಟಿಸಬಹುದು. ಶ್ಯಾಟರ್ಡ್‌ ಗ್ಲಾಸ್‌ ನೇಲ್ಸ್ ಡಿಸೈನ್‌ ತಯಾರಾಗುತ್ತದೆ. ಸಣ್ಣ ಉಗುರುಗಳಿರುವ ಹುಡುಗಿಯರಿಗೂ ಇದು ಚೆನ್ನಾಗಿ ಒಪ್ಪುತ್ತದೆ ಎಂಬುದೇ ಪ್ಲಸ್‌ ಪಾಯಿಂಟ್‌.
ನೇಲ್ ಆರ್ಟ್‌ನಲ್ಲಿ ನೀವು ಬಯಸಿದ ವಿಭಿನ್ನ ನೇಲ್ ಕಲರ್ಸ್‌ನ್ನು ಬಳಸಿ ಟ್ರೈ ಮಾಡಬಹುದು. ಆಗ ನಿಮಗೆ ಬಯಸಿದ ಡಿಸೈನ್‌ ಸುಲಭವಾಗಿ ಉಗುರಿನ ಮೇಲೆ ಮೂಡಿಬರಲಿದೆ.
