ಶಾಲೆ ಎನ್ನುವುದು ಕಲಿಕೆಯ ದೇಗುಲ! ಮಕ್ಕಳು ಸಂಪೂರ್ಣ ಜ್ಞಾನಾರ್ಜನೆಯಿಂದ ಬೆಳವಣಿಗೆ ಹೊಂದಿ ದೇಶದ ಅತ್ಯುನ್ನತ ನಾಗರಿಕರನ್ನಾಗಿ ರೂಪಿಸುವುದೇ ಈ ದೇಗುಲದ ಪವಿತ್ರ ಕರ್ತವ್ಯ. ವಿದ್ಯಾರ್ಥಿಗಳಿಗೆ ಕೇವಲ ಜ್ಞಾನವನ್ನಷ್ಟೇ ಧಾರೆಯೆರೆಯದೆ ಅದರೊಂದಿಗೆ ಸಂಪನ್ಮೂಲಭರಿತ ಉತ್ತಮ ಮೌಲ್ಯಗಳು, ಧೈರ್ಯ, ಕುತೂಹಲ, ನೈತಿಕ ಸ್ವಾತಂತ್ರ್ಯ, ದೃಢ ನಿರ್ಧಾರ ಹಾಗೂ ಸಾಮರ್ಥ್ಯವನ್ನು ಬಾಲ್ಯದಿಂದಲೇ ಅವರಲ್ಲಿ ತುಂಬಿಸುವುದು ಸಂಸ್ಥೆಯ ಮೊದಲ ಆದ್ಯತೆಯಾಗಿ ಇರುತ್ತದೆ. ಈ ನಿಟ್ಟಿನಲ್ಲಿ `ಕಲಿಕೆಯಿಂದಲೇ ಭವಿಷ್ಯ’ ಎನ್ನುವ ಮಾತಿನಲ್ಲಿ ಬಲವಾದ ನಂಬಿಕೆ ಇಟ್ಟಿರುವ ಹಾಗೂ ಉತ್ಕೃಷ್ಟ ಗುಣಮಟ್ಟ, ಮೌಲ್ಯಾಧಾರಿತ ಕಲಿಕೆಗೆ ಸ್ವತಂತ್ರ ಯೋಜನೆಯಿಂದ ಕೂಡಿದ ಮುಕ್ತ ವಾತಾವರಣವನ್ನು ಕಲ್ಪಿಸುವುದರಿಂದಲೇ ಉತ್ತಮ ಪ್ರಜೆಗಳ ನಿರ್ಮಾಣ ಸಾಧ್ಯ ಎನ್ನುವುದನ್ನು ಸಾಬೀತುಪಡಿಸಿರುವ ಬೆಂಗಳೂರಿನ ಟಾಪ್-5 ವಸತಿ ಶಾಲೆಗಳಲ್ಲಿ ಮೊದಲ ಪಂಕ್ತಿಯಲ್ಲಿರುವ ನ್ಯೂ ಬಾಲ್ಡ್ ವಿನ್ ಇಂಟರ್ ನ್ಯಾಷನಲ್ ವಸತಿ ಶಾಲೆ ನಂಬಿಕೆಯ ಪ್ರತೀಕ.
ಕೆ.ಆರ್‌. ಪುರಂನ ಬೂದಿಗೆರೆ ಮುಖ್ಯ ರಸ್ತೆಯಿಂದ ಕೇವಲ 3 ಕಿ.ಮೀ. ಅಂತರದಲ್ಲಿ ಸುಮಾರು 18 ಎಕರೆ ವಿಸ್ತೀರ್ಣದ ಜಾಗದಲ್ಲಿ ಹರಡಿಕೊಂಡಿರುವ ವೈಭವಯುತ ಕ್ಯಾಂಪಸ್‌ ವಿದ್ಯಾರ್ಥಿಗಳ ಪಾಲಿಗೆ ಎರಡನೇ ಮನೆ ಎನಿಸಿಕೊಂಡಿದೆ. ಸುತ್ತಲೂ ಹಸಿರು ರಾಶಿಯ ಮಧ್ಯೆ ಅದ್ಭುತವಾಗಿ ಕಂಗೊಳಿಸುವ ಈ ವಿದ್ಯಾದೇಗುಲ ವಿದ್ಯಾರ್ಥಿಗಳಿಗೆ ಹೊಸ ಹುರುಪನ್ನು ನೀಡುವಲ್ಲಿ ಸಹಕಾರಿಯಾಗಿದೆ. ಸ್ವಚ್ಛ ಗಾಳಿ, ಮಾಲಿನ್ಯ ರಹಿತ ವಾತಾವರಣ, ಅರ್ಥಗರ್ಭಿತ ಮೌನ, ಅತ್ಯುತ್ತಮ ಸಂವಹನ, ಉತ್ಕೃಷ್ಟ ಪಾಠಪ್ರವಚನ, ಮನರಂಜನೆ… ಹೀಗೆ ಹತ್ತು ಹಲವಾರು ಸೌಲಭ್ಯಗಳನ್ನು ಒಂದೆಡೆ ಕಲ್ಪಿಸಿರುವುದು ನ್ಯೂ ಬಾಲ್ಡ್ ವಿನ್ ಶಾಲೆಯ ಹೆಗ್ಗಳಿಕೆ.
ಸತ್ಯಸಂಧತೆ, ಉತ್ತಮ ನಡವಳಿಕೆ, ಶಾಂತಿ, ಸೌಹಾರ್ದತೆ ಹಾಗೂ ತುಂಬು ಹೃದಯದ ಪ್ರೀತಿ ಇವುಗಳು ಈ ವಿದ್ಯಾದೇಗುಲದ ಜೀವರಸಗಳಾಗಿವೆ. 1990ರಲ್ಲಿ ಶ್ರೀ ಸತ್ಯನಾರಾಯಣ್‌ ಎಜುಕೇಶನ್‌ ಟ್ರಸ್ಟ್ ವತಿಯಿಂದ ಸ್ಥಾಪನೆಗೊಂಡ ನ್ಯೂ ಬಾಲ್ಡ್ ವಿನ್ ಅಂತಾರಾಷ್ಟ್ರೀಯ ವಸತಿ ಶಾಲೆ, ಪ್ರೀನರ್ಸರಿಯಿಂದ ಪದವಿಯವರೆಗೂ ಶಿಕ್ಷಣವನ್ನು ನೀಡುತ್ತದೆ. ಅಂತಾರಾಷ್ಟ್ರೀಯ ಮಾನ್ಯತೆಯ ಕೇಂಬ್ರಿಡ್ಜ್ ನಿಂದ ಬಸ್‌ ಹೊಂದಿರುವ ಈ ಶಾಲೆ ಸಹಶಿಕ್ಷಣದ ವ್ಯವಸ್ಥೆಯೊಂದಿಗೆ ಅತ್ಯಾಧುನಿಕ ಮಾದರಿಯಲ್ಲಿ ಬೋಧನೆ ನೀಡುವುದರೊಂದಿಗೆ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ವಿಶೇಷ ಸಾಧನೆಗೈಯಲು ಅನುವಾಗುವಂತೆ ತಮ್ಮ ವಿದ್ಯಾರ್ಥಿಗಳನ್ನು ಪ್ರಾಥಮಿಕ ಮಟ್ಟದಿಂದಲೇ ತರಬೇತುಗೊಳಿಸಿ, ಕಡ್ಡಾಯವಾಗಿ ಆಂಗ್ಲ ಭಾಷೆಯನ್ನು ಆಡುಭಾಷೆಯಾಗಿ ರೂಪಿಸಿದೆ.
`ವಿಶ್ವ ಚತುರ ಪ್ರಜೆ’ ನಿರ್ಮಾಣದ ಗುರಿ ಹೊಂದಿರುವ ಬಾಲ್ಡ್ ವಿನ್ ವಸತಿ ಶಾಲೆ ಮಾದರಿ ಶಾಲೆ ಎನಿಸಿಕೊಂಡಿದೆ. ಅನುಭವಿ, ನುರಿತ ಹಾಗೂ ಉನ್ನತ ವ್ಯಾಸಂಗ ಹೊಂದಿದ, ನಿಶ್ಕಲ್ಮಷ ಪ್ರೀತಿ ವಾತ್ಸಲ್ಯದೊಂದಿಗೆ ಬೋಧಿಸುವ ಅಧ್ಯಾಪಕ ವೃಂದ, ವಿಶೇಷ ತಾಂತ್ರಿಕ ಕೌಶಲ್ಯವುಳ್ಳ ಬೋಧಕೇತರ ಸಿಬ್ಬಂದಿಗಳ ನಿಸ್ವಾರ್ಥ ಸೇವೆಯನ್ನು ಹೊಂದಿರುವ ಈ ವಸತಿ ಶಾಲೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮನ್ನಣೆ ಗಳಿಸಿದೆ.
ಸುಸಜ್ಜಿತ ಪ್ರಯೋಗಾಲಯ, ಹುಡುಗ-ಹುಡುಗಿಯರಿಗೆ ಪ್ರತ್ಯೇಕ ಸೌಲಭ್ಯವಿದೆ. ಟೀಚರ್‌ ಪೇರೆಂಟ್‌ ಇಂಟರ್ಯಾಕ್ಷನ್‌ಕಾರ್ಯಕ್ರಮವನ್ನು ಹಮ್ಮಿಕೊಳ್ಳುವುದರ ಮೂಲಕ ವಿದ್ಯಾರ್ಥಿಗಳ ಅಭಿವೃದ್ಧಿಯ ಕುರಿತು ವಿಶೇಷ ಕಾಳಜಿಯನ್ನು ವಹಿಸಲಾಗುತ್ತದೆ. ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ವಿಶೇಷ ಪರೀಕ್ಷೆಯನ್ನು ಕಲ್ಪಿಸಲಾಗಿದೆ. ಕೇವಲ ಪಾಠಪ್ರವಚನಗಳಿಗೆ ಮಾತ್ರ ಮಹತ್ವ ನೀಡದೆ, ಪಠ್ಯೇತರ ಚಟುವಟಿಕೆಗಳಿಗೂ ಒತ್ತು ನೀಡಿದೆ. ಯೋಗ, ಕರಾಟೆ, ನೃತ್ಯ, ಸಂಗೀತ, ಮಾರ್ಷಲ್ ಆರ್ಟ್ಸ್, ಕ್ರೀಡೆ ಹಾಗೂ ಕುದುರೆ ಸವಾರಿ ಇವುಗಳಲ್ಲಿ ಪ್ರತ್ಯೇಕ ಅಕಾಡೆಮಿಯನ್ನು ಹೊಂದಿರುವುದು ಈ ಶಾಲೆಯ ಹೆಗ್ಗಳಿಕೆ.
ಹಲವು ವಿಶೇಷ ಪ್ರಶಸ್ತಿಯನ್ನು ತನ್ನ ಮುಡಿಗೇರಿಸಿಕೊಂಡಿದೆ. ಈ ಎಲ್ಲಾ ಯಶಸ್ಸು ಹಾಗೂ ಹೆಗ್ಗಳಿಕೆಯ ಹಿಂದೆ ಸಂಸ್ಥೆಯ ಮುಖ್ಯಸ್ಥರಾದ ಟಿ. ವೇಣುಗೋಪಾಲ್ ಹಾಗೂ ಅವರ ಧರ್ಮಪತ್ನಿ ಸೌಭಾಗ್ಯ ವೇಣುಗೋಪಾಲ್‌ರ ಅವಿರತ ಪರಿಶ್ರಮ ಸ್ತುತ್ಯಾರ್ಹ. ಸಾವಿರಾರು ಚತುರ, ಬುದ್ಧಿವಂತ, ಭವಿಷ್ಯದ ರೂವಾರಿಗಳನ್ನು ಸೃಷ್ಟಿಸಿ ಬೆಳೆಸಿ ಇಂಥ ಒಂದು ಕಲಿಕೆಯ ನಂದನವನ ನಿರ್ಮಿಸಿದ ನಿರ್ಮಾತೃ ಎನಿಸಿಕೊಂಡಿದ್ದಾರೆ. ಲಕ್ಷಾಂತರ ಮಂದಿಗೆ ವಿದ್ಯಾದಾನ ಮಾಡಿದ ಬದುಕು ಸಾರ್ಥಕ ಸಾಫಲ್ಯ ಎನಿಸಿದೆ. ಭವಿಷ್ಯದ ಶೈಕ್ಷಣಿಕ ಕ್ಷೇತ್ರದಲ್ಲಿ ಅತ್ಯುನ್ನತ ಸಾಧನೆಗೈಯಲು ಹಲವಾರು ಯೋಜನೆಗಳನ್ನು ಹಮ್ಮಿಕೊಂಡಿದ್ದಾರೆ. ಅವುಗಳಲ್ಲಿ ತಾಂತ್ರಿಕ ಕೌಶಲ್ಯದ ಕೋರ್ಸ್‌ ಹಾಗೂ ಮೆಡಿಕಲ್ ಕೋರ್ಸ್‌ಗಳಿಗಾಗಿ ಪ್ರತ್ಯೇಕ ಖಾಸಗಿ ವಿಶ್ವವಿದ್ಯಾಲಯವನ್ನು ಅತಿ ಶೀಘ್ರದಲ್ಲಿ ಆರಂಭಿಸಲಿದ್ದಾರೆ. ಒಟ್ಟಾರೆ ವಿಶ್ವ ಶೈಕ್ಷಣಿಕ ಭೂಪಟದಲ್ಲಿ ಬೆಂಗಳೂರಿನ ನ್ಯೂ ಬಾಲ್ಡ್ ವಿನ್ ವಸತಿ ಶಾಲೆ ತನ್ನ ಯಶಸ್ಸಿನ ನಾಗಾಲೋಟವನ್ನು ಮುಂದುವರಿಸುತ್ತಾ ಮುನ್ನಡೆಯತ್ತ ಸಾಗಿದೆ.
ನ್ಯೂ ಬಾಲ್ಡ್ ವಿನ್ ಅಂತಾರಾಷ್ಟ್ರೀಯ ವಸತಿ ಶಾಲೆ, ಬೂದಿಗೆರೆ ರಸ್ತೆ, ಮಂಡೂರು, ಬೆಂಗಳೂರು-560 049.
