ಅಡ್ವಾನ್ಸ್ಡ್ ಹೇರ್‌ ಕಟಿಂಗ್‌, 3D ಹೈಲೈಟಿಂಗ್‌, ಕೆರಾಟಿನ್‌ ಸ್ಮೂಥ್‌ನಿಂಗ್‌ ಟ್ರೀಟ್‌ಮೆಂಟ್‌, ಟೆಂಪರರಿ ರೋಲರ್‌ ಸೆಟಿಂಗ್ ಇತ್ಯಾದಿಗಳ ಬಗ್ಗೆ ವಿವರವಾಗಿ ತಿಳಿಯೋಣವೇ?
ಅಡ್ವಾಸ್ಡ್ ಹೇರ್‌ ಕಟ್ ಇದರಲ್ಲಿ ಹಲವು ಬಗೆ ಉಂಟು. ಅಂದ್ರೆ ಡೈಮಂಡ್‌ ಕಟ್, ಲಾಂಗ್‌ ಹೇರ್‌ ಕಟ್, ಗ್ರಾಜುಯೇಷನ್‌ ಕಟ್ ಇತ್ದಾದಿ. ಇದರಲ್ಲಿ ಕೂದಲನ್ನು 4 ವಿಭಾಗ ಮಾಡಿ ಕಿವಿಯಿಂದ ಕಿವಿಗೆ ಪಾರ್ಟಿಂಗ್‌ ಮಾಡುತ್ತಾರೆ. ನಂತರ ಅದರಲ್ಲಿ ಮಲ್ಟಿ ಲೇಯರಿಂಗ್‌ ಮಾಡಲಾಗುತ್ತದೆ. ಇದಾದ ಮೇಲೆ ಟೆಕ್ಸ್ ಚರೈಸಿಂಗ್‌ ಮಾಡುತ್ತಾರೆ. ಇದರಿಂದಾಗಿ ಲೈಟ್‌ ಆದ ಕೂದಲು ಸಹ ಹೆವಿ ಎನಿಸುತ್ತದೆ, ಅದರಲ್ಲಿ ಹೆಚ್ಚಿನ ಬೌನ್ಸ್ ಬರುತ್ತದೆ.
3D ಹೈಲೈಟಿಂಗ್‌
ಇದರಲ್ಲಿ ಮೊದಲು ಕೂದಲನ್ನು ಪ್ರಿವೈಂಟ್‌ ಮಾಡುತ್ತಾರೆ. ಅದಾದ ಮೇಲೆ 3D (ರೆಡ್‌, ಗ್ರೀನ್‌, ಬ್ಲೂ ತರಹ 3 ಬಗೆಯ ಬಣ್ಣ ಬೆರೆಸುತ್ತಾರೆ) ಹೈಲೈಟಿಂಗ್‌ ಮಾಡುತ್ತಾರೆ. ಇದರಿಂದಾಗಿ ಕೂದಲು ಸ್ಟೈಲಿಶ್‌ಅಟ್ರಾಕ್ಟಿವ್ ಎನಿಸುತ್ತದೆ.
ಕೆರಾಟಿನ್‌ ಸ್ಮೂಥಿಂಗ್‌ ಟ್ರೀಟ್‌ಮೆಂಟ್‌
ಈ ಟ್ರೀಟ್‌ಮೆಂಟ್‌ನಲ್ಲಿ ಎಲ್ಲಕ್ಕೂ ಮೊದಲು ಕೂದಲಿಗೆ ಶ್ಯಾಂಪೂ ಮಾಡುತ್ತಾರೆ. ಇದಾದ ಮೇಲೆ ಅದನ್ನು 80% ಒಣಗಿಸಲಾಗುತ್ತದೆ. ನಂತರ ಕೂದಲಿಗೆ ಸೆಕ್ಷನ್‌ ಟು ಸೆಕ್ಷನ್‌ ಟ್ರೀಟ್‌ಮೆಂಟ್‌ ಅಪ್ಲೈ ಮಾಡಿ, 45 ನಿಮಿಷ ಹಾಗೇ ಬಿಡುತ್ತಾರೆ. ಇದಾದ ಮೇಲೆ 100% ಬ್ಲೋ ಡ್ರೈ ಮಾಡುತ್ತಾರೆ. ನಂತರ ಫೈನ್‌ ಫೈನಾದ ಅಂದ್ರೆ ಅತಿ ತೆಳು ಸೆಕ್ಷನ್‌ ತೆಗೆದುಕೊಂಡು ಐರನಿಂಗ್ ಮಾಡಲಾಗುತ್ತದೆ. ಅಮೇಲೆ ಕ್ಲೈಂಟ್‌ನ್ನು 2 ದಿನಗಳ ನಂತರ ಕರೆದು, ಶ್ಯಾಂಪೂ ಮಾಡಿ, ಕಂಡೀಶನರ್‌ ಮತ್ತು ಮಾಸ್ಕ್ ಹಾಕುತ್ತಾರೆ. ನಂತರ ಕೋಲ್ಡ್ ಡ್ರೈಯರ್‌ನಿಂದ ಒಣಗಿಸಿ, ಸೀರಮ್ ಹಚ್ಚುತ್ತಾರೆ. ಇದು ಕೂದಲನ್ನು 30%ವರೆಗೂ ಸ್ಟ್ರೇಟ್ ಮಾಡುತ್ತದೆ ಹಾಗೂ ರಿಪೇರಿಂಗ್‌ ಕೆಲಸವನ್ನೂ ಮಾಡುತ್ತದೆ.
ಎಚ್ಚರಿಕೆ : ಯಾವುದೇ ಉತ್ತಮ ಕಂಪನಿಯ ಶ್ಯಾಂಪೂ ಮತ್ತು ಕಂಡೀಶನರ್‌ನ್ನು ಮಾತ್ರವೇ ಬಳಸಬೇಕು, ಆಗ ಮಾತ್ರ ಹೆಚ್ಚು ಕಾಲ ಕೂದಲನ್ನು ಸ್ಟ್ರೇಟ್ ಆಗಿರಿಸಲು ಸಾಧ್ಯ.
ಓಲಾ ಪ್ಲೇಕ್ಸ್
ಇದರಲ್ಲಿ ಕಲರ್ಡ್‌ ರೀಬೌಂಡಿಂಗ್‌ ಮಾಡಲಾದ ಕೂದಲಿಗೆ ಟ್ರೀಟ್‌ಮೆಂಟ್‌ ನೀಡಿ ಅದನ್ನು ಸ್ಮೂಥ್‌ಸಿಲ್ಕಿ ಮಾಡಲಾಗುತ್ತದೆ.
ಟೆಂಪರರಿ ರೋಲರ್‌ ಸೆಟಿಂಗ್
ಕೂದಲಿಗೆ ಮೊದಲೇ ಹೇರ್‌ ಸ್ಪ್ರೇ ಹಾಕುತ್ತಾರೆ. ನಂತರ ಸೆಕ್ಷನ್‌ ಟು ಸೆಕ್ಷನ್‌ ರೋಲರ್‌ ಹಾಕುತ್ತಾರೆ. ಇದರಿಂದಾಗಿ ಸ್ಟ್ರೇಟ್ ಕೂದಲು ಗುಂಗುರು ಹಾಗೂ ಹೆವಿ ಆಗಿಬಿಡುತ್ತದೆ.
3D ಬೇಬಿ ಲಾಂಗ್‌ ಬ್ರೆಡ್‌ ಹೇರ್‌ ಡೂ
ಈ ಹೇರ್‌ ಸ್ಟೈಲ್ ಆರಂಭಿಸಿದ ನಂತರ ಮುಂದೆ ಪಫ್‌ ಆಗಿ ಮುಂದುವರಿಯುತ್ತದೆ. ಅದಾದ ಮೇಲೆ ಅದಕ್ಕೆ 3D ಲೇಯರ್‌ ತೆಗೆದು, ಕೆಲವು ಕೂದಲನ್ನು ಫ್ರಂಟ್‌ ಸ್ಟೈಲಿಂಗ್‌ಗಾಗಿ ಬಿಡುತ್ತಾರೆ. ಹಿಂದುಳಿದ ಬಾಕಿ ಕೂದಲನ್ನು ಒಂದಾದ ಮೇಲೆ ಒಂದರಂತೆ ಲೇಯರ್‌ ತೆಗೆದು ಅದರಿಂದ ಕರ್ಲ್ಸ್ ನಂಥ ಆಕಾರ ಕೊಡುತ್ತಾರೆ. ಪರಸ್ಪರ ಒಂದರ ಮೇಲೆ ಒಂದನ್ನು ಈ ರೀತಿಯಲ್ಲಿ ಅಲಂಕರಿಸಿ ನೀವು ಬ್ಯೂಟಿಫುಲ್ ಹೇರ್‌ ಡೂ ಮಾಡಿಸಬಹುದು. ಕೊನೆಯಲ್ಲಿ ನಿಮ್ಮಿಷ್ಟದ ಹೇರ್‌ ಆ್ಯಕ್ಸೆಸರೀಸ್‌ ಯಾ ಹೇರ್‌ ಜ್ಯೂವೆಲರಿಯಿಂದ ಇದನ್ನು ಅಲಂಕರಿಸಿ. ಕರ್ಲ್ ನಡುವಿನ ಖಾಲಿ ಜಾಗವನ್ನು ಆ್ಯಕ್ಸೆಸರೀಸ್‌ ಅಳವಡಿಸಿ ಅದನ್ನು ಇನ್ನಷ್ಟು ಮನಮೋಹಕ ಮಾಡಬಹುದು.
ಪ್ಯಾಟರ್ನ್ಡ್ ಹೈ ಬನ್‌ ವಿತ್‌ ರೋಸ್‌
ಎಲ್ಲಕ್ಕೂ ಮೊದಲು ಕೂದಲಿನ ಮಧ್ಯದಿಂದ ಕಿವಿಯಿಂದ ಕಿವಿಗೆ ಪಾರ್ಟಿಶನ್‌ ಮಾಡಿ, ಮುಂದಿನ ಭಾಗದ ಕೂದಲನ್ನು ಹಾಗೇ ಬಿಡುತ್ತಾರೆ. ನಂತರ ಹಿಂಭಾಗದ ಕೂದಲನ್ನು ತೆಗೆದುಕೊಂಡು ತಲೆಯ ಮೇಲ್ಭಾಗಕ್ಕೆ ಒಂದು ಎತ್ತರದ ಪೋನಿ ಮಾಡಿಕೊಳ್ಳುತ್ತಾರೆ. ಆ ಕೂದಲಿನಿಂದ 4 ಭಾಗ ಮಾಡಿ ಒಂದು ಕ್ರಾಸ್‌ನ ಆಕಾರ ನೀಡುತ್ತಾರೆ. ಇದರ ಮೇಲೆ ಒಂದು ದೊಡ್ಡ ಡೋನಟ್‌ ಹಾಗೂ ಒಂದು ಚಿಕ್ಕ ಡೋನಟ್‌ ಬರುವಂತೆ ಮಾಡಿಕೊಂಡು ಪಿನ್‌ ಅಪ್‌ ಮಾಡುತ್ತಾರೆ. ಮತ್ತೆ 4 ಭಾಗಗಳಿಂದ ಒಂದು ಭಾಗವನ್ನು ತೆಗೆದುಕೊಂಡು ಒಂದು ರೋಸ್‌ (ಮೇಲಿನ ಚಿತ್ರ ಗಮನಿಸಿ) ಬರುವಂತೆ ಮಾಡುತ್ತಾರೆ. ಅದಾದ ಮೇಲೆ ಇದರಲ್ಲಿ ಒಂದು ಕರ್ಲ್ ಬರಿಸಿ, ಆ ಭಾಗವನ್ನು ರೋಸ್‌ ಕೆಳಗೆ ಕೊಂಡೊಯ್ಯುತ್ತಾರೆ. ಇದೇ ತರಹ ಬಾಕಿ ಉಳಿದ 3 ಭಾಗಗಳಿಗೂ ಮಾಡುತ್ತಾರೆ. ಮುಂಭಾಗದ ಕೂದಲಿಗೆ ನೀಡಲ್ ನೆರವಿನಿಂದ 3 ಭಾಗ ಮಾಡಿ 3D ಲೇಯರಿಂಗ್‌ ತೆಗೆದು, ಕ್ಲಿಪ್ಸ್ ನೆರವಿನಿಂದ ಅದಕ್ಕೆ ಒಂದು ನಿರ್ಧಾರಿತ ಆಕಾರ ನೀಡುತ್ತಾರೆ. ಈ ರೀತಿ ನಿಮ್ಮ ಮೆಚ್ಚಿನ ಹೇರ್‌ ಡೂ ಮಾಡಿಸಿಕೊಂಡು ಪಾರ್ಟಿ ಅಟೆಂಡ್‌ಮಾಡಿ!
– ಜಿ. ಪಂಕಜಾ
