ನಿಮ್ಮ ಆದಾಯ ಹಾಗೂ ಅಗತ್ಯಕ್ಕೆ ಅನುಸಾರ ಯಾವ ರೀತಿಯ ಫಂಡ್‌ ನಲ್ಲಿ ಹೂಡಿಕೆ ಸರಿ ಎಂಬುದರ ಬಗ್ಗೆ ನಾವು ನಿಮಗೆ ತಿಳಿಸುತ್ತೇವೆ……..!
ಇಂದಿನ ದಿನಗಳಲ್ಲಿ ಮ್ಯೂಚ್ಯುವಲ್ ಫಂಡ್‌ ಹೂಡಿಕೆಯು ಒಂದು ವಿಧಾನವಾಗುತ್ತಿದೆ. ಮ್ಯೂಚ್ಯುವಲ್ ಫಂಡ್‌ ಗೆ ನಾವು `ಪರಸ್ಪರ ನಿಧಿ’ ಎಂದು ಅರ್ಥ ಕೊಡಬಹುದು. ಆದರೆ ಅದು `ಮ್ಯೂಚ್ಯುವಲ್ ಫಂಡ್‌’ ಎಂಬ ಹೆಸರಿನಿಂದ ಹೆಚ್ಚು ಜನಜನಿತವಾಗಿದೆ. ಮ್ಯೂಚ್ಯುವಲ್ ಫಂಡ್‌ ಒಂದು ರೀತಿಯ ಸಾಮೂಹಿಕ ಹೂಡಿಕೆಯಾಗಿದೆ. ಹೂಡಿಕೆದಾರರ ಸಮೂಹ ಸೇರಿಕೊಂಡು ಸ್ಟಾಕ್‌, ಅಲ್ಪಾವಧಿಯ ಹೂಡಿಕೆ ಅಥವಾ ಇತರೆ ಸೆಕ್ಯೂರಿಟೀಸ್‌ ಗಳಲ್ಲಿ ಹೂಡಿಕೆ ಮಾಡುತ್ತದೆ.
ಯುಟಿಐ ಎಎಂಪಿ ಭಾರತದ ಅತ್ಯಂತ ಹಳೆಯ ಮ್ಯೂಚ್ಯುವಲ್ ಫಂಡ್‌ ಕಂಪನಿಯಾಗಿದೆ. ಮ್ಯೂಚ್ಯುವಲ್ ಫಂಡ್‌ ನಲ್ಲಿ ಒಬ್ಬರು ಫಂಡ್‌ ಮ್ಯಾನೇಜರ್‌ ಇರುತ್ತಾರೆ. ಅವರು ಫಂಡ್‌ ನ ಹೂಡಿಕೆದಾರರನ್ನು ನಿರ್ಧರಿಸುತ್ತಾರೆ. ಅಷ್ಟೇ ಅಲ್ಲ, ಲಾಭ ಹಾಗೂ ಹಾನಿಯ ಲೆಕ್ಕಪತ್ರ ಇಡುತ್ತಾರೆ. ಈ ರೀತಿಯಲ್ಲಿ ಆದ ಲಾಭ ಹಾಗೂ ಹಾನಿಯನ್ನು ಹೂಡಿಕೆದಾರರಲ್ಲಿ ಹಂಚಿಕೆ ಮಾಡುತ್ತಾರೆ.
ಮ್ಯೂಚ್ಯುವಲ್ ಫಂಡ್‌ ನ ಮುಖಾಂತರ ಕೇವಲ ಈಕ್ವಿಟಿ ಅಥವಾ ಷೇರು ಮಾರುಕಟ್ಟೆಯಲ್ಲಷ್ಟೇ ಅಲ್ಲ ಡೇಟ್‌, ಗೋಲ್ಡ್ ಹಾಗೂ ಕಮಾಡಿಟಿಯಲ್ಲೂ ಹೂಡಿಕೆ ಮಾಡುತ್ತಾರೆ. ನಿಮಗೆ ಷೇರು ಮಾರುಕಟ್ಟೆಯ ಬಗ್ಗೆ ಹೆಚ್ಚು ತಿಳಿವಳಿಕೆ ಇರದಿದ್ದರೆ ಅಥವಾ ಅದರಲ್ಲಿ ಹೂಡಿಕೆ ಮಾಡಿದ ಹಣದ ಸ್ಥಿತಿಗತಿಯ ಬಗ್ಗೆ ತಿಳಿದುಕೊಳ್ಳಲು ಸಮಯ ಹೊಂದಾಣಿಕೆ ಮಾಡಿಕೊಳ್ಳಲು ಆಗದಿದ್ದಲ್ಲಿ, ಮ್ಯೂಚ್ಯುವಲ್ ಫಂಡ್‌ ನಿಶ್ಚಿತವಾಗಿಯೂ ನಿಮಗೆ ಒಂದು ಉತ್ತಮ ವೇದಿಕೆಯಾಗಿದೆ.
ಮ್ಯೂಚ್ಯುವಲ್ ಫಂಡ್‌ ನ ಸಂಚಾಲಕರು ಎಲ್ಲ ಹೂಡಿಕೆದಾರರ ಹಂಚಿಕೆ ಮೊತ್ತವನ್ನು ಒಟ್ಟುಗೂಡಿಸುತ್ತಾರೆ ಹಾಗೂ ಅವರಿಂದ ಒಂದಿಷ್ಟು ಸೇವಾ ಶುಲ್ಕ ಪಡೆಯುತ್ತಾರೆ. ಬಳಿಕ ಅವರ ಮೊತ್ತವನ್ನು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುತ್ತಾರೆ. ಅವುಗಳಲ್ಲಿ ಹೂಡಿಕೆ ಮಾಡುವುದರ ಲಾಭ ಏನಾಗುತ್ತದೆ? ಹೂಡಿಕೆದಾರರು ಅದರ ಬಗ್ಗೆ ಚಿಂತೆ ಮಾಡುವ ಅಗತ್ಯ ಉಂಟಾಗುವುದಿಲ್ಲ. ಯಾವಾಗ ಷೇರು ಖರೀದಿಸಬೇಕು? ಯಾವಾಗ ಮಾರಾಟ ಮಾಡಬೇಕು ಎನ್ನುವುದನ್ನು ಫಂಡ್‌ ಮ್ಯಾನೇಜರ್‌ ನಿರ್ಧರಿಸುತ್ತಾರೆ.
ಇದರ ಒಂದು ಲಾಭ ಏನೆಂದರೆ, ಚಿಕ್ಕ ಹೂಡಿಕೆದಾರರು ಅತ್ಯಂತ ಕಡಿಮೆ ಮೊತ್ತ ಅಂದರೆ ಪ್ರತಿ ತಿಂಗಳಿಗೆ 100 ಯೂನಿಟ್ ಹೂಡಿಕೆ ಮಾಡಬಹುದು. ಇಂತಹದರಲ್ಲಿ ಅವರು ಸಿಸ್ಟಮ್ಯಾಟಿಕ್‌ ಇನ್‌ ವೆಸ್ಟ್ ಮೆಂಟ್‌ ಪ್ಲಾನ್‌ ತೆಗೆದುಕೊಳ್ಳಬೇಕಾಗುತ್ತದೆ. ಅದರಲ್ಲಿ ಬ್ಯಾಂಕ್‌ ನಿಂದ ಈ ಮೊತ್ತ ಪ್ರತಿ ತಿಂಗಳು ಫಂಡ್‌ ಗೆ ವರ್ಗಾವಣೆ ಆಗುತ್ತಿರುತ್ತದೆ.
ಪ್ರತಿಯೊಬ್ಬ ವ್ಯಕ್ತಿಗೂ ತನ್ನದೇ ಆದ ಹೂಡಿಕೆ ಧ್ಯೇಯಗಳಿರುತ್ತವೆ. ಉದಾಹರಣೆಗೆ ನಿವೃತ್ತಿ, ಮಕ್ಕಳ ಮದುವೆ, ರಜೆಗಳಲ್ಲಿ ಪ್ರವಾಸ, ಸ್ವಂತ ಮನೆ ಖರೀದಿ, ಕಾರು ಖರೀದಿ, ತಮ್ಮದೇ ಆದ ವ್ಯಾಪಾರ ಆರಂಭಿಸುವುದು ಈ ಎಲ್ಲ ಗುರಿಗಳನ್ನು ಪೂರ್ತಿಗೊಳಿಸಲು ಹಣ ಹಾಗೂ ಸಮಯ ಬೇಕು. ಅದಕ್ಕಾಗಿ ನೀವು 5-10 ವರ್ಷ ಸಮಯ ಕೊಟ್ಟರೆ, ಅವು ನಿಮಗೆ ಖಂಡಿತವಾಗಿಯೂ ಲಾಭ ಕೊಡುತ್ತವೆ. ನಿಮ್ಮ ಪ್ರತಿಯೊಂದು ಧ್ಯೇಯ ಈಡೇರಿಸಿಕೊಳ್ಳಲು ನೀವು ಬೇರೆ ಬೇರೆ ಮ್ಯೂಚ್ಯುವಲ್ ಫಂಡ್‌ ಗಳಲ್ಲಿ ಹೂಡಿಕೆ ಮಾಡಬೇಕಾದ ಅವಶ್ಯಕತೆ ಇದೆ.
ಮ್ಯೂಚ್ಯುವಲ್ ಫಂಡ್‌ ಗಳು 7 ಬಗೆಗಳದ್ದಾಗಿದ್ದು, ಅವುಗಳಲ್ಲಿ 6 ಪ್ರಕಾರದ ಫಂಡ್‌ ಗಳು ಸೂಕ್ತವಾಗಿವೆ. ಅವು ಕೆಳಕಂಡಂತಿವೆ.
ಈಕ್ವಿಟಿ ಫಂಡ್‌ : ಇದರಲ್ಲಿ ಹೂಡಿಕೆ ಮಾಡಲಾದ ಹೆಚ್ಚಿನ ಭಾಗವನ್ನು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಷೇರು ಮಾರುಕಟ್ಟೆಯ ಅಪಾಯಗಳನ್ನು ಎದುರಿಸಲು ಯಾರು ಸಿದ್ಧರಿರುತ್ತಾರೊ, ಅರಿಗೆ ಇದು ಸೂಕ್ತ. ಏಕೆಂದರೆ ಈಕ್ವಿಟಿ ಫಂಡ್‌ ನಲ್ಲಿ ಲಾಭ ಹೆಚ್ಚಿಗೆ ಇರುತ್ತದೆ. ಅದರಲ್ಲಿ ರಿಸ್ಕ್ ಕೂಡ ಇರುತ್ತದೆ. ಹೆಚ್ಚಿನ ಈಕ್ವಿಟಿ ಫಂಡ್‌ ನಲ್ಲಿ ಕಂಪನಿಗಳ ಮಾರ್ಕೆಟ್‌ ಕ್ಯಾಪಿಟೈಸೇಷನ್‌ ಪ್ರಕಾರ ಹೂಡಿಕೆ ಮಾಡಲಾಗುತ್ತದೆ. ಸರಳ ಶಬ್ದಗಳಲ್ಲಿ ಹೇಳಬೇಕೆಂದರೆ, ಯಾವ ಮೊತ್ತವನ್ನು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲಾಗುತ್ತದೊ ಅದನ್ನು `ಈಕ್ವಿಟಿ ಫಂಡ್ಸ್’ ಎಂದು ಹೇಳಲಾಗುತ್ತದೆ.
ಡೇಟ್‌ ಫಂಡ್‌ : ಇದು ಎಂತಹ ಮ್ಯೂಚ್ಯುವಲ್ ಫಂಡ್‌ ಎಂದರೆ, ಇದನ್ನು ಮುಖ್ಯವಾಗಿ ಫಿಕ್ಸೆಡ್‌ ಇನ್‌ ಕಮ್ ಸೆಕ್ಯೂರಿಟೀಸ್‌, ಗವರ್ನಮೆಂಟ್‌ ಸೆಕ್ಯೂರಿಟೀಸ್‌, ಕಾರ್ಪೊರೇಟ್‌ ಬಾಂಡ್, ಸರ್ಟಿಫಿಕೇಟ್‌ ಆಫ್‌ ಡೆಪಾಸಿಟ್‌ ಮುಂತಾದವುಗಳಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಸರ್ಕಾರ ಮತ್ತು ಖಾಸಗಿ ಕಂಪನಿಗಳು ತಮ್ಮ ತಮ್ಮ ವಿಭಿನ್ನ ಯೋಜನೆಗಳಿಗಾಗಿ ಬಿಲ್‌ಹಾಗೂ ಬಾಂಡ್ ಗಳನ್ನು ಜಾರಿಗೊಳಿಸುತ್ತವೆ. ನೀವು ಡೇಟ್‌ ಫಂಡ್‌ ಗಳನ್ನು ಖರೀದಿಸುವುದೆಂದರೆ, ನೀವು ಆ ಕಂಪನಿಗೆ ಸಾಲ ಕೊಟ್ಟಂತೆ. ಯಾರು ಹೆಚ್ಚು ರಿಸ್ಕ್ ತೆಗೆದುಕೊಳ್ಳಲು ಸಿದ್ಧರಿರುವುದಿಲ್ಲವೋ, ಅವರಿಗೆ ಇದು ಸೂಕ್ತ. ಇದರಲ್ಲಿ ರಿಟರ್ನ್‌ ಕೂಡ ಹೆಚ್ಚಿಗೆ ಇರುತ್ತದೆ. 1 ರೀತಿ 3 ತಿಂಗಳು ಅಥವಾ 15 ವರ್ಷ ಹೂಡಿಕೆ ಮಾಡಲು ಸಿದ್ಧರಿರುವವರಿಗೆ ಇದು ಸೂಕ್ತ.
ಬ್ಯಾಲೆನ್ಸ್ ಅಥವಾ ಹೈಬ್ರಿಡ್‌ ಫಂಡ್‌ : ಹೈಬ್ರಿಡ್‌ ಬಾಂಡ್ ಕಾಮನ್‌ ಸ್ಟಾಕ್‌, ಬಾಂಡ್ ಹಾಗೂ ಅಲ್ವಾವಧಿ ಬಾಂಡ್ ಆಗಿರುತ್ತದೆ. ಇದರಲ್ಲಿ ರಿಸ್ಕ್ ಕಡಿಮೆ ಹಾಗೂ ಹೆಚ್ಚಿನ ಹೂಡಿಕೆದಾರರ ಸಂರಕ್ಷಣೆಯ ಖಚಿತತೆ ಇರುತ್ತದೆ. ಅಗ್ರೆಸಿವ್ ಬ್ಯಾಲೆನ್ಸ್ ಫಂಡ್‌, ಕನ್ಸರ್ ವೇಟಿವ್ ಬ್ಯಾಲೆನ್ಸ್ ಫಂಡ್‌, ಪೆಲೆನ್ಶನ್‌ ಫಂಡ್‌, ಚೈಲ್ಡ್ ಫಂಡ್‌ ಮತ್ತು ಮಾಸಿಕ ಆದಾಯ ಯೋಜನೆ ಇದರ ಉದಾಹರಣೆಗಳು ಗಿಲ್ಟ್ ಫಂಡ್‌ : ಇದು ಅತ್ಯಂತ ಸುರಕ್ಷಿತ ಫಂಡ್‌ ಎಂದು ಭಾವಿಸಲಾಗುತ್ತದೆ. ಇದರಲ್ಲಿ ಕಂಪನಿ, ಹೂಡಿಕೆದಾರರಿಂದ ಪಡೆದ ಮೊತ್ತವನ್ನು ಸರ್ಕಾರ, ಸರ್ಕಾರಿ ಯೋಜನೆಗಳಲ್ಲಿ ಹೂಡಿಕೆ ಮಾಡುತ್ತದೆ. ಇದರಲ್ಲಿ ಸರ್ಕಾರದ ಖಾತ್ರಿ ಇರುವುದರಿಂದ ಹಣ ಕಳೆದುಕೊಳ್ಳುವ ಭೀತಿ ಇರುವುದಿಲ್ಲ.
ಮನಿ ಮಾರ್ಕೆಟ್‌ ಫಂಡ್‌ : ಈ ಫಂಡ್‌ ಅಲ್ಪಕಾಲಿಕ ಫಿಕ್ಸ್ಡ್ ಆದಾಯ ಸೆಕ್ಯೂರಿಟೀಸ್‌ ಅಂದರೆ ಸರ್ಕಾರಿ ಬಾಂಡ್ ಗಳು, ಟ್ರೆಷರಿ ಬಿಲ್‌, ಬ್ಯಾಂಕರ್‌ ಗಳ ಸ್ವೀಕೃತಿ, ವಾಣಿಜ್ಯ ಪತ್ರ ಹಾಗೂ ಜಮಾ ಪ್ರಮಾಣ ಪತ್ರಗಳಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಅದು ಸಾಮಾನ್ಯವಾಗಿ ಸುರಕ್ಷಿತವಾಗಿರುತ್ತದೆ. ಆದರೆ ಬೇರೆ ಫಂಡ್‌ ಗಳಿಗೆ ಹೋಲಿಸಿದಲ್ಲಿ ಇದರಲ್ಲಿ ಸ್ವಲ್ಪ ಕಡಿಮೆ ರಿಟರ್ನ್‌ ದೊರಕುತ್ತದೆ.
ಲಿಕ್ವಿಡ್‌ ಫಂಡ್‌ : ಈ ಯೋಜನೆಗಳ ಪ್ರಕಾರ, ಹಣವನ್ನು ಮುಖ್ಯವಾಗಿ, ಅತ್ಯಲ್ಪ ಅವಧಿಗೆ ಅಂದರೆ 91 ದಿನಗಳ ಅವಧಿಗೆ ಹೂಡಿಕೆ ಮಾಡಲಾಗುತ್ತದೆ. ಕಡಿಮೆ ಅವಧಿಯಲ್ಲಿ ಉತ್ತಮ ರಿರ್ಟನ್ಸ್ ನೀಡುತ್ತದೆ.
– ಮನೋಹರ್‌
