ಇಡೀ ದಿನ ದುಡಿದು, ದಣಿದು ಮನೆ ತಲುಪಿದಾಗ ಯಾರಿಗೆ ತಾನೇ 2 ಘಳಿಗೆ ವಿಶ್ರಾಂತಿ ಬೇಕು ಎನಿಸುವುದಿಲ್ಲ? ಮನೆ ಎಂದರೆ ಖುಷಿ, ಸಕಾರಾತ್ಮಕತೆಯ ತಾಣ. ಹೀಗಿರುವಾಗ ನಮ್ಮ ದೈನಂದಿನ ಜೀವನದಲ್ಲಿ ಬೆಳಕಿನ ವ್ಯವಸ್ಥೆ ಬಲು ಮುಖ್ಯ ಅಲ್ಲವೇ? ನಾವು ನಮ್ಮ ಮನೆಗೆ ಸೂಕ್ತ ಲೈಟಿಂಗ್‌ ಅರೇಂಜ್‌ ಮೆಂಟ್ ಮಾಡಿಸಿರಬೇಕಲ್ಲವೇ? ಹೌದು ಎಂದಾದರೆ ಏಕೆ? ಈ ಕುರಿತಾಗಿ ದೇಶದ ಖ್ಯಾತ ಇಂಟೀರಿಯರ್‌ ಡಿಸೈನರ್ಸ್‌ ಸಲಹೆ ಏನು? ಮನೆಯ ಯಾವುದೇ ಮೂಲೆಗೆ ಹೋದರೂ ನಿಮಗೆ ಧಾರಾಳ ಸಕಾರಾತ್ಮಕತೆಯ ಶಕ್ತಿ ತುಂಬಿಕೊಂಡಿದೆ ಎಂಬ ಅನುಭವವಾದರೆ, ನಿಮ್ಮ ಮೂಡ್‌ ತಂತಾನೇ ರೀಫ್ರೆಶ್‌ ಆಗುತ್ತದೆ. ಆಗ ಮನದಲ್ಲಿ ಮೂಡುವ ಪ್ರಶ್ನೆ ಎಂದರೆ, ಈ ರೀತಿ ಆಗಲು ಕಾರಣವೇನು? ಇದನ್ನು ಗ್ರಹಿಸಲು ಆಗದಿದ್ದರೆ ನೀವು ಈ ಅನುಭವವನ್ನೇ `ಪಾಸಿಟಿವ್‌ ಎನರ್ಜಿ’ ಎಂದು ಅರ್ಥೈಸುವಿರಿ. ಆದರೆ ಮುಂದಿನ ಸಲ ನಿಮಗೆ ಇಂಥದ್ದೇ ಅನುಭವವಾದರೆ, ಕೋಣೆಯ ಬೆಳಕಿನ ವ್ಯವಸ್ಥೆಯತ್ತ ಸೂಕ್ಷ್ಮವಾಗಿ ಗಮನಹರಿಸಿ.
ಗುಡ್‌/ ಬ್ಯಾಡ್‌ ಲೈಟಿಂಗ್‌ ಎಫೆಕ್ಟ್ಸ್
ನಮಗೆಲ್ಲರಿಗೂ ಗೊತ್ತಿರುವ ವಿಷಯ ಎಂದರೆ ಅಸಮರ್ಪಕ ಲೈಟಿಂಗ್‌ ವ್ಯವಸ್ಥೆಯಿಂದ ಓದಿ ಬರೆಯಲು ಕಷ್ಟವಾಗುತ್ತದೆ ಎಂಬುದು. ಇದರರ್ಥ ಕಂಗಳ ಮೇಲೆ ಒತ್ತಡ ಹೇರಿದಂತಾಗುತ್ತದೆ. ಅದೇ ತರಹ ಕಣ್ಣು ಚುಚ್ಚು ಬೆಳಕಿದ್ದರೂ, ಕಂಗಳಿಗೆ ಹಾನಿ ತಪ್ಪಿದ್ದಲ್ಲ. ಈ ಎರಡೂ ಸ್ಥಿತಿಗಳೂ ನಮ್ಮ ಕಂಗಳಿಗೆ ಪ್ರತಿಕೂಲ ಪರಿಣಾಮವನ್ನೇ ಬೀರುತ್ತವೆ. ಈ ತರಹದ ದೋಷಪೂರ್ಣ ಬೆಳಕಿನ ವ್ಯವಸ್ಥೆ, ಡಿಸೈನರ್‌ ಹೌಸ್‌ ಗಳಲ್ಲಿ ದೀರ್ಘಕಾಲ ಉಳಿದರೆ, ಅದು ನಮ್ಮ ಆರೋಗ್ಯಕ್ಕೆ ಎಂದೂ ಹಿತಕರವಲ್ಲ, ಇದರಿಂದ ತೊಂದರೆ ತಪ್ಪಿದ್ದಲ್ಲ. ಈ ಕಾರಣದಿಂದಲೇ ನಮ್ಮ ಮನೆ ಹಾಗೂ ಆಫೀಸ್‌ ಏರಿಯಾಗಳಲ್ಲಿ ಅತಿ ಸೂಕ್ತ ಲೈಟಿಂಗ್‌ ವ್ಯವಸ್ಥೆ ಇರಲೇಬೇಕು.
ಲೈಟಿಂಗ್‌ ನ ಅವಶ್ಯಕತೆ
ಲೈಟಿಂಗ್‌ ಪ್ರಮಾಣವನ್ನು `ಲಕ್ಸ್’ ಎಂಬ ಮಾಪಕದಿಂದ ಅಳೆಯುತ್ತಾರೆ. ಒಂದು ಮನೆಯಲ್ಲಿ ಪ್ರತಿ ಕೋಣೆಯಲ್ಲೂ ಇಂತಿಷ್ಟೇ ಪ್ರಮಾಣದ ಲಕ್ಸ್ ಬೆಳಕು ಇರಬೇಕೆಂಬ ನಿಯಮವಿದೆ. ಹಗಲು ಅಥವಾ ರಾತ್ರಿ, ನಮ್ಮ ಅಗತ್ಯಕ್ಕೆ ತಕ್ಕಂತೆ ಮನೆಯಲ್ಲಿ ಬೆಳಕಿನ ವ್ಯವಸ್ಥೆ ಇರಬೇಕು. ಸರಿಯಾದ ಪ್ರಮಾಣದಲ್ಲಿ ಸೂಕ್ತವಾಗಿ ಮಾಡಿದ ವ್ಯವಸ್ಥೆ ಮಾತ್ರ ಉತ್ತಮ ಪರಿಣಾಮ ನೀಡಬಲ್ಲದು.
ಲೈಟ್‌ ಅರೇಂಜ್‌ ಮೆಂಟ್
ನಾವು ಬೆಳಕಿನ ವ್ಯವಸ್ಥೆ ಬಗ್ಗೆ ಮಾತನಾಡುವಾಗ, ಲೈಟ್‌ ಅರೇಂಜ್‌ ಮೆಂಟ್ ನ ವಿವಿಧ ಹಂತಗಳು ಕಣ್ಮುಂದೆ ಬರುತ್ತದೆ. ಸಾಮಾನ್ಯವಾಗಿ ಜನ ಕಣ್ಣು ಕೊರೈಸುವ ಬೆಳಕನ್ನೇ ಬೆಸ್ಟ್ ಲೈಟಿಂಗ್‌ ಅರೇಂಜ್‌ ಮೆಂಟ್ ಎಂದು ಭಾವಿಸುತ್ತಾರೆ. ಆದರೆ ಪ್ರತಿ ಸಂದರ್ಭದಲ್ಲೂ ಇದರಿಂದ ಉತ್ತಮ ಪ್ರಭಾವ ಸಿಗುತ್ತದೆ ಎಂದೇನಿಲ್ಲ. ಇದನ್ನು ಜನ ಸಾಮಾನ್ಯವಾಗಿ ಗುರುತಿಸುವುದೇ ಇಲ್ಲ ಅಥವಾ ನಮ್ಮ ಸುತ್ತಮುತ್ತಲಿನ ಬೆಳಕಿನ ವ್ಯವಸ್ಥೆಗೆ ಮಹತ್ವವನ್ನೇ ನೀಡುವುದಿಲ್ಲ. ಆದರೆ ಈ ವ್ಯವಸ್ಥೆ ನಮ್ಮ ಮನಃಸ್ಥಿತಿ, ಆರೋಗ್ಯ, ದೃಷ್ಟಿ, ನಮ್ಮ ಸಾಮಾನ್ಯ ಜೀವನದ ಮೇಲೂ ಜಬರ್ದಸ್ಟ್ ಪ್ರಭಾವ ಬೀರುತ್ತದೆ.
ಸಮರ್ಪಕ ವ್ಯವಸ್ಥೆಯಿಂದ ನೀವು ಯಾವ ಕೆಲಸವನ್ನು ಸರಿಯಾಗಿ ಮಾಡಿ ಮುಗಿಸಬೇಕೆಂದು ಬಯಸುವಿರೋ, ಅದಕ್ಕಾಗಿ ಸೂಕ್ತ ಲೈಟ್‌ ಸಿಗುವಂತಿರಬೇಕು.
ಲೈಟ್‌ ಅರೇಂಜ್‌ ಮೆಂಟ್ ಡಿಸೈನ್‌
ಮನೆಯ ಗೃಹಾಲಂಕಾರ ಅಚ್ಚುಕಟ್ಟಾಗಿರಲು, ಅದಕ್ಕೆ ಸಮರ್ಪಕ ಬೆಳಕಿನ ವ್ಯವಸ್ಥೆ ಕಲಾತ್ಮಕವಾಗಿ ಇರಬೇಕು. ಈ ವ್ಯವಸ್ಥೆ ಕೇವಲ ಮನೆಯ ಮೂಲೆ ಮೂಲೆಗೂ ಬೆಳಕನ್ನು ಒದಗಿಸುವುದಷ್ಟೇ ಅಲ್ಲ, ಬದಲಿಗೆ ಲೈಟ್‌ಶೇಡ್ಸ್ ನ ಬ್ಯೂಟಿಫುಲ್ ಮ್ಯಾಚಿಂಗ್ ಆಗಿದೆ. ಮನೆಯ ಲೈಟಿಂಗ್‌ ನ ಲೇಯರಿಂಗ್‌ ಎಲ್ಲಕಿಂತ ಕುಶಲಪೂರ್ವಕ ಆಗಿರಬೇಕು.
ಮೊದಲ ಪದರ ಆ್ಯಂಬಿಯೆಂಟ್‌ ಲೈಟ್‌ ಎನಿಸುತ್ತದೆ. ಇದನ್ನು ಸಾಮಾನ್ಯ ಅಥವಾ ಸುತ್ತಮುತ್ತಲೂ ಹರಡಿಕೊಳ್ಳುವ ಲೈಟ್‌ ಎಂದೂ ಹೇಳಬಹುದು. ಇದನ್ನು ಡೌನ್‌ ಲೈಟ್ಸ್, ಲೀನಿಯರ್‌ ಲೈಟ್ಸ್, ಕೋಲ್ ಲೈಟ್ಸ್ ಅಳವಡಿಸಿ ಪಡೆಯಬಹುದು. ಅಡುಗೆ ಮಾಡಲು, ಶುಚಿತ್ವ ಶುಭ್ರತೆ ಇತ್ಯಾದಿ ನಮ್ಮ ದೈನಂದಿನ ಕೆಲಸಗಳಿಗೆ ಸಾಮಾನ್ಯ ಪ್ರಸಾರಿತ ಬೆಳಕಿನ ವ್ಯವಸ್ಥೆಯ ಅಗತ್ಯ ಇದೆ.
ಇದು ನಮಗೆ ಟೇಬಲ್ ಟಾಪ್‌, ಗೋಡೆ, ಛಾವಣಿ, ನೆಲ ಇತ್ಯಾದಿ ಪದರಗಳ ಮೇಲೆ ಹರಡಿ ಉತ್ತಮ ಬೆಳಕು ಸಿಗುವಂತೆ ಮಾಡುತ್ತದೆ.
ಎರಡನೇ ಪದರ ಆ್ಯಕ್ಸೆಂಟ್‌ ಲೈಟ್‌ ನದು. ಇದನ್ನು ಕಲಾಕೃತಿ, ಗೋಡೆಗಳ ವಿಶೇಷ ಅಲಂಕಾರ, ಒಟ್ಟಾರೆ ಉತ್ತಮ ಗೃಹಾಲಂಕಾರದ ಎಫೆಕ್ಟ್ ಗಾಗಿ ಬಳಸಲಾಗುತ್ತದೆ.
ಟಾಸ್ಕ್ ಲೈಟಿಂಗ್‌
ಅಧಿಕ ಪೋಕಸ್ಡ್ ಅರೇಂಜ್‌ ಮೆಂಟ್ ಗಾಗಿ…. ಇದು ಓದುಬರಹ, ಅಧಿಕ ಹೊತ್ತಿನ ಕಲಿಕೆ, ಸೂಕ್ಷ್ಮ ಡ್ರಾಯಿಂಗ್‌, ಕ್ರಾಫ್ಟ್ ವರ್ಕ್ ಇತ್ಯಾದಿಗಳಿಗೆ ಬಲು ಸಹಕಾರಿ. ನಾವು ಮನೆಯ ಅಚ್ಚುಮೆಚ್ಚಿನ ಜಾಗದಲ್ಲಿ ಹೀಗೆ ಬಹಳ ಹೊತ್ತು ಓದಿನ ಕೆಲಸ ಮಾಡಲು ಬಯಸುತ್ತೇವೆ. ವಯಸ್ಸಾದವರಿಗೆ ಇದೊಂದು ಸ್ಟಡಿ ಕಾರ್ನರ್‌ ಯಾ ಬೆಡ್ ಪ್ಲೇಸ್‌ ಆಗುತ್ತದೆ. ಏಕೆಂದರೆ ಎಷ್ಟೋ ಮಂದಿ ಮಲಗುವ ಮೊದಲು ಒಂದಿಷ್ಟು ಪುಸ್ತಕಗಳನ್ನು ಓದಲು ಬಯಸುತ್ತಾರೆ, ಈಗಂತೂ ಎಲ್ಲರೂ ವೊಬೈಲ್ ಗಳಿಗೆ ಶರಣಾಗಿ ಇಂಟರ್ ನೆಟ್‌ ನಲ್ಲಿ ಮುಳುಗಿ ಹೋಗುತ್ತಾರೆ. ಮಕ್ಕಳಿಗಂತೂ ಇದು ಅಚ್ಚುಕಟ್ಟಾದ ಸ್ಟಡಿ ಡೆಸ್ಕ್ ಆಗಿರುತ್ತದೆ. ನಮ್ಮ ಸ್ವಸ್ಥ ದೃಷ್ಟಿಗಾಗಿ, ಸೂಕ್ತ ಪ್ರಕಾರ ಪ್ರಮಾಣದ ಬೆಳಕಿನ ವ್ಯವಸ್ಥೆಯ ಅತ್ಯಗತ್ಯವಿದೆ. ಓದು ಬರಹಕ್ಕಾಗಿ ನಮ್ಮ ಕಂಗಳನ್ನು ಒತ್ತಡದಿಂದ ಮುಕ್ತಿಗೊಳಿಸಲು, ಪ್ರತಿಯೊಬ್ಬರೂ ಗ್ಲೇರ್‌ ಫ್ರೀ ಲೈಟಿಂಗ್‌ ಅರೇಂಜ್‌ ಮೆಂಟ್ ನ್ನು ಬಳಸಿಕೊಳ್ಳಬೇಕು.
ವಾರ್ಮ್ ಕೂಲ್ ಸಂಯೋಜನೆ
ನಮ್ಮ ಮನೆಗಳಲ್ಲಿ ವಾರ್ಮ್ ಕೂಲ್ ಕಲರ್ಸ್‌ ನ ಲೈಟಿಂಗ್‌ ಸಂಯೋಜನೆ ಇರಬೇಕು. ನಾವು ನಮ್ಮ ಲಿವಿಂಗ್‌ ರೂಂ ಬೆಡ್ ರೂಮುಗಳಿಗೆ ವಾರ್ಮರ್‌ ಕಲರ್‌ ಟೋನ್ ಡೆಕೋರೇಟಿವ್ ಲೈಟಿಂಗ್‌ ಫೀಚರ್ಸ್‌ ಅಳವಡಿಸಿ, ಒಂದು ಪ್ರಶಾಂತ ವಾತಾವರಣ ನಿರ್ಮಿಸಬಹುದು. ಅಡುಗೆಮನೆಗಾಗಿ ಕೂಲ್ ಕಲರ್ಸ್‌ ಲೈಟಿಂಗ್‌ ಇರಬೇಕು. ಬಾತ್‌ ರೂಮಿನಲ್ಲಿ ನಮಗೆ ಮಿಕ್ಸ್ಡ್ ಕಲರ್‌ ಟೋನ್ ಇರಬೇಕು. ಮಲಗುವ ಮೊದಲು ಕೂಲ್ ಕಲರ್‌ ಲೈಟಿಂಗ್‌ ಸ್ವಿಚ್‌ ಆನ್‌ ಮಾಡಬಾರದು. ವಿಭಿನ್ನ ಅಧ್ಯಯನಗಳ ಪ್ರಕಾರ, ಕೂಲ್ ಕಲರ್‌ ಲೈಟಿಂಗ್‌ ನಮ್ಮ ಮೆದುಳಿಗೆ ಮೆಲಟೋನಿನ್‌ ಹಾರ್ಮೋನ್‌ ನ ಮಟ್ಟವನ್ನು ಒತ್ತಲು ನೆರವಾಗುತ್ತದೆ, ಅದರಿಂದ ನಾವು ಹೆಚ್ಚು ಸಕ್ರಿಯರಾಗುತ್ತೇವೆ. ಆದರೆ ಮಲಗುವುದಕ್ಕೆ ಇದು ಪೂರಕ ಅಲ್ಲವಂತೆ.
ಒಟ್ಟಾರೆ ಹೇಳುವುದಾದರೆ, ಉತ್ತಮ ಲೈಟಿಂಗ್‌ ವ್ಯವಸ್ಥೆ, ಪ್ರತ್ಯಕ್ಷ ಅಥವಾ ಪರೋಕ್ಷವಾಗಿ ನಮ್ಮ ಆರೋಗ್ಯವನ್ನು ಸುಧಾರಿಸಲು ನೆರವಾಗುತ್ತದೆ.
– ಪಾರ್ವತಿ ಭಟ್‌
