ಭಾರತೀಯ ಹಬ್ಬಗಳಿಗೆ ಸುರಸುಂದರ ಸೀರೆಗಳು ಇಲ್ಲದಿದ್ದರೆ ಹೇಗೆ? ಅದರಲ್ಲೂ ನಮ್ಮ ಯುಗಾದಿ, ದೀಪಾವಳಿ, ನವರಾತ್ರಿಗಳಂಥ ಸಾಂಪ್ರದಾಯಿಕ ಹಬ್ಬಗಳಿಗೆ ಸೀರೆಯ ಅಲಂಕಾರವೇ ಸೊಗಸು. ಭಾರತೀಯ ಹೆಣ್ಣಿನ ಶೃಂಗಾರಕ್ಕೆ ಸೀರೆಗಿಂತ ಉತ್ಕೃಷ್ಟವಾದ ಡ್ರೆಸ್ ಬೇರೊಂದಿಲ್ಲ. ಇದು ಹಬ್ಬ, ಹರಿದಿನ, ಯಾವುದೇ ಶುಭ ಸಮಾರಂಭಕ್ಕೂ ಹೆಚ್ಚಿನ ಕಳೆಗಟ್ಟುತ್ತದೆ. ಸೀರೆಗಳು ಬೇರೆ ಬೇರೆ ಬಣ್ಣ, ಫ್ಯಾಬ್ರಿಕ್ಸ್ ನಲ್ಲಿ ಲಭ್ಯ. ಹೆಚ್ಚಿನ ಕಸೂತಿ, ಮಿರರ್ ವರ್ಕ್ ಇರುವ ಸೀರೆಗಳು, ತುಸು ದುಬಾರಿಯೂ ಹೌದು. ನಿಮಗೆ ಎಂಥ ಸೀರೆ ಬೇಕು ಎಂಬುದನ್ನು ಅದು ಯಾವ ಸಂದರ್ಭ, ಋತು, ಕಂಫರ್ಟ್ ಇತ್ಯಾದಿಗಳನ್ನು ಆಧರಿಸಿ ಆರಿಸಿಕೊಳ್ಳಿ. ಸೀರೆ ಉಡುವುದರಿಂದ ನೀವು ಹೆಚ್ಚು ಟ್ರೆಡಿಶನಲ್ ಆಗಿ ಕಾಣಿಸುವುದು ಮಾತ್ರವಲ್ಲದೆ, ಸೀರೆ ಒಂದು ಸ್ಟೈಲಿಶ್, ಫ್ಯಾಷನೆಬಲ್ ಅಟೈರ್ ಎಂಬುದೂ ನಿಜ. ಇದರಲ್ಲಿ ಯಾವ ಹೆಣ್ಣಾದರೂ ಸರಿ, ಬಲು ಸುಂದರವಾಗಿ ಕಂಡುಬರುತ್ತಾಳೆ. ಸದ್ಯದ ಬದಲಾಗುತ್ತಿರುವ ಫ್ಯಾಷನ್ ಗೆ ತಕ್ಕಂತೆ ಸೀರೆಗಳು ಸದಾ ಇನ್ಔಟ್ ಎನಿಸುತ್ತವೆ. ಹೀಗಿರುವಾಗ ನೀವು ಎಂಥ ಸೀರೆ ಆರಿಸಿಕೊಳ್ಳುತ್ತೀರಿ ಎಂಬುದು ಬಲು ಮುಖ್ಯ.
ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ಹಲವಾರು ಬಗೆಯ ಡಿಸೈನರ್ ಸೀರೆಗಳು ಲಭ್ಯ. ಆದರೆ ಪ್ರತಿ ಋತು, ಪ್ರತಿ ಸಂದರ್ಭಕ್ಕೂ ಹೊಂದುವಂಥ ಸೀರೆ ಸಿಕ್ಕಿದರೆ ಬಲು ಸೊಗಸು! ಇಲ್ಲಿ ನಿಮಗಾಗಿ ಅಂಥ ಎರ್ ಫ್ಯಾಷನೆಬಲ್ ಸೀರೆಗಳ ಬಗ್ಗೆ ಮಾಹಿತಿ ಇದೆ. ಇದರಿಂದ ನೀವು ಎಲ್ಲಿದ್ದರೂ ಮಿಂಚಿಂಗೋ ಮಿಂಚಿಂಗ್!
ಆರ್ಗೆಂಜಾ ಸೀರೆ
ಇದು ಇತ್ತೀಚೆಗೆ ಬಲು ಹೆಚ್ಚಿನ ಟ್ರೆಂಡ್ ನಲ್ಲಿದೆ. ಆದರೂ ಇದು ಬಲು ಹಳೆಯ ದಿನಗಳಿಂದಲೂ ಚಾಲನೆಯಲ್ಲಿದೆ. ಈ ಸೀರೆ ಬಲು ಆಕರ್ಷಕ, ಹೊಳೆ ಹೊಳೆಯುವಂಥ ಲೈಟ್ಮೆಟೀರಿಯಲ್ ನದಾಗಿದೆ. ಇದು ಹಗರುವಾಗಿರುತ್ತದೆ, ಉಟ್ಟಾಗ ಭಾರ ಎನಿಸುವುದಿಲ್ಲ. ಇದರ ಫ್ಯಾಬ್ರಿಕ್ ತುಸು ಜಾರುತ್ತದೆ ಎಂಬುದೇನೋ ನಿಜ, ಆದರೆ ಇದು ಎವರ್ ಗ್ರೀನ್ ಡಿಮ್ಯಾಂಡ್ ಹೊಂದಿದೆ. ನಿಮ್ಮ ವಾರ್ಡ್ ರೋಬ್ ನಲ್ಲಿ ಅಕಸ್ಮಾತ್ ಇದು ಮಿಸ್ಸಾಗಿದ್ದರೆ, ಇಂದೇ ಒಂದನ್ನು ಖರೀದಿಸಿ!
ನೆಟ್ ಸೀರೆ
ಇಂಥ ನೆಟ್ ಸೀರೆ ಬೇಡ ಎನ್ನುವ ಹೆಣ್ಣು ಉಂಟೇ? ಕಾಕ್ ಟೇಲ್ ಪಾರ್ಟಿ ಯಾ ಶುಭ ಸಮಾರಂಭ, ಎಲ್ಲದಕ್ಕೂ ಇದು ಅಚ್ಚುಕಟ್ಟಾಗಿರುತ್ತದೆ. ಅದರಲ್ಲೂ ಮುಖ್ಯಾಗಿ ಡಾರ್ಕ್ ಕಲರ್ ಯಾ ಬ್ಲ್ಯಾಕ್ ನೆಟೆಡ್ ಸೀರೆ ಬಲು ಬ್ಯೂಟಿಫುಲ್! ಆದಷ್ಟು ಬೇಗ ಇದನ್ನು ಖರೀದಿಸಿ.
ಪ್ಲೇರ್ ಎಂಬ್ರಾಯಿಡರಿ ಸೀರೆ
ಈ ಸೀರೆಯಂತೂ ಯಾವುದೇ ಮಾಸ್ಟರ್ ಪೀಸ್ ಗೆ ಕಡಿಮೆ ಇಲ್ಲ. ಬೇರೆ ಬೇರೆ ತರಹದ ಡಿಸೈನ್ ಪ್ಯಾಟರ್ನ್ ನಲ್ಲಿ ಇದು ಸುಲಭವಾಗಿ ಮಾರ್ಕೆರ್ಟ್ ನಲ್ಲಿ ಲಭ್ಯ. ಇದನ್ನು ಯಾವುದೇ ತರಹದ ಫಂಕ್ಷನ್ ಗೂ ಬಳಸಿಕೊಳ್ಳಬಹುದು. ಸೀರೆಗಳಲ್ಲಿ ಲಭ್ಯವಿರುವ ಹೊಸ ಹೊಸ ಡಿಸೈನ್ ಗಳಲ್ಲಿ ಈ ಪ್ಲೇರ್ ಎಂಬ್ರಾಯಿಡರಿ ಸೀರೆಗಳೇ ಪ್ರಧಾನ. ನೀವು ಮುಂದಿನ ನಿಮ್ಮ ಗ್ರಾಂಡ್ ಫಂಕ್ಷನ್ ಗಾಗಿ ಸೀರೆ ಕೊಳ್ಳಬೇಕೇ? ಇಂಥ ಒಂದನ್ನು ಆರಿಸಿಕೊಳ್ಳಲು ಮರೆಯದಿರಿ.
ಲಹರಿಯಾ ಸೀರೆ
ಕಾಲ ಎಷ್ಟೇ ಮುಂದುವರಿದಿರಲಿ, ಕೆಲವು ವಸ್ತು ಎಂದೂ ಔಟ್ ಆಫ್ ಫ್ಯಾಷನ್ ಎನಿಸುವುದಿಲ್ಲ. ಅಂಥದ್ದರಲ್ಲಿ ಈ ಲಹರಿಯಾ ಸೀರೆಗಳೂ ಒಂದು. ಹಾಗಿದೆ, ಇದರ ಆಕರ್ಷಣೆ! ಬ್ಯೂಟಿಫುಲ್ ಗೋಟಾಪಟ್ಟಿಗಳ ಡಿಸೈನಿನಿಂದ ನೇಯಲ್ಪಟ್ಟ ಈ ಸೀರೆ, ಜೈಪುರಿ ಲಹರಿಯಾ ಸೀರೆ ಎಂದೇ ದೇಶಾದ್ಯಂತ ಖ್ಯಾತಿವೆತ್ತಿದೆ.
ತೆಳು ಬಾರ್ಡರ್ ನ ಸೀರೆ
ತೀರಾ ದಪ್ಪ, ಭಾರ ಇರುವ ಬಾರ್ಡರ್ ಗಳಿಂದ ಬೇಸತ್ತಿದ್ದೀರಾ? ಹಾಗಾದರೆ ಇಂಥ ತೆಳು ಬಾರ್ಡರ್ ನ ಸೀರೆ ಖಂಡಿತಾ ಆರಿಸಿ. ಈ ಡಿಸೈನಿನ ಸೀರೆಯ ಫ್ಯಾಷನ್ ಎಂದೂ ಔಟ್ ಆಗುವುದಿಲ್ಲ. ಇಷ್ಟು ಮಾತ್ರವಲ್ಲದೆ, ಹೆಚ್ಚಿನ ಸೆಲೆಬ್ಸ್, ಮಾಡಲ್ಸ್ ಕೂಡ ತೆಳು ಬಾರ್ಡರ್ ನ ಸೀರೆಯನ್ನೇ ಉಡುತ್ತಾರೆ. ನೀವು ಇದರಲ್ಲಿ ಜರಿ ಉರ್ಕ್, ಮಿರರ್ ವರ್ಕ್, ವಿಭಿನ್ನ ಬಗೆಯ ಕಸೂತಿಗಳನ್ನು ಸಹ ಹಾಕಿಸಬಹುದು.
ಡಬಲ್ ಫ್ಯಾಬ್ರಿಕ್ ಸೀರೆ
ಸಾಕಷ್ಟು ಹಳೆಯ ಕಾಲದಿಂದ ಭಾರತೀಯ ಹೆಂಗಸರ ಅಚ್ಚುಮೆಚ್ಚಿನ ಆಯ್ಕೆ ಈ ಡಬಲ್ ಫ್ಯಾಬ್ರಿಕ್ ಸೀರೆ ಆಗಿದೆ. ಸದ್ಯದ ಫ್ಯಾಷನ್ ಯುಗದಲ್ಲಿ ಇದಕ್ಕೆ ಫ್ಯೂಷನ್ ಟಚ್ ನೀಡಲಾಗಿದೆ. ಇವತ್ತಿಗೂ ಇದಕ್ಕೆ ಅಪಾರ ಬೇಡಿಕೆ ಇದೆ. ನೀವು ಸ್ಯಾಟಿನ್ ಯಾ ಜಾರ್ಜೆಟ್ ಸೀರೆಗಳನ್ನು ವೆಲ್ವೆಟ್, ನೆಟ್ ಯಾ ಬೇರೆ ಯಾವುದೇ ಬೇರೆ ಫ್ಯಾಬ್ರಿಕ್ ಜೊತೆಗೂಡಿಸಿಕೊಳ್ಳಬಹುದು.
ಸಿಲ್ಕ್ ಸೀರೆಗಳು
ತುಸು ದುಬಾರಿಯಾದ ರೇಷ್ಮೆ ಸೀರೆಗಳು, ಎಲ್ಲಾ ವಯೋಮಾನದ ಹೆಂಗಸರಿಗೂ ಶೋಭಾಯಾಮಾನ! ಮುಖ್ಯವಾಗಿ ಪೇಸ್ಟಲ್ ಬಣ್ಣದ ಸಿಲ್ಕ್ ಸೀರೆ ಹೆಂಗಸರ ಫಸ್ಟ್ ಚಾಯ್ಸ್! ಅದರಲ್ಲೂ ಮುಖ್ಯವಾಗಿ ಶುಭ ಸಮಾರಂಭಗಳಿಗೆ ರೇಷ್ಮೆ ಸೀರೆ ಇಲ್ಲದಿದ್ದರೆ ಕಳೆಗಟ್ಟುವುದೇ ಇಲ್ಲ. ಎವರ್ ಗ್ರೀನ್ ಸೀರೆಗಳ ಡಿಮ್ಯಾಂಡ್ ನಲ್ಲಿ ರೇಷ್ಮೆ ಸೀರೆಗಳು ಸದಾ ಮುಂದು.
ವೆಲ್ವೆಟ್ ಸೀರೆ
ಎಷ್ಟೋ ವರ್ಷಗಳಿಂದ ಇದರ ಟ್ರೆಂಡ್ ಚಾಲನೆಯಲ್ಲಿದೆ. ಈ ಸೀರೆಯ ಚಮಕ್ ಬಂದಿರುವುದೇ ಇದರ ಫ್ಯಾಬ್ರಿಕ್ ನಿಂದ, ಹಾಗಾಗಿ ಹೆಚ್ಚು ಕ್ಲಾಸಿಕ್ ಎನಿಸುತ್ತದೆ. ಮದುವೆ, ಮುಂಜಿ, ಗೃಹಪ್ರವೇಶ ಇತ್ಯಾದಿ ಯಾವುದೇ ಶುಭ ಸಮಾರಂಭಕ್ಕೂ ಇದೂ ಟಾಪ್ 1 ಆಯ್ಕೆಯಾಗಿರುತ್ತದೆ. ವೈನ್ಪರ್ಪಲ್, ಮೆರೂನ್, ಬಾಟಲ್ ಗ್ರೀನ್ ಕಲರ್ ಗಳ ವೆಲ್ವೆಟ್ ಸೀರೆಗಳು ಸದಾ ಗಾರ್ಜಿಯಸ್ ಆಗಿದ್ದು, ಎಂದೂ ಔಟ್ ಆಫ್ ಸೀಸನ್ ಎನಿಸದು!
ಮಲ್ಟಿ ಕಲರ್ ಸೀರೆ
ಇದಂತೂ ಸದಾ ಸರ್ವದಾ ಚಾಲನೆಯಲ್ಲಿರುತ್ತದೆ. ಇಂಥ ಸೀರೆಗಳು ಯಾವುದೇ ಕಲರ್ ಟೋನ್ ಸ್ಕಿನ್ ಗೂ ಚೆನ್ನಾಗಿ ಸೂಟ್ ಆಗುತ್ತದೆ. ಇದಂತೂ ಎಂದೂ ಔಟ್ ಆಫ್ ಫ್ಯಾಷನ್ ಆಗದು! ನೀವು ಒಮ್ಮೆ ಇಂಥ 1-2 ಸೀರೆ ಖರೀದಿಸಿಬಿಟ್ಟರೆ, ಮುಂದೆ ಅಂಥದ್ದನ್ನೇ ಹೆಚ್ಚು ಬಯಸುತ್ತೀರಿ.
ಟಿಶ್ಯು ಸೀರೆ
ಇಂಥ ಸೀರೆಗಳ ಎಳೆಗಳನ್ನು ಸಾಮಾನ್ಯವಾಗಿ ಕಾಪರ್, ಸಿಲ್ವರ್, ಗೋಲ್ಡ್ ಲೋಹಗಳ ಎಳೆಗಳೊಂದಿಗೆ ಬೆಸೆದು ನೇಯ್ದಿರುತ್ತಾರೆ. ಇಂಥ ಸೀರೆಗಳ ಫ್ಯಾಬ್ರಿಕ್ ಬಲು ನಾಜೂಕು. ಬಲು ಲೈಟ್ ವೆಯ್ಟ್ ಎನಿಸುವ ಈ ಸೀರೆ, ಎಲ್ಲರಿಗೂ ಒಪ್ಪುತ್ತದೆ. ನೀವು ಒಮ್ಮೆ ಟ್ರೈ ಮಾಡಿ ನೋಡಿ!
– ಜಿ. ಪಂಕಜಾ
