ದೀಪಾವಳಿ, ಯುಗಾದಿ, ನವರಾತ್ರಿ ಹಬ್ಬಗಳಂಥ ಸಂದರ್ಭಗಳಲ್ಲಿ ಖರೀದಿಸುವ ಡ್ರೆಸೆಸ್ ಎಂದೂ ಔಟ್ ಆಫ್ ಫ್ಯಾಷನ್ ಆಗುವುದೇ ಇಲ್ಲ. ಇದರ ಬಗ್ಗೆ ತಿಳಿಯೋಣವೇ….?
ಪ್ರಮುಖ ಹಬ್ಬಗಳಾದ ದೀಪಾವಳಿ, ಯುಗಾದಿ, ನವರಾತ್ರಿಗಳಂಥ ಫೆಸ್ಟಿವ್ ಸೀಸನ್ ನಲ್ಲಿ ಪ್ರತಿಯೊಬ್ಬ ಹೆಂಗಸರೂ ಎಥ್ನಿಕ್ ಔಟ್ ಫಿಟ್ಸ್ ಅಂದ್ರೆ ಸಾಂಪ್ರದಾಯಿಕ ಉಡುಗೆಗಳನ್ನೇ ಬಯಸುತ್ತಾರೆ. ಯಾವುದೇ ಹೊಸ ಫ್ಯಾಷನ್ ಬಂದಾಗಲೂ ಅದನ್ನು ಕೊಳ್ಳಲು ಮಾರ್ಕೆಟ್ ನಲ್ಲಿ ಬಹಳ ಬೇಡಿಕೆ ಇರುತ್ತದೆ. ಆದರೆ ಫೆಸ್ಟಿವಲ್ ಸೀಸನ್ ಮುಗಿಯುತ್ತಿದ್ದಂತೆ ಈ ಔಟ್ ಫಿಟ್ಸ್ ಒಮ್ಮೆ ಬೀರು ಸೇರಿಬಿಟ್ಟರೆ ಮತ್ತೆ ಹೊರಬರುವುದೇ ಅಪರೂಪ.
ಇನ್ನೊಂದೆಡೆ ಯಾವುದೇ ಫಂಕ್ಷನ್, ಕಿಟಿ ಪಾರ್ಟಿಗಳಿಗೆ ಮತ್ತೆ ಮತ್ತೆ ಅವೇ ಡ್ರೆಸ್ ಧರಿಸಿ ಹೋಗಲಿಕ್ಕೂ ಮುಜುಗರ ಎನಿಸುತ್ತದೆ. ಕೆಲವರು ಇದನ್ನು ಡೌನ್ ಮಾರ್ಕೆಟ್ ಫ್ಯಾಷನ್ ಸೆನ್ಸ್ ಎಂದೂ ಆಡಿಕೊಳ್ಳುತ್ತಾರೆ. ಧರಿಸಿದ್ದನ್ನೇ ಮತ್ತೆ ಮತ್ತೆ ಧರಿಸಲು ಎಂಥವರಿಗೂ ಬೋರ್ ಆಗುತ್ತದೆ. ಹೀಗಾಗಿ ಈ ನಿಟ್ಟಿನಲ್ಲಿ ಏನಾದರೂ ಹೊಸತನ್ನು ಟ್ರೈ ಮಾಡಬಯಸುತ್ತಾರೆ. ಯಾರು ಅತಿ ಶ್ರೀಮಂತರೋ, ಇಂಥ ಡ್ರೆಸೆಸ್ ಧರಿಸಿ ಸಾಕಾದಾಗ, ಯಾರಾದರೂ ಬಡವರಿಗೆ ಕೊಟ್ಟು ಬಿಡುತ್ತಾರೆ.
ಈ ದುಬಾರಿ ಡ್ರೆಸೆಸ್ ಕೊಳ್ಳಲು ಖರ್ಚು ಮಾಡಿದ ಹಣಕ್ಕೆ ನಾವು ನ್ಯಾಯ ಅಂತೂ ಒದಗಿಸಬೇಕಲ್ಲವೇ? ನೀವು ಇಂಥ ಡ್ರೆಸ್ ಗಳಿಗೆ ಮಾಡಿದ ಹಣ ವಸೂಲ್ ಮಾಡಬಯಸಿದರೆ, ನೀವು ಈ ಡ್ರೆಸ್ಸುಗಳನ್ನು ಗರಿಷ್ಠ ಸಲ ಧರಿಸಿ ಸವೆಸಬೇಕಷ್ಟೆ. ಆದರೆ ಇನ್ನು 3-4 ತಿಂಗಳಲ್ಲಿ, 5-6 ಬಾರಿ ಧರಿಸಿ ಎತ್ತಿಟ್ಟರೂ, ಬೇಗ ಔಟ್ ಆಫ್ ಫ್ಯಾಷನ್ ಆಗಿಬಿಡುತ್ತವೆ. ಹೀಗಾಗಿ ಇಂಥ ಸಾಂಪ್ರದಾಯಿಕ ಉಡುಗೆಗಳಿಗೆ ಏಕ್ ದಂ ಹೊಸ ಲುಕ್ ನೀಡುವಂಥ ಏನಾದರೂ ಹೊಸ ಉಪಾಯ ಹುಡುಕಬೇಕಷ್ಟೆ.
ಇದಕ್ಕೆ ಉತ್ತಮ ವಿಧಾನ ಎಂದರೆ, ಎಥ್ನಿಕ್ ಔಟ್ ಫಿಟ್ಸ್ ಗೆ ವೆಸ್ಟರ್ನ್ ಟಚ್ ನೀಡಿ ಅವುಗಳ ಲುಕ್ ಬದಲಾಯಿಸಬೇಕು. ಇದರಿಂದ ಧರಿಸುವವರಿಗೆ ಬೋರಿಂಗ್ಎನಿಸುವುದಿಲ್ಲ. ಬನ್ನಿ, ಯಾವ ಉಪಾಯ ಅನುಸರಿಸಿ ಇಂಥವನ್ನು ಬದಲಾಯಿಸಬಹುದೆಂದು ತಿಳಿಯೋಣವೇ :
ಸೀರೆ ಜೊತೆ ಜೀನ್ಸ್
ಇದೇನು ವಿಚಿತ್ರ ಎಂದುಕೊಂಡಿರಾ? ತಮ್ಮ ವಾರ್ಡ್ ರೋಬ್ ಗೆ ಸೀರೆ ಬೇಡ ಎನ್ನುವ ಹೆಂಗಸರೇ ಇಲ್ಲ. ಹೀಗಾಗಿ ಸೀರೆ ಜೊತೆ ಪೆಟಿಕೋಟ್ ಯಾ ಶೇಪ್ ವೇರ್ ಚೆನ್ನಾಗಿ ಹೊಂದುತ್ತದೆ. ಈ ರೀತಿ ಒಂದೇ ತರಹ ಸೀರೆ ಉಟ್ಟು ಉಟ್ಟೂ ಬೇಸರವಾಗಿದ್ದರೆ, ಈಗ ಹೊಸತು ಟ್ರೈ ಮಾಡಬಯಸಿದರೆ, ಸೀರೆ ಜೊತೆ ಜೀನ್ಸ್ ಕಾಂಬಿನೇಶನ್ ಟ್ರೈ ಮಾಡಿ ನೋಡಿ! ಇದರಿಂದ ನಿಮಗೆ ಯುನಿಕ್ ಸ್ಟೈಲ್ ಸಿಗುತ್ತದೆ. ಇಲ್ಲಿ ನೀವು ಜೀನ್ಸ್ ನ್ನು ಲೆಗ್ಗಿಂಗ್ ಜೊತೆ ಚೇಂಜ್ ಮಾಡಿಕೊಳ್ಳಬಹುದು. ಅದೇ ತರಹ ಬ್ಲೌಸ್ ನ್ನು ಸಹ ಕ್ರಾಪ್ ಟಾಪ್ ಮಾಡಿ ಧರಿಸಬಹುದು.
ಎಕ್ಸ್ ಟ್ರಾ ಲುಕ್ ನೀಡಲು ನೀವು ಬೆಲ್ಟ್ ಸಹ ಟ್ರೈ ಮಾಡಬಹುದು. ಜ್ಯೂವೆಲರಿಗಾಗಿ ಗೋಲ್ಡನ್ ಯಾ ಆಕ್ಸಿಡೈಸ್ಡ್ ಜ್ಯೂವೆಲರಿ ಜೊತೆ ಮಾಡಿಕೊಳ್ಳಿ. ಇದರ ಜೊತೆಗೆ ಹೈ ಹೀಲ್ಸ್ ನಿಮಗೆ ಎಲಿಗೆಂಟ್ ಲುಕ್ಸ್ ನೀಡುತ್ತದೆ. ನಿಮ್ಮ ಹೈಟ್ ಉತ್ತಮ ಎನಿಸಿದರೆ, ಫ್ಲಾಟ್ ಸ್ಲಿಪರ್, ಸ್ಯಾಂಡಲ್ಸ್, ಶೂ ಸಹ ಟ್ರೈ ಮಾಡಬಹುದು.
ಚಿಕನ್ ಕಾರಿ ಕುರ್ತಿ ವಿತ್ ಜೀನ್ಸ್
ಈ ಬಗೆಯ ಕುರ್ತಾ ಎಲ್ಲಾ ಹೆಣ್ಣುಮಕ್ಕಳ ಬಳಿಯೂ ಇದ್ದೇ ಇರುತ್ತದೆ. ಇದನ್ನು ನೀವು ಲೆಗ್ಗಿಂಗ್ ಯಾ ಪ್ಲಾಜೋ ಜೊತೆ ಧರಿಸಿ ಬೋರ್ ಆಗಿದ್ದರೆ, ಇದನ್ನು ನೀವು ಸ್ಕಿನ್ನಿ, ರಿಫ್ಡ್ ಯಾ ಬಾಯ್ ಫ್ರೆಂಡ್ ಜೀನ್ಸ್ ಜೊತೆ ಟ್ರೈ ಮಾಡಿ ನೋಡಿ. ಕುರ್ತಾ ತುಸು ಲೂಸ್ ಆಗಿದ್ದರೆ ಲೇಸು. ಇಲ್ಲಿ ಜ್ಯೂವೆಲರಿಗಾಗಿ ನೀವು ಚಾಂದ್ ಬಾಲಿ, ಲಾಂಗ್ ಜುಮಕಿ ಧರಿಸಿ. ಕೂದಲನ್ನು ಓಪನ್ ಆಗಿ ಬಿಡುವುದೇ ಸರಿ.
ಅಗತ್ಯ ಎನಿಸಿದರೆ ನೀವು ಲೂಸ್ ಬನ್ ಸಹ ಟ್ರೈ ಮಾಡಬಹುದು. ಇದರ ಜೊತೆ ಫ್ಲಾಟ್ ಸ್ಲಿಪರ್, ಸ್ಯಾಂಡಲ್ಸ್, ಶೂ ಧರಿಸಿರಿ. ನಿಮ್ಮ ಹೈಟ್ ತುಸು ಕಡಿಮೆ ಎನಿಸಿದರೆ, ಪಾಯಿಂಟೆಡ್ ಹೀಲ್ಸ್ ಧರಿಸಬಹುದು. ನೀವು ಕಂಫರ್ಟೆಬಲ್ ಲುಕ್ ಬಯಸಿದರೆ, ಬ್ಲ್ಯಾಕ್ ಶೂಸ್ಸ್ಪೋರ್ಟ್ಸ್ ಶೂಸ್ ಟ್ರೈ ಮಾಡಬಹುದು.
ಎಥ್ನಿಕ್ ಜ್ಯಾಕೆಟ್ ಕ್ಯಾರಿ ಮಾಡಿ
ನಿಮ್ಮ ಬಳಿ ಸೂಟ್ ಸಲ್ವಾರಿನ ಒಂದು ಸೆಟ್ ಎಕ್ಸ್ ಟ್ರಾ ಇದೆ ಎನಿಸಿದರೆ, ಇದಕ್ಕೆ ಒಂದು ಎಥ್ನಿಕ್ ಜ್ಯಾಕೆಟ್ ಹೊಂದಿಸಿರಿ. ಇದನ್ನು ಈಗಾಗಲೇ ಬಹಳ ಸಲ ಧರಿಸಿ ಸಾಕಾಗಿದೆ ಎನಿಸಿದರೆ, ನೀವು ಈಗ ಈ ಜ್ಯಾಕೆಟ್ ಗೆ ವೆಸ್ಟರ್ನ್ ಟಚ್ ನೀಡಿ, ಒಂದು ಹೊಸ ಲುಕ್ ಕೊಡಬಹುದು. ಈ ಎಥ್ನಿಕ್ ಜಾಕೆಟ್ ನ್ನು ಜೀನ್ಸ್ ಟಾಪ್ ಜೊತೆ ಈಝಿಯಾಗಿ ಕ್ಯಾರಿ ಮಾಡಬಹುದು. ನಿಮ್ಮ ಇಷ್ಟದ ಅನುಸಾರ ಇದರ ಬಣ್ಣ ಆರಿಸಿ.
ನೀವು ಬಯಸಿದರೆ ಎಥ್ನಿಕ್ ಜ್ಯಾಕೆಟ್ ನ್ನು ಕುರ್ತಾ ಜೊತೆಯೂ ಧರಿಸಬಹುದು. ಇದರ ಜೊತೆಗೆ ನೀವು ಕುರ್ತಾಗಾಗಿ ಅಂಗ್ ರಖಾ ಕುರ್ತಿ ಸಹ ಆರಿಸಬಹುದು. ಇದರೊಂದಿಗೆ ನೆಕ್ ಆಕ್ಸಿಡೈಸ್ ಜ್ಯೂವೆಲರಿ ಕ್ಯಾರಿ ಮಾಡಿ. ಜೊತೆಗೆ ಆಕ್ಸಿಡೈಸ್ಡ್ ಬ್ರೇಸ್ ಲೆಟ್ ಸಹ ಇರಲಿ. ಕೂದಲನ್ನು ಫ್ರೆಂಚ್ ಜಡೆ ಆಗಿಸಿ, ಮುಂಭಾಗದಲ್ಲಿ ಕೆಲವು ಜೊಂಪೆ ತೂಗುವಂತೆ ಮಾಡಿ. ಈ ಡ್ರೆಸ್ ಗೆ ಹೈಹೀಲ್ಸ್ ಚೆನ್ನಾಗಿರುತ್ತದೆ. ಇದೀಗ ನಿಮ್ಮ ಫೆಸ್ಟಿವ್ ಲುಕ್ ಒಂದು ಹೊಸ ಅಂದಾಜಿನಲ್ಲಿ ರೆಡಿ ಆಯ್ತು.
ವೆಸ್ಟರ್ನ್ ಲುಕ್ಸ್ ಹೀಗಿರಲಿ
ನೀವು ಈ ಫೆಸ್ಟಿವ್ ಸೀಸನ್ ಗಾಗಿ ಹೊಸ ಡ್ರೆಸ್ ಖರೀದಿಸಲಿದ್ದರೆ, ಆ ಯೋಚನೆ ಬದಲಾಯಿಸಿ. ನೀವು ನಿಮ್ಮ ಕಳೆದ ವರ್ಷದ ಹೊಸ ಡ್ರೆಸ್ ಗಳಾದ ಬ್ಲೌಸ್. ದುಪಟ್ಟಾ, ಜೀನ್ಸ್ ನಿಂದ ಈ ಸಲಕ್ಕಾಗಿ ಹೊಸ ಯುನಿಕ್ ವೆಸ್ಟರ್ನ್ ಲುಕ್ ಗಳಿಸಬಹುದು. ಎಲ್ಲಕ್ಕೂ ಮೊದಲು ಬ್ಲೌಸ್ಜೀನ್ಸ್ ಧರಿಸಿರಿ.
ನಿಮ್ಮ ಜೀನ್ಸ್ ಸ್ಕಿನ್ನಿ ಆಗಿದ್ದರೆ ಉತ್ತಮ. ನಂತರ ದುಪಟ್ಟಾದ ಸೈಡ್ ಭಾಗವನ್ನು ಜೀನ್ಸ್ ನೊಳಗೆ ಇನ್ ಸರ್ಟ್ ಮಾಡಿ. ಇದಾದ ಮೇಲೆ, ಸೀರೆಯ ಸೆರಗಿನ ನಿರಿಗೆ ಹಿಡಿಯುವಂತೆ, ದುಪಟ್ಟಾ ಸೆಟ್ ಮಾಡಿಕೊಳ್ಳಿ. ಇದರ ಜೊತೆ ಲಾಕೆಟ್ ಸ್ಟೈಲ್ ನಲ್ಲಿ ಆಕ್ಸಿಡೈಸ್ಡ್ ಯಾ ಕುಂದಣದ ಜ್ಯೂವೆಲರಿ ಧರಿಸಿರಿ. ಕೈಗೊಂದು ಸ್ಟೈಲಿಶ್ ಲೇಡೀಸ್ ವಾಚ್ ಇರಲಿ. ಇದಕ್ಕೆ ಹೊಂದುವಂತೆ ಪಾಯಿಂಟೆಡ್ ಹೀಲ್ಸ್ ಧರಿಸಿರಿ. ಕೂದಲನ್ನು ಬ್ಲೋ ಡ್ರೈ ಮಾಡಿ, ಓಪನ್ ಆಗಿಯೇ ಬಿಡಿ. ಇಂದಿನ ಆಧುನಿಕ ತರುಣಿಯರು ಇಂಥ ಲುಕ್ಸ್ ನ್ನು ಎಲ್ಲಾ ಈವ್ನಿಂಗ್ ಪಾರ್ಟಿಗಳಿಗೂ ಬಯಸುತ್ತಾರೆ.
ಲಾಂಗ್ ಲೈನ್ ಕುರ್ತಾ ವಿತ್ ಜೀನ್ಸ್
ಲಾಂಗ್ಲೈನ್ ಕುರ್ತಾ ಜೊತೆ ಲೆಗ್ಗಿಂಗ್ ಧರಿಸುವುದು ಈಗ ಔಟ್ ಆಫ್ ಫ್ಯಾಷನ್. ಇದಕ್ಕೆ ವೆಸ್ಟರ್ನ್ ಟಚ್ ನೀಡಲು, ಶಾರ್ಟ್ಸ್ ಜೊತೆ ಧರಿಸಬಹುದಾಗಿದೆ. ಕೂದಲನ್ನು ಸ್ಟ್ರೇಟ್ ಗೊಳಿಸಿ ಓಪನ್ ಆಗಿ ಬಿಡಿ. ಕ್ಯೂಟ್ ಲುಕ್ಸ್ ಗಾಗಿ ಹಾಫ್ ಬನ್ ಟ್ರೈ ಮಾಡಿ. ಈ ಡ್ರೆಸ್ ಗೆ ಮಿನಿಮಮ್ ಜ್ಯೂವೆಲರಿ ಇರಲಿ. ಕಿವಿಗೆ ಮಲ್ಟಿ ಕಲರ್ ಇಯರ್ ರಿಂಗ್ಸ್ ಯಾ ಹೂಪ್ ಧರಿಸಿರಿ.
ಕೈಗಳನ್ನು ಸುಂದರವಾಗಿಸಲು ದೊಡ್ಡ ಸೈಜಿನ ಆಕ್ಸಿಡೈಸ್ಡ್ ರೆಡ್ ಯಾ ಗ್ರೀನ್ ಕಲರಿನ ರಿಂಗ್ ಧರಿಸಿರಿ. ನಿಮ್ಮ ಈ ಲುಕ್ಸ್ ಗೆ ಪೂರಕವಾಗಿ ಸ್ಯಾಂಡಲ್ಸ್, ಕ್ಯಾಶುಯೆಲ್ ಶೂಸ್ ಧರಿಸಿರಿ.
ದಟ್ಟ ನೀಳ ಗೆರೆಗಳ ಪ್ಲಾಜೋ ಜೊತೆ ಟ್ಯಾಂಗ್ ಟಾಪ್ ಗೆರೆಗಳುಳ್ಳ ಪ್ಲಾಜೋ ಧರಿಸಿರಿ. ಇದನ್ನು ಫುಲ್ ಹೈ ನೆಕ್ ಕ್ರಾಪ್ ಟಾಪ್ ಜೊತೆ ಧರಿಸಬಹುದು. ಇದನ್ನು ನೀವು ಸ್ಟೈಲಿಶ್ ಫುಲ್ ಸ್ಲೀವ್ ಶರ್ಟ್ ಜೊತೆ ಎಕ್ಸ್ ಚೇಂಜ್ ಸಹ ಮಾಡಿಕೊಳ್ಳಬಹುದು. ಒಡವೆಗಳಿಗಾಗಿ ಮಾರ್ಕೆಟ್ ನಲ್ಲಿ ಲಭ್ಯವಿರುವ ನವನವೀನ ಡಿಸೈನಿನ ಕುಂದಣದ ಪೆಂಡೆಂಟ್ಸ್ ಟ್ರೈ ಮಾಡಿ ನೋಡಿ.
ಇದರ ಬದಲಿಗೆ ಅಗತ್ಯವೆನಿಸಿದರೆ ಆಕ್ಸಿಡೈಸ್ಡ್ ಜ್ಯೂವೆಲರಿ ಸಹ ಧರಿಸಬಹುದು. ಇದಕ್ಕಾಗಿ ಲಾಂಗ್ ಲಾಕೆಟ್ನೆಕ್ ಲೇಸ್ ಟೈಪಿನ ಒಡವೆ ಸಹ ಧರಿಸಿ ನೋಡಿ. ಇದಕ್ಕೆ ಮ್ಯಾಚಿಂಗ್ ಆಗುವ ಇಯರ್ ರಿಂಗ್ಸ್ ಆರಿಸಿ. ಬಯಸಿದರೆ ಕೂದಲನ್ನು ಸ್ಟ್ರೇಟ್ ಮಾಡಿಸಬಹುದು.
ನೀವು ಹೆವಿ ಚೋಕರ್ ಆಕ್ಸಿಡೈಸ್ಡ್ ಜ್ಯೂವೆಲರಿ ಧರಿಸಿದ್ದರೆ, ಇಯರ್ ರಿಂಗ್ಸ್ ಅವಾಯ್ಡ್ ಮಾಡಿ. ಇದರ ಜೊತೆ ಹೈಹೀಲ್ಸ್ ಇರಲಿ. ಇತ್ತೀಚೆಗೆ ಈವ್ನಿಂಗ್ ಪಾರ್ಟಿಗಳಲ್ಲಿ ಇಂಥದ್ದೇ ಲುಕ್ಸ್ ಹೆಚ್ಚು ಜನಪ್ರಿಯವಾಗುತ್ತಿದೆ.
ಲೆಹಂಗಾ ವಿತ್ ಶರ್ಟ್
ನಿಮ್ಮ ಎಂಗೇಜ್ ಮೆಂಟ್ ಯಾ ಮದುವೆ ಆರತಕ್ಷತೆಯ ಲೆಹಂಗಾ ಬೀರುವಿನಲ್ಲಿ ಸುಮ್ಮನೆ ನಿದ್ರಿಸುತ್ತಿದೆಯೇ? ಇದನ್ನು ಮಾಮೂಲಿ ಪಾರ್ಟಿಗಳಿಗೆ ಹೇಗೆ ಮತ್ತೆ ಮತ್ತೆ ಧರಿಸುವುದೆಂದು ಯೋಚಿಸುತ್ತಿದ್ದೀರಾ? ಇದಕ್ಕೆ ಹೊಸ ವೆಸ್ಟರ್ನ್ ಸ್ಟೈಲ್ ಟಚ್ ಕೊಡಿ. ಇದಕ್ಕಾಗಿ ನೀವು ನಿಮ್ಮ ಲೆಹಂಗಾವನ್ನು ಪ್ಯೂರ್ ವೈಟ್ ಶರ್ಟ್ ಜೊತೆ ಧರಿಸಬಹುದು. ಜೊತೆಗೆ ಮುತ್ತಿನ ಒಡವೆ ಸೆಟ್ ಇರಲಿ. ನಿಮ್ಮದೇ ಆಯ್ಕೆಯ ಹೇರ್ ಸ್ಟೈಲ್ ಇದಕ್ಕೆ ಪರ್ಫೆಕ್ಟ್ ಕಾಂಬಿನೇಶನ್ ಆಗಲಿದೆ.
ನೀವು ಬಯಸಿದರೆ ಇದಕ್ಕಾಗಿ ಲೋ ಪೋನಿ ಟೇಲ್ ಮಾಡಿಕೊಂಡು, ಬೈತಲೆ ಬೊಟ್ಟಿನೊಂದಿಗೆ ಮಿಂಚಬಹುದು. ಇದರಿಂದ ರಿಚ್ ಲುಕ್ ಸಿಗುತ್ತದೆ. ಇದರ ಜೊತೆ ಟ್ರಾನ್ಸ್ ಪರೆಂಟ್ ಸ್ಯಾಂಡಲ್ಸ್ ಯಾ ಹೈಹೀಲ್ಸ್ ಧರಿಸಬಹುದು. ಇವೆರಡೂ ನಿಮ್ಮ ಲುಕ್ಸ್ ಗೆ ಪೂರಕವಾಗಿರುತ್ತದೆ. ಇನ್ನೇಕೆ ತಡ? ಇಂದೇ ಇಂಥ ಲುಕ್ಸ್ ಟ್ರೈ ಮಾಡಿ, ಹಬ್ಬದಲ್ಲಿ ಮಿಂಚಲು ಯತ್ನಿಸಿ!
– ಜಿ. ಮಮತಾ
