ಸುಡುವ ಬಿರು ಬೇಸಿಗೆಯಲ್ಲಿ ನಮ್ಮ ಸೌಂದರ್ಯ ಸಂವರ್ಧನೆಗಾಗಿ ಸದಾ ಕೂಲ್ ಅಂಡ್ ಫ್ರೆಶ್ ಆಗಿ ನಳನಳಿಸುತ್ತಿರಲು ಏನು ಮಾಡಬೇಕೆಂದು ಅರಿಯೋಣವೇ…….?
ಕಿರಿಕಿರಿ ಎನಿಸುವ ಬಿಸಿಲು, ಧೂಳು ಮಣ್ಣು ಹಾಗೂ ಧಗೆಯಿಂದ ಹಿಂಸೆ ಎನಿಸುವ ಬೇಸಿಗೆ ಮಧ್ಯೆ ನಾವು ಬಹಳ ಸುಸ್ತಾಗಿ, ದಣಿದುಹೋಗುತ್ತೇವೆ. ನಮ್ಮ ತ್ವಚೆ ಮತ್ತು ಕೂದಲು ತಮ್ಮ ನೈಸರ್ಗಿಕ ಚೆಲುವನ್ನು ಕಳೆದುಕೊಳ್ಳುತ್ತವೆ. ಆದರೆ ಕೆಲವೊಂದು ವಿಷಯಗಳನ್ನು ನೆನಪಿಟ್ಟುಕೊಂಡು, ಈ ಕಾಲದಲ್ಲೂ ಅದನ್ನು ಅಳವಡಿಸಿಕೊಂಡರೆ, ಬೇಸಿಗೆಯಲ್ಲೂ ನಾವು ಕೂಲ್ ಅಂಡ್ ಫ್ರೆಶ್ ಆಗಿ ನಳನಳಿಸಬಹುದು.
ಪ್ರತಿದಿನ ಸ್ನಾನ ಮಾಡಿ
ಬೇಸಿಗೆಯಲ್ಲಿ ಪ್ರತಿದಿನ ಸ್ನಾನ ಮಾಡುವುದರಿಂದ ದೇಹದ ದುರ್ವಾಸನೆ, ಸೋಂಕು, ರೋಗಾಣುಗಳು ನಮ್ಮನ್ನು ಕಾಡದಿರುವಂತೆ ರಕ್ಷಣೆ ಪಡೆಯಬಹುದು. ಸ್ನಾನ ನಮ್ಮ ಇಮ್ಯೂನ್‌ ಸಿಸ್ಟಮ್ ನ್ನು ಹೆಚ್ಚು ಸಕ್ರಿಯವಾಗಿಡಲು ಎಷ್ಟೋ ಸಹಕಾರಿ.
ಈ ಬೇಸಿಗೆಯಲ್ಲಿ ನಮ್ಮ ದೇಹದಿಂದ ಸಾಕಷ್ಟು ಬೆವರು ಹರಿಯುತ್ತದೆ, ಇದರಿಂದಾಗಿ ದೇಹದಲ್ಲಿನ ವಿಷಯುಕ್ತ ಪದಾರ್ಥಗಳು ಹೊರಬರಲು ದಾರಿ ಆಗುತ್ತದೆ. ಜೊತೆಗೆ ಕೀಟಾಣು, ವೈರಸ್‌ ಇತ್ಯಾದಿಗಳನ್ನೂ ಕೊನೆಗಾಣಿಸುತ್ತದೆ. ಸ್ನಾನ ಮಾಡುವುದರಿಂದ ಚೆನ್ನಾಗಿ ನಿದ್ದೆಯೂ ಬರುತ್ತದೆ. ಒಂದು ಬಕೆಟ್‌ ನೀರಿಗೆ ಅರ್ಧ ಸಣ್ಣ ಚಮಚ ಕಲ್ಲುಪ್ಪು, ಕೆಲ ಹನಿ ಯೂಡಿಕೊಲೋನ್‌ ಬೆರೆಸಿ ಸ್ನಾನ ಮಾಡುವುದರಿಂದ ಹೆಚ್ಚುತ್ತಿರುವ ವಯಸ್ಸಿನ ಪ್ರಭಾವ ತಪ್ಪುತ್ತದೆ. ಇದರಿಂದ ತ್ವಚೆ ಅತಿ ಮೃದು ಮತ್ತು ಹೊಳೆಯುವಂತೆ ಆಗುತ್ತದೆ.
ಮಾಯಿಶ್ಚರೈಸರ್‌ ಸನ್‌ಸ್ಕ್ರೀನ್‌ನಿಂದ ತ್ವಚೆಯನ್ನು ಸುರಕ್ಷಿತವಾಗಿಡಿ : ಬೇಸಿಗೆಯ ದಿನಗಳಲ್ಲಿ ತ್ವಚೆ ನಿರ್ಜೀವ ಹಾಗೂ ಡ್ರೈ ಎನಿಸುತ್ತದೆ. ಸೂರ್ಯನ ತೀಕ್ಷ್ಣ ಕಿರಣಗಳು ತ್ವಚೆಯನ್ನು ಡೀಹೈಡ್ರೇಟ್‌ ಡ್ಯಾಮೇಜ್‌ ಮಾಡುತ್ತವೆ. ಇಂಥ ಸಂದರ್ಭದಲ್ಲಿ ನೀವು ಉತ್ತಮ ಗುಣಮಟ್ಟದ ಮಾಯಿಶ್ಚರೈಸರ್‌ ಕ್ರೀಂ ಬಳಸುವುದು ಲೇಸು. ಮಾಯಿಶ್ಚರೈಸರ್‌ ನಿಂದ ತ್ವಚೆಯ ಆರ್ದ್ರತೆ ಮತ್ತು ಹೊಳಪು ಹೆಚ್ಚುತ್ತದೆ. ನೈಸರ್ಗಿಕ ವಿಧಾನಗಳಿಂದಲೂ ತ್ವಚೆಗೆ ಮಾಯಿಶ್ಚರೈಸಿಂಗ್‌ ಮಾಡಬಹುದು.
ಸನ್‌ಸ್ಕ್ರೀನ್‌ನ ಅಗತ್ಯ
ಬ್ಯೂಟಿ ಎಕ್ಸ್ ಪರ್ಟ್‌ ನಿರ್ಮಲಾ ರಾಘವ್ ಹೇಳುತ್ತಾರೆ, ಸೂರ್ಯನ ಹಾನಿಕಾರಕ UV ಕಿರಣಗಳ ಸಂಪರ್ಕದಿಂದ ತ್ವಚೆಗೆ ಹಾನಿ ಆಗಬಹುದು. ಅದರಿಂದ ತ್ವಚೆ ಸುಡಲೂಬಹುದು. ಹೀಗಿರುವಾಗ ಅಗತ್ಯವಾಗಿ ಸನ್‌ಸ್ಕ್ರೀನ್‌ನ್ನು ಉಪಯೋಗಿಸುತ್ತಿರಬೇಕು. ಇದು ಸೂರ್ಯನ ತೀಕ್ಷ್ಣ ಕಿರಣಗಳಿಂದ ತ್ವಚೆಯನ್ನು ರಕ್ಷಿಸಲು ಉತ್ತಮ ಸುರಕ್ಷಾ ಕವಚವಾಗಿದೆ. ಈ ಬೇಸಿಗೆಯಲ್ಲಿ ಕನಿಷ್ಠ 30 SPF ಯುಕ್ತ ಸನ್‌ಸ್ಕ್ರೀನ್‌ ಕ್ರೀಮನ್ನು ಬಳಸಬೇಕು. ಮನೆಯಿಂದ ಹೊರಗೆ ಹೊರಡುವ 15-20 ನಿಮಿಷಗಳ ಮೊದಲೇ ಇದನ್ನು ಹಚ್ಚಿಕೊಳ್ಳಬೇಕು.
ಎಚ್ಚರಿಕೆಯಿಂದ ತ್ವಚೆ ಕೂದಲನ್ನು ಸಂರಕ್ಷಿಸಿ
ಈ ಸೀಸನ್‌ನಲ್ಲಿ ತ್ವಚೆಯನ್ನು ಸರಿಯಾಗಿ ಸಂರಕ್ಷಿಸದಿದ್ದರೆ ಸನ್‌ಬರ್ನ್‌, ಉರಿಯೂತ ಮಾತ್ರವಲ್ಲದೆ ತ್ವಚೆಯಲ್ಲಿ ಅಂಟಂಟು ಸಮಸ್ಯೆ, ಸ್ಕಿನ್‌ ಅಲರ್ಜಿ ಸಮಸ್ಯೆ ಮೂಡುತ್ತದೆ. ಹೀಗಾಗಿ ಈ ರೀತಿ ತ್ವಚೆಯ ರಕ್ಷಣೆಗೆ ಮುಂದಾಗಿ :
– ಸಾಧ್ಯವಿದ್ದಷ್ಟು ತೀವ್ರ ಬಿಸಿಲಿನಲ್ಲಿ ಹೊರಗೆ ಹೋಗಲೇಬೇಡಿ. ಸೂರ್ಯನ ನೇರ ಕಿರಣಗಳು ತ್ವಚೆಯ ಕೊಲೋಜನ್‌ ಎಲಾಸ್ಟಿಕ್‌ ಟಿಶ್ಯುಗಳಿಗೆ ನಷ್ಟ ಉಂಟು ಮಾಡಿ, ಅವಕ್ಕೆ ಹಾನಿ ಮಾಡುತ್ತವೆ. ಹೊರಗೆ ಹೋಗಲೇಬೇಕಿದ್ದರೆ ಧಾರಾಳ ಸನ್‌ಸ್ಕ್ರೀನ್‌ ಹಚ್ಚಿ, ಒಂದು ತೆಳು ಬಣ್ಣದ ಛತ್ರಿಯನ್ನೂ ಇರಿಸಿಕೊಳ್ಳಿ.
– ಬಿಸಿಲಲ್ಲಿ ಹೊರಡುವ ಮುಂಚೆ ಕಂಗಳಿಗೆ ತಂಪು ಕನ್ನಡಕ ಧರಿಸಲು ಮರೆಯದಿರಿ, ಆಗ ಕಂಗಳ ಕೆಳಗಿನ ಸೂಕ್ಷ್ಮ ತ್ವಚೆ ಸುರಕ್ಷಿತವಾಗುಳಿಯುತ್ತದೆ.
– ಬೇಸಿಗೆಯಲ್ಲಿ ಪ್ರತಿದಿನ ಚರ್ಮಕ್ಕೆ ಕ್ಲೀನಿಂಗ್‌, ಟೋನಿಂಗ್‌, ಮಾಯಿಶ್ಚರೈಸಿಂಗ್‌ ಮಾಡಿಕೊಳ್ಳಲೇಬೇಕು. ಇದಕ್ಕಾಗಿ ನಿಮ್ಮ ತ್ವಚೆಗೆ ತಕ್ಕಂತೆ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಪ್ರಾಡಕ್ಟ್ಸ್ ಖರೀದಿಸಿ ಅಥವಾ ಮನೆಯಲ್ಲಿನ ನೈಸರ್ಗಿಕ ವಸ್ತುಗಳಾದ ಹಸಿ ಸೌತೇಕಾಯಿ, ಟೊಮೇಟೋ ಇತ್ಯಾದಿ ಬಳಸಿರಿ.
– ನಡುನಡುವೆ ಹಸಿ ಹಾಲಿನಿಂದ ಕ್ಲೆನ್ಲಿಂಗ್‌, ಗುಲಾಬಿ ಜಲದಿಂದ ಟೋನಿಂಗ್‌, ಆ್ಯಲೋವೇರಾ ಜೆಲ್‌ನಿಂದ ಮಾಯಿಶ್ಚರೈಸಿಂಗ್‌ ಮಾಡುತ್ತಿರಿ.
– ವಾರದಲ್ಲಿ 1-2 ಸಲ ಚರ್ಮವನ್ನು ಎಕ್ಸ್ ಫಾಲಿಯೇಟ್‌ ಮಾಡಿಸಿ. ಇದರಿಂದ ರಕ್ತ ಸಂಚಾರ ಸುಗಮ ಆಗಿ, ಚರ್ಮದ ಹೊರ ಪದರದಲ್ಲಿನ ಡೆಡ್‌ಸ್ಕಿನ್‌ ಹೋಗಿಬಿಡುತ್ತದೆ.
ಕೂದಲಿನ ಆರೈಕೆ
ಬೇಸಿಗೆಯ ಸೀಸನ್‌ನಲ್ಲಿ ಹ್ಯುಮಿಡಿಟಿ ಲೆವೆಲ್‌ ಹೆಚ್ಚಾಗುವುದರಿಂದ ಕೂದಲಿಗೆ ಹಾನಿ ತಪ್ಪಿದ್ದಲ್ಲ. ಹೀಗಾಗಿ ಕೂದಲಿನ ಆರೋಗ್ಯ ಕಾಪಾಡಿಕೊಳ್ಳುವುದು ಅತಿ ಮುಖ್ಯ. ಈ ಸಂದರ್ಭದಲ್ಲಿ ಬಿಗ್‌ಬಾಸ್‌ ಹೇರ್‌ ಸೆಲೂನ್‌ ಸ್ಪಾದ ಫೌಂಡರ್‌ ಹರೀಶ್‌ ಭಾಟಿಯಾ ಈ ರೀತಿ ಟಿಪ್ಸ್ ನೀಡುತ್ತಾರೆ :
– ಈ ಸೀಸನ್‌ನಲ್ಲಿ ನೈಸರ್ಗಿಕ ವಿಧಾನಗಳಿಂದ ಕೂದಲಿಗೆ ಸ್ಟೈಲ್‌ ಒದಗಿಸಿ, ಹೀಟರ್‌ ಡ್ರೈಯರ್‌ ಬೇಡ.
– ಶ್ಯಾಂಪೂ ನಂತರ ತುಸು ಬೆಚ್ಚಗಿನ ಕೊಬ್ಬರಿ ಎಣ್ಣೆಯನ್ನು ಕೂದಲಿನ ತುದಿಯಿಂದ ಬುಡದವರೆಗೂ ಹಚ್ಚಿರಿ, ಲಘು ಮಸಾಜ್‌ ಮಾಡಿ. ಇದರಿಂದ ರಕ್ತ ಸಂಚಾರ ಹೆಚ್ಚುತ್ತದೆ, ಕೂದಲು ಹೊಳೆಯುತ್ತ ಆರೋಗ್ಯಕರ ಆಗಿರುತ್ತದೆ.
– ಒದ್ದೆ ಕೂದಲನ್ನು ಎಂದೂ ಬಾಚಬೇಡಿ.
– ದೊಡ್ಡ ಹಲ್ಲುಗಳ ಬಾಚಣಿಗೆಯಿಂದ ಸಿಕ್ಕು ಬಿಡಿಸುತ್ತಿರಿ.
– ಹೊರಗೆ ಹೊರಡುವಾಗ ತಲೆಗೆ ಹ್ಯಾಟ್‌, ಸ್ಕಾರ್ಫ್‌ ಬಳಸಿರಿ. ಆಗ ಸೂರ್ಯನ UV ಕಿರಣಗಳಿಂದ ಹಾನಿ ಆಗುವುದಿಲ್ಲ.
– ನೀವು ಈಜಲು ಹೊರಟಿದ್ದರೆ, ನೀರಿಗೆ ಇಳಿಯುವ ಮುನ್ನ, ಕೂದಲನ್ನು ಕೊಳಾಯಿ ನೀರಿನಿಂದ ಒದ್ದೆ ಮಾಡಿಕೊಳ್ಳಿ. ಇದರಿಂದ ಕೂದಲು ಕಡಿಮೆ ಪ್ರಮಾಣದ ಕ್ಲೋರಿನ್‌ನ್ನು ಹೀರುತ್ತದೆ.
– ಕೂದಲಿಗೆ ನಿಯಮಿತವಾಗಿ ಕಂಡೀಶನರ್‌ ಹೇರ್‌ ಸನ್‌ಸ್ಕ್ರೀನ್‌ ಕ್ರೀಂ ಬಳಸುತ್ತಿರಬೇಕು.
ಈ ಸೀಸನ್‌ನಲ್ಲಿ ಫ್ಯಾಷನ್ ಮೇಕಪ್‌ನ ಜೋರು ಅಧಿಕ. ಹೀಗಾಗಿ ಅಗತ್ಯವಾಗಿ ವಾರ್ಡ್‌ರೋಬ್‌ಗೂ ಕೂಲ್ ಟಚ್‌ ನೀಡಿ. ಈ ಸೀಸನ್‌ನಲ್ಲಿ ಲೈಟ್‌ ಕಾಟನ್‌/ಲಿನೆನ್‌ ಫ್ಯಾಬ್ರಿಕ್‌ ಹೆಚ್ಚು ಜನಪ್ರಿಯ. ಈ ಕಾಲಕ್ಕೆ ತಕ್ಕಂತೆ ಬಣ್ಣಗಳೂ ತೆಳು ಇರಲಿ. ಲೈಟ್‌, ಯೆಲ್ಲೋ, ಲೈಟ್‌ ಪಿಂಕ್‌, ಬ್ಲೂ, ಪೇಸ್ಟ್‌ ಇತ್ಯಾದಿ ಸೂಕ್ತ.
ಮೇಕಪ್
ಬೇಸಿಗೆಯ ದಿನಗಳಲ್ಲಿ ಮೇಕಪ್ ಸಹ ಲೈಟ್‌ ಕಲರ್‌ ಆಗಿರಬೇಕು. ಈ ಸೀಸನ್‌ನಲ್ಲಿ ವಾಟರ್‌ಪ್ರೂಫ್‌ ಮೇಕಪ್ ಕೂಡ ಒಳ್ಳೆಯದೇ, ಆಗ ಬೆವರು ಹರಿದರೂ ಹಿಂಸೆ ಆಗದು.
ಬ್ಯೂಟಿ ಎಕ್ಸ್ ಪರ್ಟ್‌ ನಿರ್ಮಲಾ ರಾಘವ್ ಹೇಳುತ್ತಾರೆ, “ಬೇಸಿಗೆಯಲ್ಲಿ ಐಶ್ಯಾಡೋ ಕ್ರೀಂ ಅಥವಾ ಗ್ಲಿಟರ್‌ನಿಂದ ಪಾರಾಗಬೇಕು. ಲೈಟ್‌ ಬಣ್ಣದ ಕೇಕ್‌ ಐಶ್ಯಾಡೋ ಬಳಸಬೇಕು. ಕಂಗಳ ಮೇಕಪ್‌ಗಾಗಿ ಒಂದೇ ಬಣ್ಣದ ಶೇಡ್ಸ್ ಬಳಸಿರಿ. ಐ ಲೈನರ್‌ ಜೊತೆ ವಾಟರ್‌ಪ್ರೂಫ್‌ ಮಸ್ಕರಾ ಬಳಸಿರಿ. ತುಟಿಗಳಿಗಾಗಿಯೂ ಲೈಟ್‌ ಕಲರ್ಸ್‌ ಅಂದರೆ ಪೀಚ್‌, ಗುಲಾಬಿ, ಪಿಂಕ್‌ ಬಳಸಿರಿ.”
ಚುರಿಚುರಿ ಬಿಸಿಲಲ್ಲಿ ಹೈಡ್ರೇಟೆಡ್‌ ಆಗಿರಿ
ಬಿರು ಬಿಸಿಲಲ್ಲಿ ನಮ್ಮನ್ನು ನಾವು ಹೈಡ್ರೇಟೆಡ್‌ ಆಗಿ ಇರಿಸಿಕೊಳ್ಳಬೇಕಾದುದು ಅತ್ಯಗತ್ಯ. ಸದಾ ನಿಮ್ಮ ಜೊತೆ ಒಂದು ಬಾಟಲ್ ತಣ್ಣೀರು ಇರಲಿ. ನಿಯಮಿತವಾಗಿ ನಡುನಡುವೆ ನೀರು ಕುಡಿಯುತ್ತಿರಿ. ದಿನಕ್ಕೆ ಕನಿಷ್ಠ 10-12 ಗ್ಲಾಸ್‌ ನೀರು ಕುಡಿಯುತ್ತಿರಿ. ಇದರಿಂದ ನಿಮ್ಮ ದೇಹ ಹೈಡ್ರೇಟೆಡ್‌, ಶಕ್ತಿಯುತ ಆಗಿರುತ್ತದೆ. ಈ ಸೀಸನ್‌ನಲ್ಲಿ ಹೆಚ್ಚು ರಸಭರಿತ ಹಣ್ಣು-ತರಕಾರಿ ಸೇವಿಸಬೇಕು. ಕಲ್ಲಂಗಡಿ, ದ್ರಾಕ್ಷಿ, ಕರ್ಬೂಜಾ, ಕಿತ್ತಳೆ, ಮೂಸಂಬಿ, ಟೊಮೇಟೊ, ಸೌತೇಕಾಯಿ ಇತ್ಯಾದಿಗಳನ್ನು ಅಧಿಕ ಸೇವಿಸಿ. ಪ್ರತಿದಿನ ಅಗತ್ಯ 1-1 ಬಟ್ಟಲು ಸಲಾಡ್‌ ಸೇವಿಸಿ, ಘನ ಆಹಾರ ಕಡಿಮೆ ಮಾಡಿ. ಇದರ ಸೇವನೆಯಿಂದ ದೇಹದಲ್ಲಿ ನೀರಿನ ಕೊರತೆ ಕಾಡದು, ನಿಮ್ಮ ಆರೋಗ್ಯ ಸುಸ್ಥಿರವಾಗಿರುತ್ತದೆ. ಜೊತೆಗೆ ಚಿಪ್ಸ್, ಕರಿದ ಸ್ನ್ಯಾಕ್ಸ್, ಸೀಲ್ಡ್ ಡಬ್ಬದ ಸಾಮಗ್ರಿ ಸೇವಿಸಬೇಡಿ.
ಡಿಯೋ ಬದಲು ಫ್ರಾಗ್ರೆಂಟ್‌ ಸೋಪ್‌, ಟಾಲ್ಕಂ ಪೌಡರ್‌ ಬಳಸಿರಿ
ಈ ಸೀಸನ್‌ನಲ್ಲಿ ಬೆವರಿನ ದುರ್ವಾಸನೆ ತಡೆಗಟ್ಟಲು ಸಾಮಾನ್ಯವಾಗಿ ನಾವು ಡಿಯೋಗೆ ಮೊರೆಹೋಗುತ್ತೇವೆ. ಆದರೆ ಇದರಲ್ಲಿ ಹೆಚ್ಚು ಕೆಮಿಕಲ್ಸ್ ಇರುತ್ತವೆ. ಇದನ್ನು ನೀವು ಡೈರೆಕ್ಟ್ ಸ್ಕಿನ್‌ ಮೇಲೆ ಸ್ಪ್ರೇ ಮಾಡಿಕೊಂಡರೆ, ಅದು ಸೂಯನ ಸಂಪರ್ಕಕ್ಕೆ ಬಂದಾಗ ಅಲರ್ಜಿಗೆ ಮೂಲವಾಗುತ್ತದೆ. ಜೊತೆಗೆ ಡಿಯೋದ ಹಲವು ಬಗೆಯ ಸೈಡ್‌ ಎಫೆಕ್ಟ್ ಗಳೂ ಇವೆ. ಹೀಗಾಗಿ ಬೇಸಿಗೆಯಲ್ಲಿ ತಾಜಾತನದ ಅನುಭವಕ್ಕಾಗಿ ನೀವು ಟಾಲ್ಕಂ ಪೌಡರ್‌ ಯಾ ಫ್ರಾಗ್ರೆನ್ಸ್ ಇರುವ ಸೋಪ್‌ ಬಳಸಿರಿ.
ಇವು ಲೆಮನ್‌, ಮೆಂಥಾಲ್‌, ಲ್ಯಾವೆಂಡರ್‌, ರೋಸ್‌, ಜಾಸ್ಮಿನ್‌ನಂಥ ಹಲವು ಬಗೆಯ ಸುಗಂಧಗಳಲ್ಲಿ ಲಭ್ಯವಿವೆ. ಈ ಸಾಬೂನು, ಪೌಡರ್‌ಗಳು ನೈಸರ್ಗಿಕ ಅಂಶಗಳನ್ನಾಧರಿಸಿ ತಯಾರಿಸಲಾಗಿರುತ್ತದೆ. ಆಕರ್ಷಕ ಪರಿಮಳಯುಕ್ತ ಸಾಬೂನು, ಟಾಲ್ಕಂ ಪೌಡರ್‌ ನಿಮ್ಮನ್ನು ಸದಾ ತಾಜಾ ಆಗಿರಿಸಿ ನಳನಳಿಸುವಂತೆ ಮಾಡುತ್ತದೆ. ಇವುಗಳಲ್ಲಿ ಚಿಕಿತ್ಸೀಯ ಗುಣಗಳೂ ಇರುತ್ತವೆ. ಟಾಲ್ಕಂ ಪೌಡರ್‌ ಕಂಕುಳು ಮತ್ತು ಇತರ ಭಾಗಗಳಿಂದ ಮಾಯಿಶ್ಚರ್‌ನ್ನು ಹೀರಿಕೊಳ್ಳುತ್ತದೆ. ಇದರಿಂದ ಬೆವರುವಿಕೆ ತಗ್ಗುತ್ತದೆ. ಫಂಗಲ್ ಇನ್‌ಫೆಕ್ಷನ್‌ ಸಹ ಮಾಯವಾಗುತ್ತದೆ. ಆದ್ದರಿಂದ ನೀವು ಡಿಯೋ ಬಳಸುವುದನ್ನು ಬಿಟ್ಟು ಟಾಲ್ಕಂ ಪೌಡರ್‌ ಮತ್ತು ಸುಗಂಧಿತ ಸಾಬೂನುಗಳ ಉತ್ಕೃಷ್ಟ ಗುಣಗಳಿಂದ ಬಿಸಿಲಿನ ಧಗೆ ಎದುರಿಸುದು ಲೇಸು.
ಸಮರ್ಪಕ ಪರ್ಫ್ಯೂಮ್ ಆರಿಸಿ
ಹೆಚ್ಚುತ್ತಿರುವ ಬೇಸಿಗೆ ನೋಡಿ ಉತ್ತಮ ಪರ್ಫ್ಯೂಮ್ ಬಳಸುವ ಆಸೆ ಎಲ್ಲರಿಗೂ ಮೂಡುತ್ತದೆ. ಹೀಗಾಗಿ ಈ ಸಂದರ್ಭದಲ್ಲಿ ನಿಮ್ಮ ಮನಸ್ಸಿಗೆ ಒಪ್ಪುವಂಥ, ಲೈಟ್‌ ಆಗಿರುವಂಥ ಪರ್ಫ್ಯೂಮ್ ಆರಿಸಿಕೊಳ್ಳಿ. ಬೇಸಿಗೆಯಲ್ಲಿ ಸಿಟ್ರಸ್‌ ಬೇಸ್ಡ್ ಆಧರಿಸಿದ ಪರ್ಫ್ಯೂಮ್ ಉತ್ತಮ ಚಾಯ್ಸ್ ಆಗಿವೆ. ಲೈಟ್‌ ಸೆಂಟೆಡ್‌ ಪರಿಮಳದ ಪರ್ಫ್ಯೂಮ್ ತನುವಿನ ಜೊತೆ ಮನವನ್ನೂ ಪ್ರಫುಲ್ಲಿತವಾಗಿಡುತ್ತದೆ. ಇವುಗಳ ಜೊತೆ ಲೆಮನ್‌, ಸ್ಟ್ರಾಬೆರಿ, ಲ್ಯಾವೆಂಡರ್‌, ಜಾಸ್ಮಿನ್‌ನಂಥ ನ್ಯಾಚುರಲ್ ಫ್ರಾಗ್ರೆನ್ಸ್ ನ ಪರ್ಫ್ಯೂಮ್ ಪೂರಕ.
ಅನಗತ್ಯ ಕೂದಲಿನಿಂದ ಮುಕ್ತಿ
ಬೇಸಿಗೆಯ ದಿನಗಳಲ್ಲಿ ಬೆವರಿನ ಕಾಟ ಮುಗಿಯುವಂಥದ್ದಲ್ಲ. ದೇಹದ ಕೆಲವು ವಿಶಿಷ್ಟ ಭಾಗಗಳಲ್ಲಿನ ಕೂದಲಿನ ಉಪಸ್ಥಿತಿಯಿಂದಾಗಿ ಬೆವರು, ದುರ್ವಾಸನೆ, ಸೋಂಕು ದಿನೇದಿನೇ ಹೆಚ್ಚುತ್ತದೆ. ಹೀಗಾಗಿ ಮೊದಲೇ ಇದನ್ನು ನಿವಾರಿಸಿಕೊಳ್ಳುವುದು ಮೇಲು.
ದೇಹದ ಅನಗತ್ಯ ಕೂದಲಿನಿಂದ ಮುಕ್ತಿ ಪಡೆಯಲು ಶೇವಿಂಗ್‌, ವ್ಯಾಕ್ಸಿಂಗ್‌ ಸುಲಭ ವಿಧಾನಗಳಾಗಿವೆ. ಶೇವಿಂಗ್‌ ಅಂತೂ ಎಲ್ಲಕ್ಕಿಂತ ಸರಳ ಹಾಗೂ ನೋವಿಲ್ಲದ ಕ್ರಿಯೆ. ಆದರೆ ಇದರಿಂದ ಕೂದಲಿನ ಬೆಳವಣಿಗೆ ನಿಯಂತ್ರಿಸಲಾಗದು. ಶಾಶ್ವತವಾಗಿ ದೇಹದಿಂದ ಕೂದಲು ಬೆಳೆಯದಂತೆ ಮಾಡಲು ಲೇಸರ್‌ ಟೆಕ್ನಿಕ್ಸ್, ಎಲೆಕ್ಟ್ರಾಲಿಸಿಸ್‌ ಉತ್ತಮ ಆಯ್ಕೆಗಳಾಗಿವೆ. ಇದು ಸಾಕಷ್ಟು ಪರಿಣಾಮಕಾರಿಯೂ ಹೌದು. ಇಷ್ಟು ಮಾತ್ರಲ್ಲದೆ ನೈಸರ್ಗಿಕ ವಿಧಾನಗಳನ್ನೂ ಟ್ರೈ ಮಾಡುತ್ತಿರಿ.
ಬಿಗ್‌ಬಾಸ್‌ ಹೇರ್‌ ಸೆಲೂನ್‌ ಸ್ಪಾದ ಹೇರ್‌ ಸ್ಟೈಲಿಸ್ಟ್ ವಿಲನ್‌ ಭಾಟಿಯಾರ ಸಲಹೆಗಳು :
ಒಂದು ಸ್ಟೀಲ್‌ ಬಟ್ಟಲಿಗೆ ತುಸು ಸಕ್ಕರೆ, ಜೇನು, ನಿಂಬೆರಸ ಬೆರೆಸಿ ಸ್ವಲ್ಪ ಬಿಸಿ ಮಾಡಿ. ಈ ಮಿಶ್ರಣ ಗಟ್ಟಿ ಆಗತೊಡಗಿದಂತೆ, ತುಸು ನೀರು ಬೆರೆಸಿಕೊಳ್ಳಿ. ಆಮೇಲೆ ಈ ಮಿಶ್ರಣವನ್ನು ಆರಲು ಬಿಡಿ. ಇದು ಸಹಿಸುವ ಉಷ್ಣತೆ ಹೊಂದಿರುವಾಗ, ಕೈಕಾಲು ಮುಂತಾದ ಕಡೆ ಅನಗತ್ಯ ಕೂದಲು ಬೆಳೆದಿರುವೆಡೆ, ಈ ಮಿಶ್ರಣವನ್ನು ಸವರಬೇಕು. ಆ ಭಾಗಕ್ಕೆ ವೆಲ್ವೆಟ್‌ ಬಟ್ಟೆ ಹೊದಿಸಿ, ಹೇರ್‌ಗ್ರೋಥ್‌ನ ವಿರುದ್ಧ ದಿಕ್ಕಿಗೆ ಬೇಗ ಎಳೆದುಬಿಡಿ. ಆಗ ಕೂದಲು ಹೋಗುತ್ತದೆ.
2 ಚಮಚ ಪರಂಗಿಕಾಯಿ ಪೇಸ್ಟಿಗೆ, ಅರ್ಧ ಚಮಚ ಅರಿಶಿನ ಬೆರೆಸಿ, ಈ ಮಿಶ್ರಣವನ್ನು ಅಗತ್ಯವಿರುವ ಕಡೆ ಹಚ್ಚಿ 15-20 ನಿಮಿಷ ಹಾಗೇ ಇಡಿ. ನಂತರ ಲಘುವಾಗಿ ಕೈಗಳಿಂದ ಸ್ಕ್ರಬ್‌ ಮಾಡಿ. ಆಮೇಲೆ ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ವಾರದಲ್ಲಿ 1-2 ಸಲ ನಿಯಮಿತವಾಗಿ ಇದನ್ನು ರಿಪೀಟ್‌ ಮಾಡಿ, ಅನಗತ್ಯ ಕೂದಲಿನಿಂದ ಮುಕ್ತಿ ಪಡೆಯಿರಿ.
