ಚರ್ಮ ನಮ್ಮ ದೇಹವನ್ನು ಧೂಳು, ಮಣ್ಣು, ಬ್ಯಾಕ್ಟೀರಿಯಾ, ಸೂರ್ಯನ UV ಕಿರಣಗಳು ಇತ್ಯಾದಿಗಳಿಂದ ಕಾಪಾಡುತ್ತದೆ. ಆದರೆ ಕ್ರಮೇಣ ವಯಸ್ಸಾಗ ತೊಡಗಿದಂತೆ, ಅದರಲ್ಲಿನ ಬಳುಕುವಿಕೆ ಮಾಯವಾಗಿ ಕಸುವು ಕುಗ್ಗುತ್ತದೆ. ಈಗ ಇದು ತನ್ನನ್ನು ತಾನು ಬಾಹ್ಯ ಹಾನಿಗಳಿಂದ ರಕ್ಷಿಸಿಕೊಳ್ಳಲಾಗದು. ವಯಸ್ಸು ಹೆಚ್ಚಾದಂತೆ ತ್ವಚೆಯಲ್ಲಿನ ಎಲಾಸ್ಟಿಕ್‌ ಟಿಶ್ಯು ಹಾಳಾಗುತ್ತಾ ಹೋಗುತ್ತದೆ. ಚರ್ಮ ತೆಳು ಆಗುತ್ತದೆ, ಬಡಕಲಾಗಿ ಜೋತಾಡುತ್ತದೆ. ಆಗ ಚರ್ಮ ಹೆಚ್ಚು ಹೆಚ್ಚಾಗಿ ಪಾರದರ್ಶಕ ಆಗುತ್ತದೆ. ಆಗ ಏಜಿಂಗ್‌ ಜೊತೆ ಜೊತೆಗೆ ಸುಕ್ಕುಗಳು ಹೆಚ್ಚುತ್ತವೆ. ಹಾಗಾದಾಗ ತ್ವಚೆಯ ವಿಶೇಷ ಆರೈಕೆ ಅತ್ಯಗತ್ಯ ಆಗುತ್ತದೆ. ಈ ಕೆಳಗಿನ ಸಲಹೆಗಳನ್ನು ಅನುಸರಿಸಿ ನೀವು ಇಂಥ ಸಮಸ್ಯೆಗಳಿಂದ ಪಾರಾಗಿ :
ಚರ್ಮ ಬಿಸಿಲಿಗೆ ಬಾಡದಂತೆ ರಕ್ಷಿಸಿ : ಚರ್ಮ ಬಿಸಿಲಿಗೆ ಹಾಳಾಗದಂತೆ ತಡೆದಷ್ಟೂ ಆ್ಯಂಟಿ ಏಜಿಂಗ್‌ಗೆ ಹೆಚ್ಚಿನ ನೆರವು ಸಿಗುತ್ತದೆ. ಸೂರ್ಯನ ಕಿರಣಗಳಿಂದ ಚರ್ಮಕ್ಕೆ ಏಜಿಂಗ್‌ ಬಾಧೆ ಹೆಚ್ಚುತ್ತದೆ. ತೀವ್ರ ಬಿಸಿಲಿನ ಕಾರಣ ಚರ್ಮದ ವಯಸ್ಸು ಅಗತ್ಯಕ್ಕೆ ಮೊದಲೇ ಹೆಚ್ಚಾಗಿರುವಂತೆ ಕಾಣುತ್ತದೆ. ಇದನ್ನೇ ಫೋಟೋ ಏಜಿಂಗ್‌ ಎನ್ನುತ್ತಾರೆ. ಚರ್ಮಕ್ಕೆ ತೀವ್ರ ಬಿಸಿಲು ಮತ್ತು ಹಾನಿಕಾರಕ UV ಕಿರಣಗಳಿಂದ ರಕ್ಷಣೆ ಪಡೆಯಲು ಡರ್ಮಟಾಲಜಿಸ್ಟ್ ಸಲಹೆ ಹೀಗಿದೆ :
ಸದಾ ನೆರಳಲ್ಲಿರಿ : ಬೆಳಗ್ಗೆ 10 ಗಂಟೆಯಿಂದ ಸಂಜೆ 4ರವರೆಗೆ ಬಿಸಿಲಿನಲ್ಲಿ ಸುತ್ತಾಡಬೇಡಿ. ಸಾಧ್ಯವದಷ್ಟೂ ನಿಮ್ಮ ಎಲ್ಲಾ ಕೆಲಸಗಳನ್ನು ನೆರಳಲ್ಲೇ ಮಾಡಿಕೊಳ್ಳಿ.
ನಿಮ್ಮನ್ನು ನೀವು ಕವರ್‌ ಮಾಡಿಕೊಳ್ಳಿ : ನಿಮ್ಮನ್ನು ನೀವು ಟೋಪಿ, ಸ್ಕಾರ್ಫ್‌ನಿಂದ ಕವರ್‌ ಮಾಡಿಕೊಳ್ಳಿ. ತುಂಬು ತೋಳಿನ ಉಡುಗೆ, ಪ್ಯಾಂಟ್‌ ಇರಲಿ. ಸನ್‌ಗ್ಲಾಸಸ್‌ ಧರಿಸಲು ಮರೆಯದಿರಿ.
ಹೊರಗೆ ಹೊರಡುವ ಮೊದಲು ಸನ್‌ಸ್ಕ್ರೀನ್‌ ಹಚ್ಚಿರಿ : ಕನಿಷ್ಠ 15 SPF ಉತ್ತಮ ಪರಿಣಾಮಕ್ಕಾಗಿ 30 SPF ಸನ್‌ಸ್ಕ್ರೀನ್‌ ಲೋಶನ್‌ ಹಚ್ಚಿರಿ. ಇದು ಸೂರ್ಯನ ಎರಡೂ ಬಗೆಯ ಕಿರಣಗಳಿಂದ ನಮ್ಮನ್ನು ರಕ್ಷಿಸುತ್ತದೆ. ತೀವ್ರ ಬಿಸಿಲಿನ ಚರ್ಮದ ಮೇಲೆ ಸುಕ್ಕು, ಕಪ್ಪು ಉಂಗುರ ಏಜಿಂಗ್‌ ಕಲೆಗಳು, ಇತ್ಯಾದಿ ಸಮಸ್ಯೆಗಳು ತಲೆದೋರಬಹುದು. ಸನ್‌ಸ್ಕ್ರೀನ್‌ ಬಳಕೆಯಿಂದ ಈ ಸಮಸ್ಯೆಗಳನ್ನು ನಿವಾರಿಸಬಹುದು.
ಮೇಕಪ್‌ ಕಳಚಿರಿ : ರಾತ್ರಿ ಮಲಗುವ ಮೊದಲು ಮೇಕಪ್‌ ರಿಮೂವ್ ಮಾಡಲು ಮರೆಯದಿರಿ. ಇದರಿಂದ ಚರ್ಮ ರಾತ್ರಿ ಪೂರ್ತಿ ಹಾಯಾಗಿ ಉಸಿರಾಡಬಲ್ಲದು. ರಾತ್ರಿಯಿಡೀ ಮೇಕಪ್‌ ಚರ್ಮದ ಮೇಲೆ ಹಾಗೇ ಉಳಿದುಬಿಟ್ಟರೆ, ಅದರ ರೋಮರಂಧ್ರಗಳು ಕ್ಲೋಸ್‌ ಆಗಿಹೋಗಿ, ಬ್ಲ್ಯಾಕ್‌ಹೆಡ್ಸ್ ಏಳುವ ಸಮಸ್ಯೆಗಳಿವೆ.
ಪ್ರತಿದಿನ ಮಾಯಿಶ್ಚರೈಸರ್‌ ಹಚ್ಚಿರಿ : ನಿಮಗೆ ವಯಸ್ಸು ಹೆಚ್ಚಿದಂತೆಲ್ಲ ಚರ್ಮ ಡ್ರೈ ಆಗುತ್ತಾ ಹೋಗುತ್ತದೆ. ಅದಕ್ಕೆ ಸರಿಯಾದ ಹೈಡ್ರೇಶನ್‌ ಸಿಗದಿದ್ದರೆ ಫೈನ್ ಲೈನ್ಸ್ ಮತ್ತು ಸುಕ್ಕು ಮೂಡುತ್ತದೆ. ಮಾಯಿಶ್ಚರೈಸರ್‌ನಿಂದ ಚರ್ಮದಲ್ಲಿ ಆರ್ದ್ರತೆ ಕೂಡುತ್ತದೆ. ಹೀಗಾಗಿ ಚರ್ಮ ಯಂಗ್‌ ಆಗಿ ತೋರಿ, ಮೃದುವಾಗುತ್ತದೆ.
ನೀವು ಫೇಶಿಯಲ್ ಮಾಯಿಶ್ಚರೈಸರ್‌, ಬಾಡಿ ಮಾಯಿಶ್ಚರೈಸರ್‌, ಲಿಪ್‌ ಬಾಮ್ ಬಳಸಬಹುದು. ಚರ್ಮವನ್ನು ಡ್ರೈಗೊಳಿಸುವಂಥ ಉತ್ಪನ್ನಗಳನ್ನು ಎಂದೂ ಬಳಸಬೇಡಿ. ಉದಾ : ಒರಟು ಸೋಪು, ಆಲ್ಕೋಹಾಲ್ ಆಧಾರಿತ ಉತ್ಪನ್ನಗಳು.
ಆಹಾರದ ಕಡೆ ವಿಶೇಷ ಗಮನವಿರಲಿ : ನಿಮ್ಮ ಎಂದಿನ ಆಹಾರದಲ್ಲಿ ತಾಜಾ ಹಣ್ಣು, ಹಸಿ ತರಕಾರಿ, ಪ್ರೋಟೀನ್‌, ವಿಟಮಿನ್‌, ಮಿನರಲ್ಸ್ ಧಾರಾಳ ಇರುವಂತೆ ಮಾಡಿ. ವಿಟಮಿನ್‌ ಸಿ ಹೆಚ್ಚಾಗಿರುವ, ಕಡಿಮೆ ಸಕ್ಕರೆ, ಕೊಬ್ಬಿನಂಶವುಳ್ಳ ಆಹಾರ ಚರ್ಮ ಹೊಳೆಯುವಂತೆ ಮಾಡುತ್ತದೆ. ಕಡಿಮೆ ಸಕ್ಕರೆಯಿಂದ ದೇಹದಲ್ಲಿ ಇನ್ಸುಲಿನ್‌ ಮಟ್ಟ ಸ್ಥಿರವಾಗಿರುತ್ತದೆ. ತಾಜಾ ತರಕಾರಿ, ಹಣ್ಣಿನ ಸೇವನೆ ಚರ್ಮವನ್ನು ಆರೋಗ್ಯವಾಗಿಡಲು ಅತ್ಯಗತ್ಯ.
ವ್ಯಾಯಾಮ ಮಾಡಿ : ನಿಯಮಿತ ವ್ಯಾಯಾಮದಿಂದ ಚರ್ಮ ಶುಚಿಯಾಗಿರುತ್ತದೆ. ವಾಕಿಂಗ್‌, ಜಾಗಿಂಗ್‌ ಇತ್ಯಾದಿಗಳಿಂದ ದೇಹದಲ್ಲಿ ರಕ್ತ ಸಂಚಾರ ಸುಧಾರಿಸುತ್ತದೆ. ಹೀಗೆ ಮಾಡುವುದರಿಂದ ನಿಮ್ಮ ಮುಖದಲ್ಲಿ ತಾನಾಗಿ ಕಳೆ ಹೆಚ್ಚಾಗುತ್ತದೆ.
ನಿಮ್ಮನ್ನು ಸದಾ ಹೈಡ್ರೇಟೆಡ್‌ ಆಗಿರಿಸಿಕೊಳ್ಳಿ : ಚರ್ಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ರಕ್ತವಾಹಿನಿಗಳು ಇರುತ್ತವೆ. ಚರ್ಮವನ್ನು ಸದಾ ಸ್ವಸ್ಥವಾಗಿಡಲು ಇದರಲ್ಲಿ ರಕ್ತ ಸಂಚಾರ ಸರಿಯಾಗಿರಬೇಕು. ಪ್ರತಿದಿನ 8-10 ಗ್ಲಾಸ್‌ ನೀರನ್ನು ಅಗತ್ಯ ಕುಡಿಯಿರಿ. ಜೊತೆಗೆ ಧಾರಾಳವಾಗಿ ತಾಜಾ ಹಣ್ಣು, ತರಕಾರಿ ಸೇವಿಸಿ. ನೀರಿನಂಶ ಧಾರಾಳ ತುಂಬಿರುವ ಮೂಸಂಬಿ, ಕಿತ್ತಳೆ, ಕಲ್ಲಂಗಡಿ, ಕರ್ಬೂಜಾ, ಸೌತೇಕಾಯಿ, ದ್ರಾಕ್ಷಿ, ಸ್ಟ್ರಾಬೆರಿ ಇತ್ಯಾದಿ ಸೇವಿಸಿ.
ಇಡೀ ದೇಹದ ಆರೈಕೆ : ಮುಖವನ್ನು ಬಿಟ್ಟು ದೇಹದ ಇತರ ಭಾಗಗಳಾದ ಕುತ್ತಿಗೆ, ಎದೆ, ಕೈಗಳ ಆರೈಕೆ ಕಡೆಗೂ ಗಮನ ಕೊಡಬೇಕು. ಕೈಕಾಲು, ಬೆರಳು, ಉಗುರುಗಳನ್ನೂ ನಿರ್ಲಕ್ಷಿಸದೆ ನೋಡಿಕೊಳ್ಳಿ. ತುಸು ಉಪ್ಪು ಹಾಕಿದ ಬಿಸಿ ನೀರಲ್ಲಿ ಕೈ ಕಾಲನ್ನು ಅದ್ದಿ ತೆಗೆದು, ಟವೆಲ್‌ನಿಂದ ಚೆನ್ನಾಗಿ ಒರೆಸಿ, ಡೆಡ್‌ ಸ್ಕಿನ್‌ ತೊಲಗಿಸಿ.
ನಿದ್ದೆ ಅಪೂರ್ಣ ಆಗಬಾರದು : ಕನಿಷ್ಠ 8 ಗಂಟೆಯ ನಿದ್ದೆ ಅತ್ಯಗತ್ಯ. ನಿದ್ದೆ ಪೂರೈಕೆ ಆಗಿಲ್ಲವೆಂದರೆ ನಿಮ್ಮ ಚರ್ಮ ರೋಗ ತಗುಲಿದಂತೆ ನಿರ್ಜೀವ ಆಗುತ್ತದೆ. ಮಲಗುವ ಮೊದಲು ಮುಖ ತೊಳೆದು ಅಗತ್ಯ ಮಾಯಿಶ್ಚರೈಸರ್‌ ಹಚ್ಚಿಕೊಳ್ಳಿ.
ಆ್ಯಂಟಿಏಜಿಂಗ್‌ ಟ್ರೀಟ್‌ಮೆಂಟ್ಸ್ ಬೋಟಾಕ್ಸ್ : ಇದು ಅತಿ ಜನಪ್ರಿಯ ನಾನ್‌ಸರ್ಜಿಕಲ್ ಕಾಸ್ಮೆಟಿಕ್‌ ಟ್ರೀಟ್‌ಮೆಂಟ್‌ ಆಗಿದೆ. ಇದು ಸುಕ್ಕು, ಹಣೆ ಮೇಲೆ ನೆರಿಗೆ, ಕಂಗಳ ಕೆಳಗಿನ ಉಂಗುರಗಳು ಇತ್ಯಾದಿಗಳನ್ನು ನಿವಾರಿಸುವಲ್ಲಿ ಸಹಾಯಕ. ಈ ಟ್ರೀಟ್‌ಮೆಂಟ್‌ ಹೆಚ್ಚು ಪರಿಣಾಮಕಾರಿಯೂ ಹೌದು. ಇದು 7-8 ತಿಂಗಳ ಅವಧಿಯದು. ಆದರೆ ಫೈನ್ ಲೈನ್ಸ್, ಸುಕ್ಕುಗಳು ಹೆಚ್ಚಿದಂತೆ ಗರ್ಭವತಿ, ಸ್ತನ್ಯಪಾನ ಮಾಡಿಸುವ ಬಾಣಂತಿಯರು ಇದನ್ನು ಮಾಡಿಸಿಕೊಳ್ಳಬಾರದು.
ಫಿಲ್ಲರ್ಸ್‌ : ಮುಖವನ್ನು ಮತ್ತಷ್ಟು ಕೋಮಲವಾಗಿಸಲು ಮತ್ತು ಸುಕ್ಕುಗಳನ್ನು ದೂರವಾಗಿಡಲು ಜೆಲ್‌ನಂಥ ಫಿಲ್ಲರ್ಸ್‌ ಇಂಜೆಕ್ಚ್ ಮಾಡುತ್ತಾರೆ. ಫಿಲ್ಲರ್‌ ಇಂಜೆಕ್ಷನ್‌ ಕಾಸ್ಮೆಟಿಕ್‌ ಟ್ರೀಟ್‌ಮೆಂಟ್‌ ಆಗಿದೆ, ಇದು ಸುಕ್ಕುಗಳನ್ನು ದೂರ ಮಾಡಿ ಮುಖಕ್ಕೆ ವಾಲ್ಯೂಂ ನೀಡುತ್ತದೆ.
ಲಿಫ್ಟಿಂಗ್‌ : ಈ ಟೆಕ್ನಿಕ್‌ನಲ್ಲಿ ದಾರ ಅಥವಾ ಥ್ರೆಡ್‌ನಂಥ ಅಂಶವನ್ನು ಚರ್ಮದಾಳಕ್ಕೆ ಹುದುಗಿಸಿ, ಅದು ಅಲ್ಲೇ ವಿಲೀನಗೊಳ್ಳುವಂತೆ ಮಾಡುತ್ತಾರೆ. ಈ ಥ್ರೆಡ್‌ ಯಾವ ಸರ್ಜರಿಯೂ ಇಲ್ಲದೆ ಫೇಸ್‌ ಲಿಫ್ಟಿಂಗ್‌ ಮಾಡುತ್ತದೆ. ಇದರಲ್ಲಿ ಅನಸ್ತೇಶಿಯಾದ ಅಗತ್ಯ ಇಲ್ಲ. ಥ್ರೆಡ್‌ ಲಿಫ್ಟಿಂಗ್‌ ಚರ್ಮದ ಸುಕ್ಕುಗಳನ್ನು ದೂರಗೊಳಿಸಿ ಅದನ್ನು ಸುಕೋಮಲ ಆಗಿಸುತ್ತದೆ. ಇದು ತ್ವಚೆಯ ಟೆಕ್ಸ್ ಚರ್‌ ಟೋನ್‌ನಲ್ಲಿ ಸುಧಾರಣೆ ತಂದು ಅದನ್ನು ಯಂಗ್‌ ಬ್ಯೂಟಿಫುಲ್ ಮಾಡುತ್ತದೆ.
ಲೇಸರ್‌ : ಇದನ್ನು ಬಳಸಿ ಸುಕ್ಕು, ಫೋಟೋ ಏಜಿಂಗ್‌, ಪಿಗ್ಮೆಂಟೇಶನ್‌ ಇತ್ಯಾದಿಗಳಿಗೆ ಚಿಕಿತ್ಸೆ ಒದಗಿಸಬಹುದು. ಈ ಚಿಕಿತ್ಸೆ ಸೂರ್ಯನ ಹಾನಿಕಾರಕ UV ಕಿರಣಗಳಿಂದಾಗುವ ಏಜಿಂಗ್‌ನ್ನೂ ದೂರ ಮಾಡುತ್ತದೆ. ಲೇಸರ್‌ ಚಿಕಿತ್ಸೆ ಚರ್ಮದಲ್ಲಿ ಕೊಲೋಜನ್‌ ನಿರ್ಮಾಣದ ಪ್ರಮಾಣ ಹೆಚ್ಚಿಸುತ್ತದೆ. ಇದರಿಂದ ಚರ್ಮ ಸಹಜವಾಗಿ ರಿಪೇರಿ ಆಗುತ್ತದೆ, ಯಂಗ್‌ ಮತ್ತು ಕಾಂತಿಯುತವಾಗುತ್ತದೆ.
ಪೀಲ್ : ಇದೊಂದು ಬಗೆಯ ಜೆಲ್‌, ಇದರಿಂದ ಏಜಿಂಗ್‌ನಿಂದಾಗುವ ತ್ವಚೆಯ ಹಲವು ಸಮಸ್ಯೆಗಳು ದೂರಾಗುತ್ತವೆ. ಪೀಲಿಂಗ್‌ನಿಂದ ಚರ್ಮದ ಹೊರಪದರದಲ್ಲಿ ಕೆಟ್ಟಿರುವ ಅಂಶವನ್ನು ತೊಲಗಿಸಬಹುದು. ಅದಾದ ಮೇಲೆ ನೈಸರ್ಗಿಕ ರೂಪದಲ್ಲಿ ಹೊಸ ಹೊಸ ಜೀವಕೋಶಗಳನ್ನು ತಯಾರಿಸುತ್ತದೆ. ಇದರಿಂದ ಚರ್ಮದ ಮೇಲೆ ಫೈನ್ ಲೈನ್ಸ್, ಸುಕ್ಕು, ಡಾರ್ಕ್‌ ಸ್ಪಾಟ್‌, ಅನ್‌ಈವೆನ್‌ ಸ್ಕಿನ್‌ ಟೋನ್‌, ಟೆಕ್ಸ್ ಚರ್‌ಗಳಿಗೆ ಚಿಕಿತ್ಸೆ ಒದಗಿಸುತ್ತದೆ.
ಮೈಕ್ರೋಡರ್ಮಾಬ್ರೆಷನ್‌ : ಈ ಪ್ರಕ್ರಿಯೆ ನಿಜಕ್ಕೂ ಬಲು ಲಾಭಕಾರಿ. ಇದು ಫೈನ್ ಲೈನ್ಸ್ ದೂರ ಮಾಡಿ, ಚರ್ಮದ ಡೆಡ್‌ ಸ್ಕಿನ್‌ ತೊಲಗಿಸಿ, ಕೊಲೋಜನ್‌ ನಿರ್ಮಾಣದಲ್ಲಿ ಸಹಕರಿಸುತ್ತದೆ. ಈ ಪ್ರಕ್ರಿಯೆಯಲ್ಲಿ ಮೊದಲು ಚರ್ಮದ ಮೇಲ್ಪದರವನ್ನು ಲೈಟಾಗಿ ಪೀಲ್ ಮಾಡಲಾಗುತ್ತದೆ. ಇದರಿಂದ ಒಳಭಾಗದಿಂದ ಹೊಚ್ಚ ಹೊಸ ಸ್ವಸ್ಥ ಜೀವಕೋಶಗಳು ಮೂಡುತ್ತವೆ. ಈ ಪ್ರಕ್ರಿಯೆಗೆ ಹೆಚ್ಚಿನ ಸಮಯ ಬೇಡ, ಏಕೆಂದರೆ ಪ್ರಭಾವಿತ ಭಾಗದ ಆರೈಕೆ ಮಾತ್ರ ಆಗುತ್ತದೆ.
ಪ್ಲಾಟಿಲೆಟ್‌ ರಿಚ್‌ ಪ್ಲಾಸ್ಮಾ (ಪಿಪಿ) : ಪಿಪಿ ಟೆಕ್ನಿಕ್‌ ಮೂಲಕ, ಮೊದಲೇ ತೆಗೆದುಕೊಂಡ ಬ್ಲಡ್‌ ಸ್ಯಾಂಪಲ್‌ನ್ನು ಪರೀಕ್ಷಿಸಿ, ನಂತರ ಆ ರಕ್ತಕ್ಕೆ ಪ್ಲಾಟಿಲೆಟ್ಸ್ ಬೆರೆಸಿ ರಿಚ್‌ ಪ್ಲಾಸ್ಮಾ ಮಾಡಲಾಗುತ್ತದೆ. ನಂತರ ಅದನ್ನೇ ಮತ್ತೆ ಚರ್ಮದ ಪ್ರಭಾವಿತ ಭಾಗದಲ್ಲಿ ಇಂಜೆಕ್ಟ್ ಮಾಡಲಾಗುತ್ತದೆ.
ಇಂಜೆಕ್ಷನ್‌ ಕೊಡುವ ಮೊದಲು ಈ ಭಾಗಕ್ಕೆ ಕ್ರೀಂ ಅನಸ್ತೇಶಿಯಾ ನೀಡಲಾಗುತ್ತದೆ. ಪಿಪಿ ಇಂಜೆಕ್ಟ್ ಮಾಡುವುದರಿಂದ ಚರ್ಮಕ್ಕೆ ಕೊಲೋಜನ್‌ ಹ್ಯಾಲೂರೋನಿಕ್‌ ಆ್ಯಸಿಡ್‌ ತಯಾರಾಗಲು ನೆರವಾಗುತ್ತದೆ. ಇದು ಚರ್ಮದ ರಿಪೇರಿ ಮಾಡುತ್ತದೆ. ಇದು ಚರ್ಮದ ಸುಕ್ಕು, ಡಾರ್ಕ್‌ ಸರ್ಕಲ್ಸ್, ಕಲೆ ಗುರುತು, ಅನ್‌ಈವೆನ್‌ ಸ್ಕಿನ್‌ ಟೋನ್‌, ಮೊಡವೆಗಳ ಕಲೆ, ಜೋತಾಡುವ ಚರ್ಮ ಇತ್ಯಾದಿಗಳನ್ನು ನಿವಾರಿಸಬಲ್ಲದು.
– ಡಾ. ಸಾವಿತ್ರಿ ರಾವ್
