ಹೆಂಗಸರು ತಮ್ಮ ಸೌಂದರ್ಯದ ಕುರಿತಾಗಿ ಸದಾ ಜಾಗೃತರಾಗಿರುತ್ತಾರೆ. ಯಾವುದೇ ಫಂಕ್ಷನ್‌ ಅಥವಾ ಹಬ್ಬವಿರಲಿ, ಪರ್ಫೆಕ್ಟ್ ಆಗಿ ಸಿಂಗರಿಸಿಕೊಂಡು ಓಡಾಡ ಬಯಸುತ್ತಾರೆ. ಆದರೆ ಮಹಾಮಾರಿ ಕೊರೋನಾ ಕಾಟದಿಂದಾಗಿ ನೆಮ್ಮದಿಯಾಗಿ ಪಾರ್ಲರ್‌ಗೆ ಹೋಗುವ ಹಾಗೆ ಇಲ್ಲವಾಗಿದೆ. ಹೀಗಿರುವಾಗ ಮನೆಯಲ್ಲಿ ಇದ್ದುಕೊಂಡೇ ನೀವು ಬ್ಯೂಟಿಪಾರ್ಲರ್‌ನ ಆ ಪರ್ಫೆಕ್ಟ್ ಆರೈಕೆ ಪಡೆಯುವುದು ಹೇಗೆ?
ಬನ್ನಿ, ಮನೆಯಲ್ಲಿರುವ ಕೆಲವೇ ಸೌಂದರ್ಯ ಸಾಧನಗಳನ್ನು ಬಳಸಿಕೊಂಡು ಅತ್ಯುತ್ತಮ ಮೇಕಪ್‌ ಮಾಡಿಕೊಳ್ಳುವುದು ಹೇಗೆ ಎಂದು ತಜ್ಞೆಯರ ಸಲಹೆಯಂತೆ ಮುಂದುವರಿಯೋಣ.
ಲಿಪ್ಸ್ಟಿಕ್ ಕಲರ್‌ ಫುಲ್ ವಿಂಗ್ ಲೈನರ್‌ : ನೀವು ಲಿಪ್ಸ್ಟಿಕ್ ನ್ನು ಮಲ್ಟಿ ಕಲರ್‌ ವಿಂಗ್ ಲೈನರ್‌ ಆಗಿಯೂ ಮಾಡಬಹುದು. ಇದಕ್ಕಾಗಿ ನೀವು ಲಿಕ್ವಿಡ್‌ ಮ್ಯಾಟ್‌ ಲಿಪ್ಸ್ಟಿಕ್ ಬಳಸಿಕೊಳ್ಳಿ. ಇದರಿಂದ ವಿಂಗ್ ಲೈನರ್‌ನ ಶೇಪ್‌ ನೀಡಿ ಕಂಗಳ ಮೇಲೆ ತೀಡಬಹುದು. ಲಿಪ್‌ಸ್ಟಿಕ್‌ನಿಂದ ಬಳಿಯಾದ ವಿಂಗ್ ಲೈನರ್‌ ಬೋಲ್ಡ್ ಲುಕ್ಸ್ ನೀಡುತ್ತದೆ.
ಬ್ಲಶರ್‌ : ಲಿಪ್‌ಸ್ಟಿಕ್‌ನ್ನು ಬ್ಲಶರ್‌ನಂತೆಯೂ ಯೂಸ್‌ ಮಾಡಬಹುದು. ನೀವು ನಿಮ್ಮ ಕೆನ್ನೆಗೆ ನ್ಯಾಚುರಲ್ ಲುಕ್ಸ್ ನೀಡಬೇಕಿದ್ದರೆ, ಯಾವುದಾದರೂ ವೈಟ್‌ ಶೇಡ್‌ ಲಿಪ್ಸ್ಟಿಕ್ ಬಳಸಿಕೊಳ್ಳಿ. ನೀವು ಪಾರ್ಟಿ ಲುಕ್ಸ್ ಬಯಸಿದರೆ ಡಾರ್ಕ್‌ ಶಿಮರಿ ಲಿಪ್ಸ್ಟಿಕ್ ಬಳಸಿಕೊಳ್ಳಿ.
ಫೌಂಡೇಶನ್
ಫೌಂಡೇಶನ್ ನಿಂದ ಕನ್ಸೀಲರ್‌ ಮಾಡಿಕೊಳ್ಳಿ : ಮೇಕಪ್‌ಗೆ ಉತ್ತಮ ಬೇಸ್‌ ನೀಡಲು ನಾವು ಫೌಂಡೇಶನ್ ಬಳಸುತ್ತೇವೆ. ಆಗ ಮುಖ ಗೌರವರ್ಣ ಹೊಂದಿ ಏಕಸಮಾನ ಎನಿಸುತ್ತದೆ. ಆದರೆ ನಾವು ಈ ಫೌಂಡೇಶನ್‌ನ್ನು ಹಲವು ರೀತಿಗಳಲ್ಲಿ ಬಳಸಿಕೊಳ್ಳಬಹುದು. ಮುಖದಲ್ಲಿ ಕಲೆ, ಗುರುತು, ಮೊಡವೆ ಇತ್ಯಾದಿ ಅಡಗಿಸಲು ನಾವು ಕನ್ಸೀಲರ್‌ ಬಳಸುತ್ತೇವೆ. ಆದರೆ ಫೌಂಡೇಶನ್‌ನ್ನೇ ಕನ್ಸೀಲರ್‌ ಆಗಿ ಬಳಸಬಹುದೆಂದು ನಿಮಗೆ ಗೊತ್ತೇ? ಫೌಂಡೇಶನ್ ನಿಂದ ಕನ್ಸೀಲರ್‌ ಕೆಲಸ ತೆಗೆಯುವುದು ಸುಲಭ.
ಇದಕ್ಕಾಗಿ ಫೌಂಡೇಶನ್ ಗ್ರೀನ್‌ ಐ ಶ್ಯಾಡೋ ಬೆರೆಸಿಕೊಳ್ಳಿ. ಇದನ್ನು ನೀವು ಡಾರ್ಕ್‌ ಸರ್ಕಲ್ಸ್, ಮೊಡವೆ ಅಡಗಿಸಲು ಬಳಸಬಹುದು. ಗ್ರೀನ್‌ ಕಲರ್‌ ಕನ್ಸೀಲರ್‌ ಕಲೆಗುರುತನ್ನು ಮರೆಮಾಡಲು ಸಹಕಾರಿ.
ಮ್ಯಾಟ್‌ ಲಿಪ್‌ಸ್ಟಿಕ್‌ಗಾಗಿ : ಎಲ್ಲಾ ಹೆಂಗಸರಿಗೂ ಮ್ಯಾಟ್‌ ಲಿಪ್ಸ್ಟಿಕ್ ಎಂದರೆ ಇಷ್ಟ, ಏಕೆಂದರೆ ಇದು ಬೇಗ ಹರಡಿಕೊಳ್ಳುವುದಿಲ್ಲ ಹಾಗೂ ದೀರ್ಘಕಾಲ ತುಟಿಯ ಮೇಲೆ ಉಳಿದಿರುತ್ತದೆ. ಅಂದಹಾಗೆ ಮ್ಯಾಟ್‌ ಲಿಪ್ಸ್ಟಿಕ್ ಎಲ್ಲರ ಬಳಿ ಇದ್ದೇ ಇರುತ್ತದೆ. ಅಕಸ್ಮಾತ್‌ನಿಮ್ಮ ಬಳಿ ನಿಮ್ಮ ಅಚ್ಚುಮೆಚ್ಚಿನ ಮ್ಯಾಟ್‌ ಲಿಪ್ಸ್ಟಿಕ್ ಇಲ್ಲದಿದ್ದರೆ ನೀವು ಫೌಂಡೇಶನ್ನಿನ ನೆರವಿನಿಂದಲೇ ಮ್ಯಾಟ್‌ ಲಿಪ್‌ಸ್ಟಿಕ್‌ಮಾಡಿಕೊಳ್ಳಬಹುದು. ಇದಕ್ಕಾಗಿ ಮೊದಲು ತುಟಿಗಳ ಮೇಲೆ ಲೈಟಾಗಿ ಫೌಂಡೇಶನ್ ತೀಡಿರಿ. ನಂತರ ಇದರ ಮೇಲೆ ನಿಮ್ಮ ಬಳಿ ಇರುವ ಮೆಚ್ಚಿನ ಸಾದಾ ಲಿಪ್ಸ್ಟಿಕ್ ತೀಡಿರಿ.
BB ಕ್ರೀಂ : ಮುಖ್ಯವಾಗಿ ಬೇಸಿಗೆಯಲ್ಲಿ ಲೈಟ್‌ಲೆಸ್‌ ಮೇಕಪ್‌ನ ಸಲಹೆ ನೀಡುತ್ತಾರೆ. ಹೀಗಿರುವಾಗ ನೀವು ಮನೆಯಲ್ಲೇ ನಿಮ್ಮ BB ಕ್ರೀಂ ಮಾಡಿಕೊಳ್ಳಬಹುದು. ಇದಕ್ಕಾಗಿ ನೀವು ಫೌಂಡೇಶನ್ ಜೊತೆ ಮಾಯಿಶ್ಚರೈಸರ್‌ ಬೆರೆಸಿಕೊಳ್ಳಿ. ಇದೀಗ BB ಕ್ರೀಂ ರೆಡಿ! ಇದನ್ನು ನೀವು ಡೇಲಿ ಬಳಸಬಹುದು.
