ನಿಮ್ಮ ಚರ್ಮಕ್ಕೆ ತಕ್ಕಂಥ ಫೇಸ್ ಕ್ರೀಂ ಬಳಕೆ ಆಗುತ್ತಿಲ್ಲವಾದರೆ, ನೀವು ಬಯಸಿದಂಥ ಗ್ಲೋ ಮುಖಕ್ಕೆ ಸಿಗುವುದಿಲ್ಲ. ಹೀಗಾಗಿ ಚರ್ಮದ ಉತ್ತಮ ಆರೈಕೆಗಾಗಿ, ಚರ್ಮದ ಅಗತ್ಯಕ್ಕೆ ತಕ್ಕಂಥ ಫೇಸ್ ಕ್ರೀಂ ಬಳಸುವುದೇ ಸೂಕ್ತ.
ಈ ಕುರಿತಾಗಿ ನುರಿತ ಸೌಂದರ್ಯ ತಜ್ಞೆಯರ ಅಭಿಪ್ರಾಯವೆಂದರೆ, ಪ್ರತಿಯೊಂದು ಫೇಸ್ ಕ್ರೀಂ ಪ್ರಾಡಕ್ಟ್ ಹೇಳುವುದೆಂದರೆ, 1-2 ವಾರಗಳಲ್ಲಿ ಇದರ ಬಳಕೆಯಿಂದ ನಿಮಗೆ ಉತ್ತಮ ಗ್ಲೋ ಸಿಗುತ್ತದೆ ಅಂತ. ಆದರೆ ಸಮರ್ಪಕ ಫೇಸ್ ಕ್ರೀಂ ಬಳಸುತ್ತಿಲ್ಲವೆಂದರೆ, ಮುಖದಲ್ಲಿ ಕಾಂತಿ ಬದಲು ಹಾನಿ ಮೈಗೂಡುತ್ತದೆ. ಚರ್ಮದಲ್ಲಿ ಹಲವು ಬಗೆ ಇವೆ. ಸೆನ್ಸಿಟಿವ್ ಸ್ಕಿನ್‌, ಡ್ರೈ ಸ್ಕಿನ್‌, ಆಯ್ಲಿ ಸ್ಕಿನ್‌, ಕಾಂಬಿನೇಶನ್‌ ಸ್ಕಿನ್‌ ಇತ್ಯಾದಿ. ಮುಖದಲ್ಲಿ ಕಾಂತಿ ಪಡೆಯಲು ಚರ್ಮಕ್ಕೆ ತಕ್ಕಂತೆಯೇ ಫೇಸ್ ಕ್ರೀಂ ಬಳಸಬೇಕು.
ಚರ್ಮಕ್ಕೆ ತಕ್ಕಂತೆ ಕ್ರೀಂ
ಫೇಸ್ ಕ್ರೀಂ ಸಹ ಸ್ಕಿನ್‌ ತರಹ ಹಲವು ರೀತಿಗಳಲ್ಲಿ ಸಿದ್ಧಗೊಂಡಿರುತ್ತದೆ. ಇದರಲ್ಲಿ ಮಾಯಿಶ್ಚರೈಸರ್‌ ಯುಕ್ತ ಫೇಸ್ ಕ್ರೀಂ, ಗ್ಲಿಸರಿನ್‌ ಯುಕ್ತ ಫೇಸ್ ಕ್ರೀಂ, ವಿಟಮಿನ್ ಇ ಯುಕ್ತ ಫೇಸ್ ಕ್ರೀಂ, ಆ್ಯಂಟಿ ಆಕ್ಸಿಡೆಂಟ್‌ ಮಾತ್ರವಲ್ಲದೆ ಇದೀಗ ಓಟ್‌ ಮೀಲ್‌, ಪೆಲೆಪ್ಟೈಡ್ಸ್ ಯುಕ್ತ ಕ್ರೀಮುಗಳೂ ಲಭ್ಯ.
ಸೆನ್ಸಿಟಿವ್ ಸ್ಕಿನ್‌ ಗಾಗಿ ಮಾಯಿಶ್ಚರೈಸರ್‌ ಯುಕ್ತ ಕ್ರೀಂ ಬಳಕೆಯಿಂದ ಅದು ಚರ್ಮವನ್ನು ಬಳಕುವಂತೆ ಮಾಡಿ ಅದನ್ನು ಹೆಲ್ದಿ ಫ್ರೆಶ್‌ ಆಗಿ ತೋರ್ಪಡಿಸುತ್ತದೆ. ಇದರಿಂದ ಮುಖದ ಮೇಲೆ ಮೂಡುವ ಸುಕ್ಕುಗಳು ಸಹ ದೂರಾಗುತ್ತವೆ.
ಡ್ರೈ ಸ್ಕಿನ್‌ ಗಾಗಿ ಗ್ಲಿಸರಿನ್‌ ಯುಕ್ತ ಫೇಸ್ ಕ್ರೀಂ ಸೂಕ್ತ. ಇದು ಚರ್ಮವನ್ನು ಆಂತರಿಕ ಹಾಗೂ ಬಾಹ್ಯ ಎರಡೂ ಕಡೆಯಿಂದ ಹೈಡ್ರೇಟ್‌ ಗೊಳಿಸಿ ಸಶಕ್ತ ಮಾಡುತ್ತದೆ.
ಇದರ ಬಳಕೆಯಿಂದ ಚರ್ಮದ ಡ್ರೈನೆಸ್‌ ತೊಲಗುತ್ತದೆ. ಈ ಕ್ರೀಂ ಚರ್ಮದ ಆರ್ದ್ರತೆಯನ್ನು ಕಾಪಾಡುತ್ತದೆ. ಇದು ಸೆನ್ಸಿಟಿವ್ ಸ್ಕಿನ್‌ ಗೂ ಹೊಂದುತ್ತದೆ. ವಿಟಮಿನ್ಸ್ ಆ್ಯಂಟಿ ಆಕ್ಸಿಡೆಂಟ್ಸ್ ಕ್ರೀಂ ಸಹ ಚರ್ಮವನ್ನು ಹೆಲ್ದಿ ಮಾಡುವಲ್ಲಿ ಸಕ್ಷಮ.
ಮಾಯಿಶ್ಚರೈಸರ್‌ಫೌಂಡೇಶನ್‌
ಮುಖದ ಚರ್ಮ ಡ್ರೈ ಜೊತೆಗೆ ಸಣ್ಣ ಗುಳ್ಳೆಗಳನ್ನು ಹೊಂದಿದ್ದರೆ, ಮಾಯಿಶ್ಚರೈಸರ್‌ಫೌಂಡೇಶನ್‌ ಯುಕ್ತ ಕ್ರೀಂ ಬಳಸಬೇಕು. ಇದು ಮುಖದಲ್ಲಿನ ಕಲೆಗುರುತುಗಳನ್ನು ಅಡಗಿಸುವಲ್ಲಿ ಪೂರಕ. ಈ ಕ್ರೀಂ ಚರ್ಮಕ್ಕೆ ಹೆಚ್ಚು ಲಾಭಕಾರಿ. ಈ ಕ್ರೀಂ ಚರ್ಮವನ್ನು ಕೇವಲ ಸಾಫ್ಟ್ ಮಾಡುವುದಲ್ಲದೆ, ಚರ್ಮದ ಮಾಯಿಶ್ಚರ್‌ಶೈನಿಂಗ್‌ ನ್ನು ಸದಾ ಉಳಿಸಿಕೊಳ್ಳುತ್ತಾ ಬಿಸಿಲಿನಿಂದಲೂ ಸೂಕ್ತ ರಕ್ಷಿಸುತ್ತದೆ. ಇದರಲ್ಲಿ ಮಾಯಿಶ್ಚರೈಸರ್‌ಫೌಂಡೇಶನ್‌ ಎರಡರ ಲಾಭವಾಗುತ್ತದೆ. ಇದನ್ನು ಬಳಸಿ ಮೇಕಪ್‌ ಮಾಡಿದರೆ, ಮುಖಕ್ಕೆ ಕಾಂತಿ ಕೊಡುವುದಲ್ಲದೆ, ಇದು ಮೇಕಪ್‌ ಬಹಳ ಹೊತ್ತು ಬಾಳಿಕೆ ಬರುವಂತೆಯೂ ಮಾಡಬಲ್ಲದು.
ಈ ಕ್ರೀಂ ಪ್ರೈಮರ್‌, ಮಾಯಿಶ್ಚರೈಸರ್‌, ಫೌಂಡೇಶನ್‌, ಟ್ರೀಟ್‌ ಮೆಂಟ್‌, ಕನ್ಸೀಲರ್‌ ಮತ್ತು ಸನ್‌ ಸ್ಕ್ರೀನಿನ ಕೆಲಸಗಳನ್ನು ಒಟ್ಟೊಟ್ಟಿಗೆ ನಿಭಾಯಿಸುತ್ತದೆ.
BB ಕ್ರೀಂನಿಂದ ಚರ್ಮ ಸಾಫ್ಟ್ ಆಗುತ್ತದೆ ಹಾಗೂ ಕಲೆಗುರುತು ಉಳಿಯುವುದಿಲ್ಲ. ಆದರೆ ಮುಖದಲ್ಲಿ ಹೆಚ್ಚು ಆ್ಯಕ್ನೆ ಮೊಡವೆಗಳಿದ್ದರೆ ಅಥವಾ ಆಯ್ಲಿ ಆಗಿದ್ದರೆ, ಆಗ BB ಕ್ರೀಂ ಬಳಸಬಾರದು.
BB ಕ್ರೀಂನಲ್ಲಿ ಮಲ್ಟಿಪಲ್ ನ್ಯೂಟ್ರಿಶನ್ಸ್ ಇರುತ್ತದೆ, ಅದರಿಂದ ಚರ್ಮಕ್ಕೆ ಹೆಚ್ಚಿನ ಲಾಭ ಸಿಗುತ್ತದೆ. ಮುಖದ ಬಣ್ಣ ತೇಲುವಂತೆ ಮಾಡಲು CC ಕ್ರೀಂ ಬಳಸಬೇಕು. CC ಅಂದ್ರೆ ಕಲರ್‌ ಕರೆಕ್ಟರ್‌ ಕ್ರೀಂ. ಈ ಕ್ರೀಂ ಮುಖದ ಬಣ್ಣವನ್ನು ತಿಳಿಯಾಗಿಸಿ ಕಾಂತಿ ತುಂಬುತ್ತದೆ. ಇದು ಮುಖದಲ್ಲಿನ ಎಲ್ಲಾ ಸಮಸ್ಯೆಗಳನ್ನೂ ದೂರಗೊಳಿಸಿ, ಮುಖವಿಡೀ ಒಂದೇ ತರಹದ ಬಣ್ಣ ಸಮಾನವಾಗಿರುವಂತೆ ಮಾಡುತ್ತದೆ. ಮುಖದಲ್ಲಿ ಹೆಚ್ಚು ಆ್ಯಕ್ನೆ ಮೊಡವೆಗಳಿದ್ದರೆ, ಆಗ CC ಕ್ರೀಂ ಬಳಸುವುದೇ ಸರಿ. ನಿಮ್ಮದು ಬಹಳ ಡ್ರೈ ಚರ್ಮ ಆಗಿದ್ದರೆ, ಈ ಕ್ರೀಂ ಹಚ್ಚಿಕೊಳ್ಳುವ ಮೊದಲು ಅಗತ್ಯ ಮಾಯಿಶ್ಚರೈಸರ್‌ ಸಹ ಹಚ್ಚಿಕೊಳ್ಳಬೇಕು.
ಮುಖಕ್ಕೆ ಪೂರಕ ಸನ್‌ಸ್ಕ್ರೀನ್‌ CC ಕ್ರೀಂ
ಫೇಸ್ ಸ್ಕಿನ್‌ ನ್ನು ಸೆಮಿ ಮ್ಯಾಟ್‌ಶೈನಿಂಗ್‌ ಹೊಂದುವಂತೆ ಮಾಡಿದರೆ, CC ಕ್ರೀಂ ಮುಖದ ಚರ್ಮವನ್ನು ಮ್ಯಾಟ್‌, ಮಾಯಿಶ್ಚರೈಸ್‌ ಮತ್ತು ಕಾಂತಿಗೊಳ್ಳುವಂತೆ ಮಾಡಬಲ್ಲದು. CC ಕ್ರೀಂನ ಟೆಕ್ಸ್ ಚರ್‌CC ಕ್ರೀಂಗಿಂತಲೂ ಲೈಟ್‌ ಆಗಿರುತ್ತದೆ. BB ಕ್ರೀಂ ಉತ್ತಮ ಬೇಸ್‌ ಆಗಿ ಕೆಲಸ ಮಾಡುತ್ತದೆ, ದೈನಂದಿನ ಲುಕ್ಸ್ ಸುಧಾರಿಸುವಲ್ಲಿ ಪೂರಕ.
ಮುಖ್ಯವಾಗಿ ಚರ್ಮದಲ್ಲಿ ರೆಡ್‌ ನೆನ್‌ ಹೆಚ್ಚು ಉಳ್ಳವರಿಗೆ CC ಕ್ರೀಂ ಸೂಕ್ತ. ಈ ಎರಡೂ ಕ್ರೀಮುಗಳು, ಚರ್ಮದಲ್ಲಿ ಸಹಜವಾಗಿ ವಿಲೀನಗೊಂಡು, ಮುಖಕ್ಕೆ ಏಕಸಮಾನ ಮೃದುತ್ವ, ಕಾಂತಿ ತುಂಬಬಲ್ಲವು.
ಅದೇ ತರಹ ಸನ್‌ ಸ್ಕ್ರೀನ್‌ 2 ತರಹ ಇರುತ್ತದೆ 20SPF ಕ್ರೀಮಿನಲ್ಲಿ ಕೆಮಿಕಲ್ಸ್ ಬಹಳ ಕಡಿಮೆ ಇರುತ್ತದೆ ಹಾಗೂ 20 SPF ಗಿಂತಲೂ ಹೆಚ್ಚಿನ ಕ್ರೀಮುಗಳಲ್ಲಿ ಕೆಮಿಕಲ್ಸ್ ಹೆಚ್ಚಿರುತ್ತದೆ. SPF ಅಂಶ ಹೆಚ್ಚಿದ್ದಷ್ಟೂ ಕೆಮಿಕಲ್ಸ್ ಹೆಚ್ಚು ಎಂದೇ ಅರ್ಥ. ನಮ್ಮ ದೇಶದಲ್ಲಿ ಸೂರ್ಯನ UV ಕಿರಣಗಳು ಹೆಚ್ಚು ಹಾನಿಕಾರಕವೇನಲ್ಲ, ಹೀಗಾಗಿ 20 SPF ಕ್ರೀಂ ಹೆಚ್ಚಿನ ಹೆಂಗಸರಿಗೆ 25-30 SPF ಬೇಕಾದಷ್ಟಾಯಿತು. ಅದಕ್ಕೂ ಹೆಚ್ಚಿನ ಬೇಡ. ಮುಖ ಚರ್ಮದ ಆರೈಕೆಗಾಗಿ ನೈಟ್‌ ಕ್ರೀಂ ಬಳಸುವುದೂ ಸೂಕ್ತ.
ಮುಖ ಚರ್ಮಕ್ಕಾಗಿ ಹೆಲ್ದಿ ಟಿಪ್ಸ್
ಹೆಲ್ದಿ ಸ್ಕಿನ್‌ ಗಾಗಿ ಎಲ್ಲಕ್ಕೂ ಮೊದಲು ಮುಖದಲ್ಲಿನ ಮೇಕಪ್‌ ನೀಟಾಗಿ ರಿಮೂವ್ ಮಾಡಬೇಕು. ಇದಕ್ಕಾಗಿ ಉತ್ತಮ ಗುಣಮಟ್ಟದ ಮಿಲ್ಕ್ ಕ್ಲೆನ್ಸರ್‌ ಬಳಸಿರಿ. ದಿನವಿಡೀ ಜಮೆಗೊಂಡ ಕೊಳೆ ನಿವಾರಿಸಲು, ಹತ್ತಿಯನ್ನು ಮಿಲ್ಕ್ ಕ್ಲೆನ್ಸರ್‌ ನಲ್ಲಿ ಅದ್ದಿಕೊಂಡು ನೀಟಾಗಿ ಒರೆಸಿ ತೆಗೆಯಿರಿ. ನಂತರ ಉತ್ತಮ ಫೇಸ್ ವಾಶ್‌ ಬಳಸಿ ಮುಖ ತೊಳೆಯಿರಿ.
ಮುಖ ಚರ್ಮ ಸದಾ ಹೆಲ್ದಿ ಆಗಿರಲು, ವಾರಕ್ಕೆ 2 ಸಲ ಚರ್ಮವನ್ನು ಚೆನ್ನಾಗಿ ಎಕ್ಸ್ ಫಾಲಿಯೇಟ್‌ ಮಾಡಿಸಬೇಕು. ಇದರಿಂದ ಸ್ಕಿನ್‌ ಪೋರ್ಸ್‌ ನ ಕೊಳಕು ನಿವಾರಿಸುತ್ತದೆ. ಇದರಿಂದ ಆ್ಯಕ್ನೆ, ಮೊಡವೆ ದೂರವಾಗುತ್ತವೆ. ಮುಖದಲ್ಲಿ ಮೊದಲೇ ಮೊಡವೆ ತುಂಬಿದ್ದರೆ, ಆದಷ್ಟು ಅಕ್ನೆ ಕಲೆ ತಗುಲದಂತೆ ಬೇರೆಡೆ ಕ್ರೀಂ ಸರಿ ಸ್ಕ್ರಬ್‌ ಮಾಡಬೇಕು.
ಇಡೀ ದಿನದ ಸುಸ್ತು, ಸ್ಟ್ರೆಸ್ ಕಣ್ಣಿನ ಕೆಳಭಾಗದಲ್ಲಿ ಕಾಣಿಸುತ್ತದೆ. ಹೀಗಾಗಿ ನೀವು ಅಚ್ಚುಕಟ್ಟಾಗಿ ಕಂಗಳ ಆರೈಕೆ ಮಾಡಬೇಕಾದುದು ಅನಿವಾರ್ಯ. ಇದಕ್ಕಾಗಿ ಉತ್ತಮ ಗುಣಮಟ್ಟದ ಐ ಕ್ರೀಂ, ಜೆಲ್ ನಿಂದ ಕಂಗಳು, ಅದರ ಸುತ್ತಲೂ ಮಸಾಜ್ ಮಾಡಿ. ಇಷ್ಟು ಮಾತ್ರವಲ್ಲದೆ, ಬಾದಾಮಿ ಎಣ್ಣೆಗೆ ತುಸು ಹನಿ ಆಲಿವ್ ಎಣ್ಣೆ ಬೆರೆಸಿ ಅದನ್ನು ಕಂಗಳ ಏರಿಯಾ ಬಳಿ ಹಚ್ಚಬೇಕು.
ಮುಖ ಸುಂದರಾಗಿರಬೇಕೇ? ಹಾಗಿದ್ದರೆ ಲಿಪ್‌ ಕೇರ್‌ ಗೆ ಹೆಚ್ಚಿನ ಗಮನ ಕೊಡಿ. ಇದಕ್ಕಾಗಿ ರಾತ್ರಿ ಮಲಗುವ ಮುನ್ನ ಪ್ರತಿದಿನ ತುಟಿಗಳಿಗೆ ಬಾದಾಮಿ ಎಣ್ಣೆ ಬೆರೆತ ತುಪ್ಪ ಸವರಬೇಕು, ಆಗ ಅವು ಕಪ್ಪಾಗದೇ ಪಿಂಕಿಶ್‌ ಆಗುತ್ತವೆ.
ರಾತ್ರಿ ಮಲಗುವ ಮುನ್ನ ನೈಟ್‌ ಕ್ರೀಂ ಹಚ್ಚಲು ಮರೆಯದಿರಿ. ನಿಮ್ಮ ಮುಖ ಚರ್ಮಕ್ಕೆ ತಕ್ಕಂತೆ ನೈಟ್‌ ಕ್ರೀಂ ಲಭ್ಯ. ಇದರಿಂದಾಗಿ ಚರ್ಮ ರಾತ್ರಿಯಿಡೀ ಹೈಡ್ರೇಟೆಡ್‌ ಆಗಿರುತ್ತದೆ. ಚರ್ಮದ ಟೆಕ್ಸ್ ಚರ್‌ ಸಹ ಸುಧಾರಿಸುತ್ತದೆ ಹಾಗೂ ಬಣ್ಣ ಒಂದೇ ರೀತಿ ಆಗಿ ಕಾಣಿಸುತ್ತದೆ.
– ಶೈಲಜಾ ಮೂರ್ತಿ
