ಮೇಕಪ್‌ನಿಂದ ಹೆಣ್ಣಿನ ಸೌಂದರ್ಯ ಎರಡುಪಟ್ಟು ಹೆಚ್ಚುತ್ತದೆ ಎಂಬುದೇನೋ ನಿಜ, ಆದರೆ ಮೇಕಪ್‌ ಜೊತೆ ಕೂದಲನ್ನು ಸ್ಟೈಲಿಶ್‌ಗೊಳಿಸಲು ಅದರ ಮೇಲೇನಾದರೂ ಪ್ರಯೋಗ ಮಾಡದಿದ್ದರೆ, ಸೌಂದರ್ಯ ಸಂವರ್ಧನೆಯ ನಿಮ್ಮೆಲ್ಲ ಪ್ರಯತ್ನಗಳೂ ವ್ಯರ್ಥವಾಗುತ್ತವೆ.
ನಿಮ್ಮ ಈ ಪ್ರಯತ್ನಗಳು ವ್ಯರ್ಥವಾಗಬಾರದೆಂದೇ ಹೇರ್‌ಸ್ಟೈಲ್ ಎಕ್ಸ್ ಪರ್ಟ್ಸ್ ವಿವಿಧ ಬಗೆಯ ಕೇಶಶೈಲಿಗಳ ಕುರಿತು ವಿವರಿಸುತ್ತಾ ಪೋನಿ ಪರ್ಮಿಂಗ್‌, ರಿಬೌಂಡಿಂಗ್‌, ಹೈಲೈಟಿಂಗ್‌ ಬಗ್ಗೆ ಹೇಳುತ್ತಾರೆ.
ಪೋನಿ ಪರ್ಮಿಂಗ್‌
ಆಧುನಿಕ ಯುವತಿಯರಲ್ಲಿ ಪರ್ಮಿಂಗ್‌ ಕುರಿತಾಗಿ ವಿಶೇಷ ಕ್ರೇಜ್‌ ಕಂಡುಬರುತ್ತದೆ. ನೀವು ಎಂದಾದರೂ ನಿಮ್ಮ ಕೂದಲಿಗೆ ಈ ಪರ್ಮಿಂಗ್‌ ಟ್ರೈ ಮಾಡಿದ್ದೀರಾ? ಇದರಿಂದ ನಿಮ್ಮ ಕೂದಲಿಗೆ 100% ಡಿಫರೆಂಟ್‌ ಲುಕ್ಸ್ ಸಿಗುತ್ತದೆ.
ಇದನ್ನು ಮಾಡುವುದು ಹೇಗೆ?
ಎಲ್ಲಕ್ಕೂ ಮೊದಲು ಕೂದಲನ್ನು ಚೆನ್ನಾಗಿ ತೊಳೆಯಿರಿ. ಅದಾದ ಮೇಲೆ ಅದನ್ನು 70% ಒಣಗಿಸಿ. ಆಮೇಲೆ ಇದರ ಮೇಲೆ ಸ್ಪ್ರೇ ಮಾಡಿ 90% ಒಣಗಿಸಿ.
ಇದಾದ ಮೇಲೆ ಒಂದು ಬಟ್ಟಲಲ್ಲಿ ಪರ್ಮಿಂಗ್‌ ಲೋಶನ್‌ ತೆಗೆದುಕೊಳ್ಳಿ. ನಂತರ ಕೂದಲಿಗೆ ಲೋಶನ್‌ ಹಚ್ಚಲು ಹತ್ತಿ ಬಳಸಿ. ಇದಾದ ಮೇಲೆ ಬಟರ್ ಪೇಪರ್‌ನ್ನು ಸಣ್ಣ ಸಣ್ಣ ತುಂಡಾಗಿಸಿ. ನಂತರ ಪೋನಿ ಮಾಡಿ ಅದರಿಂದ ತೆಳು ಸೆಕ್ಷನ್ಸ್ ಬೇರ್ಪಡಿಸಿ. ಪ್ರತಿ ಸೆಕ್ಷನ್‌ ಮೇಲೂ ಚೆನ್ನಾಗಿ ಬಾಚಣಿಗೆಯಾಡಿಸಿ, ಪರ್ಮಿಂಗ್‌ ಲೋಶನ್‌ ಅಪ್ಲೈ ಮಾಡಿ. ಆಮೇಲೆ ಕೂದಲಿನ ತುದಿಗೆ ಚೆನ್ನಾಗಿ ಬಟರ್ ಪೇಪರ್‌ ಸುತ್ತಿಕೊಳ್ಳಿ, ಅದರ ಅಂಚು ಚೆನ್ನಾಗಿ ಕವರ್ ಆಗಬೇಕು. ನೀವು ಎಷ್ಟು ಚೆನ್ನಾಗಿ ಬಟರ್ ಪೇಪರ್‌ನ್ನು ಕೂದಲಿಗೆ ಸುತ್ತುವಿರೋ ಅದರಲ್ಲಿ ಕರ್ಲ್ಸ್ ಅಷ್ಟೇ ಚೆನ್ನಾಗಿ ಮೂಡಿಬರುತ್ತದೆ.
ಕೂದಲಿನ ಎಲ್ಲಾ ಭಾಗಗಳಿಗೂ ಹೀಗೆ ಮಾಡಿ. ಇದಾದ ಮೇಲೆ ರೋಲರ್ಸ್ ಬಳಸಬೇಕು. ಹೀಗೆ 40-45 ನಿಮಿಷಗಳಾದ ಮೇಲೆ 1-2 ರೋಲರ್‌ ತೆರೆದು ನೋಡಿ ಕರ್ಲ್ಸ್ ಬಂದಿದೆಯೇ ಎಂದು ಖಾತ್ರಿಪಡಿಸಿಕೊಳ್ಳಿ. ಕರ್ಲ್ಸ್ ಕಾಣಿಸಿಕೊಂಡಿದ್ದರೆ, ರೋಲರ್ಸ್ ಜೊತೆಯಲ್ಲೇ ಸಾದಾ ನೀರಿನಿಂದ ತಲೆಗೂದಲು ತೊಳೆಯಿರಿ. ಆಗ ಕೂದಲಿನಿಂದ ಲೋಶನ್‌ ಉತ್ತಮ ರೀತಿಯಲ್ಲಿ ಬಿಟ್ಟುಹೋಗುತ್ತದೆ. ಇದಾದ ಮೇಲೆ 80-90% ಕೂದಲನ್ನು ಡ್ರೈ ಮಾಡಿ.
ಡ್ರೈ ಮಾಡಿದ ನಂತರ ಕೂದಲಿಗೆ ನ್ಯೂಟ್ರಿಲೈಸರ್‌ ಹಚ್ಚಿರಿ. ನ್ಯೂಟ್ರಿಲೈಸರ್‌ ಎಲ್ಲಾ ರೋಲರ್‌ಗಳ ಮೇಲೂ ಮೆತ್ತಿಕೊಳ್ಳುವಂತೆ ಎಚ್ಚರವಹಿಸಿ. ನಂತರ 20-25 ನಿಮಿಷಗಳಾದ ಮೇಲೆ ಸಾದಾ ನೀರಿನಿಂದ ಕೂದಲು ತೊಳೆಯಿರಿ. (ಸಾದಾ ನೀರು ಅಂದರೆ ಇಲ್ಲಿ ಜೊತೆಗೆ ಶ್ಯಾಂಪೂ ಹಾಕಬಾರದೆಂದು ಅರ್ಥ). ಅದಾದ 5 ನಿಮಿಷಗಳ ನಂತರ ಕಂಡೀಶನರ್‌ ಹಚ್ಚಿರಿ. ಅದಾಗಿ 10 ನಿಮಿಷ ಹಾಗೇ ಬಿಡಿ. ನಂತರ ಟವೆಲ್‌‌ನಿಂದ ಕೂದಲನ್ನು 50% ಒಣಗಿಸಿ. ರೋಲರ್ಸ್ ತೆಗೆದು, ಕರ್ಲ್ಸ್ ಮೇಲೆ ಕವರ್ ಕರ್ಲ್ಸ್ ಕಂಡೀಶನಿಂಗ್‌ ಕ್ರೀಂ ಬಳಸಿರಿ. ಇದರಿಂದ ಕರ್ಲ್ಸ್ ಸಾಫ್ಟ್ ಆಗುತ್ತದೆ.
ಪರ್ಮಿಂಗ್‌ ಮಾಡುವಾಗ
ಕಲರ್‌ ಮಾಡಿದ ಕೂದಲಿಗೆ ಪರ್ಮಿಂಗ್‌ ಮಾಡಲು ಹೋಗಬೇಡಿ.
ಕೂದಲಿಗೆ ಲೋಶನ್‌ ಹಚ್ಚುವಾಗ, ಅಗತ್ಯ ಕೈಗವಸು ಧರಿಸಿರಿ.
ಕಂಡೀಶನರ್‌ ಅಗತ್ಯ ಬಳಸಬೇಕು, ಇದರಿಂದ ಕರ್ಲ್ಸ್ ಸಾಫ್ಟ್ ಆಗುತ್ತದೆ.
ರಿಬೌಂಡಿಂಗ್‌
ರಿಬೌಂಡಿಂಗ್‌ ಎಂದರೆ ಕೂದಲಿಗೆ ಸ್ಟ್ರೇಟ್‌ ಲುಕ್‌ ಕೊಡುವುದು ಎಂದರ್ಥ. ರಿಬೌಂಡಿಂಗ್‌ ಮಾಡಲು ಎಲ್ಲಕ್ಕಿಂತ ಮೊದಲು ಕೂದಲಿಗೆ ನಾರ್ಮಲ್ ಶ್ಯಾಂಪೂ ಹಚ್ಚಿರಿ. ನಾರ್ಮಲ್ ಶ್ಯಾಂಪೂ ಅಂದ್ರೆ ಅದರಲ್ಲಿ ಕಂಡೀಶರ್‌ ಬೆರೆತಿರಬಾರದು. ನಂತರ ಕೂದಲನ್ನು 70% ಡ್ರೈ ಮಾಡಿ. ಅದಾದ ಮೇಲೆ ಕೂದಲಿನ ಮೇಲೆ ಸ್ಪ್ರೇ ಮಾಡಿ 90 ಅಥವಾ 100% ಡ್ರೈ ಮಾಡಿ. ಈಗ ಕೂದಲಿಗೆ ಸ್ಟ್ರೇಟ್‌ ಹೇರ್‌ ರಿಬೌಂಡಿಂಗ್‌ ಕ್ರೀಂ ಹಚ್ಚಿ 40-45 ನಿಮಿಷ ಹಾಗೇ ಬಿಡಿ. ಕೂದಲಿನ ಟೆಕ್ಸ್ ಚರ್‌ ಆಧರಿಸಿ ಎಷ್ಟು ಹೊತ್ತು ರಿಬೌಂಡಿಂಗ್‌ ಕ್ರೀಂ ಹಚ್ಚಬೇಕೆಂಬುದನ್ನು ನಿರ್ಧರಿಸಿ.
