ಚಿತ್ರಶೋಭಾ
ಬಾಲಿವುಡ್‌ ಸ್ಟಾರ್ಸ್‌ ಕುರಿತು ಹೇಳುವುದಾದರೆ, ಅವರು ತಮ್ಮ ಡ್ರೆಸ್ಸಿಂಗ್‌ ಸೆನ್ಸ್, ತಮ್ಮ ಸೂಪರ್‌ ಹಿಟ್‌ ಡೈಲಾಗ್ಸ್ ನಿಂದ ಸದಾ ಚರ್ಚೆಯಲ್ಲಿರುತ್ತಾರೆ. ಮತ್ತೊಂದು ವಿಷಯ ಗೊತ್ತೇ? ಕೆಲವು ಸ್ಟಾರ್ಸ್‌ ರಿಯಲ್ ನಲ್ಲೂ ಕೃಷಿ ನಡೆಸಿ ಫ್ಯಾನ್ಸ್ ಮಧ್ಯೆ ಚರ್ಚೆಯಲ್ಲಿ ಉಳಿಯುತ್ತಾರೆ. ಇವರಲ್ಲಿ ಒಬ್ಬರು ನಾಜ್‌ ವುದ್ದೀನ್‌ ಸಿದ್ದಿಕಿ. ಇವರು ನಟನೆ ಜೊತೆ ಹೊಲ ಗದ್ದೆಗಳಲ್ಲಿ ದುಡಿಯುವ ಹವ್ಯಾಸ ಉಳಿಸಿಕೊಂಡಿದ್ದಾರೆ! ಇದನ್ನು ಈತ ಸೋಶಿಯಲ್ ಮೀಡಿಯಾ ಮೂಲಕ ತನ್ನ ಫ್ಯಾನ್ಸ್ ಗೆ ತೋರಿಸುತ್ತಿರುತ್ತಾನೆ. ಇದೇ ತರಹ ಪ್ರೀತಿ ಝಿಂಟಾ ತನ್ನ ಸೇಬಿನ ತೋಟದಲ್ಲಿ ದುಡಿದರೆ, ಶಿಲ್ಪಾ ಶೆಟ್ಟಿ ಸಹ ತರಕಾರಿ ತೋಟಗಳಲ್ಲಿ ದುಡಿಯುತ್ತಿರುತ್ತಾಳೆ!
ಶ್ವೇತಾ ಶರ್ಮಾಳ ಬೋಲ್ಡ್ ನೆಸ್‌ ಗೆ ಏನಂತೀರಿ?
ಭೋಜ್‌ ಪುರಿ ಇಂಡಸ್ಟ್ರಿಯ ಶ್ವೇತಾ ಶರ್ಮಾಳ ಕುರಿತು ಹೇಳುವುದಾದರೂ ಏನು? ಇವಳು ತನ್ನ ಅಲ್ಟ್ರಾ ಪಾಶ್‌ ಬೋಲ್ಡ್ ನಟನೆಗೆಂದೇ ಖ್ಯಾತಳಾದಳು. ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಇವಳ ಯಾವ ಪರಿಯ ಬೋಲ್ಡ್ ಸೆಕ್ಸೀ ಫೋಟೋಗಳು ವೈರಲ್ ಆದವೆಂದರೆ, ಇವಳ ಅಭಿಮಾನಿಗಳು ನೇರ ಇವಳನ್ನು ಸನೀ ಲಿಯೋನ್‌ ಗೆ ಹೋಲಿಸತೊಡಗಿದರು. ನಿಜಕ್ಕೂ ಇವಳ ಈ ಫೋಟೋಗಳನ್ನು ಕಂಡು ಬಾಲಿವುಡ್‌ ನ ನಟೀಮಣಿಯರೂ ಬೆಚ್ಚಿಬಿದ್ದರಂತೆ! ಇವಳ ಯೆಲ್ಲೋ ಶಾರ್ಟ್‌ ಡ್ರೆಸ್‌ ನ ಫೋಟೋ ಕಂಡು ಪಡ್ಡೆ ಫ್ಯಾನ್ಸ್ ಕುಣಿದಾಡಿದ್ದೂ ಆಡಿದ್ದೆ! ಇದೇ ಪರಿಯಲ್ಲಿ ಇವಳು ಮುಂದುವರಿದರೆ ಬಾಲಿವುಡ್‌ ನ ಬೋಲ್ಡ್ ಲೇಡೀಸ್ ಭಯದಿಂದ ಬಾಲ್ಡ್ ಆಗಿಹೋದಾರು!
93 ಕೋಟಿ ಲೈಕ್ಸ್ ದಾಟಿದ ಹಾಡು
`ಚಟಕ್‌ ಮಟಕ್‌....' ಸಪ್ನಾ ಚೌಧರಿ ತನ್ನ ಹರಿಯಾಣ್ವಿ ಭಾಷೆಯ `ಚಟಕ್‌ ಮಟಕ್‌.....' ಹಾಡಿನಿಂದ ಇಡೀ ಯೂಟ್ಯೂಬ್ ಪೂರ್ತಿ ಆರಿಸಿಕೊಂಡಿದ್ದಾಳೆ! ಕೇವಲ ಇವಳ ಈ ಹಾಡು ಮಾತ್ರವಲ್ಲದೆ, ಇವಳ ಹರಿಯಾಣ್ವಿ ಲುಕ್ಸ್, ಇವಳ ಫ್ಯಾನ್ಸ್ ಗೆ ಹುಚ್ಚು ಹಿಡಿಸಿದೆಯಂತೆ. ಈ ಕಾರಣದಿಂದಲೇ ಇವಳ ಫ್ಯಾನ್ಸ್ ಯೂಟ್ಯೂಬ್ ನಲ್ಲಿ 93 ಕೋಟಿಗೂ ಅಧಿಕ ಲೈಕ್ಸ್ ನೀಡಿ ಇತರ ನಟಿಯರ ಹೊಟ್ಟೆಯುರಿಗೆ ಕಾರಣರಾಗಿದ್ದಾರೆ. ಈ ಹಾಡಿನ ಹಿನ್ನೆಲೆ ಗಾಯಕಿ ರೇಣುಕಾ ಪಾರ್‌, ಸಂಗೀತ ಗುಲ್ಶನ್‌ ಮ್ಯೂಸಿಕ್ಸ್ ನದು. ಸಪ್ನಾ ನಿನ್ನ ಸ್ವಪ್ನಗಳೆಲ್ಲ ನಿಜವಾಗಲಿ!
ಅಂತಿಂಥ ಹೆಣ್ಣಲ್ಲ ಈ ಐಶ್ವರ್ಯಾ
ಅಯ್ಯೋ, ಇಲ್ಲಿ ಮಂಗಳೂರಿನ ಬೆಡಗಿ ಐಶ್ವರ್ಯಾ ರೈ ಬಗ್ಗೆ ಅಲ್ಲ..... ಸೌತ್‌ ಸೂಪರ್‌ ಸ್ಟಾರ್‌ ರಜನಿಕಾಂತ್‌ ರ ಮಗಳು ಐಶ್ವರ್ಯಾ ಬಗ್ಗೆ ಮಾತನಾಡುತ್ತಿದ್ದೇವೆ. ಈಕೆ ತಮಿಳು ಚಿತ್ರಗಳ ಖ್ಯಾತ ನಿರ್ದೇಶಕಿ ಎಂದು ಹೆಸರು ಗಳಿಸಿದ್ದಾಳೆ. ಇದೀಗ ಬಾಲಿವುಡ್‌ ಗೂ ದಾಂಗುಡಿಯಿಟ್ಟು ಹಿಂದಿ ಚಿತ್ರ ನಿರ್ದೇಶಿಸಲಿದ್ದಾಳಂತೆ! ಈಕೆ ತನ್ನ ಅದ್ಭುತ ನಿರ್ದೇಶನದಿಂದ ಫ್ಯಾನ್ಸ್ ನಡುವೆ ಚರ್ಚೆಯಲ್ಲಿರುತ್ತಾಳೆ. ಅಷ್ಟೇ ಅಲ್ಲ..... 40+ ನಲ್ಲೂ ಇವಳ ಫಿಟ್‌ ನೆಸ್‌, ಕ್ಯೂಟ್‌ ನೆಸ್‌, ಬ್ಯೂಟಿ ಸಿಂಪ್ಲಿಸಿಟಿ ಕಾರಣ ಫ್ಯಾನ್ಸ್ ಇವಳೆಡೆ ಸೆಳೆಯಲ್ಪಡುತ್ತಿದ್ದಾರೆ. ಕೆಂಪು ಸೀರೆಯ ಇವಳ ಫೋಟೋ ಇತ್ತೀಚೆಗೆ ವೈರಲ್ ಆಗಿ ಎಲ್ಲೆಡೆ ಮೆಚ್ಚುಗೆ ಗಳಿಸಿದೆ. ಇಷ್ಟೆಲ್ಲ ಇದ್ದ ಮೇಲೆ ಇವಳಲ್ಲಿ ಏನೋ ವಿಶೇಷ ಇರಲೇಬೇಕಲ್ಲವೇ?
