ಡ್ರೈಫ್ರೂಟ್‌ ಕಟ್‌ ಲೆಟ್‌
ಮೂಲ ಸಾಮಗ್ರಿ : 2 ಮಧ್ಯಮ ಗಾತ್ರದ ಬೀಟ್‌ ರೂಟ್‌, 150 ಗ್ರಾಂ ಬೇಯಿಸ ಮಸೆದ ಆಲೂ, 2-3 ಬ್ರೆಡ್‌ ಸ್ಲೈಸ್‌, 4-4 ಚಮಚ ಆರಾರೂಟ್‌ ಪೌಡರ್‌, ಕಡಲೆಹಿಟ್ಟು, ಕರಿಯಲು ರೀಫೈಂಡ್‌ ಎಣ್ಣೆ, ತುಸು ಉಪ್ಪು, ಎಳ್ಳು.
ಹೂರಣದ ಸಾಮಗ್ರಿ : ಗೋಡಂಬಿ, ದ್ರಾಕ್ಷಿ, ಪಿಸ್ತಾ, ಬಾದಾಮಿ, ಹಸಿ ಖರ್ಜೂರ, ಅಕ್ರೋಟ್‌, ಹೇಝಲ್ ನಟ್‌ (ಒಟ್ಟಾಗಿ 2 ಕಪ್‌), ತುಸು ತುರಿದ ಪನೀರ್‌, ಚಿಟಕಿ ಮೆಣಸು, ಹೆಚ್ಚಿದ ಕೊ.ಸೊಪ್ಪು.
ವಿಧಾನ : ಬೀಟ್‌ ರೂಟ್‌ ಸಿಪ್ಪೆ ಹೆರೆದು, ಅದನ್ನು ಬಿಸಿ ನೀರಲ್ಲಿ ಬೇಯಿಸಿಕೊಳ್ಳಿ. ಆರಿದ ನಂತರ ಇದನ್ನು ನೀಟಾಗಿ ತುರಿದಿಡಿ. ಇದಕ್ಕೆ ಮಸೆದ ಆಲೂ, ಕಿವುಚಿದ ಬ್ರೆಡ್‌ ಸೇರಿಸಿ. ನಂತರ ಆರಾರೂಟ್‌ ಪೌಡರ್‌, ಕಡಲೆಹಿಟ್ಟು, ಉಪ್ಪು ಸೇರಿಸಿ ಮಿಶ್ರಣ ಕಲಸಿಡಿ. ಡ್ರೈ ಫ್ರೂಟ್ಸ್ ನ್ನು ತುಪ್ಪದಲ್ಲಿ ಹುರಿದು, ತುರಿದ ಪನೀರ್‌, ಮೆಣಸಿಗೆ ಬೆರೆಸಿಕೊಳ್ಳಿ. ಬೀಟ್‌ ರೂಟ್‌ ಮಿಶ್ರಣದಿಂದ ಸಣ್ಣ ನಿಂಬೆ ಗಾತ್ರ ತೆಗೆದುಕೊಂಡು, ಅದರ ಮಧ್ಯೆ ರಂಧ್ರ ಮಾಡಿ, 1-1 ಚಮಚ ಈ ಹೂರಣ ತುಂಬಿಸಿ. ನಂತರ ಇದಕ್ಕೆ ಕಟ್‌ ಲೆಟ್‌ ಆಕಾರ ನೀಡಿ, ಎಳ್ಳಲ್ಲಿ ಹೊರಳಿಸಿ, ಚಿತ್ರದಲ್ಲಿರುವಂತೆ 1-1 ಇಡಿಯಾದ ಗೋಡಂಬಿ ಹುದುಗಿಸಿ, ಕಾದ ಎಣ್ಣೆಯಲ್ಲಿ ಮಂದ ಉರಿ ಮಾಡಿ ಕರಿಯಿರಿ. ಇದನ್ನು ಟೊಮೇಟೊ ಸಾಸ್‌ ಜೊತೆ ಸವಿಯಲು ಕೊಡಿ.
ಸ್ಪೈಸಿ ಮಿಕ್ಸ್ ಚರ್‌
ಸಾಮಗ್ರಿ : 3 ಕಪ್‌ ಕಾರ್ನ್‌ ಫ್ಲೇಕ್ಸ್ (ರೆಡಿಮೇಡ್‌ ಲಭ್ಯ), ಗೋಡಂಬಿ, ದ್ರಾಕ್ಷಿ, ಬಾದಾಮಿ, ಪಿಸ್ತಾ ಚೂರು, ಕಡಲೆಬೀಜ, ಕರಿದ ಕಾಬೂಲ್‌ ಕಡಲೆಕಾಳು, (ತಲಾ ಅರ್ಧ ಕಪ್‌, ತುಪ್ಪದಲ್ಲಿ ಹುರಿದಿಡಿ). 4-5 ಎಸಳು ಕರಿಬೇವು, ಕೊಬ್ಬರಿ ತುರಿ, ರುಚಿಗೆ ತಕ್ಕಷ್ಟು ಉಪ್ಪು, ಖಾರ, ಇಂಗು, ಚಾಟ್‌ ಮಸಾಲ, ಅಮ್ಚೂರ್‌ ಪುಡಿ, ಡೈಮಂಡ್‌ ಸಕ್ಕರೆ, ಬ್ಲ್ಯಾಕ್‌ ಸಾಲ್ಟ್.
ವಿಧಾನ : ಡ್ರೈಫ್ರೂಟ್ಸ್ ಹುರಿದ ನಂತರ, ಕಡಲೆಬೀಜ ಹುರಿಯಿರಿ. ಒಂದು ಬೇಸನ್ನಿಗೆ ಕಾರ್ನ್‌ ಫ್ಲೇಕ್ಸ್ ಜೊತೆ ಇವನ್ನೂ ಬೆರೆಸಿಡಿ. ಇದಕ್ಕೆ ಕರಿದ ಕರಿಬೇವು, ದೊಡ್ಡ ಗಾತ್ರದ ತುರಿದ ಕೊಬ್ಬರಿ, 2 ಬಗೆ ಉಪ್ಪು, ಖಾರ, ಉಳಿದ ಮಸಾಲೆ ಸೇರಿಸಿ ಚೆನ್ನಾಗಿ ಬೆರೆಸಿಕೊಂಡು ಏರ್‌ ಟೈಟ್‌ ಡಬ್ಬಗಳಲ್ಲಿ ತುಂಬಿಸಿಡಿ. ಬೇಕಾದಾಗ ಡ್ರೈ ಫ್ರೂಟ್ಸ್ ಕಟ್‌ ಲೆಟ್‌ ಜೊತೆ ಇದನ್ನು ಸವಿಯಬಹುದು.
ಮ್ಯಾಕ್ರೋನಿ ಸಲಾಡ್‌
ಮೂಲ ಸಾಮಗ್ರಿ : 2 ಕಪ್‌ ಬೆಂದ ಮ್ಯಾಕ್ರೋನಿ, 1 ಸಣ್ಣ ಸೌತೇಕಾಯಿ, 1 ಈರುಳ್ಳಿ, ತುಸು ಹೆಚ್ಚಿದ ಅನಾನಸ್‌, 1 ಕ್ಯಾರೆಟ್‌, 1-1 ಕೆಂಪು, ಹಸಿರು, ಹಳದಿ ಕ್ಯಾಪ್ಸಿಕಂ, 1 ಗಿಟುಕು ತೆಂಗಿನ ತುರಿ.
ಸಲಾಡ್‌ ಡ್ರೆಸ್ಸಿಂಗ್‌ ಸಾಮಗ್ರಿ : ತುಸು ಹೆಚ್ಚಿದ ಹಸಿ ಮೆಣಸು, ಕೊ.ಸೊಪ್ಪು, ಪುದೀನಾ, 2 ಚಮಚ ವಿನಿಗರ್‌, 1 ಚಮಚ ಆಲಿವ್ ಎಣ್ಣೆ, 2 ಚಮಚ ಪೈನಾಪಲ್ ಸಿರಪ್‌, ರುಚಿಗೆ ತುಸು ಉಪ್ಪು ಚಾಟ್‌ ಮಸಾಲ.
