ದಸರಾ ದೀಪಾಳಿಯ ಆಗಮನದ ಮುಂಚೆಯೇ ಮನೆಗೆ ಬಣ್ಣ ಹಚ್ಚುವ ಪ್ರಕ್ರಿಯೆ ಶುರುವಾಗುತ್ತದೆ. ಪೇಂಟ್‌ ಶುರು ಮಾಡುವ ಮುಂಚೆ ಯಾವ ಯಾವ ಸಂಗತಿಗಳ ಬಗ್ಗೆ ಗಮನ ಕೊಡಬೇಕು ಎಂಬುದನ್ನು ತಿಳಿದುಕೊಳ್ಳಬೇಕು.
ಮನೆಯನ್ನು ದುರಸ್ತಿ ಮಾಡಿಸಿಕೊಳ್ಳಿ
ಎಲ್ಲಕ್ಕೂ ಮುಂಚೆ ನಿಮ್ಮ ಮನೆಯ ಪ್ರತಿಯೊಂದು ಗೋಡೆಗಳನ್ನು ಪರಿಶೀಲಿಸಿ ನೋಡಿ. ಗೋಡೆಯ ಭಾಗದಲ್ಲಿ ಕಬ್ಬಿಣವನ್ನು ಅಳವಡಿಸಿರಬಹುದು ಅಥವಾ ಡನ್‌ ಇರಬಹುದು. ಒಂದು ವೇಳೆ ಡನ್‌ ಅಥವಾ ಕಬ್ಬಿಣದ ಭಾಗದಲ್ಲಿ ಏನಾದರೂ ಕಿತ್ತುಹೋಗಿದ್ದರೆ, ಮೊದಲು ಅದನ್ನು ದುರಸ್ತಿ ಮಾಡಿಕೊಳ್ಳಿ. ಕಬ್ಬಿಣದ ವಸ್ತುವಿನ ಮೇಲೆ ತುಕ್ಕು ಹಿಡಿಯುತ್ತದೆ. ಪೇಂಟ್‌ ಮಾಡಿದ ಬಳಿಕ ಅದು ಹಾಗೆಯೇ ಕಂಡುಬರುತ್ತದೆ. ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ತುಕ್ಕು ಅಥವಾ ಕಲೆ ನಿವಾರಕ ಉತ್ಪನ್ನಗಳು ಸಾಕಷ್ಟು ಲಭ್ಯವಿವೆ.
ಕಟ್ಟಿಗೆಯ ಮೇಲೆ ಎಲ್ಲಿಯಾದರೂ ಬಿರುಕು ಅಥವಾ ರಂಧ್ರ ಇದ್ದರೆ ಅದನ್ನು ಡನ್‌ ಫಿಲ್ಲಿಂಗ್‌ನಿಂದ ತುಂಬಬಹುದು. ಅಡುಗೆಮನೆ ಅಥವಾ ಸ್ನಾನದ ಮನೆಯ ಮಾರ್ಬಲ್‌ನಲ್ಲಿ ಕ್ರ್ಯಾಕ್‌ ಉಂಟಾಗುತ್ತದೆ. ಅದನ್ನು ಮೊದಲು ಸರಿಪಡಿಸಿಕೊಳ್ಳಿ. ಮನೆಯಲ್ಲಿ ಒಮ್ಮೊಮ್ಮೆ ಸೀಪೇಜ್‌ನ ಸಮಸ್ಯೆ ಉಂಟಾಗುತ್ತದೆ. ಹೀಗಾಗಿ ಪೇಂಟ್‌ ಮಾಡುವ ಮುನ್ನ ಅದನ್ನು ಸರಿಪಡಿಸಿಕೊಳ್ಳಿ. ಅದು ಚೆನ್ನಾಗಿ ಒಣಗಿದ ಬಳಿಕವೇ ಪೇಂಟ್‌ ಮಾಡಿಸಿ. ಎಲ್ಲಕ್ಕೂ ಮಹತ್ವದ ಸಂಗತಿಯೆಂದರೆ, ಮನೆಯ ಬಾಗಿಲು ಹಾಗೂ ಗೋಡೆಗಳಲ್ಲಿ ಎಲ್ಲಿಯಾದರೂ ಗೆದ್ದಲು ಹಿಡಿದಿದೆಯಾ ನೋಡಿ. ಅಲ್ಲಿ ಮೊದಲೇ ಆ್ಯಂಟಿಡರ್ಮೈಟ್‌ನ್ನು ಸಿಂಪಡಿಸಿ. ಗೋಡೆಯ ಮೇಲೆ ಉಂಟಾದ ಯಾವುದೇ ಬಗೆಯ ಕಲೆಗಳನ್ನು ನಿವಾರಿಸಬಹುದು. ಸಮತಟ್ಟಾದ ಭಾಗದಲ್ಲಿ ಮಾತ್ರ ಪೇಂಟ್‌ನ್ನು ಸರಿಯಾದ ರೀತಿಯಲ್ಲಿ ಹೊಡೆಯಬಹುದಾಗಿದೆ. ಗೋಡೆಯ ಮೇಲಿನ ಹಳೆಯ ಪೇಂಟ್‌ ಕಿತ್ತು ಹೋಗುತ್ತಿದ್ದರೆ, ಪ್ಲಾಸ್ಟರ್‌ ಬಿಟ್ಟುಕೊಳ್ಳುತ್ತಿದ್ದರೆ, ಅದನ್ನು ಪ್ರೆಶರ್‌ ವಾಶ್‌ನಿಂದ ಸಮತಟ್ಟುಗೊಳಿಸಬಹುದು. ಗೋಡೆಯ ಭಾಗದಲ್ಲಿ ತೇವಾಂಶ ಸಂಪೂರ್ಣವಾಗಿ ಶುಷ್ಕಗೊಂಡಾಗ ಮಾತ್ರ ಪೇಂಟ್‌ ಹೊಡೆಸಿ.
ಕೆಲವೊಮ್ಮೆ ಪ್ರೈಮರ್‌ ಹೊಡೆಸುವುದು ಕೂಡ ಸೂಕ್ತ ಎನಿಸುತ್ತದೆ. ಪ್ರೈಮರ್‌ನ ಆಯ್ಕೆ ನೀವು ಯಾವ ರೀತಿಯ ಪೇಂಟ್‌ ಮಾಡುತ್ತಿದ್ದೀರಿ ಎನ್ನುವುದನ್ನು ಅವಲಂಬಿಸಿರುತ್ತದೆ. ಲೇಟೆಕ್ಸ್ ಪೇಂಟ್‌ಗೆ ಲೇಟೆಕ್ಸ್ ಪ್ರೈಮರ್‌ ಹಾಗೂ ಸಾಲ್‌ವಿಂಟ್‌ ಥಿನ್ಡ್ ಪೇಂಟ್‌ಗೆ ಸಾಲ್‌ವಿಂಟ್‌ ಬೇಸ್ಡ್ ಪ್ರೈಮರ್‌ನ್ನು ಆಯ್ಕೆ ಮಾಡಿಕೊಳ್ಳಿ.
ಪೇಂಟ್‌ನ ಆಯ್ಕೆ
ಆಡಿಟ್ವಿಸ್‌ ಬಳಸುವುದರ ಮೂಲಕ ಪೇಂಟ್‌ ಮಾಡುವುದು ಒಂದು ಹೊಸ ಟ್ರೆಂಡ್‌ ಆಗಿದೆ. ಇದರಿಂದ ಬಹಳಷ್ಟು ಲಾಭಗಳಿವೆ. ಇದು ಸ್ಟ್ರಾಂಗ್‌ ಬೇಸ್‌ ಆಗುತ್ತದೆ. ಬಣ್ಣಗಳು ಹರಡುವ ಭಯ ಇರುವುದಿಲ್ಲ. ಆದರೆ ಪೇಂಟ್‌ನ್ನು ಆಯ್ಕೆ ಮಾಡುವುದು ಎಲ್ಲಕ್ಕೂ ಮಹತ್ವದ್ದು. ಸಾಮಾನ್ಯವಾಗಿ ಬಣ್ಣಗಳಲ್ಲಿ ಎರಡು ಪ್ರಕಾರ, ವಾಟರ್‌ ಬೇಸ್ಡ್ ಮತ್ತು ಆಯಿಲ್ ಬೇಸ್ಡ್. ಇದರಲ್ಲೂ ಕೂಡ ಬಹಳಷ್ಟು ಪ್ರಕಾರಗಳು ಲಭ್ಯವಿವೆ. ಗೋಡೆಗಳು ಹಾಗೂ ಸೀಲಿಂಗ್‌ಗೆ ವಾಟರ್‌ ಬೇಸ್ಡ್ ಅಥವಾ ಎಮಲ್ಶನ್‌ ಪೇಂಟ್‌ನ್ನು ಪ್ಲಾಸ್ಟಿಕ್‌ ಪೇಂಟ್‌ ಹೆಸರಿನಿಂದ ಕರೆಯಲಾಗುತ್ತದೆ. ವಾಶೆಬಿಲಿಟಿಯ ಆಧಾರದ ಮೇಲೆ ಬಣ್ಣಗಳನ್ನು ಆಯ್ಕೆ ಮಾಡಬಹುದಾಗಿದೆ. ಲೋಹದ ಮೇಲ್ಮೈಗಾಗಿ ಎನಾಮೆಲ್‌ ಪೇಂಟ್ಸ್ ಬಳಸಲು ಸಲಹೆ ನೀಡಲಾಗುತ್ತದೆ. ಅವುಗಳ ಹೊಳಪೇ ಅವುಗಳ ಹೆಗ್ಗುರುತಾಗಿರುತ್ತದೆ. ಬಣ್ಣಗಳ ಆಯ್ಕೆಯನ್ನು ನಿಮ್ಮ ಮನೆಯ ಪ್ರತಿಯೊಂದು ಕೋಣೆಯನ್ನೂ ಗಮನದಲ್ಲಿಟ್ಟುಕೊಂಡು ಮಾಡಬೇಕು.
ಕೋಣೆಗಳ ಲೆಕ್ಕದಲ್ಲಿ ಆಯ್ಕೆ
ಪೇಂಟ್‌ ಮಾಡಿಸುವ ಮುನ್ನ ಎಷ್ಟು ಪ್ರಮಾಣದಲ್ಲಿ ಪೇಂಟ್‌ನ ಅಗತ್ಯ ಉಂಟಾಗಬಹುದು ಎಂಬುದರ ಬಗ್ಗೆ ಪೇಂಟರ್‌ಗೆ ಕೇಳಿ. ಹಲವು ಕೋಟಿಂಗ್‌ ಬಳಿಕವೇ ಗೋಡೆಗೆ ಮೆರುಗು ಬರುತ್ತದೆ. ಪೇಂಟ್‌ನಲ್ಲಿ ಹೊಳಪು ತರಲು ಅದರಲ್ಲಿ ಫೆವಿಕಾಲ್‌ ಸಹ ಮಿಶ್ರಣ ಮಾಡಲಾಗುತ್ತದೆ. ಇಂಟೀರಿಯರ್ ಡಿಸೈನರ್‌ರೊಬ್ಬರ ಪ್ರಕಾರ, ಮಾರುಕಟ್ಟೆಯಲ್ಲಿ ಥೀಮ್ ಬೇಸ್ಡ್ ಟೈಲ್ಸ್ ಕೂಡ ದೊರೆಯುತ್ತವೆ. ನೀವು ಇಷ್ಟಪಟ್ಟರೆ, ಗೋಡೆಗಳ ಮೇಲೆ ಯಾವುದೇ ಥೀಮ್ ಪ್ರಯೋಗ ಮಾಡಬಹುದು. ಇದರ ಹೊರತಾಗಿ ಹಲವು ಪೇಂಟ್‌ ಕಂಪನಿಗಳು ಕೂಡ ಸಿಗ್ನೇಚರ್‌ ವಾಲ್‌ ನಿರ್ಮಿಸುತ್ತದೆ. ಅದರ ಬೆಲೆ, ಡಿಸೈನ್‌ ಮತ್ತು ಗೋಡೆಯ ಉದ್ದಗಲವನ್ನು ಅವಲಂಬಿಸಿರುತ್ತದೆ. ಈ ಒಂದು ಗೋಡೆ ಕೇವಲ ಎದುರು ಭಾಗದಲ್ಲಿರುತ್ತದೆ. ಉದಾಹರಣೆಗೆ ಬೆಡ್‌ರೂಮಿನ ಎದುರುಗಡೆಯ ಗೋಡೆ.
ಲಿವಿಂಗ್‌ರೂಮಿಗೆ ಕಲರ್‌
ಇದು ಹೆಚ್ಚು ಸಾಮಾನುಗಳನ್ನು ಇಟ್ಟ ರೂಮ್. ಅತಿಥಿಗಳು ಇದನ್ನೇ ಹೆಚ್ಚು ಗಮನಿಸುತ್ತಾರೆ. ಒಂದೇ ಬಣ್ಣದ ಡಾರ್ಕ್‌ ಹಾಗೂ ಲೈಟ್‌ ಶೇಡ್ಸ್ ಬಳಸಿ. ವಾರ್ಮ್ ರೆಡ್‌, ಯೆಲ್ಲೋ ಕಲರ್‌ನಿಂದ ಹಿಡಿದು ಪೀಚ್‌ ಅಥವಾ ರೋಸ್‌ ಕಲರ್ಸ್ ಲಿವಿಂಗ್‌ ರೂಮಿನ ಆಕರ್ಷಣೆ ಹೆಚ್ಚಿಸಬಹುದು. ಬ್ರೈಟ್‌ ಹಾಗೂ ಬೋಲ್ಡ್ ಕಲರ್ಸ್ ನಿಮ್ಮ ಫರ್ನೀಚರ್‌ಗೆ ಹೊಂದಾಣಿಕೆ ಆಗುವಂತಿರಲಿ. ಕಾಂಟ್ರಾಸ್ಟ್ ಕಲರ್‌ ಕೂಡ ಚೆನ್ನಾಗಿ ಅನಿಸುತ್ತವೆ.
ಮಕ್ಕಳ ಕೋಣೆ
ಮಕ್ಕಳ ಕೋಣೆಯಲ್ಲಿ ಹೊಳೆಯುವ ಪ್ರೈಮರಿ ಕಲರ್ಸ್ ರೆಡ್‌, ಗ್ರೀನ್‌, ಯೆಲ್ಲೋ, ಬ್ಲೂ ಹೀಗೆ ಯಾವುದಾದರೂ ಬಣ್ಣ ಹೊಡೆಸಬಹುದು. ಜೊತೆಗೆ ಪೋಲ್ಕಾ ಡಾಟ್‌, ಚೆಕ್‌, ನಂಬರ್‌, ಜ್ಯಾಮೆಟ್ರಿಕ್‌ ಶೇಪ್‌ ಮುಂತಾದ ಡಿಸೈನ್‌ಗಳನ್ನು ಕೂಡ ಮಾಡಿಸಬಹುದು.
ಅಡುಗೆಮನೆ ಎಂತಹ ಒಂದು ಜಾಗವೆಂದರೆ ಅಲ್ಲಿಯೇ ನಿಮ್ಮ ಹೆಚ್ಚಿನ ಸಮಯ ಕಳೆಯುತ್ತದೆ. ಅಡುಗೆ ಮನೆಯ ಪಕ್ಕದ ಕೋಣೆಗೆ ಯಾವ ರೀತಿಯ ಬಣ್ಣವನ್ನು ಆಯ್ಕೆ ಮಾಡಲಾಗಿದೆಯೋ, ಅದೇ ಬಣ್ಣವನ್ನು ಅಡುಗೆಮನೆಗೂ ಆಯ್ಕೆ ಮಾಡಿ. ಇಲ್ಲಿ ಲೈಟ್‌ ಶೇಡ್ಸ್ ಸೂಕ್ತ ಎನಿಸುತ್ತದೆ.
ಬಾಥ್‌ರೂಮಿಗೆ ಲೈಟ್‌ ಬ್ಲೂ ಟೋನ್‌ ಹೆಚ್ಚು ಉತ್ತಮ ಎನಿಸುತ್ತದೆ. ಇಲ್ಲಿ ನೀವು ಗ್ರೀನ್‌ ಹಾಗೂ ಪಿಂಕ್‌ನ ಶೇಡ್ಸ್ ಕೂಡ ಹಾಕಬಹುದು. ಕ್ರೀಮ್, ಏಪ್ರಿಕಾಟ್‌ನಂತಹ ಕಲರ್ಸ್ ಹಿತಕರ ಅನಿಸಬಹುದು. ಬಾಥ್‌ರೂಮಿಗೆ ಡಾರ್ಕ್‌ ಕಲರ್‌ ಹೊಡೆಸಬೇಡಿ.
ಸಾಕಷ್ಟು ವೈವಿಧ್ಯತೆಗಳಿವೆ
ಮಾರುಕಟ್ಟೆಯಲ್ಲಿ ಬಹಳಷ್ಟು ಬಗೆಯ ಪೇಂಟ್‌ಗಳು ಲಭ್ಯವಿವೆ. ಪ್ರತಿಯೊಂದು ಬಣ್ಣಕ್ಕೂ ತನ್ನದೇ ಆದ ವೈಶಿಷ್ಟ್ಯತೆ ಇರುತ್ತದೆ. ನಿಮ್ಮ ಅವಶ್ಯಕತೆ ಹಾಗೂ ಇಷ್ಟಕ್ಕೆ ಅನುಸಾರ ನೀವು ಬಣ್ಣಗಳ ಆಯ್ಕೆ ಮಾಡಬಹುದು.
ಡಿಸ್ಟೆಂಪರ್‌ : ಇದು ಅತ್ಯಂತ ಸಾಮಾನ್ಯ ಹಾಗೂ ಅಗ್ಗದ ಪೇಂಟ್‌. ಇದನ್ನು ವೈಟ್‌ ವಾಶ್‌ ಎಂದೂ ಹೇಳಲಾಗುತ್ತದೆ. ಇದು ವಾಟರ್‌ ಬೇಸ್ಡ್ ಪೇಂಟ್‌ ಆಗಿದ್ದು, ಇದರಲ್ಲಿ ಚಾಕ್‌, ಲೈಮ್, ವಾಟರ್‌ ಮತ್ತು ಕೆಲವು ಕಲರಿಂಗ್‌ ಏಜೆಂಟ್‌ಗಳು ಮಿಶ್ರಣಗೊಂಡಿರುತ್ತವೆ.
ಎಮಲ್ಶನ್‌ : ಇದರ ಒಂದು ವಿಶೇಷತೆ ಏನೆಂದರೆ, ಇದು ಮನೆಯ ಗೋಡೆಗಳಿಗೆ ಮ್ಯಾಟ್‌ ಫಿನಿಶ್‌ ಹಾಗೂ ರಿಚ್‌ ಲುಕ್‌ ನೀಡುತ್ತದೆ. ಇದನ್ನು ಹೊಡೆಸುವುದರಿಂದ ಗೋಡೆಗಳ ಬಾಳಿಕೆ ಹೆಚ್ಚುತ್ತದೆ. ಇದರ ಬಳಕೆಯಿಂದ ಬೂಸ್ಟ್ ಕೂಡ ಹಿಡಿಯುವುದಿಲ್ಲ. ಗೋಡೆಗಳು ಹೆಚ್ಚು ಸಮಯದ ತನಕ ಹಾಳಾಗುವುದಿಲ್ಲ. ಎಮಲ್ಶನ್‌ ಪೇಂಟ್‌ ವಾಶೆಬಲ್ ಆಗಿದ್ದು, ಗೋಡೆಯ ಮೇಲೆ ಯಾವುದಾದರೂ ಕಲೆಗಳು ಉಂಟಾದರೆ ಯಾವುದಾದರೂ ಸಾಧಾರಣ ಸೋಪ್‌ನಿಂದ ಸ್ವಚ್ಛಗೊಳಿಸಬಹುದು.
ಫಂಕ್ಷನ್‌ ಪೇಂಟ್ಸ್ : ಮಾರುಕಟ್ಟೆಯಲ್ಲಿ ಈಗ ಎಂತಹ ಕೆಲವು ಪೇಂಟ್‌ಗಳು ಲಭ್ಯವಿವೆಯೆಂದರೆ, ಅವು ಕೇವಲ ಗೋಡೆಗಷ್ಟೇ ಶೋಭೆ ನೀಡುವುದಿಲ್ಲ. ಕ್ರಿಮಿಗಳು, ಬ್ಯಾಕ್ಟೀರಿಯಾ, ಫಂಗಸ್‌ ನಿವಾರಣೆ ಮಾಡುವ ಕೆಲಸಗಳನ್ನೂ ಕೂಡ ಮಾಡುತ್ತವೆ.
ಆಯಿಲ್ ಬೇಸ್ಡ್ ಪೇಂಟ್ಸ್ : ಇದು ಅತಿ ಹೆಚ್ಚು ಬಾಳಿಕೆ ಬರುವ ಪೇಂಟ್‌ ಆಗಿದೆ. ಮನೆಯ ಗೋಡೆಗಳಿಗೆ ಎಲ್ಲಕ್ಕೂ ಉಪಯುಕ್ತ ಎಂದು ಪರಿಗಣಿಸಲಾಗುತ್ತದೆ. ಒಣಗಲು ಹೆಚ್ಚು ಸಮಯ ತಗುಲಬಹುದು. ಆದರೆ ಇವು ಹೆಚ್ಚು ಜನಪ್ರಿಯವಾಗಿವೆ. ಏಕೆಂದರೆ ಇವುಗಳಿಂದ ಗೋಡೆಗೆ ಹೊಳಪು ಬರುತ್ತದೆ.
ಲೇಟೆಕ್ಸ್ ಪೇಂಟ್ಸ್ : ಇವುಗಳ ಗುಣಮಟ್ಟ ಬಹಳ ಚೆನ್ನಾಗಿರುತ್ತದೆ. ಇವು ಅಷ್ಟು ಸುಲಭವಾಗಿ ಮಂದವಾಗುವುದಿಲ್ಲ ಹಾಗೂ ಆಯಿಲ್ ಬೇಸ್ಡ್ ಪೇಂಟ್‌ಗಳಿಗೆ ಹೋಲಿಸಿದರೆ ಇವುಗಳಲ್ಲಿ ವಾಸನೆ ಕಡಿಮೆ. ಅಷ್ಟೇ ಅಲ್ಲ, ಗೋಡೆಯಿಂದ ಬಣ್ಣ ಕಿತ್ತು ಬರುವುದಿಲ್ಲ, ಬಿರುಕು ಕೂಡ ಉಂಟಾಗುವುದಿಲ್ಲ. ಈ ಪೇಂಟ್‌ ಬಹುಬೇಗ ಒಣಗುತ್ತದೆ ಮತ್ತು ಸ್ವಚ್ಛ ಮಾಡಲು ಕೇವಲ ನೀರು ಮಾತ್ರ ಸಾಕು.
ಎನಾಮಲ್ ಪೇಂಟ್‌ : ಇವು ಆಯಿಲ್ ಬೇಸ್ಡ್ ಪೇಂಟ್‌ ಆಗಿರುತ್ತವೆ. ಹೆಚ್ಚು ಅಂಟಿಕೊಳ್ಳುವ ಸಾಮರ್ಥ್ಯ ಇರುವ ಕಾರಣದಿಂದ ಇವು ಹೆಚ್ಚು ಬಾಳಿಕೆ ಬರುತ್ತವೆ. ಡಲ್ ಹಾಗೂ ಗ್ಲಾಸಿ ಫಿನಿಶ್‌ನಲ್ಲಿ ಲಭ್ಯವಿರುವ ಪೇಂಟ್‌ ಮನೆಯ ಗೋಡೆಯ ಜೊತೆ ಜೊತೆಗೆ ಫರ್ನೀಚರ್‌ ಮೇಲೂ ಬಳಸಬಹುದಾಗಿದೆ.
– ಸುಮಾ ಮೂರ್ತಿ
ಕಲರ್‌ ಕಾಂಬಿನೇಶನ್‌
ಪ್ರತಿಯೊಂದು ಬಣ್ಣದಲ್ಲೂ ಅನೇಕ ಶೇಡ್‌ಗಳಿರುತ್ತವೆ. ಹೆಚ್ಚು ಬಳಕೆ ಮಾಡುವ ಕೋಣೆಗಳಲ್ಲಿ ಪ್ರಖರ ಬಣ್ಣಗಳನ್ನು ಮಾತ್ರ ಬಳಸಬಹುದು. ಯಾವ ಕೋಣೆಯಲ್ಲಿ ನೀವು ವಿಶ್ರಾಂತಿ ಪಡೆಯುತ್ತೀರೊ, ಅಲ್ಲಿ ನೀವು ತಿಳಿ ಬಣ್ಣ ಬಳಸಬಹುದು. ಸಾಮಾನುಗಳನ್ನು ತುಂಬಿದ ಕೋಣೆಯಲ್ಲಿ ಆರೆಂಜ್‌, ಬ್ಲೂ, ಪರ್ಪಲ್, ಯೆಲ್ಲೊ ಹಾಗೂ ಸಾಫ್ಟ್ ಟಚ್‌ ನೀಡಲು ಲ್ಯಾವೆಂಡರ್‌ ಅಥವಾ ಕ್ರೀಮ್ ಕಲರ್‌ ಬಳಸಬಹುದು.
ಕಾಂಪ್ಲಿಮೆಂಟರಿ ಕಲರ್‌ ಸ್ಕೀಮ್ : ಇದರಲ್ಲಿ 2 ತದ್ವಿರುದ್ಧ ಬಣ್ಣಗಳನ್ನು ಸೇರಿಸಲಾಗುತ್ತದೆ. ಅವು ತದ್ವಿರುದ್ಧವಾಗಿಯೂ ಒಂದಕ್ಕೊಂದು ಹೊಂದುತ್ತವೆ. ಕೆಂಪು ಮತ್ತು ಹಸಿರು, ಹಳದಿ ಮತ್ತು ಪರ್ಪಲ್. ಇವು ಕೋಣೆಗೆ ಆಕರ್ಷಕ ಲುಕ್‌ ಕೊಡುತ್ತವೆ.
ಆ್ಯನೊಗ್ಲಾಸ್‌ ಕಲರ್‌ ಸ್ಕೀಮ್ : ಇದರಲ್ಲಿ ಒಂದೇ ಬಗೆಯ 2-3 ಬಣ್ಣಗಳನ್ನು ಬಳಸಲಾಗುತ್ತದೆ. ಇದನ್ನು ಅತ್ಯಂತ ಬ್ಯಾಲೆನ್ಸ್ಡ್ ಕಾಂಬಿನೇಶನ್‌ ಎಂದು ಹೇಳಲಾಗುತ್ತದೆ. ನೋಡಲು ಅತ್ಯಂತ ಸೌಮ್ಯ ಎನಿಸುತ್ತದೆ.
ಮಾನೋಕ್ರೊಮ್ಯಾಟಿಕ್‌ ಕಲರ್‌ ಸ್ಕೀಮ್ : ಇದರಲ್ಲಿ ಒಂದೇ ಬಣ್ಣದ ಹಲವು ಶೇಡ್ಸ್ ಬಳಸಲಾಗುತ್ತದೆ.
ಮಾನೋಟೋನ್‌ ಕಲರ್‌ ಸ್ಕೀಮ್ : ಇದರಲ್ಲಿ ಒಂದೇ ಬಣ್ಣವನ್ನು ಹಲವು ಕಡೆ ಬಳಸಲಾಗುತ್ತದೆ.
