ಮದುವೆಯ ಶಾಪಿಂಗ್ ಗಾಗಿ ಜೊತೆಗೆ ಯಾರನ್ನೂ ಕರೆದೊಯ್ಯಬೇಕು ಎಂಬುದನ್ನು ನವ ವಧು ಖಂಡಿತಾ ಅರಿತಿರಬೇಕು…..
ತನ್ನ ಮದುವೆ ಪಕ್ಕಾ ಆದ ನಂತರ ಕಾವೇರಿ ಬಹಳ ಎಗ್ಸೈಟೆಡ್‌ ಆಗಿದ್ದಳು. ಈ ದಿನಕ್ಕಾಗಿ ಅವಳು ಬಹಳಷ್ಟು ಕನಸು ಕಂಡಿದ್ದಳು. ಇದು ತನ್ನ ಜೀವನಪರ್ಯಂತ ನೆನಪಿಡಬೇಕಾದ ದಿನ, ಹೀಗಾಗಿ ತಾನು ಪರ್ಫೆಕ್ಟ್ ನವ ವಧುವಾಗಿ ಸಿದ್ಧಳಾಗಬೇಕೆಂದು ನಾನಾ ತಯಾರಿ ನಡೆಸಿದ್ದಳು.
ಇವಳು ಆ ಮನೆಯ ಕೊನೆ ಮಗಳು. ಇವಳ ತಾಯಿ ತಂದೆ ಮಾತ್ರವಲ್ಲದೆ, ಒಡಹುಟ್ಟಿದವರೂ ಸಹ ಎಲ್ಲಾ ಸೇರಿ, ಮದುವೆಗಾಗಿ ಧಾರಾಳ ಖರ್ಚು ಮಾಡಲು ಸಿದ್ಧರಿದ್ದರು. ಆರ್ಥಿಕವಾಗಿ ಅನುಕೂಲಸ್ಥರೇ ಆದ್ದರಿಂದ ಮದುವೆ ಖರ್ಚು ಟೆನ್ಶನ್‌ ವಿಷಯ ಆಗಿರಲಿಲ್ಲ. ಹೀಗಾಗಿ ಇವಳ ಮದುವೆಯ ಶಾಪಿಂಗ್ ಲಿಸ್ಟ್ ಬಹಳ ಉದ್ದ ಇತ್ತು.
ತನ್ನ ಗೆಳತಿಯರು, ಅಕ್ಕಂದಿರ ಮದುವೆಗಳಲ್ಲಿ ಕಾವೇರಿ ಗಮನಿಸಿದಂತೆ ಬಟ್ಟೆಬರೆ, ಡ್ರೆಸ್‌, ಜವಳಿ, ಒಡವೆ, ಮೇಕಪ್‌, ಅಲಂಕಾರ, ಸಂಗೀತ, ಶೋಆಫ್‌ ಇತ್ಯಾದಿ ಭರ್ಜರಿಯಾಗಿರುತ್ತಿತ್ತು. ತನ್ನ ಮದುವೆ ಇವೆಲ್ಲದಕ್ಕಿಂತ ಭಿನ್ನವಾಗಿ, ಗ್ರಾಂಡಾಗಿ ನಡೆಯಬೇಕೆಂದು ಬಯಸಿದಳು. ಹೀಗಾಗಿ ತನ್ನ ವೆಡ್ಡಿಂಗ್‌ ಶಾಪಿಂಗ್ ಗಾಗಿ, ತನ್ನ ಸ್ವಭಾವವನ್ನು ಚೆನ್ನಾಗಿ ಅರ್ಥ ಮಾಡಿಕೊಂಡು, ತನಗೆ ಹೊಂದಿಕೊಳ್ಳುವಂಥ ಗೆಳತಿಯರ ಜೊತೆಯೇ ಶಾಪಿಂಗ್ ಮಾಡಬೇಕೆಂದು ನಿರ್ಧರಿಸಿದಳು. ತನ್ನ ಮದುವೆಯ ಧಾರೆ ಸೀರೆಯಿಂದ ಹಿಡಿದು, ಮೆಹೆಂದಿ ಮೇಕಪ್‌ ಆರ್ಟಿಸ್ಟ್ ವರೆಗೂ ಎಲ್ಲ ಯೂನಿಕ್‌ ಆಗಿರಬೇಕೆಂದು ಬಯಸಿದಳು.
ಇದಕ್ಕಾಗಿ ಇವಳನ್ನು ಆಳವಾಗಿ ಬಲ್ಲಂಥ, ಟ್ರೆಡಿಶನ್‌ ಜೊತೆ ಲೇಟೆಸ್ಟ್ ಫ್ಯಾಷನ್‌ ಕುರಿತು ಅರಿವಿದ್ದಂಥ ವ್ಯಕ್ತಿಯೇ ಇವಳಿಗೆ ಜೊತೆಗಿರಬೇಕಿತ್ತು. ಸೀರೆ, ಲೆಹಂಗಾ, ಭಾರೀ ಡಿಸೈನ್‌ ಕಸೂತಿಯ ಸಲ್ವಾರ್‌ ಸೂಟ್‌, ವೆಸ್ಟರ್ನ್‌ ಡ್ರೆಸ್‌ ಇತ್ಯಾದಿ ಎಲ್ಲವೂ ಲೇಟೆಸ್ಟೇ ಆಗಬೇಕಿತ್ತು. ಇಂಥವನ್ನು ಅವಳು ಹನೀಮೂನ್‌ ನಲ್ಲಿ ಧರಿಸ ಬಯಸಿದ್ದಳು. ಫ್ರೆಂಡ್ಸ್ ಪಾರ್ಟಿ, ಬ್ಯಾಚ್‌ ಲೋರೆಟ್ ಪಾರ್ಟಿಗಳಲ್ಲಿ ಸಖತ್‌ ಮಿಂಚಲು ಬಯಸಿದ್ದಳು. ಎಲ್ಲಾ ಪಾರ್ಟಿಗಳಿಗೂ ಭಾರಿ ಸೀರೆ ಅಥವಾ ಡ್ರೆಸ್‌ ಅಂತೂ ಧರಿಸುವಂತಿರಲಿಲ್ಲ.
ಶಾಪಿಂಗ್ ನಲ್ಲಿ ಅಗತ್ಯದ ನೆರವು
ಇಷ್ಟು ಮಾತ್ರವಲ್ಲ…. ತನ್ನ ಡ್ರೆಸ್‌ ಗೆ ಹೊಂದು ಒಡವೆ, ಆ್ಯಕ್ಸೆಸರೀಸ್‌, ಸ್ಯಾಂಡಲ್ಸ್ ಇತ್ಯಾದಿಗಳನ್ನು ಆರಿಸಬೇಕಿತ್ತು. ಲೇಟೆಸ್ಟ್ ಡಿಸೈನಿನ ಇನ್ನರ್‌ ವೇರ್‌, ನೈಟಿ, ಬಳೆ, ಕಾಸ್ಮೆಟಿಕ್ಸ್ ಇತ್ಯಾದಿಗಳ ಪಟ್ಟಿ ಮತ್ತಷ್ಟಿತ್ತು. ಇದೆಲ್ಲವನ್ನೂ ಮನೆಯ ಹಿರಿ ಹೆಂಗಸರ ಬದಲಾಗಿ ತನ್ನ ಸಮವಯಸ್ಕ ಗೆಳತಿಯರೊಂದಿಗೆ ಮಾಡಬಯಸಿದಳು.
ತನ್ನ ಲಿಸ್ಟ್ ಪ್ರಕಾರ, ಐಟಂ ಅನುಸರಿಸಿ ಅದನ್ನು 3 ವಿಭಾಗ ಮಾಡಿಕೊಂಡಳು. ಮದುವೆಯ ಮುಖ್ಯ ಜವಳಿ, ಲಾಂಜರಿ, ಡ್ರೆಸ್‌, ನೈಟಿ, ಫುಟ್‌ ವೇರ್‌, ಬ್ಯಾಗ್‌, ಕಾಸ್ಮೆಟಿಕ್ಸ್ ಇತ್ಯಾದಿಗಳ ಖರೀದಿಗಾಗಿ ತನ್ನ ಇಬ್ಬರು ಆಪ್ತ ಗೆಳತಿಯರನ್ನು ಆರಿಸಿಕೊಂಡಳು.
ಒಂದು ವಸ್ತು ಕೊಳ್ಳಲು ಹಲವು ಅಂಗಡಿ ಮೆಟ್ಟಿಲು ಹತ್ತಿಳಿಯುವುದೇ ಅವಳ ಅಭ್ಯಾಸ. ಒಂದೇ ಕಡೆ ಅವಳಿಗೆ ಬೇಕಾದ ಯಾವ ವಸ್ತು ಇಷ್ಟ ಆಗುತ್ತಿರಲಿಲ್ಲ. ರತ್ನಾ, ಸ್ನೇಹಾ ಮೊದಲಿನಿಂದಲೂ ಇವಳ ಕ್ಲೋಸ್‌ ಫ್ರೆಂಡ್ಸ್. ಇವರೆಲ್ಲ ಕೂಡಿ 1-1 ಐಟಂಗಾಗಿ ಹಲವು ಕಡೆ ಸುತ್ತಾಡುತ್ತಿದ್ದರು. ಅಂಗಡಿಯವನ ಜೊತೆ ಸಾಕು ಸಾಕೆನಿಸುವಷ್ಟು ಚೌಕಾಸಿ ಮಾಡುತ್ತಿದ್ದರು. ಈ ಮೂವರೂ ಪರಸ್ಪರರನ್ನು ಬಿಟ್ಟು ಶಾಪಿಂಗ್ ಮಾಡುತ್ತಿರಲಿಲ್ಲ. ಈ ಮೂವರ ಅಂಡರ್‌ ಸ್ಟಾಂಡಿಂಗ್‌ ಚೆನ್ನಾಗಿತ್ತು. ಬೆಳಗ್ಗೆ ಶುರು ಮಾಡಿದ ಶಾಪಿಂಗ್, ಸಂಜೆ 8 ಗಂಟೆಗೇ ಮುಗಿಯುತ್ತಿತ್ತು. ಹೀಗಾಗಿ ಅವರನ್ನು ಮದುವೆ ಶಾಪಿಂಗ್ ಗೆ ಹೊರಡಿಸಿದಳು.
ಶಾಪಿಂಗ್ ನಲ್ಲಿ ಎಚ್ಚರವಿರಲಿ!
ಮದುವೆಗೆ ಶಾಪಿಂಗ್ ಮಾಡುವಾಗ ಹುಡುಗಿಯರು ಸಾಮಾನ್ಯವಾಗಿ ಮಾಡುವ ತಪ್ಪು ಎಂದರೆ, ಮದುವೆ ನಂತರದ ಹೆವಿ ಔಟ್ ಫಿಟ್ಸ್ ಖರೀದಿ. ಇವಳ ಅಕ್ಕಂದಿರು ಬಹಳಷ್ಟು ಹೆವಿ ಸೀರೆ, ಸೂಟ್‌, ಒಡವೆ ಖರೀದಿಸಿದ್ದರು. ಆದರೆ ಮದುವೆಯಾದ 6 ತಿಂಗಳ ನಂತರ ಈ ಹೆವಿ ಡ್ರೆಸೆಸ್‌ ಯಾವುದಕ್ಕೂ ಬಳಕೆ ಆಗುವಂತಿರಲಿಲ್ಲ.
ಅಲೆಲ್ಲ ಔಟ್ ಆಫ್‌ ಫ್ಯಾಷನ್‌ ಆಗಿತ್ತು. ಹೀಗಾಗಿ ಕಾವೇರಿ ಇಂಥ ಹೆವಿ ಡ್ರೆಸೆಸ್‌ ಬದಲು, ಕೆಲವು ವಿಭಿನ್ನ ಪ್ಯಾಟರ್ನ್‌, ಡಿಸೈನ್‌ ಗಳ ಹೆವಿ ದುಪಟ್ಟಾ, ಹೆವಿ ಬ್ಲೌಸಸ್‌ ಮಾತ್ರ ಖರೀದಿಸಿದಳು. ಇದು ನಂತರ ಪ್ಲೇನ್‌ ಸೂಟ್‌, ಸೀರೆಗಳಿಗೂ ಹೊಂದುವಂತಿರಬೇಕು ಎಂಬುದು ಇವಳ ಐಡಿಯಾ. ಬೇರೆ ಬೇರೆ ಸಂದರ್ಭಕ್ಕೆ ಸ್ಟೈಲಾಗಿ ಧರಿಸಬೇಕಿತ್ತು.
ಆದರೆ ಕಾವೇರಿಯ ಈ ವಿಚಾರ, ಅವಳ ತಾಯಿ, ಅಕ್ಕಂದಿರಿಗೆ ಸರಿ ಕಾಣಲಿಲ್ಲ. ಅವರ ಮಾತನ್ನು ಬೇರೆ ವಿಷಯದಲ್ಲಿ ಫಾಲೋ ಮಾಡುವುದಾಗಿ ಒಪ್ಪಿಸಿ, ಇವಳು ಗೆಳತಿಯರ ಜೊತೆ ವೆಡ್ಡಿಂಗ್‌ ಶಾಪಿಂಗ್ ಗೆ ಹೊರಟಳು.
ಮದುವೆಯಲ್ಲಿ ವಧು ಧರಿಸುವ ಒಡವೆ, ವರನಿಗೆ ಕೊಡುವ ಚೈನ್‌, ಉಂಗುರ, ವಾಚ್‌ ಎಲ್ಲವೂ ಲೇಟೆಸ್ಟ್ ದುಬಾರಿ ಆಗಿರಬಯಸಿದಳು. ಇಂಥವನ್ನು ಮನೆ ಮಂದಿ ಜೊತೆ ಕೊಂಡುಕೊಂಡಳು. ಇವಳ ಮನೆಯವರು ನಗರದ ಪ್ರಸಿದ್ಧ ಒಂದೇ ಜ್ಯೂವೆಲರಿ ಅಂಗಡಿಯಲ್ಲಿ ಎಲ್ಲವನ್ನೂ ಕೊಳ್ಳುತ್ತಿದ್ದರು. ಪ್ರತಿ ಮದುವೆಗೂ 15-20 ಲಕ್ಷ ರೂ.ಗಳು ಒಡವೆಗಳಿಗಾಗಿಯೇ ಖರ್ಚಾಗುತ್ತಿತ್ತು. ಇಂಥ ದುಬಾರಿ ವಸ್ತುಗಳನ್ನು ಮನೆಯವರ ಜೊತೆ ಕೊಳ್ಳುವುದೇ ಸರಿ ಎಂದು ಭಾವಿಸಿದಳು, ಇದರ ಬಗ್ಗೆ ಅವಳಿಗೆ ಹೆಚ್ಚು ಗೊತ್ತಿರಲಿಲ್ಲ.
ಹಿರಿಯ ಅಕ್ಕಂದಿರು, ಅಣ್ಣಂದಿರ ಮದುವೆಗೆ ಇವಳ ತಾಯಿ ತಂದೆಯರೇ, ಒಡವೆ, ಜವಳಿ ಶಾಪಿಂಗ್ ಮಾಡಿದ್ದರು. ಅವರ ಆಯ್ಕೆ ಎಲ್ಲರಿಗೂ ಪ್ರಿಯವಾಗಿತ್ತು. ಎಲ್ಲವೂ ಆಯಾ ಕಾಲದ ಲೇಟೆಸ್ಟ್ ಡಿಸೈನ್‌ ಗೆ ತಕ್ಕಂತಿದ್ದವು. ಭಾರತೀಯ ಮದುವೆಗಳಲ್ಲಿ ವಧುವಿನ ಕಡೆಯವರಿಗೆ ಇರುವ ದೊಡ್ಡ ಜವಾಬ್ದಾರಿ ಎಂದರೆ, ಮಗಳಿಗೆ ಅತ್ಯುತ್ತಮ, ಅತಿ ಹೆವಿಯಾದ ಜ್ಯೂವೆಲರಿ ಕೊಟ್ಟು ಕಳುಹಿಸೋಣ ಎಂಬುದು. ಇದರಿಂದ ಅತ್ತೆಮನೆಯಲ್ಲಿ ಅವಳ ಪ್ರತಿಷ್ಠೆ ಹೆಚ್ಚಾಗಲಿ ಎಂಬುದು. ಇದರಿಂದ ಸಮಾಜದಲ್ಲಿ ಸಹಜವಾಗಿ ಸ್ಟೇಟಸ್ ಹೆಚ್ಚುತ್ತದೆ. ಆದರೆ ಈ ಜಂಜಾಟಗಳ ತೂಗುಯ್ಯಾಲೆಯಲ್ಲಿ ಜೀವನದಲ್ಲಿ ಪ್ರಾಕ್ಟಿಕಲ್ ಆಗಿರಬೇಕೆಂಬುದನ್ನು ಅವರು ಮರೆಯುತ್ತಾರೆ.
ಸ್ಟೇಟಸ್ ಸಿಂಬಲ್ ಮದುವೆ ಆದ ಮೇಲೆ ಇಂಥವನ್ನು ಕೊಳ್ಳುವುದರಿಂದ, ಆ ನಂತರ ಅದು ಹೆಚ್ಚು ಉಪಯೋಗಕ್ಕೆ ಬರುವುದಿಲ್ಲ ಅಂತ ಕಾವೇರಿಗೆ ಗೊತ್ತಿತ್ತು. ಇದನ್ನು ಗಮನದಲ್ಲಿರಿಸಿಕೊಂಡೇ ಅವಳು 1-2 ಹೆವಿ ಸೆಟ್‌ ಜೊತೆ, 4-5 ಲೈಟ್‌ ಸೆಟ್‌ ಸಹ ಖರೀದಿಸಿದಳು. ಇಂಥ ಬೇರೆ ಬೇರೆ ಪೀಸೆಸ್‌ ಗಳನ್ನು ಅವಳು ತನ್ನ ವಿಭಿನ್ನ ಔಟ್ ಫಿಟ್ಸ್ ಗೆ ಧರಿಸಲು ಅನುಕೂಲವಾಗಿತ್ತು. ತನಗಾಗಿ ಮನೆಯವರು ಕೇವಲ ಗೋಲ್ಡ್ ಡೈಮಂಡ್‌ ಜ್ಯೂವೆಲರಿ ಮಾತ್ರವಲ್ಲ, ಸಿಲ್ವರ್‌ಜಂಕ್‌ ಜ್ಯೂವೆಲರಿಯನ್ನು ಕೊಡಿಸಬೇಕೆಂದು ಕೇಳಿದಳು.
ಆದರೆ ಅವಳ ತಾಯಿಗೆ ಈ ಮಾತುಗಳು ಅಷ್ಟು ಸಮಾಧಾನ ಎನಿಸಲಿಲ್ಲ. ಆದರೂ ಮಗಳಿಗೆ ಬೇಸರವಾಗಬಾರದೆಂದು, ಕೆಲವು ಲೈಟ್‌ ವೆಯ್ಟ್ ಜ್ಯೂವೆಲರಿ ಸೆಟ್‌ ಖರೀದಿಸಲು ಒಪ್ಪಿಕೊಂಡರು. ತನ್ನ ಬೇಡಿಕೆ ಅಪ್ರೂವ್ ಆಯ್ತೆಂದು ಕಾವೇರಿ ಖುಷಿಪಟ್ಟಳು.
ಇವಳ ಪಟ್ಟಿಯ 3ನೇ ವರ್ಗದಲ್ಲಿ ವಧುವಿಗೆ ಕೊಡುವ ದೊಡ್ಡ ವಸ್ತುಗಳಿದ್ದವು. ಅಂದ್ರೆ ಬೀರು, ಮಂಚ, ಸ್ಟೀಲ್ ಪಾತ್ರೆ ಸೆಟ್‌, ಸೋಫಾ ಡ್ರೆಸ್ಸಿಂಗ್‌ ಟೇಬಲ್ ಇತ್ಯಾದಿ ಜೊತೆಗೆ ವರನಿಗೆ ನೀಡುವ ವರೋಪಚಾರದ ವಸ್ತುಗಳು, ಸೂಟುಬೂಟು, ಚೇನ್‌, ಉಂಗುರ, ವಾಚ್‌, ಬಟ್ಟೆಬರೆ ಮಾತ್ರವಲ್ಲದೆ, ಬೀಗರ ಕಡೆಯವರಿಗೆ ಕೊಡಬೇಕಾದ ಉಡುಗೊರೆಗಳ ದೊಡ್ಡ ಪಟ್ಟಿಯೂ ಇತ್ತು. ಇವೆಲ್ಲವನ್ನೂ ಕಾವೇರಿಯ ಆಯ್ಕೆಯಂತೆಯೇ ಕೊಳ್ಳಲಾಯಿತು. ವರ ಮತ್ತು ಬೀಗರ ಕಡೆಯ ಉಡುಗೊರೆಗಳಿಗಾಗಿ ಅವಳು ತನ್ನ ಅಣ್ಣ ಅಕ್ಕ, ಅತ್ತಿಗೆಯರ ಜೊತೆ ಶಾಪಿಂಗ್ ಮಾಡಿದಳು.
ಮದುವೆಯೇ ಒಂದು ದೊಡ್ಡ ಹಬ್ಬ!
ವರನಿಗೆ ಹೋಲಿಸಿದರೆ ವಧುವಿಗೆ ವೆಡ್ಡಿಂಗ್‌ ಶಾಪಿಂಗ್ ಒಂದು ದೊಡ್ಡ ಹೆಕ್ಟಿಕ್‌ಸ್ಟ್ರೆಪ್‌ ಕೆಲಸವಾಗಿದೆ. ಮದುವೆಗಾಗಿ ಶಾಪಿಂಗ್ ನ್ನು ಬಲು ಎಚ್ಚರಿಕೆಯಿಂದ, ಅತ್ಯುತ್ತಮ ಪ್ಲಾನಿಂಗ್‌ ಜೊತೆ ನಿರ್ವಹಿಸಬೇಕಾಗುತ್ತದೆ. ಹೀಗೆ ಅಚ್ಚುಕಟ್ಟಾಗಿ ನಿರ್ವಹಿಸಿದರೆ ಮಾತ್ರ ಅದು ಸಫಲವಾಗುತ್ತದೆ, ಇಲ್ಲದಿದ್ದರೆ ಎಲ್ಲವೂ ದಂಡ ಆದೀತು. ಮದುವೆಗೆ 2-3 ವಾರವಿದೆ ಎನ್ನುವಾಗ ಅವಸರವಸರದಲ್ಲಿ ಖರೀದಿಗೆ ಹೊರಟರೆ, ಅದೆಷ್ಟು ದುಬಾರಿ ಆದೀತು ಎಂಬುದು ನಂತರ ತಿಳಿಯುತ್ತದೆ, ಏಕೆಂದರೆ ಸಮಯದ ಅಭಾವ, ಬೇರೆ ಆಯ್ಕೆ ಇರುವುದಿಲ್ಲ.
ಹೀಗಾಗಿ ಮದುವೆ ನಂತರ ವಧು ಎವರ್‌ ಗ್ರೀನ್‌‌ಆಗಿ ಕಾಣಿಸಲು, ಕಂಫರ್ಟ್‌ ಗೂ ಸಮಾನ ಪ್ರಾಶಸ್ತ್ಯ ಕೊಟ್ಟು ಖರೀದಿ ಮಾಡಬೇಕು. ಮುಖ್ಯವಾಗಿ ಉದ್ಯೋಗಸ್ಥ ನವ ವಧು ಆಫೀಸ್ ಮುಂದುವರಿಸ ಬೇಕಾಗಿರುವುದರಿಂದ, ಮದುವೆ ನಂತರ ಸದಾ ಸಿಂಗಾರಗೊಂಡು ದಸರಾ ಗೊಂಬೆಯಂತೆ ಕೂರಲು ಬಾರದು, ಬದುಕು ಎಂದಿನಂತೆ ಮುಂದುವರಿಯ ಬೇಕಿರುತ್ತದೆ. ಹೀಗಾಗಿ ಅವಳಿಗೆ ಭಾರಿ ಭಾರಿ ರೇಷ್ಮೆ ಸೀರೆ, ಹೆವಿ ಜ್ಯೂವೆಲರಿಯಿಂದ ಹಿಂಸೆ ಎನಿಸುವಂತೆ ಆಗಬಾರದು. ಹೀಗಾಗಿ ಅಂಥವನ್ನೆಲ್ಲ ಸುಮ್ಮನೆ ಬೀರುವಿನಲ್ಲಿ ಒತ್ತರಿಸಿ ಇಟ್ಟು ಬಿಡುತ್ತಾಳಷ್ಟೆ.
ಹೀಗಾಗಿ ಇಂದಿನ ಆಧುನಿಕ ಹುಡುಗಿಯರು, ಹೆವಿ ಡ್ರೆಸ್‌ದುಬಾರಿ ಒಡವೆ ಇಲ್ಲದೆಯೂ ನವ ವಿವಾಹಿತೆಯಾಗಿ ಹೇಗೆ ಶೋಭಿಸಬೇಕೋ ಅಂಥ ನವೀನ ಸಾಮಗ್ರಿ ಕೊಂಡರೆ ಸಾಕೆಂದೇ ಬಯಸುತ್ತಾಳೆ. ಆದ್ದರಿಂದ ವಧು ತನ್ನ ಸಮವಯಸ್ಕ, ತನ್ನನ್ನು ಅರಿತಿರುವಂಥ ನಿಕಟರ್ತಿಗಳ ಜೊತೆ ವೆಡ್ಡಿಂಗ್‌ ಶಾಪಿಂಗ್ ಮಾಡಿದರೆ, ಎಲ್ಲವೂ ಚೆನ್ನ. ಈ ಬಗ್ಗೆ ನೀವೇನಂತೀರಿ….?
– ಜಿ. ನಿರ್ಮಲಾ
