ಟೀಚರ್‌: ತಿಮ್ಮ ಎರಡು ವಿರುದ್ಧ ಪದಗಳನ್ನು ಹೇಳು.
ತಿಮ್ಮ : ಸುಖ ದುಃಖ, ಮೇಲೆ ಕೆಳಗೆ.
ಟೀಚರ್‌: ಗುಂಡ ನೀನೊಂದು ವಿರುದ್ಧ ಪದ ಹೇಳು.
ಗುಂಡ : ಪತಿ ಪತ್ನಿ.
ರಂಗಮ್ಮ : ಕಾಮಿನಿ ನಿನ್ನ ಮದುವೆ ಆಯ್ತಾ…..?
ಕಾಮಿನಿ : ಆಯ್ತು ಆಂಟಿ.
ರಂಗಮ್ಮ : ಹುಡುಗ ಏನು ಮಾಡ್ಕೊಂಡಿದಾನೆ….?
ಕಾಮಿನಿ : ಬೇಜಾರು ಮಾಡ್ಕೊಂಡಿದ್ದಾನೆ.
ಟೀಚರ್‌: ತಿಮ್ಮ ಪಾತ್ರೆ ತೊಳೆಯಬೇಕು ಮತ್ತು ತಿಮ್ಮ ಪಾತ್ರೆ ತೊಳೆಯಲೇಬೇಕು ಈ ಎರಡು ವಾಕ್ಯದಲ್ಲಿನ ವ್ಯತ್ಯಾಸ ಹೇಳು.
ಗುಂಡ : ಮೊದಲ ವಾಕ್ಯ ತಿಮ್ಮ ಮದುವೆಯಾಗಿಲ್ಲ ಎಂಬುದನ್ನು ತಿಳಿಸುತ್ತದೆ. ಅದೇ ಎರಡನೇ ವಾಕ್ಯ ಅವನು ಗ್ಯಾರಂಟಿ ಮದುವೆಯಾಗಿದ್ದಾನೆ ಎಂದು ತಿಳಿಸುತ್ತದೆ.
ವರದಿಗಾರ : ಮದುವೆಗೆ ಮೊದಲು ನೀವು ಏನು ಮಾಡುತ್ತಿದ್ದೀರಿ?
ಗುಂಡೂರಾಯ : ನನ್ನ ಮನಸ್ಸು ಬಯಸಿದ್ದೆಲ್ಲ ಮಾಡುತ್ತಿದ್ದೆ. ಆದರೆ ಈಗ……….
ಗುಂಡ ಮಹಾ ಜಿಪುಣ. ಇಸ್ತ್ರೀ ಮಾಡುವಾಗ ಒಮ್ಮೆ ಆಕಸ್ಮಿಕವಾಗಿ ಅವನಿಗೆ ಶಾಕ್‌ ಹೊಡೆಯಿತು.
ಪತ್ನಿ : ಅಯ್ಯಯ್ಯೋ…. ನಿಮಗೇನೂ ಆಗಿಲ್ಲ ತಾನೇ?
ಗುಂಡ : ನನಗೇನೂ ಆಗಿಲ್ಲ ಬಿಡು, ಮೊದಲು ಮೀಟರ್‌ನೋಡು…. ಎಷ್ಟು ಕರೆಂಟ್‌ ಹೋಯ್ತೋ ಏನೋ….
ಅರುಣ್‌ : ಇವತ್ತು ನನ್ನ ಹೆಂಡತಿಯ ದೂರುಗಳಿಗೆ ಮಿತಿಯೇ ಇಲ್ಲದೇ ಹೋಯ್ತು. ಸಾಕಾಯ್ತಪ್ಪ…
ಕಿರಣ್‌ : ಅದೆಂಥ ಹೊಸ ದೂರು?
ಅರುಣ್‌ : ಎಲ್ಲಿಂದ ಗೋಧಿಹಿಟ್ಟು ತೆಗೆದುಕೊಂಡು ಬಂದ್ರಿ…..? ಮಾಡಿದ ಚಪಾತಿ ಎಲ್ಲಾ ಸೀಯುತ್ತಿವೆ ಅಂತ ಬೈತಾನೇ ಇದ್ದಾಳೆ.
ಗುಂಡ ಮತ್ತು ಗುಂಡಿ ಇಬ್ಬರೂ ಘನಘೋರ ಜಗಳ ಆಡಿಕೊಂಡು ಒಂದು ವಾರ ಮಾತು ಬಿಟ್ಟರು. ಸುದೀರ್ಘ ಮೌನ ಇಬ್ಬರಿಗೂ ಸಹಿಸದಾಯಿತು.
ಗುಂಡ : ಹೋಗ್ಲಿ ಬಿಡು ಡಾರ್ಲಿಂಗ್‌ ನೀನು ಹೀಗೆ ಮೌನಗೌರಿ ಆದ್ರೆ ನನಗೆ ಬಹಳ ಕಷ್ಟ.
ಗುಂಡಿ : ನೀವು ಒಂದು ಕೆಲಸ ಮಾಡಿ.
ಗುಂಡ : ಏನು ಹಾಗಂದ್ರೆ….? ಮನೆಯಲ್ಲೂ
ಗುಂಡಿ : `ಗೊತ್ತಾಗಲಿಲ್ಲ…. ಸಾರಿ ತಪ್ಪಾಯ್ತು!’ ಅಂತ ಆಗಾಗ ಹೇಳುತ್ತಿರಬೇಕು.
ಗುಂಡ ಒಮ್ಮೆ ಶಾಪಿಂಗ್‌ ಮಾಡಲೆಂದು ಮಾಲ್ ಒಳಹೊಕ್ಕ. ಅವನು ಗ್ರಾಸೆರಿ ವಿಭಾಗಕ್ಕೆ ಹೋಗಿ ಬೇಕಾದ್ದು ಖರೀದಿಸಿದ. ಅಲ್ಲಿ ಯಾರೋ 60ರ ಮಹಿಳೊಬ್ಬರು ತನ್ನನ್ನು ಹಿಂಬಾಲಿಸಿ ಬರುತ್ತಿರುವಂತೆ ಅನಿಸಿತು. ಅದೆಲ್ಲ ಭ್ರಮೆ ಎಂದು ಹಣ್ಣು ತರಕಾರಿ ಸ್ಟಾಲ್‌ಗೆ ಹೋದ. ಅಲ್ಲೂ ಬೇಕಾದ್ದನ್ನು ಖರೀದಿಸಿದ. ಆ ಮಹಿಳೆ ಅಲ್ಲಿಗೂ ಹಿಂಬಾಲಿಸಿ ಬಂದಂತೆ ಅನಿಸಿತು.
ಬೇಗ ಬೇಗ ತನಗೆ ಬೇಕಾದ್ದನ್ನು ಖರೀದಿಸಿ, ಗುಂಡ ಮಕ್ಕಳ ಆಟಿಕೆಗಳ ವಿಭಾಗಕ್ಕೆ ಬಂದ. ತಿರುಗಿ ನೋಡಿದರೆ… ಮತ್ತೆ ಆಕೆಯೇ ಕಾಣಿಸಿಕೊಳ್ಳಬೇಕೇ? ತಡೆಯಲಾರದೆ ಗುಂಡ ಕೇಳಿಯೇ ಬಿಟ್ಟ, “ಅಮ್ಮ, ನೀವು ಹುಷಾರಾಗಿದ್ದೀರಿ ತಾನೇ?”
ಆಕೆ ಹೇಳಿದಳು, “ನೋಡಪ್ಪ…. ನಿನ್ನನ್ನು ನೋಡಿದರೆ ನನ್ನ ಹೆತ್ತ ಮಗನನ್ನು ನೋಡಿದಂತೆಯೇ ಅನಿಸುತ್ತೆ…. ಅದೇ ಮುಖ ಅದೇ ಕಣ್ಣು…. ಕಳೆದ ವರ್ಷ ರಸ್ತೆ ಅಪಘಾತದಲ್ಲಿ ಅವನು ಹೋಗಿಬಿಟ್ಟ. ಬೇಡ ಅಂತ ವಿವೇಕ ಹೇಳುತ್ತಿದ್ದರೂ ಹೃದಯ ಕೇಳದೇ ನಿನ್ನನ್ನು ಮತ್ತೆ ಮತ್ತೆ ನೋಡಬೇಕೆನಿಸಿ ಹಿಂಬಾಲಿಸಿಕೊಂಡು ಬರುತ್ತಿರುವೆ…. ಏನು ತಪ್ಪು ತಿಳಿಯಬೇಡಪ್ಪ…“ಇನ್ನೊಮ್ಮೆ ಬಾಯ್ತುಂಬಾ ಅಮ್ಮ ಅಂತ ಕರೆದುಬಿಡಪ್ಪ…. ಕೇಳಿಸಿಕೊಂಡು ಧನ್ಯಳಾಗಿ ಹೋಗಿಬಿಡ್ತೀನಿ….” ಎಂದು ಕಂಬನಿ ಮಿಡಿದರು.
ಇದನ್ನು ಕೇಳಿಸಿಕೊಂಡ ಗುಂಡನಿಗೆ ಮನಸ್ಸು ತುಂಬಿ ಬಂದಂತಾಯಿತು.“ಆಗಲಮ್ಮ…. ನನ್ನನ್ನು ಮಗ ಅಂತಾನೇ ತಿಳಿದುಕೊಳ್ಳಿ….”
“ಏನಪ್ಪ, ಇನ್ನೂ 2 ಸಲ ಬಾಯಿ ತುಂಬಾ ನನ್ನನ್ನು ಅಮ್ಮ…. ಅಮ್ಮ ಅಂತ ಕರೆದುಬಿಡಪ್ಪ…” ಈಗ ನಿಧಾನವಾಗಿ ಆಕೆಯ ಮುಖದಲ್ಲಿ ಮಂದಹಾಸ ಮೂಡಿತು.
ಗುಂಡನಿಗಂತೂ ಒಬ್ಬ ಪ್ರೌಢ ಮಹಿಳೆಗೆ ತನ್ನಿಂದ ಅಷ್ಟಾದರೂ ಸಹಾಯಾಗಲಿ ಎಂದು, “ಅಮ್ಮ… ಅಮ್ಮ… ನೀ ನಿಜವಾಗಿಯೂ ನನ್ನ ಅಮ್ಮ!” ಎಂದು ಜೋರಾಗಿ ಎಲ್ಲರಿಗೂ ಕೇಳಿಸುವಂತೆ ಹೇಳಿದ.
ತನಗೆ ಕೇಳಿಸಲಿಲ್ಲ, ಇನ್ನೂ ಜೋರಾಗಿ ಹೇಳು ಎಂಬಂತೆ ಆಕೆ ಸನ್ನೆ ಮಾಡಿದರು.
ಗುಂಡ ಸೂರು ಹಾರುವಂತೆ ಜೋರಾಗಿ ಅದನ್ನೇ ಹೇಳಿದ. ಅದನ್ನು ಕೇಳಿಸಿಕೊಂಡ ಆಕೆಗೆ ಆನಂದಾಶ್ರು ಧಾರೆಯಾಗಿ ಹರಿಯಿತು. ಗುಂಡನ ಕೈಹಿಡಿದು ಗದ್ಗದಿತರಾಗಿ ಚುಂಬಿಸಿ, ಭಾರವಾದ ಮನಸ್ಸಿನಿಂದ ಅಲ್ಲಿಂದ ಹೊರಗೆ ಹೊರಟರು.
ಗುಂಡ ಉಳಿದ ವಸ್ತು ಕೊಂಡು ಕ್ಯಾಶ್‌ ಕೌಂಟರ್‌ನತ್ತ ಹಣ ಪಾವತಿ ಮಾಡಲು ಹೊರಟ. ಅವರು ನೀಡಿದ ಬಿಲ್ ನೋಡಿ ಗುಂಡನಿಗೆ ಶಾಕ್‌!
“ಇದೇನ್ರಿ… 10 ಸಾವಿರ ಹಾಕಿದ್ದೀರಿ!?” ಎಂದು ಗುಡುಗಿದ.
“ಹೌದ್ರಿ….. 800 ರೂ. ನಿಮ್ಮದು ಹಾಗೂ ಉಳಿದ 9,200/ ರೂ. ನಿಮ್ಮ ಅಮ್ಮನದು!” ಎಂದ ಕ್ಯಾಶಿಯರ್‌.
“ಯಾರ್ರೀ ಅದು… ನಮ್ಮಮ್ಮ?”
“ಆಗಿನಿಂದ ಅಮ್ಮ…. ಅಮ್ಮ…. ಅಂತ ಯಾರನ್ನು ಹೇಳ್ತಿದ್ರೋ ಅವರೇ…. ಸಾಕ್ಷಿ ತೋರಿಸ್ತೀನಿ ನೋಡ್ಕೊಳಿ ಅಂತ ನಮಗೆ ಹೇಳಿಯೇ ಅವರು ನಿಮ್ಮ ಬಳಿ ಬಂದದ್ದು….” ಅಂದಿನಿಂದ ಗುಂಡ ಯಾವ ಹೆಂಗಸನ್ನು ಕಂಡರೂ `ಮೇಡಂ’ ಅನ್ನದೇ ಬೇರೇನೂ ಅನ್ನುತ್ತಲೇ ಇಲ್ಲವಂತೆ!
ಇಬ್ಬರು ಹೆಂಗಸರು ಬಹಳ ಹೊತ್ತು ಕಂಡವರ ವಿಷಯದ ಬಗ್ಗೆ ಗುಸುಗುಸು ಮಾತನಾಡಿಕೊಳ್ಳುತ್ತಿದ್ದಾರೆ ಅಂದ್ರೆ `ಡೇಟಾ ಡೌನ್‌ಲೋಡಿಂಗ್‌ ಆಗುತ್ತಿದೆ’ ಅಂತ ಅರ್ಥ. ಪೂರ್ತಿ ಮಾತುಕಥೆ ಮುಗಿದು, `ಅಯ್ಯೋ ಬಿಡ್ರಿ…. ನಮಗ್ಯಾಕೆ ಕಂಡರ ವಿಷಯ’ ಅಂದ್ರೆ `ಡೇಟಾ ಡೌನ್‌ ಲೋಡೆಡ್‌ ಸಕ್ಸಸ್‌ ಫುಲಿ!’ ಅಂತ ಅರ್ಥ.
ಪತ್ನಿ : ರೀ ನಾನು ಶಾಪಿಂಗ್‌ಗೆ ಹೊರಗೆ ಹೋಗಿರ್ತೀನಿ. ನಿಮಗೆ ಏನಾದರೂ ಬೇಕಾ?
ಪತಿ : ನೀನು ಹೊರಗೆ ಹೊರಟೆಯಲ್ಲ…. ಅಷ್ಟು ಸಾಕು!
ನಾಯಿ ಹೆಂಗಸನ್ನು ಕಚ್ಚಿಬಿಟ್ಟಿದೆ!
ನೋಡ್ರಿ, ನಾಯಿಯ ಮಾಲೀಕರು ಯಾರು ಅಂತ ಪತ್ತೆ ಮಾಡಿ. ಗಂಡಸಾಗಿದ್ರೆ ಈವ್ ಟೀಸಿಂಗ್‌, ಮಹಿಳಾ ಉತ್ಪೀಡನ ಅಂತ, ಹೆಂಗಸಾಗಿದ್ರೆ ಪರಸ್ಪರ ಕಿತ್ತಾಟ ಅಂತ ಕೇಸ್‌ ಬುಕ್‌ ಮಾಡೋಣ!
