ವೆಡ್ಡಿಂಗ್‌ ಪಾರ್ಟಿಗಾಗಿ ಹೊರಡುವುದಕ್ಕೆ ತಯಾರಾಗುತ್ತಿರುವ ಸಂದರ್ಭದಲ್ಲಿ, ಪ್ರತಿಯೊಬ್ಬ ಹುಡುಗಿಯೂ ತಾನು ನವ ವಧುವಿನಂತೆಯೇ ಅತಿ ಸುಂದರವಾಗಿ ಕಂಗೊಳಿಸಬೇಕು ಎಂಬ ಆಸೆ ಇರುತ್ತದೆ. ತನ್ನ ಮೇಕಪ್‌, ಹೇರ್‌ ಸ್ಟೈಲ್ ನಿಂದ ಜನ ಮದುವೆ ಮನೆಯಲ್ಲಿ ಮತ್ತೆ ಮತ್ತೆ ತನ್ನತ್ತ ನೋಡುವಂತಾಗಲಿ ಎಂದು ಬಯಸುತ್ತಾಳೆ.
ಹೀಗಾಗಿ ಈ ಆಸೆ ನೆರವೇರಲು, ಸಿಂಪಲ್ ಅತ್ಯಾಕರ್ಷಕ ಹೇರ್‌ ಸ್ಟೈಲ್ಸ್ ಬಗ್ಗೆ ಒಂದಿಷ್ಟು ತಿಳಿಯೋಣವೇ? ನೀವು ಮುಂದಿನ ವೆಡ್ಡಿಂಗ್‌ ಪಾರ್ಟಿಗೆ ಹೀಗೇಕೆ ಟ್ರೈ ಮಾಡಬಾರದು?
ಸಾಫ್ಟ್ ಹೇರ್‌ ಲುಕ್ಸ್
ಇಂಥ ಪಾರ್ಟಿಗಾಗಿ ನೀವು ಈ ವಿಧಾನ ಅನುಸರಿಸಿ. ಕೂದಲನ್ನು ನೀಟಾಗಿ ವಿವಿಧ ವಿಭಾಗಗಳಾಗಿ ವಿಂಗಡಿಸಿ, ಇದರಿಂದ ಸಾಫ್ಟ್ ಕರ್ಲ್ಸ್ ಮಾಡಿಕೊಳ್ಳಿ. ಟಾಂಗ್‌ ರಾಡ್‌ ಯಾ ಸ್ಟ್ರೇಟ್‌ ನಿಂಗ್‌ ರಾಡ್‌ ಬಳಸುತ್ತಾ ಕರ್ಲ್ಸ್ ಮೂಡಿಸಿ. ಹೀಗೆ ಪೂರ್ತಿ ಕರ್ಲ್ಸ್ ರೆಡಿಯಾದಾಗ, ನಿಮ್ಮ ಬೆರಳ ನೆರವಿನಿಂದ ಇದನ್ನು ತುಸು ಲೂಸ್‌ ಮಾಡಿ. ಈ ರೀತಿ ಸಾಫ್ಟ್ ಕರ್ಲ್ಸ್ ರೆಡಿ ಮಾಡಿಸಿ. ಇದನ್ನು ಮತ್ತಷ್ಟು ಆಕರ್ಷಕಗೊಳಿಸಲು, ಮುಂಭಾಗದಿಂದ ಲೈಟ್‌ ಆಗಿ ಬ್ರೆಡ್‌ ಸಹ ತೆಗೆದುಕೊಳ್ಳಬಹುದು. ಇದರಿಂದ ಆಕರ್ಷಕ ಇಂಡೋ ವೆಸ್ಟರ್ನ್‌ ಲುಕ್ಸ್ ಸಿಗುತ್ತದೆ. ನಂತರ ಕೂದಲಿಗೆ ತಾಜಾ ಹೂ ಮುಡಿಯಿರಿ. ಈ ಎವರ್‌ ಗ್ರೀನ್‌ ಹೇರ್‌ ಸ್ಟೈಲ್, ನಿಮ್ಮ ನೆಂಟರಿಷ್ಟರ ಮದುವೆಗೆ ಬಲು ಸೂಕ್ತ.
ವಿಕ್ಟೋರಿಯನ್‌ ಬನ್‌
ನಿಮ್ಮ ಬಲು ಹತ್ತಿರದ ನೆಂಟರ ಮದುವೆಗೆ ಇಂಥ ಹೇರ್‌ ಸ್ಟೈಲ್ ಹೆಚ್ಚು ಪೂರಕ. ಇಂಥ ಟೈ ಅಪ್‌ ಹೇರ್‌ ಸ್ಟೈಲ್ ಅಥವಾ ಕೊಂಡೆ 80ರ ದಶಕದ ರೆಟ್ರೋ ಸ್ಟೈಲ್ ಕೊಡುಗೆಯಾಗಿದೆ. ಇದು ಮುಂಭಾಗದಿಂದ ನಿಮಗೆ ಪ್ರಾಪರ್‌ ಸ್ಲೀಕ್‌ ಸಿಟಿಂಗ್‌ ನೀಡುತ್ತದೆ. ನೀವು ಫ್ರಂಟ್‌ ನಲ್ಲಿ ಫಿಂಗರ್‌ ಸಿಟ್ಟಿಂಗ್ ನಿಂದ ಇದನ್ನು ಆಕರ್ಷಕಗೊಳಿಸಿ. ಮುಂಭಾಗದ ಪಾರ್ಟಿಶನ್‌ ನ್ನು ಸಮಾನ ಸೆಕ್ಷನ್‌ ಗಳಾಗಿಸಿ, ಫಿಂಗರ್‌ ಸಿಟ್ಟಿಂಗ್ ನೊಂದಿಗೆ ಫ್ರಂಟ್‌ ಸ್ವೈಪ್‌ ಮಾಡಿಕೊಳ್ಳಿ, ಆಗ ತುಸು ಭಾಗ ಹಣೆ ಮೇಲೆ ಹರಿದಾಡುವಂತಿರಲಿ. ನಂತರ ನೀವು ಬೈತಲೆ ಬೊಟ್ಟಿನಿಂದಲೂ ಇದನ್ನು ಅಲಂಕರಿಸಬಹುದು. ಹಿಂಭಾಗದಲ್ಲಿ ಸುಂದರ ಬ್ರೆಡ್‌ ನೊಂದಿಗೆ, ಬನ್‌ (ಕೊಂಡೆ) ಮಾಡಿಕೊಳ್ಳಿ. ಇದರಿಂದ ನೀವು ನಾರ್ಮಲ್ ಜಡೆ ಸಹ ಹೆಣೆದುಕೊಳ್ಳಬಹುದು. ತಾಜಾ ಹೂಗಳಿಂದ ಕೊನೆಯಲ್ಲಿ ಅಲಂಕರಿಸಿ.
ಪ್ರಿನ್ಸೆಸ್‌ ಬ್ರೆಡ್‌
ಇದು ಒಂದು ಚೆಂದದ ಟ್ರೆಂಡಿ ಹೇರ್‌ ಸ್ಟೈಲ್. ಇದನ್ನು ನವ ವಧು ಸಹ ಅನುಸರಿಸಬಹುದು. ವೆಡ್ಡಿಂಗ್‌ ಪಾರ್ಟಿಗಳಿಗೆ ಬಲು ಆಪ್ಯಾಯಮಾನ ಎನಿಸುತ್ತದೆ. ಇದರಲ್ಲಿ ಬಲು ಸುಂದರ ವಿಧಾನದಿಂದ ಮೆಸ್ಸೀ ಜಡೆ ರೂಪಿಸಲಾಗುತ್ತದೆ. ಇದನ್ನು ನಿಮ್ಮ ಒರಿಜಿನ್‌ಕೂದಲಿನಿಂದಲೂ ಮಾಡಿಸಿಕೊಳ್ಳಬಹುದು ಅಥವಾ ಚೌರಿಯಿಂದಲೂ ಸರಿ. ಇದನ್ನು ನೀವು ಲೆಫ್ಟ್ ಟು ರೈಟ್‌ ಹಾಗೂ ರೈಟ್‌ ಟು ಲೆಪ್ಟ್ ಬರುವಂತೆ ಮಾಡಿ. ನಂತರ ನಿಧಾನವಾಗಿ ನಿಮ್ಮ ಬೆರಳುಗಳಿಂದ ಇದನ್ನು ಓಪನ್‌ ಮಾಡಿ. ಇದರಲ್ಲಿನ ಬ್ರೆಡ್‌ ಗೆ ನೀವು ಅಲ್ಲಲ್ಲಿ ಹೂ ಸಿಗಿಸಿ ಆಕರ್ಷಕ ಟಚ್‌ ನೀಡಬಹುದು. ಇದಕ್ಕೆ ಬೇರೆಯದಕ್ಕಿಂತ ರೋಜಾ ಹೂ ಹೆಚ್ಚು ಸೂಕ್ತ. ಈ ಟ್ರೆಂಡಿ ವಿಧಾನವನ್ನು ನೀವು ಒಮ್ಮೆ ಟ್ರೈ ಮಾಡಿ ನೋಡಿ.
ರಿಂಗ್‌ ಲೆಟ್‌ ಬನ್‌
ಈ ಹೇರ್‌ ಸ್ಟೈಲ್ ನಿಮ್ಮ ಕ್ಲೋಸ್‌ ಫಂಕ್ಶನ್ಸ್ ಗೆ ಹೆಚ್ಚು ಪೂರಕ. ಕಾಕ್‌ ಟೇಲ್ ಅಥವಾ ಎಂಗೇಜ್‌ ಮೆಂಟ್‌ ಯಾವುದೇ ಇರಲಿ, ನವ ವಧುವಿಗೂ ಇದು ಸೂಕ್ತ. ಉ. ಭಾರತದ ಲಹಂಗಾ ಚೋಲಿ ಡ್ರೆಸ್‌ ಗೆ ಈ ಸ್ಟೈಲ್ ಹೆಚ್ಚು ಸೂಕ್ತ. ಇದರಲ್ಲಿ ಪ್ರತಿ ಭಾಗಕ್ಕೂ, ಬೆರಳಿನಿಂದ ರಫ್‌ ಟೆಕ್ಸ್ ಚರ್‌ ಒದಗಿಸಬಹುದು. ರಫ್‌ ಆದ ಮೇಲೆ ಕೂದಲಿನ ಮೇಲೆ ಸ್ಪ್ರೇ ಮಾಡಿ. ಆಗ ಅದನ್ನು ಟ್ರೈ ಮಾಡೋದು ಸುಲಭ. ಹಿಂಭಾಗದಲ್ಲಿ ಉಳಿಯುವ ಕೂದಲಿಗೆ, ಕೊಂಡೆ ರೂಪದಲ್ಲಿ ರಿಂಗ್ಸ್ ಆಗಿಸಿ. ಇದನ್ನೇ ಕಾಯಿನ್‌ ಸಿಟ್ಟಿಂಗ್ ಅಂತಾರೆ. ನಂತರ ಕೂದಲಿನ ಈ ಭಾಗಕ್ಕೆ ಬೀಡ್ಸ್ ಹಾಕಿ ಸೆಟ್‌ ಮಾಡಿ. ಫಿಂಗರ್‌ ಸಿಟ್ಟಿಂಗ್ಸ್ ನೊಂದಿಗೆ ಫ್ರಂಟ್‌ ಸಿಟ್ಟಿಂಗ್ ಮಾಡಿ. ರಿಂಗ್‌ ಸಿಟ್ಟಿಂಗ್ ಜೊತೆ, ಕೊಂಡೆಯಲ್ಲಿ ಸಣ್ಣ ಸಣ್ಣ ಪಾರ್ಟೀಶನ್‌ ನಿಂದ ಕೂದಲನ್ನು ಬೇರ್ಪಡಿಸಿ ಸೆಟ್‌ ಮಾಡಬಹುದು.
ನ್ಯಾಚುರಲ್ ಕರ್ಲ್ಸ್ ವೇವ್ಸ್
ಇದರಲ್ಲಿ ಬಹಳಷ್ಟು ಆಕರ್ಷಕ ವೇವ್ಸ್ ಸಾಫ್ಟ್ ಕರ್ಲ್ಸ್ ಮಾಡಿ. ಆಮೇಲೆ ಇದರ ಸೆಂಟರ್‌ ಪಾರ್ಟಿಂಗ್ ಬದಲು, ಸೈಡ್‌ ಪಾರ್ಟಿಂಗ್ ಮಾಡಿ. ಆ ನಂತರ, ಒಂದು ಸೈಡ್‌ ನಲ್ಲಿ ಕೂದಲನ್ನು ಇಳಿಬಿಡಿ ಹಾಗೂ ಮತ್ತೊಂದು ಸೈಡ್‌ ನಲ್ಲಿ ಪಿನ್‌ ಅಪ್‌ ಮಾಡುತ್ತಾ ಅಲ್ಲಿ ಸ್ಟೈಲಿಶ್‌ ಕೃತಕ ಆ್ಯಕ್ಸೆಸರೀಸ್‌ ಅಳವಡಿಸಿ. ನೀವು ಭಾರಿ ಭರ್ಜರಿ ಲೆಹಂಗಾ ಧರಿಸಿ, ಕೂದಲು ಮಿನಿಮೈಸ್‌ ಆಗುವುದು ಬೇಡ ಎನಿಸಿದರೆ, ಈ ರೀತಿ ನೀವು ಉತ್ತಮ ರೀತಿಯಲ್ಲಿ ಈಕ್ವಿಲಿಬ್ರಿಯಂ ಮೇಂಟೇನ್‌ ಮಾಡಬಹುದು, ಓಪನ್‌ ಹೇರ್‌ ಸ್ಟೈಲ್ ನಲ್ಲಿ ನೀವು ನ್ಯಾಚುರಲ್ ಲುಕ್‌ ನೀಡಬಹುದು.
ಹಾಫ್‌ ಬ್ರೆಡ್‌ ಬನ್‌
ಇದನ್ನು ನೀವು ಬಲು ಆರಾಮವಾಗಿ, ಸುಂದರವಾಗಿ ರೆಡಿ ಮಾಡಬಹುದು. ಕೂದಲಿನ ಹಿಂಭಾಗದಲ್ಲಿ ಪಫ್‌ ನೀಡಿ, ಇದಕ್ಕೆ ತುಸು ವಾಲ್ಯೂಂ ಹೆಚ್ಚಿಸಿ. ಮಧ್ಯದಲ್ಲೂ ಪಫ್‌ ಮಾಡಿ, ವಾಲ್ಯೂಂ ಹೆಚ್ಚಿಸಿ. ಫ್ರಂಟ್‌ ನಲ್ಲಿ ಬ್ರೆಡ್‌ ಮಾಡಿ, ಇದು ಲೂಸ್‌ ಆಗಿರಲಿ. ಇದು 3ರ ಬದಲು 2ರ ಪಾರ್ಟೀಶನ್‌ ಹೊಂದಿರಲಿ. ಇದನ್ನು ಟ್ವಿಸ್ಟ್ ಬ್ರೆಡ್‌ ಎನ್ನುತ್ತಾರೆ. ನಿಮ್ಮ ಕೈಗಳಿಂದ ಮೃದುವಾಗಿ ಇದನ್ನು ಓಪನ್‌ ಮಾಡಿ, ಆಗ ಒಂದು ವಾಲ್ಯೂಂ ಹಣೆಯ ಬದಿಗೆ ಬರಲಿ. ಅದು ಇದಕ್ಕೆ ವೆಸ್ಟರ್ನ್‌ ಲುಕ್‌ ನೀಡುತ್ತದೆ.
ನೀವು ಯಾವುದೇ ಮದುವೆ, ಆರತಕ್ಷತೆ ಫಂಕ್ಷನ್‌ ಗೆ ಹೊರಟು, ಸಿಂಗಲ್ ಬನ್‌ ಇರಲಿ ಎಂದು ಬಯಸಿದರೆ, ಆಗ ಈ ಸ್ಟೈಲ್ ನಿಮಗೆ ಚೆನ್ನಾಗಿ ಒಪ್ಪುತ್ತದೆ. ಇದು ನೋಡಲು ಬಲು ಸಿಂಪಲ್ ಸುಂದರ, ರೆಡಿ ಮಾಡುವುದೂ ಈಝಿ! ಜೊತೆಗೆ ಮೈಸೂರು ಮಲ್ಲಿಗೆ ಮುಡಿದರೆ ಇನ್ನೂ ಸೊಗಸು!
– ಜಿ. ಪಂಕಜಾ
