ಹೊಸ ವರ್ಷದ ಈ ಸಂದರ್ಭದಲ್ಲಿ ಅತ್ಯಾಧುನಿಕ ಗ್ಯಾಜೆಟ್ಸ್ ಕೊಳ್ಳಬೇಕೆಂದಿರುವಿರಾ? ಈ ಕೆಳಗಿನ ಸಲಹೆಗಳನ್ನು ಅನುಸರಿಸಿ ನಿಮಗೆ ಸೂಕ್ತವಾದ ಗ್ಯಾಜೆಟ್ಸ್ ಕೊಂಡುಕೊಳ್ಳಿ
ಫಿಟ್‌ ನೆಸ್‌ ವಾಚ್‌
ನೀವು ಫಿಟ್‌ ನೆಸ್‌ ಫ್ರೀಕ್‌ ಆಗಿದ್ದು, ಆ ಕುರಿತು ಬಹಳ ಕಾಳಜಿ ವಹಿಸುತ್ತೀರಾದರೆ, ಅದಕ್ಕೆ ಸಂಬಂಧಿಸಿದ ಸ್ಮಾರ್ಟ್‌ ವಾಚ್‌ ಕೊಳ್ಳುವುದೇ ಸೂಕ್ತ. ಇದು ನಿಮಗೆ ಸಮಯ, ಅಲಾರಂ ಮಾತ್ರವಲ್ಲದೆ ನಿಮ್ಮ ಇಡೀ ದಿನದ ಚಟುವಟಿಕೆ ಟ್ರಾಕ್‌ ಮಾಡುತ್ತಾ, ನೀವು ಸದಾ ಫಿಟ್‌ ಆಗಿರಲೆಂದು ಮೋಟಿವೇಟ್‌ ಸಹ ಮಾಡುತ್ತದೆ.
ಒಂದು ದಿನಕ್ಕೆ ನೀವು 6 ಸಾವಿರ ಹೆಜ್ಜೆ ಇಡಬೇಕಾದುದು ಅನಿವಾರ್ಯ. ಹಾಗಾಗಿ ಇದು ನಿಮಗೆ 10 ನಿಮಿಷಕ್ಕೊಮ್ಮೆ ಬೇಗ ವಾಕಿಂಗ್‌ ಗೆ ಹೊರಡಿ, ಎಂದು ಸೂಚಿಸುತ್ತದೆ. ಈಗ ನೀರು ಕುಡಿಯಬೇಕು ಎಂದೂ ಹೇಳುತ್ತದೆ. ನಿಮ್ಮ ಪ್ರತಿದಿನದ ಫಿಟ್‌ ನೆಸ್‌ಗೋಲ್ ಕಂಪ್ಲೀಟ್‌ ಆದಾಗ, ಇದು ನಿಮಗೆ `ವೆಲ್ ಡನ್‌!’ ಮುಂತಾದ ಶಬ್ದಗಳಿಂದ ಮೋಟಿವೇಟ್‌ ಮಾಡುತ್ತದೆ. ಇದರಿಂದ ನೀವು ನಿಮ್ಮ ಡೇಲಿ ವ್ಯಾಯಾಮ, ಕ್ಯಾಲೋರಿಸೀಸ್‌, ನಿದ್ದೆ…. ಇತ್ಯಾದಿ ಸುಲಭವಾಗಿ ಟ್ರಾಕ್‌ ಮಾಡಬಹುದು, ನಿಮ್ಮನ್ನು ಸದಾ ಫಿಟ್‌ ಆಗಿ ಇರಿಸಿಕೊಳ್ಳಬಹುದು. ಇಷ್ಟು ಮಾತ್ರವಲ್ಲ, ಇದರಿಂದ ನೀವು ಸಕಾಲಕ್ಕೆ ಬಿ‌ಪಿ, ಆಕ್ಸಿಜನ್‌ ಲೆವೆಲ್‌, ಹಾರ್ಟ್‌ ರೇಟ್‌ ಇತ್ಯಾದಿ ಮಾನಿಟರ್‌ ಮಾಡಬಹುದು.
ಏರ್‌ ಪ್ಯೂರಿಫೈರ್‌
ದಿನೇದಿನೇ ಎಲ್ಲೆಡೆ ವಾಯುಮಾಲಿನ್ಯ ಹೆಚ್ಚುತ್ತಿದೆ. ಇದು ಔಟ್‌ ಡೋರ್‌ ಮಾತ್ರವಲ್ಲದೆ ಇಂಡೋರ್‌ ಸಮಸ್ಯೆಯೂ ಹೌದು. ಹೊರಗಿನ ಮಾಲಿನ್ಯಕ್ಕಿಂತ ಮನೆಯ ಒಳಗಿನ ವಾಯುಮಾಲಿನ್ಯ 5 ಪಟ್ಟು ಹೆಚ್ಚಾಗಿರುತ್ತದೆ, ಏಕೆಂದರೆ ಮನೆಯೊಳಗಿನ ಗಾಳಿ ಹೊರಗಿನ ಗಾಳಿಯಷ್ಟು ವೇಗವಾಗಿ ಚಲಿಸದು. ಇದರಿಂದಾಗಿ ವಾಯುಜನಿತ ದೋಷಗಳು ಮನೆಯ ಒಳಗೆ ಹೆಚ್ಚು ಒತ್ತಡ ಉಂಟು ಮಾಡುತ್ತದೆ. ಹಾಗಾಗಿ ಈ ಏರ್‌ ಪ್ಯೂರಿಫೈರ್‌, ನಿಮ್ಮ ಮನೆಯ ಇಂಡೋರ್‌ ಏರ್‌ ನ್ನು ಸತತ ಫ್ರೆಶ್‌ ಮಾಡುತ್ತಿರುತ್ತದೆ. ಹೀಗಾಗಿ ನೀವು ವಾಯು ಮಾಲಿನ್ಯದಿಂದ ಕಾಡಬಹುದಾದ ರೋಗಗಳಿಂದ ಪಾರಾಗುವಿರಿ. ಆಸ್ತಮಾ, ಉಸಿರುಗಟ್ಟುವ ಹಿಂಸೆ, ಕೆಮ್ಮು ಇತ್ಯಾದಿ ದೂರವಾಗುತ್ತವೆ. ಹೀಗಾಗಿ ಹೊಸ ಗ್ಯಾಜೆಟ್‌ ಕೊಳ್ಳುವ ನಿಮ್ಮ ಪಟ್ಟಿಯಲ್ಲಿ ಅಗತ್ಯವಾಗಿ ಇದೂ ಇರಲಿ.
ಇದಂತೂ ನಿಜಕ್ಕೂ ಅತಿ ಪರಿಣಾಮಕಾರಿ. ಇದನ್ನು ಕೊಳ್ಳುವಾಗ ವಹಿಸಬೇಕಾದ ಎಚ್ಚರಿಕೆ ಎಂದರೆ, ನೀವು ಹೈ ಎಫಿಶಿಯೆನ್ಸಿ ಪಾರ್ಟಿಕುಲೇಟ್‌ ಏರ್‌ ಫಿಲ್ಟರ್‌ ಆರಿಸುವುದಿದ್ದರೆ, 99% ಅತಿ ಸಣ್ಣ ಪಾರ್ಟಿಕಲ್ಸ್ ನ್ನೂ ಅದು ಹೀರಿಕೊಳ್ಳುವುದರಲ್ಲಿ ಸಮರ್ಥ ಆಗಿರುತ್ತದೆ. ಹೀಗಾಗಿ ನೀವು ನಿರೋಗಿ ಆಗಿರಬಹುದು. ಇದರಿಂದ ನಮ್ಮ ನಿದ್ದೆಯ ಗುಣಮಟ್ಟ ಸುಧಾರಿಸುತ್ತದೆ.
ಅಲೆಕ್ಸಾ
ಇದು ಡಿಜಿಟಲ್ ವಾಯ್ಸ್ ಅಸಿಸ್ಟೆಂಟ್‌ ಆಗಿದೆ. ಈ ಸಾಧನ ಮನೆಯ ಹಿರಿಯರಿಂದ ಕಿರಿಯರವರೆಗೂ ಎಲ್ಲರಿಗೂ ಬಲು ಉಪಕಾರಿ, ಎಲ್ಲರೂ ಮೆಚ್ಚುತ್ತಾರೆ. ಇದರ ನೆರವಿನಿಂದ ಎಷ್ಟೆಷ್ಟೋ ಮಾಹಿತಿ ಸಿಗುವುದಲ್ಲದೆ, ಕೆಲಸ ಸುಲಭವಾಗುತ್ತದೆ. ನಮಗೆ ಯಾವಾಗ ಮನಸ್ಸಾಗುತ್ತದೋ, ಅಲೆಕ್ಸಾ ಮುಂದೆ ಕಮಾಂಡ್‌ ಕೊಟ್ಟರೆ ನಮಗೆ ಬೇಕಾದ ಮಾಹಿತಿ, ಹಾಡು ಎಲ್ಲಾ ಒದಗಿಸುತ್ತದೆ! ಇಂಥವರಿಗೆ ಇಷ್ಟು ಹೊತ್ತಿನ ನಂತರ ಕಾಲ್ ಮಾಡಬೇಕು, ಹವಾಮಾನದ ನಿಖರತೆ, ಮಕ್ಕಳಿಗಾಗಿ ಕಥೆ ಅಥವಾ ಶಿಶುಗೀತೆ, ಜೋಗುಳ….. ಇತ್ಯಾದಿ ಎಲ್ಲವನ್ನೂ ಕ್ಷಣಾರ್ಧದಲ್ಲಿ ಒದಗಿಸುತ್ತದೆ. ಇದಕ್ಕಾಗಿ ನೀವು ಇಕೋ ಡಾಟ್‌ ಥರ್ಡ್‌ ಜನರೇಶನ್‌/ಫೋರ್ತ್ ಜನರೇಶನ್‌ ಇತ್ಯಾದಿ ಆರಿಸಬಹುದು.
ಜಿಮ್ ಟೂಲ್ಸ್
ನಿಮಗೆ ಪ್ರತಿದಿನ ಜಿಮ್ ಗೆ ಹೋಗಲು ಆಗುತ್ತಿಲ್ಲವೇ? ಹಾಗಿದ್ದರೆ ನಿಮ್ಮ ಗ್ಯಾಜೆಟ್ಸ್ ಪಟ್ಟಿಯಲ್ಲಿ ಜಿಮ್ ಟೂಲ್ಸ್ ಇರಲಿ, ಇದು ಹೆಚ್ಚಿನ ಸಹಾಯ ಮಾಡುತ್ತದೆ. ಇನ್ನು ಮನೆಯಲ್ಲಿ ತಂದಿಟ್ಟುಕೊಂಡು ಹಾಯಾಗಿ, ಬೇಕಾದಾಗ ಬಳಸಿಕೊಳ್ಳಬಹುದು. ಇದರಿಂದ ನಿಮ್ಮ ಫಿಟ್ನೆಸ್‌ ಕಾಳಜಿಯೂ ವರ್ಕ್‌ ಔಟ್‌ ಆಗುತ್ತದೆ. ಇದಕ್ಕಾಗಿ ಫುಲ್ ರ್ಯಾಡ್‌ ಸರ್ವ್ ಬಾಡಿ ಶೇಪರ್‌ ಕೊಳ್ಳಿರಿ. ಇದು ಸೊಂಟದ ಗಾತ್ರ ಕುಗ್ಗಿಸಿ, ಹೊಟ್ಟೆಯನ್ನೂ ಟ್ರಿಮ್ ಮಾಡುತ್ತದೆ.
ಮಸಲ್ಸ್ ಟೋನರ್‌
ನಿಮ್ಮ ತುಂಬಿ ತುಳುಕುತ್ತಿರುವ ತೋಳನ್ನು ಟೋನ್‌ ಮಾಡಲು ನೆರವಾಗುತ್ತದೆ. ಹಿಪ್‌ ಎಕ್ಸರ್‌ ಸೈಝರ್‌, ಸೈಕಲ್ ರೂಪದಲ್ಲಿ ಲಭ್ಯ. ನಿಮ್ಮ ನಿತಂಬಗಳಿಗೆ ಇದರಿಂದ ಉತ್ತಮ ಶೇಪ್‌ ಸಿಗುತ್ತದೆ. ಟಮಿಟ್ರಿಮರ್‌ ಜೊತೆ ಬರ್ನ್‌ ಆಫ್‌ ಕ್ಯಾಲೋರೀಸ್‌ ಟೂಲ್ ನ್ನು ಸಹ ಖರೀದಿಸಿ. ಇವೆಲ್ಲ ಬಜೆಟ್‌ ಫ್ರೆಂಡ್ಲಿ ಆಗಿದ್ದು, ಈಝಿ ಟು ಯೂಸ್‌ ಆಗಿದೆ.
ರಿಮೋಟ್‌ ಕಂಟ್ರೋಲ್ ಗೀಝರ್
ಇದು ಚಳಿಗಾಲಕ್ಕೆ ಅತಿ ಪೂರಕ. ನಿಮ್ಮ ಬಾತ್‌ ರೂಮಿಗೆ ಹೊಸ ಗೀಝರ್ ಬೇಕೇ? ಹಿಂದಿನ ಕಾಲದ ಹಳೆ ಶೈಲಿಯ ಗೀಝರ್ ಬದಲು, ಈ ಅತ್ಯಾಧುನಿಕ ರಿಮೋಟ್‌ ಕಂಟ್ರೋಲ್ ಗೀಝರ್ ನ್ನೇ ಕೊಳ್ಳಿರಿ. ಇದು ನಿಮ್ಮ ಬಾತ್‌ ರೂಮಿಗೆ ಸ್ಟೈಲಿಶ್‌ ಲುಕ್‌ ನೀಡಿ, ಟೆಂಪರೇಚರ್‌ ಕಂಟ್ರೋಲ್ ಜೊತೆಗೆ ಎನರ್ಜಿ ಸಹ ಕಡಿಮೆ ತೆಗೆದುಕೊಳ್ಳುತ್ತೆ, ಅಂದ್ರೆ ಕರೆಂಟ್‌ ಉಳಿತಾಯ. ಹೆಚ್ಚು ಸೇಫ್ಟಿ ಸಹ. ನಿಮ್ಮ ಸ್ಮಾರ್ಟ್‌ ಫೋನ್‌ ಅಪ್ಲಿಕೇಶನ್‌ ನಿಂದ ಇದನ್ನು ನಿಯಂತ್ರಿಸಿ, ಬೇಕಾದಂತೆ ಬಿಸಿ ನೀರು ಪಡೆಯಿರಿ.
– ಪ್ರತಿನಿಧಿ
