ಮೊಸರವಲಕ್ಕಿ

ಮೊಸರವಲಕ್ಕಿ 

ಬೇಕಾಗುವ ಸಾಮಗ್ರಿ 

ಮೀಡಿಯಂ ಅವಲಕ್ಕಿ ೧ ಕಪ್, ಮೊಸರು ೧ ಕಪ್, ಕಾಯಿಸಿ ಆರಿಸಿದ ಹಾಲು ೧/೪ ಕಪ್,   ಸಕ್ಕರೆ ೧ ಚಮಚ, ರುಚಿಗೆ ತಕ್ಕಷ್ಟು ಉಪ್ಪು, ತುರಿದ ಶುಂಠಿ ೧/೨ ಚಮಚ, ಇಂಗು ಚಿಟಿಕೆ, ಸಾಸಿವೆ ೧/೨ ಚಮಚ, ಕರಿಬೇವು ಸ್ವಲ್ಪ, ಹುರಿದ ಗೋಡಂಬಿ – ದ್ರಾಕ್ಷಿ ೬-೮ .

ಮಾಡುವ ವಿಧಾನ 

ಒಂದು ಬೌಲ್ ನಲ್ಲಿ ಅವಲಕ್ಕಿಯನ್ನು ೨ ನಿಮಿಷ ನೀರಿನಲ್ಲಿ ನೆನೆಸಿ,  ಬಸಿದಿಟ್ಟುಕೊಳ್ಳಿ. ಅದಕ್ಕೆ ಮೊಸರು, ಹಾಲು , ಸಕ್ಕರೆ, ರುಚಿಗೆ ತಕ್ಕಷ್ಟು ಉಪ್ಪು  ಹಾಕಿ ಮಿಕ್ಸ್ ಮಾಡಿಡಿ. ನಂತರ ಒಂದು ಸಣ್ಣ ಬಾಂಡಲೆಯಲ್ಲಿ ಒಗ್ಗರಣೆಗೆ ೨ ಚಮಚ ಎಣ್ಣೆ , ಸಾಸಿವೆ ಸಿಡಿಸಿ ಉರಿ ಆರಿಸಿ. ಅದಕ್ಕೆ  ತುರಿದ ಶುಂಠಿ, ಇಂಗು , ಕರಿಬೇವು, ಹಾಕಿ ಬಾಡಿಸಿ, ದ್ರಾಕ್ಷಿ ಗೋಡಂಬಿಯೊಂದಿಗೆ ಅವಲಕ್ಕಿ ಮಿಶ್ರಣದ ಜೊತೆ ಚೆನ್ನಾಗಿ ಬೆರೆಸಿಡಿ. ಮಿಶ್ರಣ ಗಟ್ಟಿ ಅನ್ನಿಸಿದರೆ ಅರ್ಧ ಸೌಟು ಮೊಸರು ಸೇರಿಸಿ ಕಲೆಸಿ.

– ಕಾವ್ಯಾ ಭಾರದ್ವಜ್