ಹಿಂದಿಯ ಕಾಮಿಡಿ ಸೀರಿಯಲ್ `ಭಾಭೀಜಿ ಘರ್‌ ಪರ್‌ ಹೈ’ನ ಕಥೆ ಹಲವಾರು ಬಾರಿ ಸೆಕ್ಸ್ ಫ್ಯಾಂಟಸಿಗಳನ್ನು ತೋರಿಸುವ ಪ್ರಯತ್ನ ಮಾಡುತ್ತದೆ. ಈ ಸೀರಿಯಲ್ನಲ್ಲಿ ಅನಿತಾ ಹಾಗೂ ವಿಭೂ ಮಿಶ್ರಾ ಎಂಬ ಪತಿ ಪತ್ನಿಯರು ಬಹಳ ರೊಮ್ಯಾಂಟಿಕ್ ಆಗಿರುತ್ತಾರೆ. ಅನಿತಾ ಹಲವಾರು ಬಾರಿ ಸಮಾಜದ ಸೆಕ್ಸ್ ಫ್ಯಾಂಟಸಿಗಳನ್ನು ತೋರಿಸಲು ಪ್ರಯತ್ನಿಸುತ್ತಾಳೆ. ಅವಳು ಹೆಚ್ಚು ರೊಮ್ಯಾಂಟಿಕ್ ಮೂಡ್‌ನಲ್ಲಿದ್ದಾಗ ಗಂಡನಿಗೆ ಬೇರೊಂದು ರೂಪದಲ್ಲಿ ಪ್ರೀತಿಸಲು ಹೇಳುತ್ತಾಳೆ. ಒಮ್ಮೆ ಅವನಿಗೆ ಪ್ಲಂಬರ್‌ ಆಗಲು ಹೇಳುತ್ತಾಳೆ. ಒಮ್ಮೆ ಎಲೆಕ್ಟ್ರೀಶಿಯನ್‌ ಆದರೆ ಇನ್ನೊಮ್ಮೆ ರೌಡಿ, ಗೂಂಡಾ ತರಹ ಪ್ರೀತಿಸಲು ಹೇಳುತ್ತಾಳೆ. ಗಂಡ ಅದೇ ಗೆಟಪ್‌ನಲ್ಲಿ ಬಂದು ಅವರಂತೆಯೇ ವರ್ತಿಸಿ ಮಾತನಾಡುತ್ತಾನೆ. ಅದರಿಂದ ಅನಿತಾಗೆ ಬಹಳ ಖುಷಿಯಾಗುತ್ತದೆ. ಅವಳು ದುಪ್ಪಟ್ಟು ಎನರ್ಜಿಯಿಂದ ಪ್ರೀತಿಸುತ್ತಾಳೆ. ಅದು ಕಾಮಿಡಿ ಸೀರಿಯಲ್ ಆಗಿದ್ದರೂ ಅದರಲ್ಲಿ ಪತಿಪತ್ನಿಯರ ಸಂಬಂಧಗಳನ್ನು ಬಹಳ ನಾಟಕೀಯ ರೀತಿಯಲ್ಲಿ ತೋರಿಸಲಾಗಿದೆ.
ಸೆಕ್ಸ್ ಕುರಿತು ಮಹಿಳೆಯರ ಸಾಂಪ್ರದಾಯಿಕ ಆಲೋಚನೆಗಳು ರೂಢಿಯಲ್ಲಿವೆ. ಆದರೆ ಸಮಯ ಕಳೆದಂತೆ ಅವು ಬದಲಾಗುತ್ತಿವೆ. ಈಗ ಪುರುಷರಂತೆ ಮಹಿಳೆಯರೂ ಸಹ ಸೆಕ್ಸನ್ನು ಸಂಪೂರ್ಣವಾಗಿ ಎಂಜಾಯ್‌ ಮಾಡಲು ಇಚ್ಛಿಸುತ್ತಾರೆ. ಅದರ ಬಗ್ಗೆ ಅವರ ಮನದಲ್ಲಿ ಅನೇಕ ಕನಸುಗಳೂ ಇರುತ್ತವೆ. ಈಗ ಕೌಮಾರ್ಯವನ್ನು ಹುಡುಗಿ ಕಾಪಾಡಿಕೊಳ್ಳಬೇಕು ಎನ್ನುವುದು ಹಳೆಯ ವಿಷಯವಾಗಿದೆ. ಈಗ ಮದುವೆಗೆ ಮೊದಲು ಅಷ್ಟೇ ಅಲ್ಲ ಮದುವೆಯ ನಂತರ ಸೆಕ್ಸ್ ನಿಷೇಧಗಳು ಮುರಿದುಬೀಳುತ್ತವೆ. ಮದುವೆಯ ನಂತರ ಪತಿಪತ್ನಿಯರು ಮುಕ್ತವಾಗಿ ತಮ್ಮ ಬಯಕೆಗಳನ್ನು ಪೂರೈಸಿಕೊಳ್ಳುವ ಸಂದರ್ಭಗಳನ್ನು ಹುಡುಕುತ್ತಿದ್ದಾರೆ.
ತೊಂದರೆಗಳಿಂದ ರಕ್ಷಣೆ
ಸೆಕ್ಸ್ ನಂತರ ಬರುವ ತೊಂದರೆಗಳಿಂದ ರಕ್ಷಿಸಿಕೊಳ್ಳಲೂ ಮಹಿಳೆಯರು ಸಿದ್ಧರಿರುತ್ತಾರೆ. ಪ್ಲ್ಯಾಸ್ಟಿಕ್‌ ಸರ್ಜನ್‌ ಡಾ. ಆರತಿ ಹೀಗೆ ಹೇಳುತ್ತಾರೆ, “ಮದುವೆಗೆ ಕೆಲವು ದಿನಗಳ ಮುಂಚೆ ಹುಡುಗಿಯರು ನಮ್ಮ ಬಳಿ ಬರುತ್ತಾರೆ. ತಾವು ಮದುವೆಗೆ ಮುಂಚೆ ಸೆಕ್ಸ್ ನಡೆಸಿದ್ದೇವೆ. ಅದರ ಬಗ್ಗೆ ಮದುವೆ ಆಗಲಿರುವ ಗಂಡನಿಗೆ ಗೊತ್ತಾಗಬಾರದು. ಅದಕ್ಕೇನು ಮಾಡಬೇಕು?“
ಹುಡುಗಿಯರಿಗೆ ಅದರ ಬಗ್ಗೆ ಸಲಹೆ ಕೊಟ್ಟರೆ ಅವರು ಅವಕಾಶ ಸಿಕ್ಕ ಕೂಡಲೇ ಸೆಕ್ಸ್ ಎಂಜಾಯ್‌ ಮಾಡಲು ಹಿಂಜರಿಯುವುದಿಲ್ಲ. ಮದುವೆಯಾಗಿ ಹಲವಾರು ವರ್ಷಗಳ ನಂತರ ತಮ್ಮನ್ನು ಶಾರೀರಿಕವಾಗಿ ಕುಮಾರಿಯರನ್ನಾಗಿ ಮಾಡಬೇಕೆಂಬ ಇಚ್ಛೆ ವ್ಯಕ್ತಪಡಿಸಿ ಬರುತ್ತಾರೆ.
”ವಿದೇಶಗಳಲ್ಲಿ ಸೆಕ್ಸ್ ಕುರಿತು ಬಹಳಷ್ಟು ಸಮೀಕ್ಷೆ ನಡೆಯುತ್ತಿರುತ್ತದೆ. ಆದರೆ ನಮ್ಮ ದೇಶದಲ್ಲಿ ಅಂತಹ ಸಮೀಕ್ಷೆ ನಡೆಯುವುದು ಬಹಳ ಕಡಿಮೆ. ಅನೇಕ ಬಾರಿ ಅಂತಹ ಸಮೀಕ್ಷೆಗಳಲ್ಲಿ ಮಹಿಳೆಯರು ತಮ್ಮ ಮನಸ್ಸಿನ ಮಾತನ್ನು ವ್ಯಕ್ತಪಡಿಸುತ್ತಾರೆ. ಸೆಕ್ಸ್ ಬಗ್ಗೆ ಅಲ್ಲಿ ಹೊಸ ಆಲೋಚನೆ ಮೂಡಿದೆ ಎಂದು ಅದರಿಂದ ತಿಳಿದುಬರುತ್ತದೆ. ಡಾ. ಆರತಿ ಹೀಗೆ ಹೇಳುತ್ತಾರೆ, “ಮದುವೆಗೆ ಮೊದಲು ಬಂದಿದ್ದ ಒಬ್ಬ ಹುಡುಗಿಯ ಸಮಸ್ಯೆಯನ್ನು ಬಗೆಹರಿಸಿದ ನಂತರ ಕೆಲವು ದಿನಗಳ ಬಳಿಕ ಅವಳು ಮತ್ತೆ ಬಂದಳು. ಕೇಳಿದಾಗ ಮೇಡಂ, ಮತ್ತೆ ತಪ್ಪಾಗಿ ಹೋಯಿತು ಎಂದಳು.”
ಸೆಕ್ಸ್ ಕಾಯಿಲೆಗಳ ವೈದ್ಯೆ ಪ್ರಭಾ ಹೀಗೆ ಹೇಳುತ್ತಾರೆ, ನನ್ನ ಬಳಿ ಬರುವ ಕೆಲವು ಮಹಿಳೆಯರು ಎಮರ್ಜೆನ್ಸಿ ಪಿಲ್ಸ್ ಎಷ್ಟು ಬಾರಿ ಸೇವಿಸಬಹುದು ಎಂದು ಕೇಳುತ್ತಾರೆ. ಕೆಲವು ಮಹಿಳೆಯರು ವೈದ್ಯರ ಸಲಹೆ ಪಡೆಯದೇ ಇಂತಹ ಮಾತ್ರೆಗಳನ್ನು ಸೇವಿಸುತ್ತಾರೆ. ಕೆಲವು ಮಹಿಳೆಯರು ಗರ್ಭ ಧರಿಸಿದ ನಂತರ ತಾವೇ ಮೆಡಿಕಲ್ ಸ್ಟೋರ್‌ನಿಂದ ಗರ್ಭಪಾತದ ಔಷಧ ತಂದು ಸೇವಿಸುತ್ತಾರೆ. ವೈದ್ಯರ ಸಲಹೆ ಪಡೆಯದೆ ಇಂತಹ ಔಷಧ ಸೇವಿಸುವವರು ಪತಿಪತ್ನಿಯರಲ್ಲವೆಂದು ಮೆಡಿಕಲ್ ಸ್ಟೋರ್ಸ್ ನವರು ಹೇಳುತ್ತಾರೆ.
ಬದಲಾದ ಆಲೋಚನೆ
ಈಗ ಸೆಕ್ಸ್ ಎಂಜಾಯ್‌ ಮಾಡುವ ವಿಧಾನವಾಗಿದೆ. ಮದುವೆಯಾದ ದಂಪತಿಗಳೂ ಸಹ ಬೇರೆ ಬೇರೆ ರೀತಿಯ ಸೆಕ್ಸ್ ಕ್ರಿಯೆಗಳನ್ನು ಮಾಡಲು ಇಚ್ಛಿಸುತ್ತಾರೆ. ಇಂಟರ್‌ನೆಟ್‌ನ ಮೂಲಕ ಸೆಕ್ಸ್ ಫ್ಯಾಂಟಸಿಗಳು ಈಗ ಸದ್ದಿಲ್ಲದೆ ಬೆಡ್‌ರೂಮಿನವರೆಗೆ ತಲುಪಿವೆ. ಅಲ್ಲಿ ಬೇರೆ ಪುರುಷರ ಜೊತೆಗಷ್ಟೇ ಅಲ್ಲ, ಪತಿಪತ್ನಿಯರು ಪರಸ್ಪರ ಎಲ್ಲ ರೀತಿಯ ಸೆಕ್ಸ್ ಫ್ಯಾಂಟಸಿಗಳನ್ನು ನಡೆಸಲು ಪ್ರಯತ್ನಿಸುತ್ತಾರೆ. ಇಂಟರ್‌ನೆಟ್‌ ಮೂಲಕ ಸೆಕ್ಸ್ ಬಯಕೆಗಳು ಸದ್ದಿಲ್ಲದೆ ಪೂರೈಕೆಯಾಗುತ್ತವೆ. ಸೋಶಿಯಲ್ ಮೀಡಿಯಾ ಗ್ರೂಪ್‌, ಫೇಸ್‌ಬುಕ್‌ ಮತ್ತು ವಾಟ್ಸ್ಆ್ಯಪ್‌ ಇದರಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿವೆ. ಫೇಸ್‌ಬುಕ್‌ನಲ್ಲಿ ಮಹಿಳೆಯರು ಮತ್ತು ಪುರುಷರು ತಮ್ಮ ನಿಕ್‌ನೇಮಿನಿಂದ ಫೇಸ್‌ಬುಕ್‌ ಅಕೌಂಟ್‌ ತೆರೆಯುತ್ತಾರೆ ಮತ್ತು ಇಷ್ಟ ಬಂದಂತೆ ಚ್ಯಾಟ್‌ ಮಾಡುತ್ತಾರೆ. ಇದರಲ್ಲಿ ಹಲವು ಬಾರಿ ಮಹಿಳೆಯರು ಪುರುಷರ ಹೆಸರನ್ನು ಇಟ್ಟುಕೊಳ್ಳುತ್ತಾರೆ. ತಮ್ಮ ಗುರುತು ಸಿಗಬಾರದೆಂಬುದೇ ಇದಕ್ಕೆ ಕಾರಣ. ಅವರು ಚ್ಯಾಟಿಂಗ್‌ ಮಾಡುವಾಗಲೂ ತಮ್ಮ ನಿಜರೂಪ ಬಯಲಾಗಬಾರದೆಂದು ಎಚ್ಚರಿಕೆ ವಹಿಸುತ್ತಾರೆ. ಅದು ಚ್ಯಾಟಿಂಗ್‌ ಮಟ್ಟಿಗೆ ಸೀಮಿತವಾಗಿರುತ್ತದೆ. ಬೋರ್‌ ಆದರೆ ಫ್ರೆಂಡನ್ನು ಅನ್‌ಫ್ರೆಂಡ್‌ ಮಾಡಿ ಹೊಸ ಫ್ರೆಂಡ್‌ನ್ನು ಸೇರಿಸಿಕೊಳ್ಳುವ ಆಯ್ಕೆಯಂತೂ ಯಾವಾಗಲೂ ಇದ್ದೇ ಇರುತ್ತದೆ.
ಈ ರೀತಿಯ ಸೆಕ್ಸ್ ಚ್ಯಾಟಿಂಗ್‌ ಯಾವುದೇ ಒತ್ತಡವಿಲ್ಲದೆ ನಡೆಯುತ್ತದೆ. ಸೆಕ್ಸ್ ಚ್ಯಾಟಿಂಗ್‌ನಲ್ಲಿ ಒಬ್ಬ ಮಹಿಳೆ ತಾನು ಹಗಲಿನಲ್ಲಿ ಫ್ರೀ ಆಗಿರುತ್ತಿದ್ದೆ. ಮೊದಲು ಬೋರ್‌ ಆಗುತ್ತಿತ್ತು. ಫೇಸ್‌ಬುಕ್‌ ಮೂಲಕ ಸೆಕ್ಸ್ ಮಾತುಕಥೆ ಶುರು ಮಾಡಿದಾಗಿನಿಂದ ಒಳ್ಳೆಯ ಅನುಭವವಾಗಿದೆ. ಈ ಮಾತುಕಥೆಯ ನಂತರ ತಮ್ಮನ್ನು ಸೆಕ್ಸಿಗೆ ಬಹಳ ಸಹಜವಾಗಿ ಹೊಂದಿಸಿಕೊಳ್ಳುತ್ತಾರೆ. ಪತ್ರಿಕೆಗಳಲ್ಲಿ ಬರುವ ಸೆಕ್ಸ್ ಸಮಸ್ಯೆಗಳಲ್ಲಿ ಇಂತಹ ಬಹಳಷ್ಟು ಪ್ರಶ್ನೆಗಳು ಬರುತ್ತವೆ. ಇವನ್ನು ನೋಡಿದಾಗ ಸೆಕ್ಸ್ ಫ್ಯಾಂಟಸಿ ಈಗ ಫ್ಯಾಂಟಸಿ ಆಗಿ ಉಳಿದಿಲ್ಲ. ಜನ ಅದನ್ನು ಜೀವನದ ಒಂದು ಅಂಗವಾಗಿ ಮಾಡಿಕೊಂಡಿದ್ದಾರೆ.
ಮನೋವೈದ್ಯ ಡಾ ಶಂಕರ್‌ ಹೀಗೆ ಹೇಳುತ್ತಾರೆ, ಮೊದಲು ಇಂತಹ ಮಾತುಕಥೆಯನ್ನು ಮಾನಸಿಕ ರೋಗ ಎನ್ನುತ್ತಿದ್ದರು. ಸಮಾಜ ಇದನ್ನು ಸರಿಯೆಂದು ಒಪ್ಪಿಕೊಳ್ಳುತ್ತಿರಲಿಲ್ಲ. ಈಗ ಇಂತಹ ಘಟನೆಗಳನ್ನು ಬದಲಾದ ಆಲೋಚನೆಯ ರೂಪದಲ್ಲಿ ನೋಡಲಾಗುತ್ತಿದೆ. ನಮ್ಮ ಬಳಿ ಸೆಕ್ಸ್ ಸಮಸ್ಯೆಗಳ ಬಗ್ಗೆ ಚರ್ಚಿಸಲು ಬಂದ ವ್ಯಕ್ತಿಯೊಬ್ಬ ಪತ್ನಿಯೊಂದಿಗೆ ಸಮಾಗಮ ನಡೆಸಲು ಅಸಮರ್ಥನಾಗಿದ್ದ. ಹಲವಾರು ವೈದ್ಯರ ಬಳಿ ಚಿಕಿತ್ಸೆ ಮಾಡಿಸಿದರೂ ಪ್ರಯೋಜನವಾಗಲಿಲ್ಲ. ಹೀಗಿರುವಾಗ ಅವನ ಪತ್ನಿ ಮನೆಗೆಲಸದವನ ಜೊತೆ ಸಂಬಂಧ ಬೆಳೆಸಿದಳು. ಒಂದು ದಿನ ಪತ್ನಿ ನೌಕರನೊಂದಿಗೆ ಸಮಾಗಮ ನಡೆಸುತ್ತಿದ್ದುದನ್ನು ಅವನು ನೋಡಿದ. ಆದರೆ ಅವನಿಗೆ ಕೋಪ ಬರುವ ಬದಲು ಬದಲಾವಣೆಯ ಅನುಭವವಾಯಿತು. ಅಂದು ತನ್ನ ಪತ್ನಿಯೊಂದಿಗೆ ಅವನೂ ಸಮಾಗಮ ನಡೆಸುವಲ್ಲಿ ಯಶಸ್ವಿಯಾದ. ಅವನಿಗೆ ತಾನು ಸಹಜವಾಗಿದ್ದೇನೆಂಬ ಅನುಭವವಾಯಿತು. `ಕಾಡಿನ ಬೆಂಕಿ’ ಚಿತ್ರ ನೆನಪಿಸಿಕೊಳ್ಳಿ. ಅದರಲ್ಲಿ ನಾಯಕ ತನ್ನ ಸಮಸ್ಯೆಗೆ ಹೀಗೆ ಪರಿಹಾರ ಕಂಡುಕೊಳ್ಳುತ್ತಾನೆ.
ವಿವಿಧ ಜನರು
ಫೇಸ್‌ಬುಕ್‌ ನೋಡುವ, ಇಷ್ಟಪಡುವ ಮತ್ತು ಚ್ಯಾಟಿಂಗ್‌ ಮಾಡುವ ಜನರಲ್ಲಿ ಎಲ್ಲ ವರ್ಗದವರೂ ಇರುತ್ತಾರೆ. ಹೆಚ್ಚಿನವರು ತಪ್ಪು ಮಾಹಿತಿ ನೀಡುತ್ತಾರೆ. ವೈಯಕ್ತಿಕ ಮಾಹಿತಿ ಕೊಡುವುದನ್ನು ಇಷ್ಟಪಡುವುದಿಲ್ಲ.
ಮೈಸೂರಿನ ಅನಿತಾಳಿಗೆ 20 ವರ್ಷ ವಯಸ್ಸು. ಅವಳಿನ್ನೂ ಓದುತ್ತಿದ್ದಾಳೆ. ಅವಳು ಹುಡುಗರು ಹಾಗೂ ಹುಡುಗಿಯರು ಇಬ್ಬರೊಂದಿಗೂ ಗೆಳೆತನ ಇಟ್ಟುಕೊಂಡಿದ್ದಳು. 32 ವರ್ಷದ ಗೀತಾ ದೆಹಲಿಯಲ್ಲಿ ಕೆಲಸದಲ್ಲಿದ್ದಾಳೆ. ಅವಳಿಗೆ ಒಬ್ಬ ಹುಡುಗನೊಂದಿಗೆ ಸಂಬಂಧವಿದೆ. ಅವಳು ಬರೀ ಹುಡುಗಿಯರೊಂದಿಗೆ ಸೆಕ್ಸಿ ಚ್ಯಾಟಿಂಗ್‌ ಮಾಡಲು ಬಯಸುತ್ತಾಳೆ. ಅವಳ ಆತ್ಮೀಯ ಗೆಳತಿ ರೀಟಾ ರಮೇಶ್‌. ಅವಳು ಕೇರಳದವಳು. ಅವಳು ಗಂಡನೊಂದಿಗೆ ದುಬೈನಲ್ಲಿದ್ದಾಳೆ. ಅವಳು ಗಂಡನೊಂದಿಗಿನ ಶಾರೀರಿಕ ಸಂಬಂಧಗಳ ಬಗ್ಗೆ ಮುಕ್ತವಾಗಿ ಗೀತಾಳೊಂದಿಗೆ ಮಾತಾಡುತ್ತಾಳೆ.
ಇಂತಹ ಅದೆಷ್ಟೋ ಹೆಸರುಗಳ ಉದ್ದ ಲಿಸ್ಟ್ ಇದೆ. ಅದರಲ್ಲಿ ಕೆಲವು ಹುಡುಗಿಯರು ತಮ್ಮನ್ನು ಮುಕ್ತವಾಗಿ `ಲೆಸ್ಬಿಯನ್‌’ ಎಂದೂ ಕರೆದುಕೊಳ್ಳುತ್ತಾರೆ. ಹುಡುಗಿಯರೊಂದಿಗೆ ಸ್ನೇಹ ಮತ್ತು ಸೆಕ್ಸಿ ಮಾತುಗಳ ಚ್ಯಾಟಿಂಗ್‌ ನಡೆಸುತ್ತಾರೆ. ಕೆಲವು ಗೃಹಿಣಿಯರೂ ಇದರಲ್ಲಿ ಶಾಮೀಲಾಗಿದ್ದಾರೆ. ಅವರು ತಮ್ಮ ಬಿಡುವಿನ ಸಮಯದಲ್ಲಿ ಚ್ಯಾಟಿಂಗ್‌ ಮಾಡಿ ಮನಸ್ಸನ್ನು ಹಗುರ ಮಾಡಿಕೊಳ್ಳುತ್ತಾರೆ. ಕೆಲವು ಹುಡುಗ, ಹುಡುಗಿಯರು, ಪುರುಷರು ಹಾಗೂ ಮಹಿಳೆಯರು ತಮ್ಮತಮ್ಮಲ್ಲಿ ಸೆಕ್ಸ್ ವಿಷಯಗಳ ಬಗ್ಗೆ ಚ್ಯಾಟಿಂಗ್‌ ಮಾಡುತ್ತಾರೆ.
ಅನೇಕ ಹುಡುಗ ಹುಡುಗಿಯರು ತಮಗೆ ಇಷ್ಟವಾದ ಫೋಟೋಗಳನ್ನು ಪರಸ್ಪರ ಕಳಿಸುತ್ತಾರೆ. ಫೇಸ್‌ಬುಕ್‌ ಸಮಾನ ಅಭಿರುಚಿ ಇರುವವರನ್ನು ಪರಸ್ಪರ ಗೆಳೆಯರನ್ನಾಗಿ ಮಾಡುವ ಕೆಲಸ ಮಾಡುತ್ತದೆ. ಒಬ್ಬ ಗೆಳೆಯ ಇನ್ನೊಬ್ಬ ಗೆಳೆಯನಿಗೆ ತನ್ನ ಫ್ರೆಂಡ್‌ಶಿಪ್‌ ರಿಕ್ವೆಸ್ಟ್ ಕಳಿಸುತ್ತಾನೆ. ನಂತರ ಇನ್ನೊಂದು ಕಡೆಯಿಂದ ಫ್ರೆಂಡ್‌ಶಿಪ್‌ ಕನ್‌ಫರ್ಮ್ ಆದಕೂಡಲೇ ಚ್ಯಾಟಿಂಗ್‌ ಶುರುವಾಗುತ್ತದೆ. ಎಲ್ಲರೂ ತಮ್ಮ ತಮ್ಮ ಇಷ್ಟದಂತೆ ಚ್ಯಾಟಿಂಗ್‌ ಮಾಡುತ್ತಾರೆ.
ಕೆಲವು ಹುಡುಗಿಯರಂತೂ ಇಂತಹ ಚ್ಯಾಟಿಂಗ್‌ ಮಾಡಲು ಹಣ ವಸೂಲು ಮಾಡುತ್ತಿದ್ದಾರೆ. ಬೆಂಗಳೂರಿನ ರಾಜೇಶ್‌ ಹೀಗೆ ಹೇಳುತ್ತಾರೆ, “ನನ್ನೊಂದಿಗೆ ಚ್ಯಾಟಿಂಗ್‌ ಮಾಡುವಾಗ ಒಬ್ಬ ಹುಡುಗಿ ತನ್ನ ಫೋನ್‌ ನಂಬರ್‌ ಕೊಟ್ಟು ಅದಕ್ಕೆ 500 ರೂ. ರೀಚಾರ್ಜ್‌ ಮಾಡಿಸು ಎಂದು ಹೇಳಿದಳು. ನಾನು ಮಾಡಿಸಲಿಲ್ಲ. ಅವಳು ಸೆಕ್ಸಿ ಚ್ಯಾಟಿಂಗ್‌ ಮಾಡುವುದನ್ನು ನಿಲ್ಲಿಸಿಬಿಟ್ಟಳು.”
ಮುಂಬೈನಲ್ಲಿರುವ ರಾಮನಾಥ್‌ ಹೀಗೆ ಹೇಳುತ್ತಾರೆ, “ನನ್ನ ಫ್ರೆಂಡ್ಸ್ ಲಿಸ್ಟ್ ನಲ್ಲಿ 45 ಹುಡುಗಿಯರ ಒಂದು ಗ್ರೂಪ್‌ ಇದೆ. ಅವರು ನನಗೆ ತಮ್ಮ ಸೆಕ್ಸಿ ಫೋಟೋಗಳನ್ನು ಕಳಿಸುತ್ತಾರೆ. ನನ್ನ ಫೋಟೋ ನೋಡಲೂ ಅವರು ಇಷ್ಟಪಡುತ್ತಾರೆ. ಒಮ್ಮೊಮ್ಮೆ ನಾನು ಅವರ ನೆಟ್‌ ಪ್ಯಾಕ್‌ ರೀಚಾರ್ಜ್‌ ಮಾಡಿಸುತ್ತೇನೆ. ಅವರೊಂದಿಗೆ ಮಾತಾಡಿ ನನಗೆ ಬಹಳ ನೆಮ್ಮದಿ ಸಿಗುತ್ತದೆ. ಅದಕ್ಕೆ ನಾನು ಸ್ವಲ್ಪ ಹಣ ಖರ್ಚು ಮಾಡಲು ಸಿದ್ಧನಾಗಿರುತ್ತೇನೆ.”
ಫೇಸ್‌ಬುಕ್‌ ಅಲ್ಲದೆ ಈಗ ವಾಟ್ಸ್ಆ್ಯಪ್‌ನಲ್ಲೂ ಇಂತಹ ಚ್ಯಾಟಿಂಗ್‌ಗಳು ಹೆಚ್ಚಾಗಿವೆ.
