ಸಾಮಾನ್ಯವಾಗಿ ಕೂದಲಿನ ಕುರಿತಾಗಿ ವಿಧ ವಿಧವಾದ ಮಿಥ್ಯೆಗಳು ಹರಡಿರುತ್ತವೆ. ಶ್ಯಾಂಪೂ ಬದಲಾಯಿಸುವುದರಿಂದ ಕೂದಲಿನ ಆರೋಗ್ಯ ಹೆಚ್ಚುತ್ತದೆ, ಬಿಳಿ ಕೂದಲನ್ನು ಕೀಳುವುದರಿಂದ ಅದರ ಅಕ್ಕಪಕ್ಕದ ಕೂದಲೂ ಬೆಳ್ಳಗಾಗುತ್ತದೆ.. ಇತ್ಯಾದಿ. ಆದರೆ ವಾಸ್ತವವೇ ಬೇರೆ ಇರುತ್ತದೆ. ಕೂದಲಿನ ಕುರಿತಾಗಿ ಇನ್ನಿತರ ಮಿಥ್ಯೆಗಳು ಏನೆಂದು ತಿಳಿಯೋಣ :

ಮಿಥ್ಯೆ : ಕೂದಲನ್ನು ನಿಯಮಿತಾಗಿ ಕಟ್‌ ಮಾಡಿಸುವುದರಿಂದ ಬೇಗ ಬೆಳೆಯುತ್ತದೆ.

ಸತ್ಯ : ತಜ್ಞರ ಪ್ರಕಾರ, ಪ್ರತಿ ತಿಂಗಳೂ ನಮ್ಮ ಕೂದಲು ಅರ್ಧ ಇಂಚು ಬೆಳೆಯುತ್ತದೆ. ನೀವು ಕೂದಲನ್ನು ಕತ್ತರಿಸಿ, ಬಿಡಿ…. ವ್ಯತ್ಯಾಸವೇನಿಲ್ಲ. ಬೇಸಿಗೆಯಲ್ಲಿ ಸಾಮಾನ್ಯವಾಗಿ ಕೂದಲು ಹೆಚ್ಚಾಗಿ ಬೆಳೆಯುತ್ತದೆ. ಕೂದಲನ್ನು ಕತ್ತರಿಸುವುದಕ್ಕೂ ಇದಕ್ಕೂ ಸಂಬಂಧವೇನಿಲ್ಲ. 2-3 ತಿಂಗಳಿಗೊಮ್ಮೆ ಕೂದಲು ಕತ್ತರಿಸಿದರೆ ಸಾಕು, ಆಗ ಸೀಳು ತುದಿ ಕೂದಲಿನ ಸಮಸ್ಯೆ ಇರುವುದಿಲ್ಲ.

ಮಿಥ್ಯೆ : ಒತ್ತಾದ, ದಟ್ಟ, ಹೊಳೆಯುವ ಕಪ್ಪು ಕೂದಲಿಗಾಗಿ ಉತ್ತಮ ವಿಧಾನದಲ್ಲಿ ಶ್ಯಾಂಪೂ ಮಾಡಬೇಕು.

ಸತ್ಯ : ಸರಿಯಾದ ವಿಧಾನದಲ್ಲಿ ತಲೆಗೆ ಶ್ಯಾಂಪೂ ಹಚ್ಚುವುದು ಅತ್ಯಗತ್ಯ. ಆದರೆ ಢಾಳಾಗಿ ಶ್ಯಾಂಪೂ ಸುರಿದು ತಿಕ್ಕುವುದರಿಂದ ಕೂದಲಿನ ಕೋಮಲತೆ ಕಠೋರವಾಗುತ್ತದೆ, ಕ್ರಮೇಣ ಶುಷ್ಕವಾಗುತ್ತದೆ.

ಮಿಥ್ಯೆ : ಶ್ಯಾಂಪೂ ಬದಲಾಯಿಸುವುದರಿಂದ ಕೂದಲಿನ ಆರೋಗ್ಯ ಹೆಚ್ಚುತ್ತದೆ.

ಸತ್ಯ : ಅಗತ್ಯ ಎನಿಸಿದರೆ ನೀವು ಬಗೆ ಬಗೆಯ ಶ್ಯಾಂಪೂ ಬದಲಿಸಿ ಟ್ರೈ ಮಾಡಬಹುದು, ಉದಾ : ಡ್ಯಾಂಡ್ರಫ್‌ ತಡೆಗಟ್ಟಲು, ಕೂದಲು ಒತ್ತಾಗಿ ಬೆಳೆಯಲು….. ಆದರೆ ಇಲನ್ನೆಲ್ಲ ಹಿಂದಿನ ಶ್ಯಾಂಪೂ ಸಹ ಮಾಡುತ್ತಿತ್ತು. ನಿಯಮಿತವಾಗಿ ಅದನ್ನು ಬಳಸಬೇಕಷ್ಟೆ.

ಮಿಥ್ಯೆ : ಒಂದು ಬಿಳಿಯ ಕೂದಲನ್ನು ಕೀಳುವುದರಿಂದ ಅದರ ಸುತ್ತಮುತ್ತಲಿನ ಕೂದಲೂ ಬೆಳ್ಳಗಾಗುತ್ತದೆ.

ಸತ್ಯ : ಇದು ಆಧಾರವಿಲ್ಲದ ಮಾತು. ಬಿಳಿ ಕೂದಲನ್ನು ಕೀಳುವಿಕೆ ದುರಭ್ಯಾಸವೇ ಸರಿ. ಕೂದಲನ್ನು ಕೀಳುವುದರಿಂದ ಅದರ ಬುಡಕ್ಕೆ ಹಾನಿ ತಪ್ಪದು, ಅಲರ್ಜಿ ಸಹ ಆಗುತ್ತದೆ. ಇದರಿಂದ ಕೂದಲು ದುರ್ಬಲವಾಗುತ್ತದೆ. ಮತ್ತೆ ಆ ಭಾಗದಿಂದ ಕೂದಲು ಹುಟ್ಟುವುದಿಲ್ಲ. ಆದ್ದರಿಂದ ಕೂದಲಿನ ಆರೋಗ್ಯಕ್ಕಾಗಿ ಅದರೊಂದಿಗೆ ಸೌಮ್ಯವಾಗಿ ವರ್ತಿಸಿ.

ಮಿಥ್ಯೆ : ದಿನಕ್ಕೆ ನೂರಾರು ಸಲ ಕೂದಲು ಬಾಚುತ್ತಿರಬೇಕು.

ಸತ್ಯ : ನೀವು ದಿನಕ್ಕೆ ಎಷ್ಟು ಸಲ ಕೂದಲು ಬಾಚಿದರೂ ಹೆಚ್ಚಿನ ಲಾಭವೇನೂ ಇಲ್ಲ. ಇದರಿಂದ ಅದಕ್ಕೆ ಲಾಭ ಆಗುವುದಕ್ಕಿಂತ ಹಾನಿಯೇ ಹೆಚ್ಚು. ಬಾಚುವಿಕೆಯಿಂದ ಕೂದಲನ್ನು ಹಾರಾಡಲು ಬಿಡದೆ ಒಪ್ಪ ಓರಣವಾಗಿ ಕೂರಿಸಬಹುದಷ್ಟೆ. ಬ್ರಶ್ಶಿಂಗ್ ಮಾಡಿದಷ್ಟೂ ಕೂದಲನ್ನು ಹೊರಗೆ ಎಳೆದಂತೆ ಆಗುತ್ತದೆ. ಹೀಗಾಗಿ ಒರಟೊರಟಾಗಿ ಕೂದಲನ್ನು ಬಾಚಿದಷ್ಟೂ ಅದು ದುರ್ಬಲವಾಗುತ್ತಾ ಹೋಗುತ್ತದೆ. ನಿಮ್ಮ ಕೂದಲಲ್ಲಿ ಹೆಚ್ಚು ಸಿಕ್ಕಿದ್ದರೆ, ದೊಡ್ಡ ಹಲ್ಲಿನ ಬಾಚಣಿಗೆ ಬಳಸಲು ಮರೆಯದಿರಿ.

ಮಿಥ್ಯೆ : ಕೂದಲು ಆಯ್ಲಿ ಆಗಿದ್ದರೆ, ಕೂದಲಿಗೆ ಆದಷ್ಟೂ ಎಣ್ಣೆ ಹಚ್ಚಲೇಬಾರದು.

ಸತ್ಯ : ಇದಂತೂ ಖಂಡಿತಾ ತಪ್ಪು. ಕೂದಲಿಗೆ ನಿಯಮಿತವಾಗಿ ಎಣ್ಣೆ ಹಚ್ಚುವುದರಿಂದ ಶುಷ್ಕ ಕೂದಲಿಗೆ ಪೋಷಣೆ ದೂರಕುತ್ತದೆ. ಈ ಎಣ್ಣೆ ಅಂಶ ಕೂದಲಿನ ಬುಡಭಾಗದ ಸ್ಕಾಲ್ಪ್ ನ ಮೇಲ್ಪದರದಲ್ಲಿ ಸುಲಭನಾಗಿ ವಿಲೀನಗೊಳ್ಳುತ್ತದೆ. ಆಗ ಅದು ಬುಡಭಾಗದಿಂದ ತುದಿಯವರೆಗೂ ಕೂದಲಿಗೆ ಪೋಷಣೆ ಒದಗಿಸುತ್ತದೆ. ಕೂದಲಿಗೆ ಎಣ್ಣೆ ಹಚ್ಚುವಾಗ ಚೆನ್ನಾಗಿ ಮಸಾಜ್‌ಮಾಡಿ. ಇದರಿಂದ ಕೂದಲಿನ ವಾಲ್ಯೂಂ ಹೆಚ್ಚುತ್ತದೆ, ಕೋಮಲತೆ ಕೂಡ.

ಸಲಹೆ

ನಿಮ್ಮ ಕೂದಲು ಉದುರುತ್ತಿದ್ದರೆ, ಇದಕ್ಕೆ ಕಾರಣ ನಿಮ್ಮ ಹೇರ್‌ಸ್ಟೈಲ್‌ ಕೂಡ ಆಗಿರಬಹುದು. ಉದಾ : ಬಿಗಿಯಾಗಿ ಹೆಣೆದ ಜಡೆ, ಪೋನಿಟೇಲ್‌ ಕಾರಣ ಬಹಳ ಹೊತ್ತಿನರೆಗೂ ಕೂದಲಿಗೆ ಲಾಸ್‌ ಆಗಬಹುದು. ಆದ್ದರಿಂದ ಕೂದಲು ತುಂಡರಿಸಿ, ಉದುರುವುದನ್ನು, ದುರ್ಬಲ ಆಗುವುದನ್ನು ತಪ್ಪಿಸಲು ಅತಿ ಬಿಗಿಯಾದ ಬ್ಯಾಂಡ್‌,  ಕ್ಲಿಪ್‌ ಹಾಕಲೇ ಬೇಡಿ.

ಕಂಡೀಶನಿಂಗ್‌ ಹಾಗೂ ಪೋಷಣೆ

ಉದ್ದ ಕೂದಲಿನ ಬುನಾದಿ  ಅದರ ಭದ್ರ ಸ್ಕಾಲ್ಪ್ ಆಗಿದೆ. ಆದ್ದರಿಂದ ಸ್ಕಾಲ್ಪನ್ನು ಸದಾ ಸ್ವಸ್ಥವಾಗಿಟ್ಟುಕೊಳ್ಳಲು ಅದರ ಶುಚಿತ್ವದತ್ತ ಗಮನಕೊಡಿ. ಇದಕ್ಕಾಗಿ ಆಳವಾದ ಕಂಡೀಶನಿಂಗ್‌ ಮಾಡುವುದರಿಂದ ಕೂದಲು ಬೇಗ ಬೇಗ ಬೆಳೆಯಲು ಮಹತ್ವಪೂರ್ಣ ನೆರವು ನೀಡುತ್ತದೆ. ಕೊಳಕಾದ, ಜಿಡ್ಡುಜಿಡ್ಡಾದ ಸ್ಕಾಲ್ಪ್ ತಲೆಹೊಟ್ಟು, ಅಲರ್ಜಿ, ತುರಿಕೆಗೆ ದಾರಿ ನೀಡುತ್ತದೆ. ಬಾಲ್ಡ್ ನೆಸ್‌ ತಡೆಯಲು, ಉದ್ದ ದಟ್ಟ ಕೂದಲಿಗಾಗಿ, ಅದನ್ನು ಶ್ಯಾಂಪೂಗೊಳಿಸಿದ ನಂತರ ಚೆನ್ನಾಗಿ ಒಣಗಿಸಿದ ಮೇಲೆ ಕೊಬ್ಬರಿ ಎಣ್ಣೆ, ಹಿಪ್ಪೆ ಎಣ್ಣೆ, ಅರಂಡೀ ಅಥವಾ ಆರ್ಗನ್‌ ಎಣ್ಣೆ ಹಚ್ಚಿ ಮಾಯಿಶ್ಚರೈಸ್‌ಗೊಳಿಸಿ. ಕೂದಲು ಹೆಚ್ಚು ಶುಷ್ಕ ಅಥವಾ ಸೀಳುತುದಿ ಹೊಂದದಿರಲು ಈ ಎಣ್ಣೆಗಳನ್ನು ಮಿಶ್ರ ಮಾಡಿ ನೆತ್ತಿಗೆ ಒತ್ತಿ, ಕೂದಲಿನ ತುದಿಯವರೆಗೂ ಮಸಾಜ್‌

ಮಾಡಿ.

– ಸಿ. ಶಾರದಾ 

ಈ ಸಲಹೆ ಅನುಸರಿಸಿ

ಪ್ರತಿದಿನ ತಲೆಗೆ ಶ್ಯಾಂಪೂ ಹಚ್ಚಿ ಸ್ನಾನ ಮಾಡಬೇಡಿ. 2-3 ದಿನಗಳಿಗೊಮ್ಮೆ ಮಾತ್ರ ಬಳಸಿರಿ. ನಿರಂತರ ಬಳಸುವುದರಿಂದ ಕೂದಲಿನ ನೈಸರ್ಗಿಕ ತೈಲಾಂಶ ಸಹಜವಾಗಿ ಹೋಗಿಬಿಡುತ್ತದೆ. ಇದರಿಂದ ಕೂದಲಿನ ಹೊಳಪು ಹಾಳಾಗುತ್ತದೆ.

ನೀವು ಅಧಿಕ ಪ್ರಮಾಣದಲ್ಲಿ ಕೆಮಿಕಲ್ ಯುಕ್ತ ಶ್ಯಾಂಪೂ, ಕಂಡೀಶನರ್‌ ಬಳಸುವುದಾದರೆ ತಕ್ಷಣ ಅದನ್ನು ನಿಲ್ಲಿಸಿ. ಮಾರುಕಟ್ಟೆಕಯೆಲ್ಲಿ ಲಭ್ಯವಿರುವ ಎಲ್ಲಾ ಬಗೆಯ ಕಾಸ್ಮೆಟಿಕ್ಸ್ ನಲ್ಲೂ ಅಗ್ಗದ ಅಪಾಯಕಾರಿ ಕೆಮಿಕಲ್ ಸೋಡಿಯಂ ಲೋರಿಯಲ್ ಸಲ್ಫೇಟ್‌ನ ಬಳಕೆ ಆಗುತ್ತದೆ.

ನಿಮ್ಮ ಬಾಚಣಿಗೆ ಯಾ ಬ್ರಶ್‌ ಸದಾ ಶುಭ್ರವಾಗಿ ಇರಬೇಕಾದುದು ಅತಿ ಮುಖ್ಯ. ಕೊಳಕು ಬ್ರಶ್‌ನಲ್ಲಿ ಕೀಟಾಣುಗಳು ಬೇಗ ಬೆಳೆಯುತ್ತವೆ. ತಲೆ ಬಾಚಿದ ಯಾ ಬ್ರಶ್‌ ಮಾಡಿದ ತಕ್ಷಣ, ಅದರಲ್ಲಿ ಸಿಕ್ಕಿಕೊಂಡ ಕೂದಲನ್ನು ತೆಗೆದುಬಿಡಿ. ತಿಂಗಳಿಗೊಮ್ಮೆ ಅವನ್ನು ನೀಟಾಗಿ ಕ್ಲೀನ್‌ ಮಾಡಬೇಕು.

Tags:
COMMENT