ಇಂಥ ಸೆಲೆಬ್‌ ಲುಕ್ಸ್ ನಿಂದ ನೀವು ನಿಮ್ಮ ಮದುವೆಯಲ್ಲಿ ಅತಿ ಬ್ಯೂಟಿಫುಲ್ ಬ್ರೈಡಲ್ ಮಾತ್ರವಲ್ಲ, ಇಡೀ ಮದುವೆ ಮನೆಯ ಆಕರ್ಷಣೆಯ ಕೇಂದ್ರಬಿಂದು ಆಗಬಲ್ಲಿರಿ……!
ರೇಷ್ಮೆ ಸೀರೆ ಹಾಗೂ ಲೆಹಂಗಾ ಚೋಲಿ, ಭಾರತೀಯ ಸಂಸ್ಕೃತಿಯಲ್ಲಿ ಬೆರೆತುಹೋದ ಒಂದು ವಿಶಿಷ್ಟ ಉಡುಗೆ. ಇದನ್ನು ವಿಶೇಷ ಸಮಾರಂಭಗಳಲ್ಲಿ ಬಳಸಿಕೊಂಡಾಗ, ಒಂದೇ ಸಲಕ್ಕೆ ಸೆನ್ಸೇಶನ್‌ಟ್ರೆಡಿಶನಲ್ ಎರಡೂ ಬಗೆಯ ಫೀಲ್ ಹುಟ್ಚುತ್ತದೆ. ಭಾರತೀಯ ವಧುವಿಗಂತೂ, ತನ್ನ ಅತಿ ವಿಶಿಷ್ಟ ದಿನವಾದ ಧಾರೆಯ ಮುಹೂರ್ತಕ್ಕೆ, ಆರತಕ್ಷತೆಗಳಿಗೆ ಇಂಥ ಉಡುಗೆ ಮೊದಲ ಆಯ್ಕೆ ಆಗಿರುತ್ತದೆ. ಹೀಗಾಗಿ ನೀವು ಮದುವೆಯಂಥ ಶುಭ ಸಮಾರಂಭಕ್ಕೆ ಇಂಥ ಉಡುಗೆ ಆರಿಸುವಾಗ ಅತಿ ಎಚ್ಚರಿಕೆ ವಹಿಸಿ. ಈ ಕೆಳಗಿನ 5 ಸೆಲೆಬ್ಸ್ ಲುಕ್ಸ್ ನಿಂದ ನಿಮಗೆ ಹೆಚ್ಚಿನ ಪ್ರೇರಣೆ ಸಿಗಲಿದೆ!
ಆಲಿಯಾ ಭಟ್‌
ಆಲಿಯಾ ಭಟ್‌ ಮತ್ತು ರಣಬೀರ್‌ ಕಪೂರ್‌ ತಮ್ಮ ಮದುವೆಯಲ್ಲಿ ಬಲು ಲೈಟ್‌ ಕಲರ್ಸ್‌ ಆರಿಸಿದ್ದರು. ಸಾಮಾನ್ಯವಾಗಿ ಉ.ಭಾರತೀಯ ವಧು ಹೆಚ್ಚು ಗಾಢ ಬಣ್ಣಗಳಾದ ಕೆಂಪು, ಮೆರೂನ್‌ ಇತ್ಯಾದಿಗಳನ್ನೇ ಆರಿಸುತ್ತಾಳೆ. ಆದರೆ ಆಲಿಯಾ ಆಫ್‌ ವೈಟ್ ಸೀರೆಯಲ್ಲಿ ಬಲು ಮುದ್ದಾದ ಮದುಮಗಳಾಗಿ ಕಂಗೊಳಿಸಿದಳು. ಆ ಮದುವೆಯ ಥೀಂ ಲೈಟ್‌ಗೋಲ್ಡ್ ಆಗಿತ್ತು. ಈ ಕಾರಣದಿಂದಲೇ ವಧೂವರರು ಈ ಬಣ್ಣದ ಔಟ್‌ ಫಿಟ್ಸ್ ನಲ್ಲಿ ಕಾಣಿಸಿದ್ದರು.
ಆಲಿಯಾ ತನ್ನ ಬ್ರೈಡಲ್ ಲುಕ್ಸ್ ಗಾಗಿ ಜುಮಕಿ, ಚೋಕರ್‌, ಕಡಗ, ಬೈತಲೆಬೊಟ್ಟು, ಬಳೆ ಇತ್ಯಾದಿಗಳಿಂದ ಅಲಂಕೃತಳಾಗಿದ್ದಳು. ಬಹಳ ದಿನಗಳ ನಂತರ ಮದುವೆಯಲ್ಲೂ ವಧು ಹೀಗೆ ಕೂದಲು ಹರಡಿಕೊಂಡಿರುವುದನ್ನು ಇಲ್ಲಿ ಗಮನಿಸಬಹುದಿತ್ತು. ಆಲಿಯಾ ಬೇರೆ ಹೇರ್‌ ಡೂಗೆ ಗಮನ ಕೊಡದೆ, ಹೀಗೆ ಸಿಂಪಲ್ ಆಗಿಯೇ ಇರಿಸಿಕೊಂಡಿದ್ದಳು. ಹೀಗಾಗಿ ಇವಳ ಬೈತಲೆಬೊಟ್ಟು ಇಲ್ಲಿ ಹೆಚ್ಚು ಶೈನ್‌ ಆಯಿತು.
ಈ ದಿನಕ್ಕಾಗಿ ಇವಳು ಸಟ್‌ ಮೇಕಪ್‌ ಆರಿಸಿದ್ದಳು. ಅದು ಇವಳ ಪೇಸ್ಟಲ್ ಅಟೈರ್‌ ಜೊತೆ ಪರ್ಫೆಕ್ಟ್ ಎನಿಸಿತ್ತು. ಮೇಕಪ್‌ ಬೇಸ್ ಡ್ಯೂಯಿ ಆಗಿತ್ತು, ಕೆನ್ನೆಗೆ ಲೈಟ್‌ ಪಿಂಕಿಶ್‌ ಲುಕ್‌ ಒದಗಿಸಲಾಗಿತ್ತು.
ಕತ್ರೀನಾ ಕೈಫ್‌
ಕತ್ರೀನಾ ಮತ್ತು ವಿಕ್ಕಿ ಕೌಶ್‌ ರ ಮದುವೆ ರಾಜಸ್ಥಾನದಲ್ಲಿ ಆಯಿತು. ಇವರ ಮದುವೆಯಲ್ಲಿ ಪಂಜಾಬಿ ಲುಕ್ಸ್ ಪ್ರಧಾನವಾಗಿತ್ತು. ಈ ಜೋಡಿ ಮುಹೂರ್ತದಂದು ಎಲ್ಲರ ಗಮನ ಸೆಳೆಯಿತು. ಇಲ್ಲಿ ವಧು ಲುಕ್ಸ್ ಬಲು ಡಿಫರೆಂಟ್‌ ಆಗಿತ್ತು. ಹೀಗಾಗಿ ದೇಶದ ಬಹುತೇಕ ಹುಡುಗಿಯರು ತಮ್ಮ ಮದುವೆಗಾಗಿ ಇಂಥದ್ದೇ ಲುಕ್ಸ್ ಬಯಸಿದರು. ಇವಳು ಗಾಢ ಕೆಂಪಿನ ಲೆಹಂಗಾ ಧರಿಸಿ, ರಜವಾಡೆ ವಧುವಾಗಿ ಶೋಭಿಸಿದರೆ, ಅವಳ ಲೆಹಂಗಾ ಪ್ರತ್ಯೇಕ ಆಕರ್ಷಣೆಯಾಗಿತ್ತು.
ಇದರಲ್ಲಿ ಚಿನ್ನದ ಎಳೆಗಳ ಗ್ರಾಂಡ್‌ ಕಸೂತಿ ಇತ್ತು. ಇವಳ ಬ್ಲೌಸ್‌, ದುಪಟ್ಟಾ ಸಹ ಇವಳಿಗೆ ರಾಯಲ್ ಲುಕ್ಸ್ ಕೊಟ್ಟಿದ್ದ. ಈ ಭಾರಿ ಲೆಹಂಗಾದಲ್ಲಿ ಗೋಲ್ಡನ್‌ ಥ್ರೆಡ್‌ ವರ್ಕ್‌ ಎದ್ದು ಕಾಣುತ್ತಿತ್ತು. ಕೈಗಳಲ್ಲಿ ನೇಯ್ದ ಮಟ್ಕಾ ಸಿಲ್ಕ್ ಬ್ರೈಡಲ್ ಲೆಹಂಗಾ, ನುಣುಪಾದ ಟೀಟಾ ವರ್ಕ್‌, ಮಖಮಲ್ ಕಸೂತಿಯಿಂದ ರಿವೈಲ್ ಜರ್ದೋಜಿ ಬಾರ್ಡರ್‌ ಒದಗಿಸಲಾಗಿತ್ತು. ಇದರೊಟ್ಟಿಗೆ ಇವಳ ಬ್ರೈಡಲ್ ಜ್ಯೂವೆಲರಿ ಅಪರೂಪದ ಚೂಡಾಮಣಿ, ಕಲೀರಾಗಳಿಂದ ಸ್ಪೆಷಲ್ ಎನಿಸಿತ್ತು.
ಕತ್ರೀನಾ ತನ್ನ ಭಾರಿ ದುಪಟ್ಟಾವನ್ನು ತಲೆ ಮೇಲೆ ಹೊದ್ದಿದ್ದಳು. ಅದರಲ್ಲಿ ತಲೆ ಭಾಗದ ಸೆರಗಿಗೆ ಎಲೆಕ್ಟ್ರೋ ಪ್ಲೇಟೆಡ್‌ ಚಿನ್ನದಿಂದ, ಪೀಟಾ ಬೆಳ್ಳಿಯಿಂದ ಕಸ್ಟಮೈಸ್ಡ್ ಮಾಡಲಾಗಿತ್ತು. ಇತ್ತೀಚೆಗೆ ಡಬಲ್‌ ದುಪಟ್ಟಾ ಟ್ರೆಂಡ್‌ ಹೆಚ್ಚುತ್ತಿದೆ. ಹಾಗಾಗಿ ಕತ್ರೀನಾ ಸಹ ಲೆಹಂಗಾ ಜೊತೆ 2 ದುಪಟ್ಟಾ ಹೊದ್ದಿದ್ದಳು. ಎರಡೂ ಬಹುತೇಕ ಒಂದೇ ಎಂಬಂತಿತ್ತು. ಈಕೆ ಸವ್ಯಸಾಚಿ ಜ್ಯೂವೆಲರಿ ಕಲೆಕ್ಷನ್ ಆರಿಸಿದ್ದಳು. ಇದರಲ್ಲಿ ಅನ್‌ ಕಟ್‌ ಡೈಮಂಡ್‌ ನ ಹೆವಿ ಚೋಕರ್‌ ಪ್ರಧಾನವಾಗಿತ್ತು. ದೊಡ್ಡ ಮೂಗುತಿ, ಹೆವಿ ಬೈತಲೆ ಬೊಟ್ಟು ಪೂರಕಾಗಿದ್ದವು.
ದೀಪಿಕಾ ಪಡುಕೋಣೆ
2018ರಲ್ಲಿ ದೀಪಿಕಾ ರಣವೀರ್‌ ಸಿಂಗ್‌ ರ ಮದುವೆ ನಡೆಯಿತು. ಆ ದಿನ ಅವಳು ವಿಭಿನ್ನ ಬ್ರೈಡಲ್ ಲುಕ್ಸ್ ನಿಂದ ಕಂಗೊಳಿಸಿದಳು. ಈ ಮದುವೆಯಲ್ಲಿ ದೀಪಿಕಾ ಸಾಂಪ್ರದಾಯಿಕ ಸೀರೆಗೆ ಹೆಚ್ಚಿನ ಮಹತ್ವ ಕೊಟ್ಟಿದ್ದಳು. ಮಂಗಳೂರಿನ ಕೊಂಕಣಿ ವಧುವಾದ ಈಕೆ, ಅಂಥ ಲುಕ್ಸ್ ಗಾಗಿ ಬರ್ನಟ್‌ ಆರೆಂಜ್‌ ಕಾಂಜೀವರಂ ಸೀರೆ ಉಟ್ಟಿದ್ದಳು. ಇದು ಪ್ಯೂರ್‌ ಜರಿಯ ಎಳೆಗಳು, ಬ್ರೊಕೇಡ್‌ ಸಿಲ್ಕ್ ಕಾಂಜೀವರಂ, ಅದರಲ್ಲಿ ಗಂಡಭೇರುಂಡ ಮೋಟಿಫ್ಸ್ ಇಡೀ ಸೀರೆಯಲ್ಲಿ ಎದ್ದು ಕಾಣುವಂತೆ ಉಟ್ಟಿದ್ದಳು. ಇದಕ್ಕೆ ಪೂರಕವಾಗಿ ಕರ್ನಾಟಕದ ಸಾಂಪ್ರದಾಯಿಕ ಟೆಂಪಲ್ ಜ್ಯೂವೆಲರಿ ಧರಿಸಿದ್ದಳು.
ಇದರ ಹೊರತಾಗಿ ಒಡವೆಗಳಲ್ಲಿ ಈಕೆ ಗುಟ್ಟಾಪುಸಾಲು ನೆಕ್ಲೇಸ್‌, ಜುಮಕಿ, ಕಡಗ, ಚೋಕರ್‌, ಬೈತಲೆಬೊಟ್ಟು ಇತ್ಯಾದಿ ಧರಿಸಿದ್ದಳು. ಇವಳು ಹಿಂದಿ ಸಿನಿಮಾಗಳಲ್ಲಿ ಕಾಣುತ್ತಿದ್ದ ಬ್ರೈಡಲ್ ಲುಕ್ಸ್ ಗಿಂತ ಇದು ಬಹಳ ವಿಭಿನ್ನವಾಗಿತ್ತು. ಇವಳದು 2 ಬಗೆ ಸಂಪ್ರದಾಯಗಳ ಮದುವೆ ಆಗಿತ್ತು. ಮುಹೂರ್ತದ ವೇಳೆ ಇವಳು ಕಡು ಕೆಂಪು ಲೆಹಂಗಾ ಧರಿಸಿದ್ದಳು. ವರನ ಸಂಪ್ರದಾಯಕ್ಕೆ ಒಪ್ಪುವ ಅವಳ ಈ ಗೆಟಪ್‌, ಬಲು ಪಾಪ್ಯುಲರ್‌ ಆಯಿತು.
ಇವಳ ತವರಾದ ಬೆಂಗಳೂರಿನಲ್ಲಿ, ಮದುವೆಗೆ ಮೊದಲು ಅರಿಶಿನದ ವಿಶೇಷ ಶುಭ ಸಮಾರಂಭವಿತ್ತು. ಇದಕ್ಕಾಗಿ ಈಕೆ ಮಾವಿನ ಬಣ್ಣದ ಸೂಟ್‌ ಧರಿಸಿದ್ದಳು. ಇವಳ ತಾಯಿ, ತಂಗಿಯರೂ ರೇಷ್ಮೆ ಸೀರೆಯಿಂದ ಸಂಭ್ರಮಿಸುತ್ತಿದ್ದರು.
ಮೌನೀ ರಾಯ್‌
ನಟಿ ಮೌನೀ ರಾಯ್‌ ತನ್ನ ಬಾಯ್‌ ಫ್ರೆಂಡ್‌ ಸೂರಜ್‌ ನಂಬಿಯಾರ್‌ ಜೊತೆ ಗೋವಾದಲ್ಲಿ ಮದುವೆಯಾದಳು. ದುಬೈನಲ್ಲಿ ಬಿರ್ ನೆಸ್‌ ಹೊಂದಿರುವ ಈತ ಬಹಳ ದಿನಗಳಿಂದ ಇವಳೊಂದಿಗೆ ಡೇಟಿಂಗ್‌ ನಡೆಸುತ್ತಿದ್ದ. ಇವರದೂ 2 ಬಗೆಯ ಸಂಪ್ರದಾಯಗಳ ಮದುವೆ. ಮೊದಲ ಭಾಗ ದಕ್ಷಿಣದ ಮಲೆಯಾಳಿ ಶೈಲಿಯಲ್ಲಾದರೆ, ಎರಡನೇ ಭಾಗ ಬಂಗಾಳಿ ಶೈಲಿಯಲ್ಲಾಯಿತು.
ಮೌನೀ ದಟ್ಟ ಗೆಂಪಿನ ಲೆಹಂಗಾ ಧರಿಸಿ ಬಲು ಕ್ಯೂಟ್‌ ಆಗಿ ಕಾಣಿಸಿದಳು. ಇವಳ ಬ್ರೈಡಲ್ ಲುಕ್ಸ್ ಬಲು ಗ್ಲಾಮರಸ್‌ ಆಗಿತ್ತು. ಲೆಹಂಗಾ ಜೊತೆ ಚುನರಿ ಸಹ ಅಷ್ಟೇ ಸೊಗಸಾಗಿತ್ತು.
ಈಕೆ ತನ್ನ ಮದುವೆಯ ಮೆಹೆಂದಿ ಸಮಾರಂಭದಲ್ಲಿ, ಹಳದಿ ಬಣ್ಣದ ಲೆಹಂಗಾ ಧರಿಸಿದ್ದಳು. ಅದರ ಮೇಲೆ ಜರಿಯ ಗೋಲ್ಡನ್‌ ವರ್ಕ್‌ ಇತ್ತು. ಇದರ ಜೊತೆ ಈಕ ಕುಂದಣದ ಬೈತಲೆಬೊಟ್ಟು, ಇಯರ್‌ ರಿಂಗ್ಸ್ ಧರಿಸಿದ್ದಳು. ಈಕೆ ತನ್ನ ಅರಿಶನದ ಸಮಾರಂಭದಲ್ಲೂ ಲೈಟ್‌ಗೋಲ್ಡನ್‌ ಕಲರ್‌ ನ ಲೆಹಂಗಾದಲ್ಲಿ ಅದ್ವಿತೀಯವಾಗಿ ಕಂಗೊಳಿಸಿದಳು. ಜೊತೆಗೆ ಅಡಿಯಿಂದ ಮುಡಿಯವರೆಗೆ ಹೂಮಾಲೆಗಳಿಂದ ಅಲಂಕೃತಗಳಾಗಿದ್ದಳು.
ಮೌನೀ ತನ್ನ ಮದುವೆಯ ಎರಡನೇ ಭಾಗವಾದ ಬಂಗಾಳಿ ಶೈಲಿಯಲ್ಲಿ, ದಟ್ಟ ಕೆಂಪು ಲೆಹಂಗಾ ಧರಿಸಿದ್ದಳು. ಇವಳ ವೆಡ್ಡಿಂಗ್ ಬ್ರೈಡ್‌ ಲುಕ್ಸ್ ಎರಡೂ ಬಹಳ ಚೆನ್ನಾಗಿತ್ತು. ಇವಳ ಬ್ರೈಡಲ್ ದುಪಟ್ಟಾದ ಅಂಚಿನಲ್ಲಿ `ಆಯುಷ್ಮತೀ ಭವ’ ಎಂದು ಎಂಬ್ರಾಯಿಡರಿ ಇತ್ತು! ಇವಳ ಈ ಲೆಹಂಗಾ 25 ಲಕ್ಷ + ಆಗಿತ್ತು.
ಇವಳು ಟ್ರೆಡಿಶನಲ್ ಜ್ಯೂವೆಲರಿ ಧರಿಸಿದ್ದಳು. ಈಕೆ ಗ್ರೀನ್‌ಗೋಲ್ಡನ್‌ ಶೇಡ್‌ ನಲ್ಲಿ ಅನ್‌ ಕಟ್‌ ಡೈಮಂಡ್‌ಎಮೆರಾಲ್ಡ್ ಜ್ಯೂವೆಲರಿಯನ್ನು ಬ್ರೈಡಲ್ ಲುಕ್ಸ್ ಗಾಗಿ ಆರಿಸಿದ್ದಳು. ಮೂಗಿಗೆ ಲೈಟ್‌ ಮೂಗುತಿ, ಹಣೆಗೆ ಅತ್ಯುತ್ತಮ ಬೈತಲೆಯಲ್ಲಿ ಧರಿಸಿದ್ದಳು. ಇವಳ ಪತಿ ಸೂರಜ್‌ ಲೈಟ್‌ ಗೋಲ್ಡನ್‌ ಬಣ್ಣದ ಶೇರ್ವಾನಿ ಧರಿಸಿದ್ದ. ಮೊದಲರ್ಧ ಭಾಗದ ಮಲೆಯಾಳಿ ಸ್ಟೈಲ್ ವೆಡ್ಡಿಂಗ್ ಗೆ ಈಕ ಅಚ್ಚ ಬಿಳುಪಿನ ಒಡಲಿನ ರೇಷ್ಮೆ ಸೀರೆಗೆ, ಕೆಂಪು ಬಣ್ಣದ ಬಾರ್ಡರ್‌ ಇರುವಂತೆ ಆರಿಸಿದ್ದಳು. ಮಲ್ಲಿಗೆ ಮುಡಿದ ಉದ್ದನೆ ಜಡೆ ಹೆವಿ ಜ್ಯೂವೆಲರಿ ಧರಿಸಿದ್ದಳು.
ಪಾಯಲ್ ರೋಹತ್‌ ಗೇ
12 ವರ್ಷಗಳ ತನ್ನ ಪ್ರೇಮಕ್ಕೆ ಈಕೆ ಮದುವೆ ತಿರುವು ಕೊಟ್ಟಿದ್ದಳು. ಅದಕ್ಕಾಗಿ ಉ.ಪ್ರ.ದ ಆಗ್ರಾ ಸಿಟಿ ಆರಿಸಿದ್ದಳು. ಜೆ.ಪಿ. ಪ್ಯಾಲೆಸ್ ನಲ್ಲಿ ವೈಭವವಾಗಿ ಇವಳ ಮದುವೆ ನೆರವೇರಿತು. ಪಾಯಲ್ ಸಂಗ್ರಾಮ್ ಈ ಮೂಲಕ ಹೊಸ ವೈವಾಹಿಕ ಬದುಕಿಗೆ ಕಾಲಿಟ್ಟರು. ದಟ್ಟ ಕೆಂಪಿನ ಲೆಹಂಗಾದಲ್ಲಿ ಈಗೆ ಬಲು ಸುಂದರವಾಗಿದ್ದಳು.
ಮೂಗಿನ ಡೈಮಂಡ್‌ ಮೂಗುತಿ, ಬೈತಲೆಬೊಟ್ಟು, ಬಂಗಾರದ ಬಳೆಗಳು, ರತ್ನಗಳ ಬಿಂದಿ, ಇವಳಿಗೆ ಅಪೂರ್ವ ಕಳೆ ನೀಡಿದ್ದವು. ಈಕೆ ಕೆಂಪು ಲೆಹಂಗಾ ಧರಿಸಿದ್ದರೆ, ಆತ ಅಚ್ಚ ಬಿಳುಪಿನ ಶೇರ್ವಾನಿ ಧರಿಸಿದ್ದ. ತಾಯಿ ಆಗಲಾರದ ದೌರ್ಭಾಗ್ಯವಂತೆ ಈಕೆ ಎಷ್ಟು ಬೇಡವೆಂದರೂ, ಪ್ರೇಮಿಸಿದ ಹೆಣ್ಣನ್ನೇ ಮದುವೆಯಾಗುವೆ ಎಂದು ಸಂಗ್ರಾಮ್ ಇವಳ ಕೈ ಹಿಡಿದಿದ್ದ!
ಇವಳು ಲ್ಯೂಮಿನಸ್‌ ಲೈಟ್‌ ಮೇಕಪ್‌ ಗೆ ಶರಣಾಗಿದ್ದಳು. ಇದು ಎಲ್ಲಾ ಔಟ್‌ ಫಿಟ್ಸ್ ಗೂ ಹೊಂದುತ್ತದೆ. ಜೊತೆಗೆ ಕ್ಲಾಸಿಕ್‌ ರೆಡ್ ಲಿಪ್ಸ್ ರೊಮ್ಯಾಂಟಿಕ್‌ ವಾಟರ್‌ ಫಾಲ್ ಬ್ರೆಡ್ಸ್ ಹೇರ್‌ ಸ್ಟೈಲ್ ಅನುಸರಿಸಿದ್ದಳು.
ವಧೂವರರ ಉಡುಗೆಯ ಮ್ಯಾಚಿಂಗ್‌
ಕಲರ್‌ ಸೆಲೆಕ್ಷನ್‌ ಇಂದಿನ ಆಧುನಿಕ ಆಯ್ಕೆಯಾಗಿದೆ. ಈಕೆ ತನ್ನ ಅಜ್ಜಿ ನೀಡಿದ ಟ್ರೆಡಿಶನಲ್ ಒಡವೆ ಧರಿಸಿದ್ದಳು. ಈಕೆ ತಮ್ಮಿಬ್ಬರ ಡ್ರೆಸ್‌ ಮೇಕ್‌ ಓವರ್‌ ತಾನೇ ನಿರ್ಧರಿಸಿದ್ದಳು. ಪಾಯಲ್ ಳ ವೆಡ್ಡಿಂಗ್ ಲುಕ್ಸ್ ಹೆಚ್ಚು ಚರ್ಚೆಗೆ ಗ್ರಾಸವಾಯಿತು. ಅರಿಶಿನದ ಸಮಾರಂಭಕ್ಕೆ ಈಕೆ ಹಳದಿ ಬಣ್ಣ ಲೆಹಂಗಾ ಆರಿಸಿದ್ದು ಶೋಭಾಯಮಾನವಾಗಿತ್ತು.
– ಪ್ರತಿನಿಧಿ
